تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: <blockquote data-quote="مجروحة المشاعر" data-source="post: 1470144" data-attributes="member: 2432">البارت العشرون والاخير ((..الا يا نعمة النسيان ..علميني حياتي كيف ابنساها ...))تعرفون بصراحة ما ودي اكتب هالبارت ..لانه بينهي كل شي ..وانا ما ودي هالشي يصير ...انا كـ كاتبه تعلقت بابطال روايتي لانها تعكس شخصيتي ..تعكس افكاري و منظوري ..صحيح انها من نسج الخيال ..بس الي يقراها يعيش معاها جو ثاني يصير كانه جزء من الرواية نفسها ..يعيش احداثها ..يتاثر بشخصياتها ..يفرح لموقف حلو ..ويحزن لموقف حزين مرت سنوات و سنوات ..و حال الكل تغير بطلة من ابطالنا بديت بها الرواية و راح تكون النهاية عندها ..دشت المكتب مالها ...و قعدت تقرا المعاملات و توقعها و تخلص امور الشغل ..صحيح ما كانت عندها خبرة ف مجال التجارة و الشغلات هاي بس الحياة تعلم ..والي عنده ارادة راح يحصل الي يبى ..صارت هي المديرة على الشركة مال ابوها ..اخوها ما كان عنده اي اعتراض ف شغلها ..صحيح ف البداية صارت شويه اختلافات في وجهات النظر بس بعدين تفاهموا ..كبرت الشركة وصار لها كم فرع ف اماكن مختلفه ..كانت هي و اخوها ماسكين الشغل و مهتمين ف كل شي ..ابوهم صار ريال كبير ف العمر...هي كانت ضعيفه بس مو عشان شي ..نفس السبب الي كان مخلنها ضعيفه نفس السبب الي خلاها تصير قوية ...امها ..قبل ما كانت ترد ع ابوها عشان امها ...و الحين خذت الشركة وصارت هي الكل ف الكل بس عشان امها ...سفروها الخارج للعلاج ..بس ما كان شي فايدة ..بس حالها صار احسن من اول ..الحين صارت تتكلم شوي ..صحيح خبر موت علي صدمها بس عيالها ما قصروا وياها ف شي خاصه مهرة ..الي تركت حياتها الخاصة ..وخلت امها هي اولويتها ...عبدالله تقدم لها بس هي رفضت ..عبدالله ريال والنعم فيه بس ..انا اعرف سبب زواجه مني ..شفقه علي ..وانا ما احتمل اني اكون شفقه ع حد...للحين هي ما تعرف عن معتز و حبه لها ..صار عمرها 29 وهي للحين ما تزوجت ..وسلطان اخوها تزوج ورجعوا بيت ابوهم ..هالبيت لهم فيه ذكريات وااايد ما يقدرون يستغنون عنه وما قدروا يقعدون ف بيت علي لانه يذكرهم فيه وااايد ...رجع البيت و كانت قاعدة مع عمها مخليه له الغداء ..سلطان :السلام عليكم .../بو علي : و عليكم السلام ...: تبى احط لك غداء سلطان : ياليت والله يوعان حدي ...: ان شاء الله سلطان : عهود وينه علي؟عهود: فوق راقد سلطان :بدخل اشوفه شوي ..لحد ما تحطين الغداء عهود: اوكى بس عن تصحيه ..من شوي راقدسلطان : تمام اكيد تبون تعرفون شلون سلطان تزوج عهود ...طبعا الوسيط بينهم كانت مهرة ..هي الي اقنعت سلطان انه يتزوجها..لانها قالت له انه عهود كيف كانت تهتم فيه لما كان بالمستشفى ..فهو عرف انه ما بيلقى احسن منها ..وحدة تداريه و تخاف عليه ..تزوجوا من سنتين و الحين صار معاهم ولد صغير سموه علي ..كلها دقايق و لما نزل سلطان شاف ابوه طايح ع الارض سلطان : عهود ...عهود ..وينج ..عهود الي كانت بالمطبخ خافت شو صاير ..طلعت تركض : شفيك ؟؟بسم الله شو صاير؟سلطان : ابوي مادري شفيه ..نزلت من فوق وشفته طايح ..تعالي شيليه معاي السيارة بوديه المستشفى عهود و سلطان ركبوه ف السيارة ..و راح سلطان وداه المستشفى بالمستشفى دشت عليه دكتورة ما شاء الله عليها مرة حلوة و شكلها صغيرة ..هو ما عرفها بس هي عرفته الدكتورة :شو فيه الوالد ؟سلطان : مادري والله بس لقيناه طايح علينا الدكتورة : اوكى انت اطلع شوي خلنا نسوي له فحوصات ..ان شاء الله ما فيه الا العافيه سلطان كان يقول ف خاطره انه شايفنها هالبنت مكان بس مب عارف وين ..تشبه حد يعرفه ..بس باله مشغول ف ابوه الحين قاعد يحاتيه ..طلع برع و قعد ينتظر ف الاستراحة الدكتورة : ابوي قوم شوي عورك ؟بو علي فتح عيونه عرفها ..دمعت عيونه لا اراديا ..الدكتورة مسحت دموعه :لا مش انت الي تنزل دموعك ..دموعك غاليه تكلم بصوته الي العمر ماثر فيه ..: هنادي سامحيني يا بنتي ..سامحينيهنادي قعدت تبوس راس ابوها ودموعها غصب عنها تنزل : مسموح يا بوي مسموح سلطان الي قاعد برع مش عارف انها هاي اخته هنادي ..كبرت وصارت دكتورة مثل ما كانت تتمنى ..و حققت كلام اخوها ..رجعت لاهلها بعد ما صارت شي كبير ف المجتمع  ..هاي هي صارت دكتورة ومن احسن الدكاترة ..كتبت العلاج لابوها ورخصته ..بو علي : هنادي وينه بو شهاب ؟هنادي : بو شهاب عطاك عمره ابوي ..ادعي له بالرحمة بو علي: وانتي ليش ما رجعتي البيت ؟هنادي :ابوي بو شهاب طلقني ف نفس اليوم الي زوجتني منه ..وانا الحين متزوجه واحد ثاني ومرتاحه الحمد لله بو علي :انا اسف يا بنتي ..ادري اني ظلمتكم معاي وايد هنادي :كل شي الله كاتبنه ابوي والحمدلله ع كل حال دخلت عليهم الممرضة لانه سلطان شافهم تاخروا وايد وهو قاعد يحاتي ابوه الممرضة : دكتورة الريال برع يسال عن ابوه هنادي :خليه يدخل الممرضة : ان شاء الله دخل سلطان و هو بعده ناكر انها اخته ..مب عارفنها ..:هااا دكتورة بشري عسى الوالد احسن ؟هنادي : الحمدلله هو احسن كان عنده هبوط ف الضغط محتاج مراقبه و غذاء متوازن ..انا كتبت له ادوية مر الصيدلة وخذهمسلطان : ان شاء الله دكتورة ..مشكورة هنادي : العفو سلطان سلطان استغرب كيف عرفت اسمه وهو ما قالها : كيف تعرفين اسمي؟هنادي : انتي اخوي كيف ما تبى اعرف اسمك سلطان : هنادي؟هنادي : ايه هنادي اختك سلطان قام من مكانه و لفها ف حضنه مب مصدق انها اخته و يشوفها الحين عقب كم سنة ..:تعالي معنا البيت هنادي : ان شاء الله بيي بس بالليل سلطان : خلاص ننتظرج ..ما تتاخرين هنادي : ان شاء الله ما راح اتاخر سلطان طلع من عندها و هو مستانس حده انه شاف اخته ..وايد اشياء رجعت ف باله ..رجعت ف باله ذكريات اخوه الله يرحمه ..هو فقد اخته بالاول ..و بعدين اخوه مات ..اخته لقاها بس اخوه مستحيل يرجع ..الله يرحمك و يغمد روحك الجنة ((...ماني من الي ينكر العشرة ..ولاني بشين الخلايق فعولي..انا الطيب ..وانا الي بتذكرني بعد بكرة ..بتذكر فعلي و قولي ...بتقول كان صاحبي و كان هو الغالي...))نوال بعد الي سمعته عن حمود ما عرفت شو تسوي ..هل تساعده والا انها تنسى موضوعه ..هي ما تعرف خواته ولا شي ولا تعرف شي عنه ..كيف بتساعده صحيح عندها معلومات عنه بس فها عنوان بيتهم شو تسوي ...رجعت البيت و بالها مشغول حتى راشد لاحظ هالشي راشد : نوال شوف فيج؟نوال : هااا ما فيني شي راشد: امبلا فيج شي كله سرحانه نوال قالت بتشوف راي راشد بس ع اساس انه الموضوع حق وحدة من ربيعاتها بالجامعة:بصراحه شاغل بالي سالفه صايره لوحده من ربيعاتيراشد: قولي ولا تستحي نوال:وحدة من ربيعاتي مسواي لها عمل (سحر) ..وحدة من البنات خبرتني قالت هي تعرف منو مسوي لها بس ما تقدر تساعدها ..و عطتني عنوان البنت وعنوان الي مسويه لها العمل  (السحر) انا الحين ماعرف البنت عدل هي زميلة تدرس معاي ..والحين مب عارفه شو اسوي؟؟راشد :سهله روحي لها البيت و كلمي امها والا حد من خواتها بالموضوع ..بتسوين فيها خير و بتساعدينها و بتاخذين اجرها نوال ف بالها لو بنت سهل الموضوع وبقدر احله :بعدني بفكر بالموضوع راشد : كل ما اسرعتي ف قرارج يكون احسن ..لانه البنت محتاجه مساعدتج..وانا بوصلج بيتهم حتى نوال مترددة و خايفه راشد : لا تخافين و توكلي ع الله ..وما خاب من توكل عليه..شو رايج نسير الحين عطيني العنوان...انا معاج نوال خافت انه يشوف اسم حمود ..دخلت ايدها بالشنطة و طلعت الملف ...راشد كان مركز ع الشارع ..طلعت الورقة شقتها من وين اسم حمود ..و عطت راشد نوال : تفضل هذا العنوان راشد خذ الورقة وما سالها ليش شقتها : امممم ها بيتهم يبي له ربع ساعة بالكثير ..نوال انتي متاكدة تبين تسوين هالشي؟نوال قالت تريح ضميرها و تخلص من هالسالفه :ايه متاكدة كلها دقايق ووصلوا بيت حمود ..نوال كانت طول الوقت قاعدة ترتب افكارها و شو بتقولهم ..كانت تتمنى انه وحدة من خواته هي الي تتكلم وياها ..ما كان ودها انها تشوف امه والا تخبرها لانه وايد اسئلة بتصير ..وراح ينكشف المستور وهي ما تبى تدمر عايلتها ولا تبى تاخذ ذنب انها سكتت عن الحق ..اول ما وصلوا البيت شافته بيتهم كبير و حلو ..اكيد الي مسويه له طمعانه فيه ..كانت عيونها ع راشد و هو يبادلها النظرة ..يعني روحي والله وياج لا تخافين من شي ..خذت شنطتها وياها و نزلت من السيارة ..ركبت الدرجة الاولى وكل مالها تتقدم قلبها كان يدق اكثر...لحد ما وصلت الباب ..تنفست شوي و دقت الجرس ..انتظرت شوي والا الباب ينفتح ...طلعت لها الخدامة الخدامة : نعم مدام منو يريد ؟نوال: منو موجود داخل بيت ؟الخدامة : ماماه كبير موجود ..عهود مني ..خلود ..باباه بسنوال سمعت اسم عهود قالت يمكن اخته وكبيرة :نادي عهودالخدامة : تفضل مدام داخل نوال: لا انا بينتظر هنا ..بسرعه دخلت الخدامه ونوال كانت تنتظر ع الباب ..خايفه ان الخدامه تنادي امهم ...شو والا انفتح الباب مرة ثانية ..طلعت بنت شباب ..عمرها ف العشرينات عهود : السلام عليكم نوال: وعليكم السلام عهود: عفوا اختي منو بغيتي؟نوال : انتي عهود؟عهود استغربت كيف عرفت اسمها : هيه نعم انا عهودنوال :انتي ما تعرفيني بس عندج اخو اسمه حمودعهود خافت تعرف اخوها حمود بعد خافت انه شي صاير : ايه اخوي حمود شو صاير ؟نوال : انا بختصر الموضوع و بروح عهود: انزين تفضلي داخل ما يصير ع الباب نوال :لا مستعيله زوجي ينتظرني عهود : حتى ولو تفضلي ما يصير نتكلم برع ..من هنا الميلس تفضلي نوال ترددت بس صج الموضوع ما يصير تتكلم فيه ع الباب ..دخلت وياها الميلس عهود : شو تشربين ؟نوال : لا مشكورة مابي شي عهود : انزين لحظة انادي الوالدة نوال خافت : لا لا ماله داعي الوالدة ..انا اخبرج انتي و انتي خبريها عهود استغربت من تصرف هالبنت :انزين اختي شو صاير شفيه حمود؟؟نوال ف داخلها كتمه ودها تزيح هم من ع قلبها :اسمعيني عهود انا زميلة لحمود بالجامعة و هو صاير له شي و انا اعرف شو عهود :شو صاير شو فيه ؟؟نوال : وحدة من البنات مسويه له عمل (سحر) انا ماعرف من هي ولا اعرف شي عن الموضوع ..امس وحدة ياتني و عطتني اوراق فيها عنوان بيتكم و خبرتني بالسالفه هي قالت انها ما تقدر تي عندكم وتخبركم عهود انصدمت من الكلام الي تسمعه : انتي شو تخربطين شو تقولين ؟؟نوال : اختي انا مالي حايه والله انا قلت بس اساعده..انا حرمة متزوجه و مابى مشاكل عهود : وشو الي ياكد انه هالكلام صحيح؟نوال : انا بروحي ماعرف كيف اكد لج ان كان صحيح او لا ..بس ودوا اخوكم عند مطوع و خلوه يقرا عليه ..وان كان كلام صحيح ترى الحق يبين ..و هذا عنوان البنت الي مسويه له ..عن اذنج لازم اروح الحين عهود خذت الاوراق ووقفت مكانها مش مستوعبه الي يصير ..طلعت نوال من عندها و راحت السيارة راشد : هنا شو صار؟نوال حست انه حمل وانزاح من ع صدرها : انا خبرتهم مع انهم مش مصدقين ..قلت لهم ودوها عند مطوع يقرا عليها راشد : زين ما سويتي ..ف ميزان حسناتج هالشي نوال ف خاطرها ودها تعرف شو بيصير مع حمود بس ما تبى تخاطر اكثر من كذا راحوا البيت وعهود كانت ف حيره ما تعرف شو تسوي ..اتصلت باول شخص خطر ف بالها ..مروان : هلا شفيج؟عهود: انت وين؟مروان :موجود شو عندج؟عهود: مروان ابيك ف موضوع ضروريمروان : شو صاير ؟عهود: سالفه كبيرة ..ما يصير اقولها بالتلفون مروان : خلاص الحين ايي البيت عهود: اوكى من تي تعال بالميلس انا مروان حس ان الموضوع وايد كبير :اوكى عهود خافت ما عارفه شو تسوي و ما قدرت تخبر حد عشان ما يكبر الموضوع ..يمكن الموضوع كله كذب ..بس لو كذب هالحرمة ليش اتعب نفسها و تي معنا ..وصل مروان و لقاها قاعدة بالميلس مروان : هااا شو صاير عهود : مروان يات عندنا حرمة قبل شوي تقول انها زميلة حمود بالجامعة مروان : انزين وبعدين عهود: تقول انه حد مسوي له عمل (سحر) مروان : انتي شو تقولين ؟عهود: ماعرف اذا كان كلامها صج والا كذب ..وعطتني عنوان البنت الي مسويه له مروان :خبرتي حد بالموضوع؟عهود: ما خبرت حد الا انت ما عرفت شو اسويمروان : خلاص خلي الموضوع علي ..خذ الاوراق و طلع من عندها ..وبمرة اتصل ف حمود لقى الخط مشغول رسله مسج ..شوي ورجع يتصل و رد عليه مروان : انت وين ؟حمود : شفيك انت ؟مروان : ابيك ف موضوع وينك في؟حمود : قاعدة بالسيارة افتر شو هناك مروان : تعالي القهوة بسرعه ابيك حمود : شو صاير بروحه راسي يعورني قولمروان : من متى راسك يعورك؟حمود: صار له فترة يعورني ليش؟مروان : ما رحت المستشفى؟حمود: الا صداع ماله داعي مستشفىمروان تاكد انه في شي و السالفه شكلها جد : اترياك ف القهوة انا لا تتاخر علي حمود: اوكاول ما وصل عنده قام مروان وقاله يركب سيارته و خلى سيارة حمود ..حمود استغرب شو السالفه و ليش مروان كذا يتصرف حمود: شو صاير ؟؟وين بنروح؟مروان : انت مريض و بنروح نعالجكحمود: قلت لك ما فيني شي مروان ما اهتم لكلام حمود ...راح ووداه عند مطوع ..حمود ما رضى ينزل من السيارة ..قام مروان وسحبه ..بحكم انه مروان كان اكبر من حمود و جسمه اعرض منه ..قدر يدخله عند المطوع ..مسكوه كم ريال و قعد المطوع يقرا قران ..واول ما بدا يقرا صار جسم حمود ينتفض  كله ..و كانه غاب عن الوعي ...واتضح انه كلام الحرمة صحيح ..مر الوقت و تخلص حمود من الشي الي فيه ..رجع بحمود البيت عشان يرتاح ..وقام وبلغ ع هاجر ليش انه عنوان بيتهم مسجل ف الاوراق الي عطتهم اياها نوال ..بعد كم يوم رجع حمود لطبيعته ..و عهود خبرته السالفه ..و القضيه الي رفعوها ع هاجر ما راح يتنازع عنها ..وراح ياخذ حقه منها ...حاول وايد انه نوال ترجع له ..لانها كبرت ف عينه من بعد ما عرف انها هي الي ساعدته ..هي قالت له انها مرتاحه مع زوجها ..واذا صدق يعزها و يغليها و يبى يرجع لها المعروف ما يتواصل معاها نهائيا و ينساها للابد ...حمود وافق ع الي تباه مع انه ف خاطره وده انها تكون له ..بس ما كانت من نصيبه من البداية ف ما راح تكون له ف النهاية و دام هي سعيدة مع زوجها ..ربي يسعدها الغالية ..طبعا قصتهم صار لها سنين و نوال صار عندها بنت قمر ما شاء الله عليها سمتها وداد ..و حمود صار ذكرى ف بالها مجرد مرحلة من حياتها ..وطبعا راشد ما يعرف شي عنها .((..بعض الامور بالحياة من الافضل ان تبقى بينك و بين ذاتك ..))حميد و نورة عايشين مرتاحين وحميد قدر انه يعبر عن مشاعره مع انه بعض المرات يصير دفش ..بس هي تحبه و تحب دفاشته ...مروان و جاسم تزوجوا ف عرس جماعي ..ام جاسم تفهمت انه جاسم ما يبى مهرة ليش انها اصغر منه و هو يبى وحدة كبيرة شوي عشان تفهمه ..وكذا كان معتز فرحان انه مهرة ما بتكون لحد غيره ..بالليل بتيهم ضيفه اليوم بالبيت ..الكل كان مجتمع مهرة و سلطان و عهود و ابوهم و امهم ..كلها دقايق و دق الجرس راح سلطان و فتح الباب ..اكيد بتكون هي محد غيرها ..هي الي كانوا يتوقعون يايتها ..فتح الباب و كانت هي و واحد معاها ..سلطان استغرب منو الريال ..هو كان متوقع يكون ريال اكبر من هاا بس هذا بعده شباب هنادي : السلام عليكم سلطان : وعليكم السلام ..سوى حركة بعيونه لها كانه يسال منو هاا؟هنادي : هذا زوجي سعود سلطان ف خاطره معصب ليش اخته تتزوج بدون ما تخبرهم حتى بس كتم غضبه و سلم عليه : السلام عليكم ..تفضلوا الكل كانت عيونهم على سعود هو كان مستحي من هالشي ..ما كان وده يدخل بس هنادي اصرت عليه ..تباه يتعرف بعايلتها و تبى اهلها يعرفونه ..سلموا و يلسوا مع بعض ..الكل كان ينتظر يعرف السالفه قامت هنادي و تكلمت هنادي :ادري كلكم تبون تعرفون منو هذا و كيف تزوجته ..من بعد ما ابوي زوجني بو شهاب ..ف نفس اليوم هو طلقني و عشت معاهم ف بيتهم كاني بنتهم ووحدة منهم وفيهم ..وهذا سعود زوجي ..هو ولد بو شهاب ..تزوجنا من بعد ما خلصت دراستي الجامعية ..و المحكمة زوجتنا ليش اني مطلقه و يصير اتزوج بدون ولي الامر ..وانا لو مش واثقه اني راح اكون سعيدة وياه ما كان وافقت اني اتزوجه ..الكل كان ساكت ويسمعها ..محد كان له الحق انه يتكلم او انه يعترض ..هاي حياتها وكل شخص مسؤول عن قراراته ..هي استغربت من شي ..واحد من العايله مب موجود ..علي وينه؟كلهم نزلوا راسهم تكلم سلطان سلطان : نحن اسفين يا هنادي علي صار له 4سنوات من توفى هنادي صدمها الخبر و قعدت تصيح ..مهرة كانت تهديها ..مهرة : انا كنت لازم اخبرج بس ما قدرت لانه ذيك الفترة كانت صعبة علينا كلنا ..شوي و دق الجرس منو بيهم اليوم ..ما كانوا متوقعين حد غير هنادي ..راح سلطان يفتح الباب ..كانت جواهر يايه هي وعيالها ..جواهر استغربت من الموقف الي صاير منوه اي الي ماسكه مهرة ..و منو هالريال الي وياهم سلطان : هلا جواهر ..تفضلي جواهر : منو هايلا؟سلطان :هاي اختج هنادي و زوجها ..جواهر دخلت بسرعة و راحت تحضنها و تبوسها ..اشتاقت لها ما كانت متوقعه انها راح تشوفها ..كانت العايلة كلها موجودة ..الكل كان فرحان ..لو انهم مفتقدين علي ..فرحتهم ب جمعتهم كانت غير ..و الي بيخلي الفرحة فرحتين ان عهود قررت تكلم مهرة عشان زواجها من معتز ..طبعا عهود كانت مترددة ف البداية بس بعدين اقتنعت لي انها قريب بدش الثلاثين منو راح يتزوجها بعدين ..الحياة جمال ..الحياة روح ..الحياة قدرة ..الحياة صبر ..الحياة حب..الحياة مواقف ..كم موقف صار و بقى ف الذاكرة ..كم انسان مر ف حياتنا و صارت له بصمة ..ترك اثر مواقف صعبة تمر ف حياتنا تحتاج صبر ..مواقف حلوة تمر تحتاج حمد ..فالحمدلله على كل شي ..روايتي كانت مجرد محاوله مني فارجو ان تنال على اعجابكم ..والي يقراها ارجو منه يحط رايه ..استقبل النقد ..لانه لا يعتبر نقطة سلبيه و لكن لتحسين الموهبة ..كل الشكر موصول لمتابعيني و لمحبين رواية من تهمه جروحي وانا فيني من الجروح اطعون ...ترقبوا رواية جديدة ((...جارت علي الدنيا ..وانا لا ازال بدمعتي ..لا اقول وداعا ..ولكن الى لقاء جديد...))</blockquote>

الإسم

التحقق