تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: <blockquote data-quote="مجروحة المشاعر" data-source="post: 1467584" data-attributes="member: 2432">البارت الثامن عشر((..صابر زمن ..وراح من وقتي عمر ..والحياة ما بقى منها كثر الي راح...))أأأه يا قلبن على غدر الزمان ..واااه من زمان غدر فينا ..حرمنا من حنان الابو ..حرمنا من الام ..حرمنا من الاخو...من الاخت ..تفارقنا بسبب وقتن قسى علينا..كانت تناظر امها وفي خاطرها كلام وايد ...محتاجه حد معها ..عهود راحت عنها لانها وايد قعدت وسلطان بداء يتحسن الحمدلله ..صحته تحسنت ...جواهر يات تزور امها ..جواهر : مهرة ابى اطلب منج طلبمهرة :تفضليجواهر : اباج تروحين البيت نسيت اغراضي هناك واباهن ..وانتي روحي جيبي لج اغراض بعدمهرة :وليش انتي ما تروحين؟جواهر: انا ابى اقعد مع امي ما قعدت وياها مهرة : احسن انتي تروحين ..معج سيارة بشو بروح اناجواهر : اتصلت ع خليفه هو برع الحين مهرة : بس جواهر انا استحي اروح معه بروحيجواهر : ما راح ياكلج هو يالله روحي صار له فترة واقف مهرة ترددت بس ما عارفه ليش اختها سوت كذا ..هي اساسا ما صدقت تطلع من هاك البيت ..ما تبى ادشه نهائيا ..طلعت من الغرفة و هي نظراتها ع اختها كلها رجاء انها ما تخليها تروح ..لانها حاسه ان شي بيصيربس جواهر كان ف بالها سبب هو الي خلاها تقرر هالشي ...شو هو السبب يا ترى وهل بياثر في مهرة..اكيد تخيلتوا اشياء ف بالكم ..خلوها بنرجع لها بعدين ..ننتقل لشخص بيتعرض لصدمه وخبر راح يضايقه ..وبنشوف شو الي راح يسويه لما يعرف ان الي يحبها راح تكون حق حد غيره ..معتز تغير ..وشخص واحد ملاحظ تغيره ..عهود شافت اصراره وعزيمته عشان يكون نفسه ويبني مستقبله...ترك الشباب الي يروح وياهم و راح يشتغل مع ابوه ..ابوه فرح ان واحد من عياله مهتم بالشغل وياه ..معتز يسوي كل هااا عشانها ..صحيح هي ما تعرف هالشي بعدها بس مع الايام راح تعرف..ما راح اضعف ولا راح استسلم ..راح اخليها تكون لي ..اذا ما كانت لي مابى حد من بعدها ..من بعدها تحرم علي البنات ..ام جاسم كانت قاعدة بالصالة تشرب قهوة ..يات عهود وقعدت معاها ..و خلود كانت ف غرفتها قاعدة تذاكر ..ام جاسم : عهود محد من ربيعاتج ..بنت زينه واخلاقها عاليه ؟؟عهود استغربت كلام امها :ليش تبين تخطبين حق حد ؟ام جاسم :هيه ابى اخطب حق جاسم ومروانعهود مستانسه :وناسه اخيرا بيصير عندنا عرس ..اممممم منو من ربيعاتي؟؟ام جاسم كانت شايفه مهرة لما رايحه تزور امها بالمستشفى وتعرفها اقرب وحدة حق عهود :وش رايج نخطب مهرة ربيعتج لجاسم ؟عهود انصدمت كيف تخطبها لجاسم و في حد يحبها سرحت ف افكارها ونست امها الي تكلمها ام جاسم : اكلمج وين سرحتي؟عهود :هااااا لا ما في شي ام جاسم : خلاص عيل جاسم بنخطب له مهرة ..ومروان بشوف له وحدة من بنات خاله عهود كيف تشرح حق امها الحين ..كيف تقولها انه معتز يبى مهرة :امي بس مهرة اصغر عن جاسم بوايدام جاسم : شو فيها ..ماشاء الله عليها بنت الكل يتمناها ..والعمر ما فيه فرق عهود طلعت عذر عشان تحاول ف امها تغيير رايها بس ماشي فايدة ..استاذنت من امها وراحت غرفتها ..اول ما دشت الغرفة اتصلت فيه ..عهود وصوتها فيه حزن :السلام عليكممعتز : وعليكم السلام ..شو عندج؟؟عهود: معتز معتز : شو هناك ؟؟عهود:عندي خبر معتز :قولي شو عهود :جاسم ومروان بيعرسونمعتز: زين بالبركة عقبالي ..وغيره عهود: امي معتز:بلاج تتكلمين بالالغاز ..تعقين كلمة و تسكتين تكلمي عدل عهود :امي تبى تخطب مهرة حق جاسممعتز وقف كل نبض ف جسمه من سمع هالخبر ..سكت حتى انفاسه ما كانت تنسمع سكر الخط ..وف باله مية مليون فكرة وفكرة شو الي راح يسويه يكلم جاسم والا يكلم امه ..والا منو يكلم ..الا مهرة ما ياخذونها عني ..((...كم شخص تمنى شي ما ناله ..وكم عين بكت لفقد مغليها ..وراح النظر والبصر تاليها...))عهود كانت عارفه ردت فعل اخوها بس هو لازم يعرف ..يمكن يقدر يتصرف ..هي ما تعرف شو تسوي ..وحدة كانت مستانسه بانتصارها ..حققت الي تباه ..صار لها مثل الخاتم ف اصبعها ..طول الوقت يكلمها يطلع هو وياها ..هو ما يعرفها حتى بس تصرفاته كلها كانت لا ارادية ..كلامه ..تصرفاته ..هو ما نفس الشخص ..كانه في شخص ثاني احتل جسمه هاجر: حمود حبيبي بسالك و جاوبني حمود: يا عيون حمود امري تدلليهاجر: امممم انت حد ف بالك؟؟حمود باله مشوش بس يتذكرها هيه في حد : نوال ..نطق باسمها وحس صداع فضيعهاجر اغتاضت : منو هاي نوال بعد؟؟حمود: وحدة متزوجه تدرس معاي ...راسي وايد يعورني هاجرهاجر: لا متزوجه بعدحمود: هاجر راسي وايد يعورني هاجر : خذ لك بندول بسكر الحين بايحمود سكر عنها وقال ف خاطره شو هالانسانه ليش انا اكلمها اصلا ..خلني اتصل ف نوال ..اتصل عليها و حس الصداع اكثر يزيد وسكر بمرة ما انتظرها ترد عليه ..ليش هو قال حق هاجر عن نوال ..شو الي صار له ...راح البيت و خذ له بندول و رقد ...هاجر من سكرت عن حمود اتصلت ف منال ..هاجر:هلا منال تتشائم من تشوف رقمها :اهلين هاجر : تعرفين انه يحب وحدة متزوجه اسمها نوالمنال: منو؟؟هاجر : حمود من غيره منال : انزين انتي شو تبين فيه ..خليه ف حاله ..خلاص كافي الي سويتيههاجر :انتي ربيعتي والا ربيعته منال قررت تقول لها انها بتتزوج خلاص و بتغير رقمها لانها ما تبى وحدة مثل هاجر تكون ربيعتها : هاجر انا خلاص بتزوج قريب ان شاء الله هاجر عصبت : بتتزوجين وما خبرتينيمنال : هاي انا خبرتج هاجر :زين زين منو تعيس الحظ ..اقصد سعيد الحظمنال: واحد من الاهلهاجر : ايوووااا ..ويعرف كل شي عنج؟؟منال: ما ظنتي اني مسويه شي اسود ويهي عليه هاجر: شو قصدج؟؟منال : قصدي الي قصدي ..وعن اذنج امي تباني هاجر سكرت الخط بويهها هي من تكون عشان تكلمني كذا ..انا الي عزيتها ورزيها ..والا هي ما تسوى شي ..ناس مب ويه نعمه...نوال الي كانت ترمم ماضيها و تبني مستقبلها ...الي صار كان درس لها تعلمت منه ..والله نجاها منه قبل لا ترتكب الحرام ..مستحيل يتكرر الي صار ..كانت مشغوله وما شافت تلفونها ..لانه حمود اتصل لها ...علاقتها ب راشد وايد تحسنت ..هي حاولت قبل بس استسلمت لانها ما شافت اي مبادرة منه ..بس الحين ما بقى لها شي و تخلص دراسه ...وودها بحياة جديدة ..حياة تغنيها عن كل شي ..قالت ف خاطرها اتصل عليه و اشوفه شو يبى عشاء و اطبخ له احلى عشاء ..اذا بغيتي تكسبي الريال اكسبيه من بطنه هههههه كانت تقولها ف خاطرها و تضحك ...مسكت تلفونها تبى تتصل بس انصدمت من شافت رقم حمود ..مسحته بدون اي مقدماات وما قعدت تفكر فيه لانها تبى تنساه ..غلطة ما راح تتكرر..دقت ع زوجها راشد: السلام عليكمنوال: وعليكم السلام حبيبيراشد حس انه نوال بدت تحبه ..شو الي صار لها خلاها تتغير :حبيبي؟؟نوال:هيه حبيبي شفيك ..وابو عيالي و كل شي راشد : يكون انتي حامل و ما خبرتيني؟؟نوال ضحكت عليه : ههههههه لا احمل وما اخبرك ..اصلا منو لي بالدنيا غيرك ..راشد حس انه ظلمها وياه ..صحيح هي ما لها احد غيره ..هو الي بقى لها ..المفروض يعوضها حب امها ..وحنان ابوها ..وعطف اخوانها ..ويكون لها كل شي ..:امري حبيبتي شو بغيتي؟؟نوال احمرت خجل من كلمة حبيبتي حست لها طعم ثاني :ابى اسالك شو تبى ع العشاء اليوم؟راشد: اي شي من ايدج حلو نوال حست انها راح تنسى حمود خلاص راشد صار لها مثل ما تبى ..هي مش محتاجه لا حمود ولا غيره..وحتى لو اتصل حمود ما بترد نهائيا و عاهدة نفسها بهالشي لانها ما تبى تخسر الشخص الوحيد الي باقي لها ..راشد: الووو وين رحتي ؟؟نوال :هاا موجودة يا قلبي ..بخليك ما بشغلك عاد ..بسير اجهز العشاء راشد : تمام ..مع السلامة نوال : ربي يحفظكشافت التاريخ ...وتذكرت انه عيد ميلاد راشد باكر بيكون ..لازم تسوي له حفلة بس تبى تسويها له مفاجاة ..اتصلت ف بنت خالته راشد لانها تعرفها ..وخططت معاها انها ما بتروح الجامعة باكر و بتطلع السوق معاها تاخذ كذا اغراض وبتمر الصالون شوي ..بس شو راح تقول حق راشد لانه ما متعود انها تروح مع حد غيره ..بتشوف له عذر ..اتصلت ف المخبز وطلبت كيكه ..وقعدت تجهز العشاء صلت المغرب ورجعت تذاكر ..شوي والا تلفونها يرن ...شافت الرقم اوووف شو عنده هااا الحين ترددت ما كانت تبى ترد ..بس قالت ارد اشوف شعنده نورة : الوووحميد: يا هلا وينج؟نورة : قاعدة اذاكر حميد: انزين انزلي تحت وتعالي من الباب الي وراء بسرعة نورة خافت : شعندك؟حميد: بسرعة انتظرج انا ..وسكر الخط ما عطاها مجال ترد نورة خافت اكثر يا ربي شو يبى هااا الحين ؟؟خلني اشوف اذا احد برع قبل ..اختها كانت ف غرفتها ..وامها قاعدة ف غرفتها بعد تصلي ..واخوها و ابوها اكيد ف المسيد ..طلعت من الباب الي ورا ..شافته واقف عدال السيارة اشر لها تعالي ما رضت تطلع ..تقدم لعند الباب ومسكها من ايدها و سحبها معه و دخلها السيارة ...نورة طالعه ب جلابية البيت ومب لابسه عباة نورة عصبت حدها كان ودها تصفعه كف : شوهالحركات ليش سويت جي؟حميد : شفيج ..قايل لج ابى اعطيج هدية نورة : مابيك ولا ابي شي منك ..وفتحت الباب تبى تطلع ..بس هو ما عطاها مجال مد ايده وسكر الباب قبل لا تفتحه كله و قفله نورة : انت ما تستحي شو بيقولون الناس لو شافونا ؟؟والله بيقتلنا معضد انا وياك حميد بعدها ايده كانت ماسكه الباب ..لا اراديا قام و حضنها و نورة غمضت عينها ما كانت عارفه شو تسوي تبى تقاوم و تمنعه وتبى تحضنه اكثر كلها ثواني و ابتعد عنها حميد حميد : اسف ..لف ايده ع الكرسي الي وراء و طلع كيس كبير و عطاها اياه ..روحي بسرعة لحد يشوفج نورة خذت الكيس و طلعت من السيارة و دشت البيت و هي كاتمه نفسها ما قدرت تناظر ف ويه حميد ...يعني هاي حركة يسويها بعد شو بعد ما قرب عرسي من غيره ...دمعت عيونها و هي تركض تروح غرفتها ..دشت و قفلت الباب حطت الكيس ع الارض و قعدت تصيح عداله ...ليش يا حميد ليش؟؟رمت الكيس بايدها و حاطت منه باقة ورد حمرا ريحتها ملت الغرفة ..مسحت دموعها و خذت الورد و قعدت تناظره لقت كرت فيه مكتوب عليه ((...عشقن عشقتك ..وتالي العشق انا فيك حيل مغرم ..يا تبادلني بعشق يا تقتلني وترحم...))لا لا ليش يا حميد ليش تعذبني اكثر الله يسامحك ...شافت علبتين ف الكيس مغلفات بورق هدايا احمر فيه قلوب فتحت الاول شافت فيه عطر هي وايد تحبه ...بعده يذكر العطر الي احبه ..والعلبة الثانية فيها عقد ع شكل قلب وايد حلوو و رقيق ...انا لازم ارجعه ليش هو يسوي كل هاا الحين ليش؟؟؟رجعت تصيح ..وما وقفت صايح الا لما رن تلفونها ..شافت حميد ردت عليه نورة كانت تصيح : ليش تسوي كل ها فيني ليش؟؟انا ابى انساك و انت تجرحني اكثر حميد حز ف قلبه انه خلاها تصيح : انا اسف قلت لج.. من تهدين طرشي لي عشان اكلمجنورة : مابى اكلمك مابى اكلمك ..سكرت الخط ف ويهه ورمت التلفون ع الارض قعدت تصيح ع الارض و ما حست بنفسها من التعب غفت عينها و رقدت و الورد متناثر حولها ما حست الا اختها تدق عليها الباب حق العشاء صارت الساعة 11 ونص وهي للحين ما صلت العشاء ...فتحت عيونها وشافت الورد حولها تذكرت حضن حميد ..هيه تباه والله تباه بس ما تقدر تغير قرار صدر ما تعرف ان القدر بيتغير ..تعوذت من الشيطان و لمت الورد و الكيس حطته ف الكبت عشان ترجعه لحميد ما تبى شي يذكرها فيه حطت الورد ع الطاولة دشت تتوضى عشان تصلي و ترجع تذاكر لانها حست انها نست كل الي مذاكرتنه ..حتى عشاء مالها نفس تاكل ...قعدت تذاكر لحد قريب الساعة 3 حست باليوع قالت بتروح المطبخ تشوف لها شي تاكله طلعت ما لقت شي حاست بالمطبخ حوسة و ما لقت شي خذت لها جزر و كوب ماي ...و اول ما وصلت غرفتها رن تلفونها منو بيتصل فيها الحين محد غيره الي قاعد ينتظرها ...قالت ما بترد عليه خلته لين سكت ..وصلها مسج ..انا اعرفج مب راقده ردي علي نورة ...ما ردت عليه و رجعت تكمل مذاكرة ..وصلها مسج ثاني ..ان ما رديتي بتشوفيني عند بيتكم ..تعرفه خبل يسويها ردت عليه بمسج ..نعم شعندك؟؟ اتصل بمرة و ردت عليه حميد : ليش ما تردين ؟نورة : قلت لك مابي اكلمك ما تفهم حميد: لا ما افهم فهميني ..عطيني سبب وما راح اكلمج بعدها نورة : انت عارف السبب حميد : ابى اسمعها منجنورة :لاني بتزوج واحد غيرك خلاص حميد تاكد هنا انها ما تعرف شي بالموضوع ابد قال خلاني اسايرها ..:انزين الي بياخذج شسمه؟نورة  توهقت ما تعرف اسمه هي حتى : مالك خص حميد: بنت عمتي ولي خص ..اما انج تقولين لي منو اسمه والا ما بخليج نورة قالت بتقول اي اسم عشان يسكت : اسمه خالد حميد يضحك ف خاطره : انزين هذا خالد ما عنده ابو والا قبيله ..عشان اسال عنه ..اشوف كيف الريال نورة توهقت قالت بتغير الموضوع لانها حاسه انه عارف بالموضوع : حميد الي فيني مكفيني ..باكر عندي امتحان خلني اذاكر حميد شافها غيرت الموضوع حب هو يغير الموضوع مالها بعد : انزين عفوا ياخي نورة : العفو عشان شو ؟حميد: عسى عجبتج الهدية ؟نورة انحرجت منه : ليش كل ها حميد ..انا اسفه بس ماقدر اقبلها ..حميد: شو قصدج ما تقدرين تقبلينها ؟نورة : لازم ارجعها لك حميد : لا والله ..انا يايبنها لج نورة : بس حميد ..سكتها قبل لا تتكلم حميد:اقولج بلا هالخرابيط و الكلام الي ماله داعي سامعه ..والعقد يوم عرسج لبسيه و تذكريني فاهمهنورة قالت بتقوله ان شاء الله بس عشان يسكر عنها خلاص : ان شاء الله حميد :وعد؟نورة بتوعده بس هل بتلتزم بوعدها ؟؟:وعدحميد:انزين بخليج الحين ..متعشيه قبل؟نورة :لا مابى عشاء ..وبطنها يصارخ يوعانحميد : الحين بيب لج من المطعم و بحطه عند الباب تعالي و خذيه من ادق لج رنة نورة : مابى لا تكلف ع عمرك حميد : من اسوي لج رنة نزلي خذيه سامعه نورة : ان شاء الله ...حميدحميد:عيونهنورة : مشكورحميد:العفو ..سكر عنها وراح المطعم طلب لها عشاء من المطعم و حطاه لها عند الباب و  راح مسافة يبى يشوفها تاخذه ..دق لها رنة ..شافت الوضع امان نزلت و خذته ودشت ..شافها و ارتاح قلبه مع انه قلبه ارتاح لما ضماها ف صدره كان يقول ف خاطره انتي لي مستحيل اخليج لشخص ثاني ...وحدة ثانية ف عالم ثاني عالم فيها احزان ..لانها رجعت لاخر مكان كان ودها تكون فيه ..بيتهم ..خليفة وقف ينتظرها برع ما دش معاها ..شافت البيت ظلام حست بالكره يزيد ف خاطرها ..وحقد.. خلاص كانت بتطلع بس سمعت صوت ينادي من فوق ..صوت كان كله تعبت ..كله حزن ...صوت شخص كان مهزم ..مهزوز الكيان ..من بعد ما كان صوته يهز البيت ..صار ضعيف ..ابو علي كان يظن ان جواهر يات البيت كان يناديها بصوت كله بحه ..صوته تغير ما كان مثل ما هو ..وقفت مكانها مهرة يوم سمعت الصوت يقترب منها ما قدرت تتحرك كانها جسمها تشلل ما قدرت تتحرك ابد ..الخطوات كل ما لها تقترب منها هي تبى تتحرك بس ابد مب قادرة ..اشتغلت الاضواء ف الصالة ..شافته تغير شكله هذا مب ابوي ...نهاية البارت الثامن عشر توقعات البارت الياي مهرة وابوها كيف بيكون لقاهم؟؟معتز شو راح يسوي عشان مهرة تكون له ؟؟حمود و هاجر لين وين بتوصل علاقتهم؟؟نوال و بدايتها الجديدة ف حياتها شو بيصير وياها ؟؟</blockquote>

الإسم

التحقق