تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: <blockquote data-quote="مجروحة المشاعر" data-source="post: 1386967" data-attributes="member: 2432">البارت الثالث عشر((...أشكيك للزمن؟ ماتهون تركتني ورحت؟ والله تمون ماينصفني منك غير رب الكون...))كانت راقده و مب قادرة تفتح عيونها ...حاسه انه العالم ثقيل عليها محد عارف شو في خاطرها ...ام و قلبها على بنتها ...بنتها راحت عنها...ضاع مستقبلها...مسكينه هالام ...ما تعرف شو الي صار فيها و ف عايلتها ...كانت مخدرة و راقده وما حاسه بالي حواليها...و هو كان قاعد يناظرها بعد ما دش عندها ...مب قادر يتحمل الي صار لامه و اخته...و كل هذا بسبب الشيطان...هذا مب ابو ...لا حول ولا قوة الا بالله...قعد يقراء عليها و يدعي ربه انها تقوم بالسلامة ...صحيح ان امه ما بترجع مثل ما كانت بس عالاقل هي عايشه و بتكون معهم...اذا راحت عنهم امهم من لهم بالدنيا غيرها...ابوهم القاسي الي ما راح يهتم فيهم...هي كانت متحمله ابوهم عشان عيالها...و هم متحملينه عشان امهم واقفه معهم...شو السبب الي خلى ابوهم كذا قاسي... نرجع لماضي اكثر من 40 سنة قبل لا يتزوج محمد ...(بو علي)كان محمد اصغر اخوانه...و المفروض اصغر واحد هو الدلوع بس لان امه ماتت و هو عمره 5سنة ما حس بحنان الام ...عيال الحارة كلهم عندهم ام الا هو ...الكل كان يعايره ...ابوه ما رضى يتزوج وحدة ثانية ...و اخته كانت متزوجه ...و اخوانه كل واحد لاهي ف دنياه محد اهتم فيه ..و ابوه كان يعامله ع اساس انه كبير ...كانت قسوة ابوه هي الي خلته يكون قاسي ...تعلم هالطبع من ابوه...والحين الضحية هم زوجته و عياله...بس هالشي غلط ...ظلم...قسوة...ما لهم اي ذنب انهم يعانون بسبب ماضي ابوهم...عايشين حياتهم مب حاسين بالراحة والا الامان ...الي المفروض يحسون فيه ف بيت ابوهم ...بس تربيه ابوهم و معاملته القاسية كانت السبب الي خلاهم يتعلمون كيف يربون نفسهم و عيالهم باحسن من كذا ...سلطان كان قاعد عند امه ...اتصل عليه علي سلطان:هلا عليعلي: انت وين؟سلطان: عند امي ...شو هناك؟علي:مهرة تبى تجي عند امي ...اجيبها ؟سلطان:لا خلها انا قاعد عندها ما لازم تجيعلي: بس سلطان ما يصير اخليها بروحها ف الشقةسلطان : ليش جواهر وين عنها؟علي: جواهر راحت عند عيالهاسلطان :خلاص خلها تجي ...علي علي: نعمسلطان: انت اخونا الكبير ...مب لازم تشاورني اذا بغيت تسوي شي...هم خواتك بعدعلي: الله يخليك ...يالله مسافة الطريق و نكون عندكسلطان حس ان شخصية علي تاثرت لان ابوه كان يعتمد على سلطان اكثر و ما كان يعطي علي اي اولوية بس سلطان ما كان عاجبنه الحال..بس ساكت ..و علي الي اثر عليه اكثر موت زوجته بثينة الله يرحمها...حس ان حياته تغيرت وايد ...لانه كان يعرف شكثر اخوه كان فرحان بالعرس و بزواجه...الفرحة ما اكتملت ...و انجبر انه يشتغل عند ابوي بس عشان امي طلبت منه هالشي ..كانت تباه ينسى حزنه..بس هيهات ...كيف ينسى اغلى انسانه ف حياته...حس سلطان بدوخه في راسه ...ما كل شي و من غير الحادث هو بروحه تعبان...طلع من غرفة امه يبى يروح ياخذ له شي ياكله ...و واحد كان قاعد ف الاستراحة ينتظره ...اول ما طلع و شافه راح له .....: السلام عليكم سلطان و علامات الاستغراب على ويهه: وعليكم السلام ...:شحالك ولدي؟سلامتك عسى ما من شرسلطان: الحمد لله ..الشر ما يجيك عمي...:اعرف انت مستغرب من انا ...بس شفتكم البارحة و حبيت اسال عن مريضتكم ؟؟كيف حالتها الحين ؟؟سلطان: الوالدة تعبانه شوي ..بس الحمد لله ع كل حال...:ولدي اذا احتجتوا اي مساعدة انا حاضرسلطان: ما عليك قصور ..بس...و قبل لا يكمل كلامه...:وياك بو شهاب سلطان: الله يحييك عمي تسلم ربي يخليك... انا سلطانبو شهاب: هلا فيك ولدي سلطان هذا رقمي و اذا بغيتوا اي مساعدة ما تتردد تتصل علي...عطني رقمك اطمن عليكم سلطان:هذا رقمي ..و مشكور مرة ثانية و ف نفس الوقت وصل علي و مهرة ...مهرة كالعادة متغشيه ...و بو شهاب عرف انها نفس البنت الي كانت مع سلطان علي :السلام عليكم بو شهاب و سلطان : وعليكم السلام سلطان : هذا اخوي الكبير ...عليبو شهاب : هلا فيك ولدي علي: هلا ومرحبا عمي الله يحييكمهرة ما انتظرت و دخلت عند امها ...ما اهتمت للشخص الي كان عند اخوها ..لان همومها اكبر ...قاعدة تحاتي امها ...و مب عارفه شي عن اختها...مب عارفه انه الشخص الي برع هو زوج اختها ..ولا بو شهاب عارف ان هاي عايلتها...هو يعرف اسم ابوهم...بس سلطان و علي ما قالوا له الا اسمهم ...بعد ما تعرف عليهم روح البيت ...البيت الي هنادي بتكون جزء منه...بس قبل لا يروح مر المحكمة يخلص ورقة الطلاق..ما لازم يبقى الوضع على حاله...لازم تتغير الامور...لازم تعيش هنادي حياة احلى من الي كانت عايشتنها...راح اعوضها عن كل الي صار لها...مادري ليش بس احس اني مسؤول عنها الحين...بيت بو معضد ((...تكفى ترى تكفى تهز الرجاجيللولا ظروف الوقت ما قلتلك تكفى يا اخوي...))رجعت من المدرسة و هي تعبانها..ما صار لها الا يوم من طلعت من المستشفى ...سلمت على امها و راحت غرفتها ...امها ما عاجبنها حال بنتها ...بس ودها تسوي الي ف بالها...لانها شافت الواقع ...و شافت الشي الي حست بالامان و حست ان بنتها بتكون ف ايدي امينة ...حميد ولد اخوها ...يحب نورة وراح تكون من نصيبه ان شاء الله...معضد كان العقبة الوحيدة الي واقفه في طريق هالشي...كيف تقنعه...ما تدري ان معضد اساسا اقتنع خلاص تقريبا...بس الي باقي انه يرفض الريال الي متقدم لها ...معضد قرر انه يقول حق ربيعه ...لانه عطى حميد كلمة ...و بعدين حميد اولى لها من الغريب...الله يسامحك يا حميد خليتني في هذا الموقف...اتصل معضد حق الريال و قاله انه ماشي نصيب...الريال تفهم الموضوع و الدنيا تراها الا نصيب و هذا الي مكتوب...بس الي ما راح يسكت عنه معضد..راح يرجع الصاع صاعين حق حميد يوم انه خلاه ف هالموقف...اتصل ف حميدمعضد:هلا حميد حميد فرح من شاف اتصال معضد و خاف ف نفس الوقت: اهلين معضد شحالك؟معضد: الحمد لله ...حبيت ابلغك حميد قام قلبه يدق ف حياته ما دق مثل كذا : سم ...تفضل ...ان شاء الله خيرمعضد شافه متوتر و قال خلني العب باعصابه زيادة ادب:انت تعرف ان الدنيا نصيبحميد من سمع هاي العبارة بلع ريقه:انزينمعضد: انا اسف بس ما اقدر ارد على الريال و هو بيدفع المهر يوم الخميس و بيدفع 10 الالفحميد حز ف خاطره انه موافق على الريال عشان عنده فلوس: معضد انا بدفع 15 الف بس لا توافق ارجوك معضد:بس هويبى العرس بعد شهر حميد:انا ابى العرس بعد اسبوعين معضد:ليش مستعجل؟حميد: انا ابى نورة ...ليش مب راضي تفهممعضد: خلاص عيل نورة من نصيبكحميد مب مستوعب الي سمعه :انا بخذ نورة رضيت والا ...و قبل ما يكمل كلامه استوعب الي قاله معضد و سكت معضد ضحك على شكل حميد :هههههه ياخي خاطري اشوف شكلك الحين حميد : احلفمعضد: والله اني ابى اشوف شكلك الحينحميد:لالالالا احلف انك ...انك ..اني ..اني ...ان نورة بتكون ليمعضد:والله انها بتكون لك ...خلاص حميد ما واسعتنه الدنيا من كثر الفرحة ...ما انتبه انه سكر التلفون في ويه معضد...وقعد يناقز ف الغرفة و يصارخ...دشت عليه امه ام خلفان :شو فيك يا ولدي؟؟حميد راح عند امه و قعد يدورها ف الغرفة : بعرس بعرس ام خلفان فرحت من سمعت الخبر : والله ...و هاي الساعة المباركة انت الوحيد الي باقي من اخوانك كلهم عرسوا الا انت ...بس من هاي الي بتخذها ؟حميد : بخذ واحد احبها امي احبها ام خلفان عصبت : شو تحبها ؟؟من هاي قووول؟حميد توهق: بيوصلج الخبر امي ...ابوي وينه؟؟ام خلفان : ابوك تحت قاعد عند التلفزيون...تعال قول من هاي بسرعةحميد طلع من الغرفة و راح عند ابوه ...يخاف امه ما توافق على نورة لانها تباه ياخذ وحدة من بنات خواتها...اول ما وصل حب ابوه على راسه حميد: ابوي ابى اكلمك ف موضوعبو خلفان: تفضل ولدي حميد: ابوي انا قررت ...اعرسبو خلفان فرح ع هالخبر: مبرووووك ولدي بالبركة ...بس عاد حاط حد ف بالك والا تبى امك تختار لك وحدة من بنات العايلة؟حميد: ابوي انا خطبت البنت وخلصت بو خلفان عصب : عيل ياي تخبرني الحين ؟؟حميد : ابوي كل شي صار بسرعة بو خلفان : من هاي ؟؟ومن اهلها ؟؟حميد : ابوي انا بخبرك بس اباك تقنع امي بو خلفان : اول اقنعني انا بعدين فكر ف امك حميد: انت انا ضامن انك بتقتنع حميد قعد يخبر ابوه ...و استانس بو خلفان ان حميد عرف يختار ...و طبعا اقتنع بمرة ...والباقي انه يقنع امه ..و طبعا ابوه هو الوحيد الي يقدر يقنعها ...حميد خلاص اتفق مع ابوه .. و طبعا باقي المهمة على ابوه...معضد دش البيت بعد ما كلم حميد امه كانت قاعدة ف الصالة بروحها ...كان تعبان و راح و قعد عدال امه و عق الغترة ماله عدالهمعضد:السلام عليكمام معضد: وعليكم السلام ..شو فيك يا ولدي ؟؟معضد: تعبان من الشغلام معضد لقتها فرصة انها قاعدة مع معضد بروحها ...و تقدر تكلمه ف الموضوع ...مسكينه ما تعرف ان الموضوع خلاص صار ...معضد: امي وين وصلتي اكلمج ما تردينام معضد انتبهت له:هاااا..لا بس بغيت اكلمك ف موضوعمعضد شاف ان الموضوع جدي:تفضلي امي ام معضد ما ف عمرها كلمت معضد ف موضوع مهم مثل كذا:ابى اكلمك ف موضوع نورة اختكمعضد ما بغى يقول حق امه لحد ما يعرف هي شو تبى: بلاها؟ام معضد: انا اباها حق حميد ولد اخوي...قالتها و هي واثقة من الي تسويه انه عين العقل معضدارتاح ان الموضوع بس كذا: خلاص امي اعتبري ان الموضوع تمامه استغربت ..كيف معضد اقتنع بمرة ...:انت عارف انا شو ابى الحين؟معضد:انتي تبين حميد حق نورة و خلاص هذا الي بيصيرام معضد: بس كيف؟معضد: حميد كلمني قبلج ف الموضوع ام معضد الحين تاكدت من حب حميد ل نورة ...لانه من سمع انها بتروح حق واحد غيره تقدم لها...و اقنع معضد...معضد الي ما يقتنع ...اقتنع خلاص...الحمد لله :و الريال؟؟معضد: خلاص انا كلمته و بلتقي وياه عشان ارجع له المهرام معضد: يعني تفهم الموضوع؟معضد: ايوا قلت له ماشي نصيب و هاي الدنيا...مع اني مستحي منه واللهام معضد:الحمد لله ع كل حال...خير ما سويتكل هذا صار و في وحدة كانت قاعدة تسمع كل الي يصير ...تتوقعون انها نورة ...لا مب هي ...سارة اختها ...سارة علاقتها مع نورة مب ذاك الزود دووم تغار منها..ف كل شي تغار ..حتى هي ما كان ودها ان نورة تصير حق حميد ..والحين زاد القهر ...راح تسوي شي عشان ما تكتمل فرحت اختها ...ما كانت تعرف ان نورة بروحها ما تعرف شي عن الموضوع ...شافت معضد يبى يقوم و بسرعه راحت غرفتها..معضد استاذن من امه و راح غرفته ام معضد تشوف ولدها و يدق تلفون البيت ...خذت التلفونام معضد:الووووبو خلفان:الوو...هلا مزنه...شحالج؟ام معضد:هلا اخوي ...الحمد لله يسرك الحالبو خلفان: ابى اكلمج ف موضوع ...ريلج وينه؟؟ام معضد عرفت الموضوع الي يبى يكلمها فيه اخوها: اعتبر ان الموضوع تم اخوي اعرف انت شو تبى بو خلفان : كيف عرفتي؟ام معضد ضحكت :هههه قبل ما تتصل كنت اكلم معضد عن الموضوعبو خلفان :خلاص عيل خبري سالم (بو معضد) ان نحن بنمر عندكم بعد العشاء نتكلم عن الموضوع رسميام معضد: بالبركة اخوي ..وهاي الساعة المباركة ...حياكم اللهبو خلفان: بالرخصة عيلام معضد: الله وياك((....يا فرح عن قلبي لا تغيب يا بلسم جروحي خلك مني قريب...))كان قاعد بروحه ف غرفته بعد ما سمع الاخبار الي يباها ...بعد ما صارت نورة له ..و تاكد من هالشي ...متسدح على فراشه ...و نورة مصيطرة على افكاره ...اخيرا راح تصير له ...مسك تلفونه و قعد يكتب مسج ...كان يبى يتصل يبى يسمع صوتها ...في الصوب الثانينورة قاعدة ف غرفتها تعبانه ...ما عارفه بالشي الي يصير وراها ...ما عارفه ان مستقبلها بيكون مع حميد ...قطع عليها السكون الي كانت فيه نغمة المسج ...خذت تلفونها تشوفه ...(يا عمري مابي تمر من دونه يا قلبي مابى اعيش من غيرهوش دنيتي دونج يا نورة؟؟)انصدمت نورة من المسج ...حميد شو فيه صاير رومانسي و يرسل مسجات حب بعد ...ردت عليه بمسج...حميد انا حق حد غيرك خلاص انسى نورة ...و اصلا انا ما ابيك فاهم...حميد انقهر من المسج ...بس اكتشف انه نورة ما تعرف انه هو الي راح يكون زوجها ...اكتفى انه يرد عليها ...اتحداج انج تكوني حق حد غيري...ف بيت بو جاسمعهود قاعدة تكلم مهرة ع التلفون و تاخذ علومها ...من فترة ما تواصلت وياها ...انكسر قلبها ع الي صار في مهرة ...كل هذا صار لها و هي ما تدري بشي..هي ما كانت موجودة عشان توقف معها ...عهود اتفقت مع مهرة انها تجي تزورها ف المستشفى مع امها ...سكرت عنها و نزلت عند امها ..عهود:امي مشغوله؟ام جاسم قاعدة تشرب قهوة و تشوف التلفزيون:لا شو عندج؟عهود: امي خلينا نروح المستشفىام جاسم:شو فيج ؟؟شي يعورج؟عهود:لا امي ما فيني شي..بس ام ربيعتي مهور طايحه عليهم ف المستشفى..و قلت لها بنجي انا و امي عندكم...ام جاسم: شو فيها ؟؟عهود: مسكينة صار لها شلل نصفيام جاسم : الله يا كافي...الله يعينهم ...شوفي حد من اخوانج يوديناعهود:خليني اشوف جاسم ام جاسم: يمكن مشغول؟؟بس شوفيهعهود مسكت تلفونها و اتصلت ع جاسم: الووووو هلا جاسم جاسم: هلا شو هناك؟عهود: انت مشغول والا فاضي؟جاسم: امري شو بغيتي؟عهود: انا و امي نبى نروح المستشفىجاسم: امي فيها شي؟عهود: شو فيكم كل ما اقول حق حد مستشفى يقول يشو صاير ...لا ما فيها شي ...نبى نروح نزور حدجاسم :ايووااااا ...انزين تجهزوا ...الحين بنزل لكمعهود: ليش انت وين؟جاسم: انا ف غرفتيعهود: اقولك اقلب ويهم تخسرني رصيد وانت الا هناجاسم : يالله انتوا تجهزوا عهود: اوكىام جاسم:هيه صح نسيت انه ف غرفتهعهود: الحين تقولين لي؟ع العموم يالله امي خلينا نتجهز نهاية البارت الثالث عشر كشفت لكم سبب قسوة بو علي و راح اكشف لكم اشياء جديدة ف البارت الجايتوقعات البارت الجاي شو ممكن تصير مواقف زيادة لابطالنا ؟؟هاجر شو بيصير معاها ...و شو بيصير ف خطتها؟هنادي راح تتاقلم مع حياتها الجديدة؟عهود بتشوف حبيب القلب ف المستشفى و شو بيصير بينهم؟بو علي شو بيسوي لما يعرف انه الكل طلع من البيت؟</blockquote>

الإسم

التحقق