تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: <blockquote data-quote="مجروحة المشاعر" data-source="post: 1465983" data-attributes="member: 2432">البارت السابع عشر((...انغم لحن لعيونك ...واغني ابيات ..وانظم مقطوعة بس كلها لعيونك...))انتهى يوم وابتداء يوم ..انتهى فصل من حياة انسان ..وابتدت رواية في حياة شخص ثاني..دور شخص انتهى ..ومنو يعلم شو الي بيصير ..كل منا له رواية ..له حكاية ..يمكن احد يعرفها ويعرف ادق تفاصيلها ..ويمكن محد يعرفها سوى انفسنا ..في ناس تحب تفضفض الي ف داخلها ..وفي ناس تحب تكتم ..لكل واحد منا نصيبه من الدنيا وراح ياخذه ..ناااس كثر ما تتالم بعدها تصبر ..وناس تحاول تغيرالمستقبل..في ابواب تنفتح لاشخاص و في ابواب تتسكر عن اشخاص ..بعد موت علي ..ابوه تأثر واااايد لدرجة الكل ما كان يتوقعها ...حتى الشركة ما عاد يروح لها .. بس شخص ما كان يعرف انه تغير ..مهرة ..لانها ما رجعت البيت ..وجواهر ما راحت لها المستشفى لانها قاعدة اتداري الحريم الي ايون يعزون..مرة اسابيع عن عزاء علي ..وسلطان كان حزين لما عرف بموت اخوه ..انصدم من الخبر الي ياه..اخوه الي كان وياه ف لحظه فقده ..في موقف صار لما صحى سلطان وقبل لا يوصله الخبر ..كالعادة كانت هي عنده تطمن عليه ..تشوف ملامحه ..وجسمه الي كله موصل بالاسلاك والانابيب..صار له اسبوع ع هالحاله و هي صح انها تروح البيت بس امها خلتها لانها قالت لها بتقعد مع مهرة تواسيها ..كانت قاعدة ع الكرسي الي جنب السرير ماله وتناظره و لا شعوريا مدت يدها بخوف لين لمست شعره ..ورجعت ايدها و استحت ع ويهها من الحركة الي سوتها ..وراحت قعدت ع الكرسي وهي تناظر فيه خايفه انها تتهور وتسوي حركة ثانيه ..و ف لحظة غفت عينها لانها طول اليوم ما نامت وصحت على صوت مبحوح يناديها ..كانت تحسب انه حلم ..واول ما انتبهت شافته فاتح عيونه ويناديها..سلطان :مهرة ..؟؟!!عهود انقطع النفس عندها ..ووقف الدم ف كل عروقها...كانت تبى تطلع من الغرفة ..بس سلطان ناداها مرة ثانية سلطان :مهرة ..هو ع باله اخته مهرة لانها بنفس عمرها وكانت لابسه عباة ..بس هي ما ردت عليه بشي ابد ..طلعت من الغرفة وايدها ع قلبها ..الي ساعدها انه هو ف غرفة خاصة كان مش ف قسم الرياييل ..وراحت لعند مهرة ريولها تسابق انفاسها ..اول ما فتحت الباب خافت مهرة من شكلها ..البنت بلاها كانها شايفه جني..مهرة :عهود بلاج بسم الله عليج؟؟عهود ما قادرة تتكلم بس قاعدة تاشر ع برع مهرة :هاي تكلمي تراني ما افهم لج عهود بلعت ريقها و طلعت منها كلمة وحدة بس :س..ل..طانمهرة خافت انه اخوها صار فيه شي بعد ..فتحت الباب وخلت عهود مكانها واقفه ..وراحت تركض نست عمرها انها ف المستشفى ..وصلت غرفته وقلبها يدق ..ما تعرف شو بيصير فيها لو صار ف اخوها الثاني شي بعد ..فتحت الباب و عينها تسبقها بالنظرة شافته صاحي ..ركضت بدون احساس و دموعها كانت اسرع منها ..طاحت ف حضنه و تصيح بمرارة ..مهرة :سلطان ..الحمد لله ..الحمدلله سلطان استغرب حركة اخته شو صار لها ..وهو شو صار معه ..كل شي مشوش ف عقله :مهرة مهرة تمسح دموعها وهي مب قادرة تكتم صوتها : عيون مهرة ..سلطان : شو صار ؟؟مهرة ما عرفت شو تسوي هل تخبره عن علي والا تنتظر لحد ما ترد له عافيته..:تعرضوا لحادث ..انت ..وقبل لا تنطق باسم علي رجعت تصيح زيادة وبمرارة اكثر ..سلطان ما عارف ليش مهرة تصيح بس تذكر انهم كانوا راجعين من مركز الشرطة لما صار لها الحادث :مهرة ..علي وينه ؟مهرة صوت شهقاتها كل ما ياله يزيد بعد ما سال سلطان عن علي ..سلطان حس انه في شي ..وشي كبير صاير .:مهرة علي صار له شي؟؟تكلميمهرة وعيونها صارت حمرا من كثر الصياح : علي ماااات يا سلطان ..مااات سلطان مش مستوعب الي يسمعه :انتي شو تقولين ..امس كنت معه ..وينه هو نادوه لي مهرة قاعدة تصيح ماشي لها غير دموعها تجاوب بها ..((...يا دموعي صرتي خلي ..صرتي احساسي وكوني..من لي صاحب غيرج انتي ومن صاحبت بزماني ..مثلج انتي يا دموعي...))ننتقل لجانب ثاني ..جانب فيه طرفين ..طرف يترقب ..وطرف خايف ..نوال كانت خايفه من الي راح يصير ..كانت ندمانه و تلوم نفسها وايد بعد ما قعدت مع حمود ..شو الي صار وخلها تحس بهالاحساس؟؟خلصت محاضرتها و كالعادة تروح تقعد ف مكانها المعتاد ف المكتبة كانت متردده ونفسها تمنعها من الشي الي تبى تسويه ..بس في شي كان يقنعها ..شي كان يخليها تثبت على موقفها ..راحت وقعدت على الطاولة الي تقعد عليها دوم المكتبة ف هالوقت بالعادة تكون شبة خاليه ما يكون فيها طلبة وايدين ..كلها دقايق وصل فيها حمود ..كانت ابتسامته عريضة ..كانها ابتسامة انتصار حقق شي كان يباه ..قعد وياها ..بس اول ما قعد شي صار له ..حمود رجع وقف و حاط الكرسي :انتي ما تستحين على ويهج؟؟كيف تقعدين مع ريال بروحج ..كان يتكلم بس ما يعرف الكلام من وين يطلع ..كانه مو اهو الي يتكلم نوال كانت منصدمة و في موقف لا تحسد عليه ..الاشخاص الي كانوا ف المكتبة قعدوا يشوفون شو السالفه ..نوال ما قالت ولا كلمة خذت اغراضها وطلعت برع ..شو الي صار له ؟؟؟؟كان يلعب علي؟؟كان يتسلى؟؟لا بس ..بس شو يا نوال؟؟الي سويتيه كانت هاي نتيجته..شفتي نتيجة طيشج؟؟شفتي نتيجة الي بغيتيه..بعتي شخص معيشنج حياة وايد غيرج يتمنونها..رحتي تبعتي شخص مشاعرج هي الي خلتج تتبعينه..انتي مش مراهقة عشان تلعب بها مشاعرها ..نوال عاهدت نفسها ما تكرر هالغلطة ..خلاص بتنسى شي اسمه حمود ..ولما كانت طالعه تبى تروح شافته بالحديقة قاعد ..بس ما كان بروحه ..كانت معه وحدة ..نزلت راسها و دمعت عينها ..مسحت دمعتها لانه ما يستاهل و عشان راشد ما يشوفها..ركبت السيارة بدون ما تسلم ولا تكلمت ..راشد يناظرها : وعليكم السلامنوال بالها كان مشغول التفتت عليه :وعليكم السلام..تتحسبه اهو الي سلم عليهاراشد حس انها فيها شي مش ع طبيعتها : نوال فيج شي؟؟نوال كانت تناظر برع وبالها سارح ف افكاره :هاااا لا ما فيني شي راشد خلاها ع راحتها ما حب انه يضغط عليها اكثر ..مع انه حاس انها فيها شي مخلها تسرح بهالطريقة ..كمل طريقهم ووصلوا البيت ..نوال ف بالها كانت تقول ما راح احتاج حد ومعي راشد..راح اغيره واخليه احسن عن الكل..قبل لا ينزلون تكلمت نوال نوال : راشد ما يمدي الوقت اني اطبخ ..شو رايك نروح مطعم نتغداء ؟راشد استغرب من طلبها اول مرة هي تبادر و تطلب هالشي ..ما حب يكسر ف خاطرها :ان شاء الله ..في مطعم محدد خاطرج نروح له ؟نوال : اي مكان ع راحتك حياتي ..قالتها و ناظرت الصوب الثاني ما كانت تبى تشوف ردت فعله ع الكلمة ..لانهم مب متعودين يقولون مثل هالكلام حق بعض ..راشد هنا وصلت عنده اكيد هالبنت فيها شي ..راشد :نوال ..مد يده يلمس راسها ..فيج شي ..حاسه بشي يعورج؟؟نوال هنا تغيير شكلها ..ولا اراديا نزلت دمعتها ..ونزلت راسها عشان ما يشوفها راشد ..راشد رافع راسها بايده ونوال لا شعوريا سوت شي كانت محتاجه له ..لمت راشد ف حضنها ..كانت تبى تغييره ..ماشي غير هالطريقة ..تبيه يفهم انها هي محتاجه وجودة ..محتاجه اهتمامه ..((...تلقيت صفعتا جعلتني ادرك معنى اني قد اخطات..لا يجب ان ابرر اخطائي باخطاء غيري..يجب ان اتحدى من جعلني ابدوضعيفة ..فانا لست كما يظنون ..انما عجزت عن القيام بالتغيير ..ف لما احاول ابدا ان اجربه مرة اخرى ..وهااا انا ابرهن لنفسي انني كنت على خطا واني استطيع  تغير ما لما استطع تغيره سابقا...))نرجع لحمود ..الي ما كان على طبيعته ابد ..كانت افكار تتضارب ف عقله ..كأن في شخص معه و يجبره على انه يسوي اشياء هو ما يبيها ..لا اراديا بعد ما طلعت عنه نوال كانت تمشي ريوله بدون حاسيه منه ..راح لحد ما وصل الحديقة تحت المظلة و على الكرسي ..كانت في وحدة قاعدة تنتظره بدون موعد ..هو شايفنها مكان بس ما يتذكر هاجر: يا هلا فيك ..اخيرا ياتحمود: منو انتي؟هاجر:تعال اقعد وبخبرك منو انا وقعد جنبها مع انه ما قد سواها قبل وقعد مع بنت ف مكان عام..ولا ف الجامعة بعد ..كانت خطة هاجر تمشي على ما هي تبى ..صار لها حمود مثل الخاتم ف اصبعها ...حمود صحيح انه يسولف معاها بس في شعور ف داخله ما عارف شو هو ..شعور يقوله انه يسوي شي غلط..كان الدافع الاساسي لهاجر انها تنتقم منه ...سوت كل هااا بس عشان ترد اعتبارها ..نست هاك الريال الي ضربها جدام العالم والناس ..بس الي ناظرها خلته ف بالها ..سبحان الله ..كانت هاي افكار تدور ف راس منال ...استغفر الله واعوذ بالله منها ...بس الله موجود و راح ينكشف المخفي يا هاجر ..باكر راح يكون اول ايام امتحانات الثانوية ...الكل قاعد يذاكر ..هنادي بنفس عمر دانه ...ف كانوا يدرسون مع بعض ..هنادي من يوم وهي صغيرة كان حلمها انها تكون دكتورة ...ابو دانه كان مخلص اوراق نقلها لمدرسة ثانية ..مع انه ما يصير بس هو اقنعهم ف الادارة ووافقوا ...لان ابوها ما خبره بس هو من عرف راح وخلص كل الاجراءات ...هنادي لحد  الحين ما تعرف شو صاير ف بيتهم او بالاحرى ف عايلتها ..ماتعرف عن امها ..ولا عن علي ..ولا عن سلطان ..مهرة ما قالت لها عن شي لانها تعرف انها فترة امتحانات ...و لانها شافت اختها سعيدة مع انها المفروض تعرف بس كل شي له خيرة ..وهذا نصيبها انها ما لازم تعرف الحين عشان تحقق احلامها و تعيش حياتها ..وحدة ثانية كانت بعد تجهز حق حياة جديدة ..حياة ما تعرفها مع منو بتكون ..ما تعرف انه حب حياتها الي صارت تكرهه هو الي راح يكون شريكها لاخر عمرها  ..هي ابد ما سالت اخوها عن المعرس دام انه رضى ان العرس يكون بعد الامتحانات ..خلاص تجهزت و خذت كل اغراض العرس و حجزت الصالون والفستان ..كل شي راح يكون اوكى ..رجعت تكمل مذاكرة بعد ما تاكدت من كل اغراضها ..صحيح ما وصلها اي مسج من حميد من فترة ..شكله اقتنع انها راح تتزوج غيره ..على طاري اسمه سمعت نغمة مسج ف تلفونها ..واول ما فتحته كان المسج منه ...((...الشاهد الله مانسيتك دقيقه.. حتى بمنامي تزورني بكل الأحلام..ماهي قصيده هذي والله الحقيقه مالك خفوقي وهايم بحبك هيــــام.. ودي بشوفه ماتهم الطريقه.. لو يحكموني من بعد شوفك إعدام.. عايش وقلبي تشتعل به حريقه.. واليوم لي يمضي في غيابك شرا العام.. يكفي جفا.. هذا الهجر ما أطيقه.. إرفق بحالي كان في دينك إسلام.. غرقتني بلج البحور الغريقه.. وأنا بزماني كنت شاطر وعوام.. سلبتني بزين الوصوف الرقيقه.. وحسن رهيف يجعل الصاحي ينام.. ذيك اليد الي عمت لك طليقة.. يلعب بها ريح الهبايب والأنسام.. وخد شعي مايوقف بريقه .. وعيون ترمي من لحظها بالسهام..عاشق وروحي في ودادك عشيقه.. زار بشرياني وساكن بالعظام..إرجع دخيلك مغرمك جف ريقه.. مدرك عليه الموت ويعد الأيام..))كان هذا مسج حميد ..نورة ندمت انها فكرت فيه ..اووووف منه ..مسحت المسج وما ردت عليه ...كلها دقايق والا ايها اتصال ..شافت المتصل غلطت عمري ...لا حول الله شو عنده هااا بعد يتصل الحين ..ارد والا ما ارد ..خلني ارد اشوف شو عنده ؟؟حميد: السلام عليكم نورة تكلمة بدون نفس: وعليكم السلامحميد حس باسلوبها وحاول يمسك نفسه : شحالج العروس؟؟نورة انقهرت من قال الكلمة ..هو رد ع اسلوبها بكلمة وحدة نرفزتبها ...قالت خلني اكمل: الحمدلله طيبه ..وانت شحالك؟حميد :بخير دامج بخير..بغيت اسالج نورة : نعم حميد: خذيتي كل اغراض العرس والا شي باقي بعده؟؟نورة استغربت سؤاله بس ما خلت ف بالها :لا الحمدلله كل شي خذيته ..حميد : انزين انا ابى ايب لج هدية الزواج كيف الترتيب؟؟نورة :مشكور مابى منك شي ..حميد:اوكى بطرشها مع معضد عيل نورة خافت :لا لا ..حميد مابى شي منك مشكور والله حميد: مب ع كيفج ..الهدية جاهزة متى اقدر اعطيج اياها؟نورة : من تصير فرصه بقولك تعال البيت و عطني اياها حميد: حاولي ف اقرب فرصة نورة قالت كذا بس عشان تتخلص منه ما تباه يروح يعطيها معضد لا يسوي لها سالفه :ان شاء الله ..عن اذنك قاعدة اذاكرحميد :اوك ...مع السلامة الحبنورة تسمع وساكته ما عرفت شو ترد ..ليش يا حميد انت كذا ..تعرفني بتزوج واحد غيرك وانت تعاملني كذا الله يسامحك ..دمعت عينها..وما انتبهت انه حميد بعده معها ع الخط ..حميد :ليش اصيحين الحين ؟؟نورة سكتت و كتمت عبرتها :ما في شي حميد :انا اسف نورة ادري وايد ضايقتج نورة استغربت من تصرفات حميد ..الحين تبى تتغير يوم انك حسيت اني راح اكون حق حد غيرك ؟؟قالتها ف خاطرها ..هي كانت تتمنى انها تكون له هو مش لحد غيره ..بس هو باسلوبه خسرها ..:ممكن تخليني اذاكر الحين ؟؟حميد حس انه جارحنها وايد ف ما بغى انه يجرحها اكثر ..مع انه يبى يعوضها عن كل الي سواها فيها ..هو يحبها بس مشكلته كبريائه كريال ما يسمح له ..:اوكى مع السلامة ..سكر الخط وكل واحد منهم كان ف خاطره افكار و ذكريات ..كان كل واحد احلامه توديه و تيبه ..في شخص بعد كان يغير حياته ..كان يتجاوز مشكلاته ..كان يبني احلام جديدة ..احلام تنسيه الماضي ..احلام يبى يحققها وتصير واقع ..خلاص قرر انه يمضي بحياته و يروح على قدام وينسى ماضيه الحزين ..قرر وما راح يتراجع عن قراره ...بيروح يخبر امه ويخليها تخطب له ..صحيح انه هو ما يحب الزواج التقليدي بس عشان ينسى راح يسوي المستحيل ..راح يقبل باي شي ينسيه ماضيه ...راح لامه وهو واثق من قراره جاسم : السلام عليج امي ام جاسم :هلا ولدي ...ما بغيت غداء؟جاسم: امي بغيت اخبرج موضوع ام جاسم فرحت ان ولدها رجع لطبيعته :امر ولدي جاسم :انا قررت اتزوج ..واريدج تختارين لي ام جاسم طارت من الفرحة :كلللللللووووووش وهاي الساعة المباركة ...بختار لك زينة البنات جاسم :وابيج تخبرين ابوي ام جاسم :ان شاء الله يا ولدي ...ان شاء الله افرح فيك و اشوف عيالك جاسم : انا بروح ارقد صحووني حق الصلاة ام جاسم : ان شاء الله ...قعدت تناظره لين راح لغرفته وقامت من مكانها ودشت غرفة اخوه ..دقت الباب.مروان : ادخل ام جاسم : شو قاعد تسوي ؟مروان حس من دخلت امه عليه انها تبى شي والا ما كان ياته لحد غرفته: امري الوالده قعدت ع الكرسي  قابلته ...ام جاسم :اسمع يا ولدي انا كلمتك قبل عشان موضوع عرسك وما عطيتني خبر؟مروان فهم السالفه قام بيستهبل على امه شويه : امي انا قررت اني مابى اعرس ام جاسم:لا والله وليش ما تبى تعرس ان شاء الله؟؟مروان : بس لاني ابى وحدة ومستحيل القاى مثلهاام جاسم : ومن هي هاي بعد؟مروان :انا ابى وحدة مثلج انتي ..ان لقيتي وحدة مثلج بعرسام جاسم ضحكت عليه : ههههه ..ف هالزمن ما بتلقى مثلنا نحن يا ولدي مروان : عيل ما ابى ..شكله المصنع المنتج مالكم وقفت خدماته ههههههام جاسم :هههههه ..مروان اخوك جاسم قرر انه يعرس ..وانا ابى عرسك و عرس اخوك ف يوم وحدة ..وتصير الفرحة فرحتين ..شو قلت؟مروان استغرب من جاسم :جاسم متى كلمج؟ام جاسم :قبل شوي ..مروان : اهااا الي تشوفينه امي ..بس ابى وحدة هبلة ام جاسم :انت اهبل يكفي متحملتنك بعد حرمتك مروان : امي اختاري لي الزين ام جاسم : لا توك تبى هبلة ..ههههههمروان : ههههه انزين هبلة و مزيون ام جاسم : هبلة انا مابى بس مزيون ان شاء الله مروان : عيل بتزوجينا  انا و جاسم ..باقي حمود و معتز ..زوجيهم عرس جماعي مرة وحدة ام جاسم : هم بعدهم صغار من يكبرون بنزوجهم ان شاء الله ..بسير اخبر ابوك ..والعصر بسير عن العرب مروان : ما شاء الله كله حار بحار الوالدة عندجام جاسم : عن تغيرون رايكم ..احسن شي ..وخير البر عاجله مروان قعد يضحك ..بس امه عندها حق ..هو كبر متى ناوي يتزوج ..((...ياأجمل العمر مـالـك في بقــاياه حاجــهوش تبي خل بــاقي ما بقـى لي لحالـــي...))نهاية البارت السابع عشر روايتنا قربت احداثها للنهاية ..كانت ايام جمعتنا ..لحظات فرح ..همسات حزن ...كان القلب يشتاق ..توقعات البارت الياينوال وراشد كيف بتتحسن علاقتهم والا لا ؟؟راح يكون في عرس ..ومنو بيتزوج؟؟حمود و هاجر شو بيصير بينهم؟؟منال شو دورها ف البارت الياي؟؟مهرة شو بتسوي بعد ما تعرف عن ابوها ؟؟انتظروا بارت مشوق و كله احداث مميزه ..و مثل ما قلت لكم ..باقي القليل و تنتهي احداث روايتنا </blockquote>

الإسم

التحقق