تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: <blockquote data-quote="مجروحة المشاعر" data-source="post: 1469402" data-attributes="member: 2432">البارت التاسع عشر ((...تولعت بك والله كتب لي على فرقاك     حسبي على الحظ الردي كانه اشقاني...))البارت قبل النهاية ...راح الكثير و باقى الختام ..الكل متشوق يعرف الاحداث الي بتصير لكل ابطالنا... اليوم اول يوم امتحانات الوضع متوتر ...ربيعاتها استغربن انها مب موجودة وياهن ..معقوله ما بتقدم الامتحان بسبب موت اخوها؟؟شو صاير لها الله يعينها ...الكل كان يقول شي محد كان يعرف الاسباب ...مرة فترة الامتحانات و انتهت القلق و بدا قلق اكبر منه ...النتايج يبى لهن اسبوعين لحد ما يطلعن ..عرس نورة تحدد راح يكون بعد اسبوع ..استغربت انه حميد ابد ما رسل لها من ذاك اليوم ...وحتى بعد ما خلصت ..قالت يمكن خلاص عرف انه لازم يبتعد و يخليني لاني راح اتزوج ..ااااه يا حلمي الغالي أأأه يا ذكرى ف بالي ...ما راح انساه اعرف لاني كنت احبه و بعدني احبه ...واعرفه يحبني بس شالفايدة الحين ..ابى اسال معضد عن اسمه هالمعرس ..شلون اتزوجه وانا حتى اسمه ماعرفه ...بس مستحيه ياخي ..كيف اساله اووووف من هالحاله ..و هالمعرس الا جي يوافق علي ما قال يبى يشوفني ..انزين يمكن ما اعجبه بعدين يروح يطلقني اهئ اهئ شو هالحاله ... اكيد الكل وده يعرف شو صار قبل الامتحانات مع باقي الشخصيات ...نوال طلعت عذر حق راشد انها اليوم ما بتروح الجامعة بتروح مع مريم بنت خالته السوق شوي لانه مريم تباها تروح معاها ..مع انه ما راضى ف البداية بس بعدين خلاها تروح معاها ..دشت محل عطور و خذت لها كم عطر و كم لوشن ..و خذت شموع و بلونات ..و خذت باقي مستلزمات الحفلة ..و مرت محل ساعات شافت ساعة وااايد حلوة لونها ذهبي و فضي صحيح كانت غاليه ..بس ما تغلى ع راشد ..خذتها و طلعت ..من خلصت راحت الصالون سوت شعرها و هالحركات و حنت ايدها من يوم تزوجت ما تحنت طالع ع ايدها مرة خباااااال ..من خلصت مرت ع المخبز و خذت الكيكة و كذا صار كل شي جاهز باقي الترتيب والتنسيق ..رجعت البيت ع العصر وراشد تغدا ف بيت ابوه من فترة ما راح لهم كله مشغول هو ..و العصر طلع عنهم راح يخلص اشغال ابوه كالعادة ..ف نوال تعرف انه ما راح يرجع الا ع العشاء ..اووووه نست الورد الحين شو الحل ؟؟اتصلت ف مريم و قالت لها تمر ع محل الورد و تاخذ الباقة الي طالبتنها ...راحت مريم ويابت لها الباقة ..كانت الباقة عبارة عن مجموعة كبيرة من الورد الملون ما كان لون واحد ...كان فيها ابيض و احمر و اصفر و وردي.. من وصلت البيت راحت تجهز العشاء سوت خفايف ع السريع و قعدت ترتيب المكان غيرت ديكور الصالة خلتها اوسع و خلت كرسين و الطاوله وزعت الشموع ف المكان كانها ممر و نثرت الورد كل لون مع بعض ..اول لون كان الاصفر ..بعدين الوردي ...بعدها الابيض ..والاحمر كان ف غرفة النوم موزع ع السرير ..بخرت المكان و خلت البالونات ع زاوية ف الصالة و لحد ما خلصت دشت تسبح و تكشخ ..من خلصت كان ماذن المغرب صلت و قعدت تجهز العشاء و خلت الكيكة ف الوسط و كانت مغلفة الهدية ع شكل رووووعه كانت حاطه الساعة ف علبة و حولها ورد طبيعي و من الجانب الثاني كان في عطر و مربوط بشريطه ..كل شي كان ابداااع و مثل ما تبى ..اتصلت عليه راشد : السلام عليكم نوال : عليكم السلام ..وينك؟راشد: الحين بالدرب ..ليش ؟نوال: قاعدة انتظرك ملانه راشد : انزين شو رايج نطلع؟نوال شو نطلع بتخرب المفاجاة  انت قاعدة تقول ف نفسها: لا ما فيني تعبت من كثر ما لفيت بالسوق مع مريم راشد : خلاص عيل مسافة الطريق و اكون عندج نوال : تمام ..انتبه ف الدرب حبيبيراشد : من عيوني يا عيونيسكر عنها و راحت تبدل ملابسها و ولعت الشموع و طفت الاضواء و كان الجو مش ممكن ..اول ما فتح الباب تفاجئ بالظلام و بالشموع ..استغرب شالسالفة ..من دش الصالة شاف كل شي مرتب و ريحة المكان احلى عن كل يوم بس راعية البيت وينها ؟؟تبع الورد والشموع ووصل لحد غرفة النوم اول ما دش شافها كانت طالعه قمر ..هو محظوظ فيها ..كانت رافعه شعرها و منزله خصل منه راشد: شالسالفة ؟؟شو المناسبة؟؟نوال : كل عام وانت بخير ((...لا تلوني اذا ذبت في هواهااا ...او تماديت في محبتها و غلاهااا...))كان قاعد ع البحر يناظره و يشكي همومه ..يعني خلاص حبيبته بتروح حق واحد غيره ..ومب اي احد بتروح حق اخوه ..يعني بيقعد يعاني و هو يشوفها كل يوم ف بيتهم و بدل ما تشيل اسمه تشيل اسم اخوه ..زوجة جاسم ..دمعت عيونه ..صحيح هو ريال و عيب انه يصير ضعيف بس شو ذنبه ان صار يحبها ..ااااه يا جرح قلبي ..انا بكلم جاسم يمكن يتفهم الموضوع ...خاف و تردد انه يتصل عليه ..رسل له مسج ..هلا جاسم انت وين ؟؟ بس جاسم اتصل عليه ..بلع ريقه و رد ع الاتصال جاسم : هلا معتز معتز : السلام عليكم جاسم : وعليكم السلاممعتز متردد ما عارف كيف يقوله الموضوع جاسم : انا ف البيت بغيت شي؟؟معتز : اذا مشغول برايك بخليك جاسم : لا ما مشغول ولا شي ..قول شو تبى؟معتز: انا قاعد ع البحر تعال اقعد معي ابيك ف موضوع جاسم : ما يصير تقوله ع التلفون ؟معتز: لا ما يصير لازم اشوفك جاسم: خلاص شوي واكون عندك معتز : تمام سكر عنه و قعد يرتب الكلام الي بيقوله له ..شو بيقوله ..امي اختارت لك البنت الي احبها ولا توافق ع الزواج ...والا شو اقول يا رب...كلها ربع ساعة بالكثير ووصل جاسم ..وقف سيارته عدال سيارة معتزجاسم : هلا شو فيك معتز : جاسم انا ابى اكلمك ف موضوع ..ماعرف منو اكلم جاسم : قول وانا حاضر بالي اقدر عليه معتز : انا سمعت ...انك بتتزوج صح؟جاسم : ايه صحيح معتز : انت اخترت والا امي اختارت لك ؟جاسم مب فاهم شي : شالسالفة الحين ؟؟معتز : انت جاوبجاسم : قلت حق امي تختار لي ..ليش؟؟معتز : وامي ما لقت تختار لك الا البنت الي انا اباها جاسم الحين وضحت عنده السالفه قعد يضحك ع اخوه :هههههه ..انزين وانت ليش معصب ؟؟معتز : انا ابيها البنت جاسم : منوه اي البنت الي تبيها؟؟معتز : مهرة ربيعة عهود ..احبها و ابيها جاسم حس باخوه لانه يعرف شمعنى الحب :وراح تكون لك ان شاء الله معتز ما كان مركز ع كلام اخوه : انت ما تفهم اني احبها جاسم قعد يضحك زيادة :ههههههههه...انت ما سمعت الي قلتهمعتز : شو قلت انت؟جاسم : اقولك ان شاء الله بتكون لك معتز مب مصدق الي يسمعه :صحيح جاسم ؟جاسم : ايه صحيح ..ولا تحاتي انا بكلم امي معتز : شو بتقول لها؟؟جاسم : بقولها تشوف لي بنت غير ..انت محظوظ فيها دام الوالدة اختارتها معتز نفخ عمره : احم اكيد ..جاسم : بس هالموضوع الي تباني فيه؟؟معتز : لا والله تبى تاخذ حبيبتي و اسكت ؟؟جاسم يضحك ع خبال اخوه : هههههه ..حبيبتك هي تحبك يعني ؟؟معتز نزل راسه و استحى ما عرف شو يقول: امممممم ..هي ما تعرف اصلاجاسم : الله يعينك عيل ..يالله بترخص انا بسير البيت عشان اخبر الوالدة معتز : زين انا حتى بسير البيت ..عشان اشهد ع الموقف جاسم : هههههه يالله نسير ((...كبر الخطا ماكل عذر يغطية مثل التعازي ما ترد المصيبة...))مهرة و المواجهه الكبيرة هي و ابوها ..اكيد الكل وده يعرف شو صار وياهم بعد ما شاف انها مهرة مش جواهر ..نزل راسه و كان بيرجع غرفته بس مهرة تجرأت و تكلمت ..هي ما كانت قادرة تتحرك من مكانها بس ياتها الجراة انها تتكلم معه ..مهرة : بس ارتحت بعد كل الي سويته ؟؟خليتنا نعيش ف عذاب ..خليت امي بين الحياة و الموت ..قتلت اخوي ..قتلته الي طول عمره كان يشتغل عشانك ...*كانت تتكلم ودموعها ع خدها ..حست بقوة تتملكها عشان تقول الي ف خاطرها ..* عمره محد منا قصر وياك ..رحت تزوج اختي الياهل ..زوجتها واحد كبر ابوها ...عشان شو ؟؟تضمن مستقبلها كذا ؟؟انت ابو ..انت ...ما قدرت تكمل كلامها ...شلت بعمرها وطلعت برع البيت ركبت السيارة و كان خليفه ينتظرها ما دش ..قعدت تصيح بصوت مع انها حاولت تكتم صوتها ...خليفه حز ف خاطره ما عارف شو يسوي..قال بيوديها عند جواهر بالمستشفى ...ابو علي ما قدر يرد عليها باي شي ..اكتفى بالصمت جواب ع كلامها ...و رجع لاعتكافه و بعده عن العالم ..شركته خسرت وايد ..و معظم الموظفين قدموا استقالتهم ...حياته من بعد جبروته صارت حزن و ضعف وينه الي كان الكل يخافه و يهابه ..خلاص راح عزك ..اول ما وصلوا المستشفى طلعت من السيارة بدون ولا كلمة لا هو تكلم و لا هي قالت له شي ...غطت ويهها ما تبى الناس تشوف دموعها ولا تباهم يشوفون حزنها ...وصلت الغرفة ..اختها كانت تنتظرها ...بس مهرة لا اراديا قامت و طاحت ف حضن اختها و ارتفع صوته صياحها ..جواهر تحاول تهديها ..بس ماشي فايدة ..جواهر : مهرة حبيبتي شو صار ؟؟مهرة حتى من بعد ما شافت منظر ابوها ما تغير تفكيرها :ليش خليتيني اروح ليش ؟؟جواهر : ابيج تشوفينه كيف صار ..هو تغير مهرة : لو تغير منو بيرجع اخوووي منوو؟؟و امي منو بيرد لها عافيتها ؟؟واختي منو بيرجعها لنا ؟؟جواهر : كل شي مكتوب و مقدر ..والمكتوب ما منه مهرب ..و علي ادعي له بالرحمة ..كل شي خيره من اللهمهرة ما درت بكلمة ...قامت و دشت الحمام تغسل ويهها ..ومن طلعت راحت تشوف سلطان ..الحمد لله تحسنت صحته اكثر من اول ..قالت بستغل الفرصه دام جواهر موجودة عند امي و اروح اسوي الي ف بالي ...هنادي الي كانت ف بيت ثاني عايشه حياتها ..نست اهلها ..صحيح هي مشتاقه لامها بس لقت تعويض عن كل الي صار لها ف بيت اهلها ..ما كانت تعرف شو صار من بعدها ..كانت تتبع احلامها وتعيش حياتها صح مثل ما قالها اخوها ..سعود تعلق فيها ..وكان وده تكون له مش اخته ..اكثر من اخته ..بس منو راح يفهم احساسه ..شافها بنت طيبوبة و حبوبة..صحيح انظلمت من اهلها بس هو ما راح يقصر وياها بشي ابد ..دانة لاحظت اهتمام اخوها ف هنادي ..بس هنادي معتبرتنه مثل اخوها ..ف ما خلت ف بالها ابد ...((...حل السعد و اقبلي يا عروس ...يا اجمل عروس ف الكون هلي ...و يالحضور سموا بالله و ع النبي صلوا ...))حان الموعد ..نورة كانت تتجهز الكل مرتبش ف البيت ..صحيح انه الحفل ما كان كبير ...بس الكل كان مستانس ..كانت ف غرفتها قاعدة تودعها ..و معاها ربيعاتها خلود ..خلود : بسم الله عليج يا نوير طالعه قمر ..وين هالحلاه كلها ؟؟نورة استحت من كلام خلود : خلي عنج ...ترى عروس لازم اطلع حلوه خلود : استوي شياكه ولا تصيرين هيلقنورة : اسكتي الله يخليج امي قاريه علي دروس الادب من الالف للياءخلود: هههههه خلاص ما بزيدج ..الا اقولج ما عرفتي منو اسمه نورة : تصدقين سمعت امي تقول اسمه ما بتصدقين منو خلود : منوو؟نورة : حميد خلود: ما صحيح ..حلفينورة : والله خلود : ما عليه حبيبتي نورة : اصلا عادي ترى الا اسم شو يعني ..بيكون هو مثلا ..مستحيل خلود: خلينا فرحانين الحين وانسي ..هاي حياة جديدة لج ..وين احط عباتي ؟؟نورة : حطيها بالكبت ...نورة نست وعدها لحميد ..واول ما فتحت خلود الكبت طاح الكيس الي كان عاطنها حميد اياه و طاحت العلبة منها خلود : شو هاي ؟؟نورة من شافتها تذكرت الوعد : هاي الهدية الي قلت لج انها من حميد خلود فتحت العلبة :وااااووو روعه هالعقد نورة : كنت واعدتنه اني البسه يوم عرسي هو طلب مني هالشي ..قالي البسيه و تذكرينيخلود : عيل البسيه ..هو احلى من الي لابستنه نورة : لا مابي ..رجعيه مكانه خلود خذته و راحت تلبسها اياه: لا مو بكيفج ..يالله خليني البسج ..بن عمج بعدين بيلبسج هههههنورة رضت انها تلبسه ..و خلود خذت العطر بعد و عطرتها و تعطرت هي منه خلود : يالله خلينا ننزل تحت يا قمر الحفلة انتي البنات كلهم تحت ينتظروننورة : انا خايفه خلود مابى اروح خلود : بلا هالدلع ..صبري خليني اقرا عليج قرت عليها ومسكت ايدها و طلعت من الغرفة هي وياها ..كانت امها مشغوله بالمعازيم ..و اختها قاعدة مع ربيعاتها ...اول ما دخلت الخيمة ..كان دخولها ع قصيدة و خلود كانت قاعدة تصورها ...وكانت طالعه قمر من جد ...الفستان الابيض طالع عليها رووووعه ...و سوت مكياج خفيف ..ع رسمة عيون مع ان عيونها هي بروحها حلوه ..لو بشرتها المايل للحنطي عاطنها جمال اكثر ..و باقتها كانت ورد احمر و ابيض ..كانت هدية من عند خلود هي الي مسوتنها لها ..و شعرها كان مسواي بشكل روعه ..ومنزله خصل و الكوشه كانت حلووو مع الاضواء و الفقاعات و الكرسي كان طويل و عليه مخدات ملونه و حوله ورد طبيعي قعدت و قعدت خلود تصورها و تصور معاها ...كانوا المعازيم يتعشون و الي يسلم ع العروس مر الوقت و نورة قلبها كان بيوقف ..حست انه الوقت كان اطول وقت بحياتها ..كانت تبى تشوفه عريس الغفلة ..قرب الوقت ما بقى الا كم دقيقة و يدخل ..خلود راحت تلبس عباتها و قعدت قرب الكوشه عشان تقدر تصور ...تغيرت الاغنية ..كانت دليل ان المعرس بيدخل ..حطت الطرحة على ويهها ووقفت ف مكانها كانت منزله راسها و تحاول ترفع عيونها تبى تشوفه بس شافت معضد اخوها داش قدامه ف نزلت راسها وما رفعته ...كلها خطوات ووصل معضد و المعرس ع الكوشه ...وقف قدامها و رفع الطرحه عنها ..وباسها ع راسها ..اول ما رفعت عيونها تبى تشوفه ..انصدمت ما قدرت تشيلها يرولها ..كان بيغمى عليها من الصدمة ...شو الي صاير ...؟؟كانت عيونها تروح و ترجع ما قادرة تشوف شي و راسها تحسه يدور ..معقوله الي يصير؟؟لا مش ممكن حميد ؟؟هو المعرس كيف؟؟خلود كانت تشوف ربيعتها حست ان في شي ..بس هي ما كانت تعرف شكل حميد ..معضد قاعد يكلمها وهي ابد مب مستوعبه شي قعد يصور وياهم و نزل عنهم و طلع وقعدت ع الكرسي و هو قاعد عدالها ...كان كاشخ طالع شو حلاته ...خلود كانت تصور و مب فاهمه نظرات ربيعتها ..الي كانت سرحانه ف عالم ثاني ..مب موجودة فيه..كان حلم بالنسبة لها ..كيف صار حقيقه ..حميد كان يكلمه وهي ما تسمعه ..قرصها ف ايدها ..وهي قالت اااااي بصوت هو سمعها بس لانه صوت الموسيقى كان عالي ..ضحك عليها ...حميد : شفيج ؟؟نورة ساكته مب عارفه شو تقول حميد : قلت لج ما راح ياخذج غيري ..شافها لابسه العقد الي هو يايبنه لها ..اشوفج ما اخلفتي وعدج ..يعني بعدج تفكرين فيني..لا تفكرين وايد هاا انا بكبري لج نورة ابد مب مستوعبة الي قاعد يصير قدامها كيف معضد وافق على حميد ...كانت تبى تصيح بس مسكت دموعها ليش انها ف الخيمة و نظرات الناس كلها لهم ..ولا تكلمت ولا قالت له ولا كلمة وحدة حميد: شفيج نورة اكلمج انا وين سرحتي ؟؟نورة اكتفت انها تعطيه نظره و نزلت راسها ..هو ف خاطره ميت ضحك عليها قام حب يتمصخر وياها ..مد ايده و مسك ايدها ..جسمها كله انتفض ..حست برجفه مش طبيعيه ...كان ودها تطلع بس كيف ..ودها تختفي ..ما ودها تكون ف هالمكان ...حميد مستانس حده ما يعرف بالصراع الي نورة فيه ..نورة اشرت حق خلود انها تجي عندها فوق بس خلود استحت لانه حميد هناك ..كلها دقايق وصار وقت الزفة ..نزلت من ع الكوشه و حميد بعده ما ترك ايدها ..لحد ما وصلها السيارة ..و ركبوا ف السيارة هي كانت راكبه ف الكرسي الي وراء و حطوا لها شنطة اغراضها لانها بتروح الفندق ...ركبت السيارة و هي ساكته ..ما تكلمت ولا قالت ولا كلمة للحين ...كلها مسافة ووقف حميد بالشارع ..نورة خافت من الحركة الي سواها ليش وقف هنا ...حميد التفت عليها : اذا ما بتتكلمين ما بنتحرك ترى نورة رفعت الغشاء من على ويهها و عطته نظره و التفتت الصوب الثاني ع انه مش هامنها ..و حميد بند السيارة و فتح الدريشه ماله شوي عشان يدخل الهواء ..كلها دقايق و تكلمت نورة نورة : ممكن تمشي ترى حر و انا تعبانه حميد : اخيرا سمعت صوتج ...ما تعرفين شكثر مشتاق اسمعه ..نورة : ممكن نتحرك الحين ؟؟حميد: لا مش ممكن نورة :ليش ان شاء الله ؟حميد: لاني مش الدريول مالج ..تعالي قدامنورة : انت من صدقك تتكلم ؟حميد: لا اتمصخر عيل ..اكيد اتكلم جد نورة :واذا ما رضيت ؟حميد : بقعد لحد ما ترضين ...و هو ف خاطره ميت ضحك عليها ...يحب يطفر بها نورة قالت امرها لله شو بيدها تسويه لازم ترضى و تروح تقعد قدام :وكيف تباني ايي قدام ونحن بنص الشارع حميد: يا انج تنطين ..يا انج تطلعين و تركبين نورة لا شو انط من صدقه هااا يتكلم ؟؟ فتحت الباب بدون ما تتكلم و رجعت الغشاء على ويهها و تغطت عدل..نزلت مع انه الفستان ضايقها شوي بس شو تسوي ..ركبت قدام و سكرت الباب  و تكتفت و ما تكلمت حميد: عفيه ع الي يسمع الكلام ..يا حلو اكلمك ترى نورة خلاص راسها مصدع ومالها خلق يكفي الي صار لها ..وانها تكون مع حميد هالشي ما كانت تتوقعه ابد حميد : اذا بتمين ساكته برجعج بيت اهلج نورة: رجعني انزين ولا تذلنيحميد : مستحيل ارجعج ..انا ما صدقت انج تكونين لي نورة من سمعت هالكلمه قلبها ما تعرف شو صار له :ممكن نتحرك الحين حميد: اممممم ممكن بس عندي طلب اخيرنورة ناظرته من تحت الغشاء ..يعني شعندك بعد قول حميد : عطيني ايدج نورة ترددت قبل بس شافته مد ايده ..مدت ايدها ..استانس حده حميد ..و شغل السيارة و راحوا الفندق ...ف الفندق :كان في استقبال حار من موظفين الفندق حق المعارييس و ودوهم جناحهم الخاص ..جناح شهر العسل ..كان القسم رووووعه ..كان ولا ف الخيال ...الصاله كانت كلها ورود من كل نوع ..و ريحة المكان مرررة حلوووه ..و كان ع البلكونه مخلين لهم العشاء و شموع و الاضواء خفيفه ..نورة وايد حبت المكان بس كانت متضايقها ف خاطرها شو الي صار تبى تفهم شو السالفه الحين ..وكيف معضد وافق ع حميد وصلت اغراضهم و هي دشت بس كانت واقفه ع الباب منبهره بالمنظر الي تشوفه ..مسكها حميد من ايدها و عطاها شنطة اغراضها دخلها الغرفة و طلع و سكر الباب عليها ..بس هي طلعت وراه استغرب حميد حميد : شو فيج ..؟؟ليش ما بدلتي ؟؟نورة كانت بعدها بالفستان وكانت طالعه مرة حلووة : ممكن اعرف كيف؟حميد: اسمعي يا نورة ..انا قلت كملة و ما ارد ف كلمتي ..قلت لج محد بيتزوجج غيري نورة :بس انت ما تحبني ..قالتها و بعدت تصيح حميد قرب منها و لمها ف حضنه :لو اني ما احبج ما كان تزوجتج يالهبلة نورة قعدت تصيح اكثر :تحبني و ما تقدر تقولها لي ؟حميد: احبج ..خلاص وربي اني احبجنورة ارتاحت اخيرا من سمعتها : تعرف اني ما كنت اتمنى احد غيرك حميد : يا عمري انا ..يالله قومي غيري ملابسج و تعالي نتعشى يوعان تراني نورة : انت يوعان بس هاا اهمك ..انا بروح ارقد بايحميد مسكها من ايدها : تعالي تعالي ..ما سمعت ؟شو قلتي ؟؟نورة : ما قلت شي خلني اروح حميد: ماشي رقاد وانتي مب متعشيه ..يالله اشوفنورة : ان شاء الله حميد: قولي ان شاء الله حبيبينورة استحت و نزلت راسها :ان شاء الله حبيبي ..خلى ايدها و راحت ((...يا بخت منهو تمنى حبيبه و صار من ..نصيبه ..,))كانت قاعدة بالمكتبة كالعادة ..شافت بنت يايه صوبها .....:السلام عليكم ..عفوا انتي نوال؟؟نوال : وعليكم السلام ..ايه نعم انا نوال ..بس منو انتي ما عرفتج ؟... :انا وحدة ابى اكلمج ف موضوع ..صحيح انه ما يخصني ..بس ها الي بيريح ضميرينوال استغربت منوه البنت و شو السالفه :عفوا يمكن انتي غلطانه ...: تعرفين حمود؟نوال ارتبكت :اذا هو مطرشنج قولي له اني مستحيل ارجع لو شو ما صار ..عن اذنج بروح ...:لا انتظري ..اسمعيني بالاول بعدين سوي الي تبين ...وحدة مسويه عمل (سحر) حق حمود انا ماقدر اتصرف فالموضوع ..ومالي حايه ..بس ضميري ما يسمح لي ..ماعرف شو بينج و بينه بس هو تكلم عنج انتي عسب جي انا دورت عليج ..صار لي فترة ادور عليج ..البنت ما تحبه بس تبى تنتقم منه ..اذا يهمج موضوعه ساعديه ..انا ما اقدر اسوي شي غير اني خبرتج ..وهاي المعلومات الي قدرت ايبها لج عنه ..اسمحي لي اختي ..بس انا مابى اضرج ولا شي نوال الحين فهمت ليش حمود تصرف على غير طبيعته :بس انا شو بايدي اسوي؟؟...:حاولي توصلين لاهله و تخبرينهم ..و ف الاوراق الي عطيتج عنوان البنت الي مسويه له العمل (سحر)نوال: ماعرف اهله انا ....: عنوان بيتهم موجود ...عن اذنج ماقدر اتاخر اكثر لازم اروح نوال: بس ...:اسفه والله بس ما عندي وقت ..نوال قعدت مو مستوعبه الموضوع ..فتحت الاوراق الي عطتها البنت..لقت عنوانه و كل البيانات عنهنهاية البارت التاسع عشر توقعات البارت الاخير (العشرون)طبعا عرفتوا منو البنت الي كانت مع نوال ...مهرة شو الي راح تسويه ؟؟نوال شو بتسوي ف موضوع حمود هل بتساعده ؟البارت الاخير بيكون ختام لاحداث روايتنا و نهاية لكل قصص ابطالنا هنادي راح تعرف انه سعود يحبها ؟؟وهل بتعرف عن اهلها ؟؟منو الي راح يتزوج مهرة ؟؟عبدالله والا معتز ؟؟سلطان بيعرف عن عهود والا لا ؟؟</blockquote>

الإسم

التحقق