محتاج استشاره ونصيحه في التخصص

[الطير]

السلام عليكم ورحمة الله وبركاته

إخواني أخواتي تحيه طيبه،،

أنا طالب جديد في كلية البريمي وكنت دارس قبل والحمدلله اليوم عادلوا لي مواد الاساسي ودخلت على طول البرنامج الأكاديمي اللي هو التخصص.
بس من وصلت التخصص وقف المخ ما عرفت شو اتخصص وما اعرف ميولي في اي تخصص!!

مع العلم اني حاط في بالي ثلاث تخصصات اللي هن اي تي، موارد بشريه و ادارة اعمال

اللي عنده فكره عن التخصصات والمساقات اللي مفروض اخذهن في كل تخصص ما يبخل علي في اي معلومه واللي عنده نصيحه ممكن استفيت منها اتمنى انه ما يبخل علي بها مع العلم اني أبا تخصص سهل ويعتمد اكثر شي على البروجكتات والبرنزنتيشن يعني اهم شي عندي اخلص الدبلوم بدون مشاكل.

واللي عندة فكره او نبذه عن مدرسين الكليه ياليت اعرفها *_^
والسموحه من الجميع,,
تحياتي الطير​

 

[`¤*«مُحمدْ البادِيْ»*-¤]

وعليك السلام ورحمة الله وبركاته
أخي\ أولا مبارك لك القبول وعقبال ما تكون من المتفوقين في دراستك الجامعية

ثانيا: ليش الحيرة! هل هناك تضارب بين ميولك أو التي يفرضها واقع سوق العمل
ثالثا: الدراسة الجامعية تعني أنك وصلت إلى مرحلة تفوق المراحل الدراسية السابقة! صحيح إنك تقدر تمشي حالك بالنجاح إن أحببت ولكنك أخي بعد التخرج سواء بالدبلوم أو الباكلريوس ستجد نفسك في منافسة حامية ينظر بالأساس فيها إلى تحصيلك الأكاديمي! أخي ما شيء هناك اسمه سهل! إذا تريد ابذل وبتحصل
وأخذها نصيحة من مجرب! الأيام الي بتقضيهن في الدراسة ما هي إلى فترة قصيرة جدا جدا مقارنة بالحياة بعدها! أصبر على هذه السويعات وبتشوف النتيجة بعدين! الدرسة الجامعية فيها منافسة وأنت لربما شفت الوضع!
وأما بالنسبة للتخصاصات شو الأحسن لك، فالسموحة منك، ما أدري ولكن لربما وأقول ربما: تخصص موارد بشرية وإدارة أعمال هو الأنسب ولكن أيضا ما يمنع تروح الكلية وتجلس مع بعض الشباب الموظفين لعلك تحصل واحد منهم طيب وخلوق ونيته صافية ويرشدك، تراهم الطيب يبان من عنوانه

موفق أخي لدرب الخير وأرجو إذا أحد غيري يقدر يفيدك باللي عجزت أنا عنه وجزاه الله خير

 

[الطير]

الله يبارك فيك اخوي ويا هلا بك
المسألة ليست مسألة تضارب او حيره اخوي العزيز بس يمكن المشكله في دوامي
دوامي كله نظام شفتات حتى وقت النزول راح يتقسم بين وقت راحتي وقت الدراسيه غير جذيه الناس اللي في الدوام (المسئولين) مستحيل يساعدونك للدراسه للأسف.

بالنسبة لي درست قبل بس ما كملت لأني بالفعل ما كنت مهتم في الدراسه في ذاك الوقت بس الوضع الحين تغير عندي هدف أني أخذ الدبلوم ومعزم عليه وأفكر فعلياً حتى اكمل للباكلريوس بس اول شي ودي أغير درجتي الوظيفيه...

بالنسبة لكتابتي لهالموضوع لانه معلوماتي عن كلية البريمي الجامعية محدوده جداً وأكيد الوضع يختلف من كلية او جامعة لأخرى وأكيد فيه طلاب وطالبات عندهم خبره وخلفيه عن أشياء نحن المستجدين مستحيل نعرفها او نفهمها إلا عن طريق المعرفة والتجربة وما خاب من سأل او استشار...

الصراحة الموظفين في كلية البريمي الجامعيه ما قصرو وكنت عادي أروح اسأل مشرفين التخصصات عن تخصصاتهم ومساقاتهم ومستحيل ما يجاوبوني لو فكرة اسأل بس قلت أخذ فكره او عن التخصصات والمواد وعلى الاقل يوم أسير انزل مواد انزل مواد أنا عارفها وما خذ فكره عنها حتى لو كانت هاي الفكره محدوده وغير كامله...

مشكور اخوي الكريم على المرور والاهتمام،،،
أخوك الطير


​

 

[صمت الجروح]

وعليكم السلام والرحمه
اهلاً فيك أخوي

وأحييك على قرارك في أستمرار تعليمك

بخصوص الأختيار ..
أنت شو ميولك ؟ أنت شو تريد ؟ وين تحص نفسك ؟
وظيفتك تحتاج تخصص معين ولا عادي أي تخصص تختار ؟

وإذا بتشاورني أكيد بقولك بزنس لأني من طلاب البزنس :icon_smile_big: -- > :imua4:

آمممم .. شوف كل شي سهل لو أنت حطيت في بالك سهل
بس أنت تقول تريد شي فيه برزنتيشن وهـ الأشياء
غالباً هذا يكون فتخصصات البزنس
بس ليش حطيت في بالك موارد أو إدارة ؟ .. ترا البزنس في تخصصات كثيره وحلوه

شوف ميولك .. وأي سؤال نحن حاضرين :1:

 

[الطير]

تسلمين أختي صمت الجروح على المرور
بيني وبينج ما عندي ميول لأي شي والجماعة في الدوام غير مهتمين بالتخصص مع أني أشوف انه الإتش آر والبزنس مطلوب في كل مكان في هالوقت...
ما عليج إماره بحكم انج من طلاب البزن لو تعطيني نبذه عن هالتخصص وشو درجة صعوبته ونبذه عن المساقات في البزنس؟
وياليت لو اعرف شو تخصصات البزنس الموجودة في كلية البريمي
السموحه على التأخير في الرد والسبب الدوام *_^
شاكر لج أختي
اخوج الطير​

 

[صمت الجروح]

يا مرحبا فيك أخوي

مآ أرح اقولك أنه سهل , ولا بقول أنه صعب
لأن كل شيء يصير سهل مع الأجتهاد ومع تأقلمك مع التخصص
بس أنصحك على البزنس لأن تقريباً كل مواده أنت أكيد عايشنها دامك تشتغل وعايش أجواء العمل
وبصراحة أنا في بعض المواد كانت سهله بالنسبة لي رغم صعوبتها مع بعض الطلاب
بس أنا شفتها سهله لأني جربت كيف أجواء العمل , فحسيتها تشرح لي الشغل والشركات والمدير والموظفين
يعني أنا ألحين أنصحك على البزنس وبقوة وبعنف :icon_smile_big:

بخصوص التخصصات الموجودة في قسم البزنس هي كـ الآتي :
المحاسبة + إدارة أعمال + العلوم المالية والمصرفية + الموارد البشرية + التسويق + التجارة الدولية

كلها تخصصات ممتازة ومطلوبة في المجتمع
أنت شو حاب فيها ؟ أو برأيك شو اللي تحسها أقرب لك ؟
​

 

[الطير]

هلا بج أختي نورتي من يديد
قبل لا أشوف ردج الاخير صليت اليوم الظهر وعقب صليت استخارة وعلى طول الجامعة سجلت في البزنس تخصص ادارة اعمال ما اعرف ليش اخترته بس الحمدلله خيره *_^
من شفت ردج وإصرارج اني ادخل بزنس ما اقول غير اللهم لك الحمد والشكر الحين ارتحت نفسياً :bounce:
نزلت اربع مواد لأني اول سنه في التخصص ومب عارف كيف الوضع وكيف اسلوب المدرسين في الشرح وفي التعامل مع المساكين مثلي قق9

رحت للمس ما اذكر اسمها بس هي من الجنسية الهنديه ولا اعرف شو شغلتها شكيتلها الحال ونزلتي المواد على ثلاث ايام في الاسبوع مع اني كنت اتمنى لو كأنن يومين في الاسبوع علشان اقدر أوفق بين الدوام والجامعة بس الحمدلله على كل حال وهاي المواد اللي نزلتهن على قولت المس أنهن اهم مواد في اول كورس تخصص والله اعلم،،،،
Introduction to financial acct
Introduction to management
Microeconomics principles
Islamic culture

وفيه مادة خامسة نسيت اسمها بس قالتلي انها غير مهمه وانا ما حبيت انزلها علشان لا اتوهق والصراحة اصلاً ماكنت عارف شو انزل وشو هن المواد اللي مفروض اخذهن في اول كورس تخصص....

على العموم الحمدلله اني سجلت وأفتكيت من كثرة التفكير قق9

اللي عنده اي اضافة لا يبخل علي *_^
أخوكم الطير​

 

[طالبة بكلية البريمي]

وعليكم السلام ورحمة الله وبركاته
الله يوفقك اخي الطير
آْنَـا بـٌـٌٌـٌٌٌـٌٌـٌع αƒтєяٌـِـِِـِـڊ طالبة جديدة بكلية البريمي وأول سنة لي


عموما اخي اردت سؤال
اين كنت تدرس مسبقا?"

شُـــگــ{ ThaNks }ـــرآآ لك

 

[الطير]

بالتوفيق للجميع أختي والله يوفقج،،،
أنا درست قبل في كلية التقنيه في العين بس ما كملت بسبب الانجلش **
عقب درست في جامعة أبوظبي ٣ لفيلات اجلش وكملت دبلوم مهني بس طلع هالدبلوم ما يوكل عيش:bounce:
والحمدلله انه الكلية عادلولي اكثر المواد اللي خلصتها وخلاص ما يلي غير كلية البريمي :ش4:

تقلي مروري أختي
الطير​

 

[صمت الجروح]

مرحبا الساع ..

ممتاز جداً :flex: .. أتوقع أنت رحت مع مس مايا لأن هي الأدفايسر تبع الإدارة
ومواد حلوه وسهله .. انا درستها في سنواتي الأولى في التخصص :7btain:
يعني أي مساعدة أو سؤال أنا جاهزة

آمممم
مواد سهله ومن أسهل ما يكون
فقط يحتاج تتعامل مع الدكاترة بالأسلوب الطيب عشان يتساهلوا معاك
ودامك تشتغل هم أكيد يتساهلوا معك
وأتتتتتمنى أنك اخترت الدكاترة اللي فبالي عشان يسهلوا لك المواد

 

[سنفورة]

بالتوفيق ياربي ياخوي وبشرنا على تخصصك .. عشان عقب نبة ندش ::v4::

 

[الطير]

مرحبا الساع ..

ممتاز جداً :flex: .. أتوقع أنت رحت مع مس مايا لأن هي الأدفايسر تبع الإدارة
ومواد حلوه وسهله .. انا درستها في سنواتي الأولى في التخصص :7btain:
يعني أي مساعدة أو سؤال أنا جاهزة

آمممم
مواد سهله ومن أسهل ما يكون
فقط يحتاج تتعامل مع الدكاترة بالأسلوب الطيب عشان يتساهلوا معاك
ودامك تشتغل هم أكيد يتساهلوا معك
وأتتتتتمنى أنك اخترت الدكاترة اللي فبالي عشان يسهلوا لك المواد

يا هلا بج أختي
هي نعم هي نفسها اسمها مس مايا بس شكلها طيبه وايد
والله اللي اسأله عن المواد يقولي مواد سهله ياخوفي سهله لغيري :65:
لا الحمدلله الاحترام والاسلوب الطيب موجود ومطلوب لانه بيعكس انطباح حلو عني للأساتذة
والله يختي ما اعرف كيف اختار المدرس ولا عندي خلفيه عن المدرسين مس مايا طبعت الجدول وعطتني اياه حتى ما مكتوب في الجدول من الدكاترة اللي بيعطون المواد!!! الصراحه هالنقطه شاغله تفكيري :imua22:
لاحظت بعد ولا مادة انجلش في التخصص ومادري هل هم عدوني الانجلش ولا التخصص مافيه انجلش؟؟!
دامج متخصصة إدارة الله يعينج واستحمليني *_^
اخوج
الطير​

 

[الطير]

تسلمين أختي سنفورة والله يوفق الجميع ان شاء الله
عسى يكون تخصص حلو وسهل
يوم تنوين تتخصصين عندج الأخت صمت الجروح ما شاء الله عليها خبره :hehe:
عاد هالمره مشيتها على عماها ومن الكورس الياي لازم نأخذ لستتة الدكاترة من اختنا صمت الجروح *_^
تقبلي مروري
الطير​

 

[صمت الجروح]

ايوة مس مايا طيبة وحنونه .. كأنها أمك أو اختك الكبيره :imua41:
خدمتني كثير مع أنها مش الادفايسر تبعي

كيف يعني مواد انجلش ؟؟
ما فهمتك ؟؟

قصدك فاونديشين أو شو ؟

أخوي ترا كل هالمواد تدرسهن بالانجلش ما عدا المجتمع العماني والإسلاميه واللغة العربية
وبخصوص الدكاترة خبرني مواعيد المواد وبطلع لك منو الدكاترة اللي بيدرسوك
واذا ما ارتحت لهم ترا في حذف وإضافه أول اسبوع دوام وتقدر تغير

وأفا عليييييييييك أنت وكل الطلاب
لما اخدمكم أحس براحه .. لأني في أول سنواتي كنت نفسكم تايهه ومحتاجه استفسر
الله يوفقكم يا رب

وأي سؤال سدحه هنا ولا تتردد :flex:

 

[الطير]

ايوة مس مايا طيبة وحنونه .. كأنها أمك أو اختك الكبيره :imua41:
خدمتني كثير مع أنها مش الادفايسر تبعي

كيف يعني مواد انجلش ؟؟
ما فهمتك ؟؟

قصدك فاونديشين أو شو ؟

أخوي ترا كل هالمواد تدرسهن بالانجلش ما عدا المجتمع العماني والإسلاميه واللغة العربية
وبخصوص الدكاترة خبرني مواعيد المواد وبطلع لك منو الدكاترة اللي بيدرسوك
واذا ما ارتحت لهم ترا في حذف وإضافه أول اسبوع دوام وتقدر تغير

وأفا عليييييييييك أنت وكل الطلاب
لما اخدمكم أحس براحه .. لأني في أول سنواتي كنت نفسكم تايهه ومحتاجه استفسر
الله يوفقكم يا رب

وأي سؤال سدحه هنا ولا تتردد :flex:

هلا بج أختي
سمحيلي ازعجتج *^
اقصد بالمواد الانجلش عندج مثلاً في كلية التقنيه في العين الشباب يدرسون التخصص وفي نفس عندهم كلاسات لغة انجليزيه ويقدر يتجاوز الانجلش لو ياب شهادة توفل او ايلس....
أنا كلاساتي السبت والاثنين والأربعاء
من الساعه 3-4 microeconomic principles
من الساعه 4-5 Islamic cultur
من الساعة 5-6 introduction to financial acct
من الساعه 6-7 introduction to management
هذا جدولي احس بسيط ومب معقد نفس باقي الجامعات والكليات بس عاد تبقى مسالة الدكاترة...
والسموحه منج أختي
الطير​

 

[طهر]

السلام عليكم ورحمة الله وبركاته
نظام التقنيه ف العين يختلف بشكل كبير عن كليت البريمي
بحيث انهم مايحاتون لاتوفل ولا آيلتس

بالنسبه لماة الانجلش ف كل تخصص عندهم
General english
يمكن عادلولك هالماده واذا لا فهي سهله ومايحتاي تحاتي
معانا بالجامعه يدروسنها طلاب اللفل 2 ف الفاونديشن
بس احين ركز ع المواد لي سجلتها وكلها مقدمات ف التخصص وبتكون سهله لك
دامك تخوض تجربة العمل
واختي تخصصها ادارة اعمال
ف ممكن نفيدك … واختي صمت الجروح ماقصرت كفت ووفت بياض ويه

 

[صمت الجروح]

أهلا خيو ..
لا نحن ما عندنا هالنظام لان ما نعتمد لا الأيلتس ولا التوفل
فقط عندك مواد اسمها متطلبات جامعيه اللي هي خمس :
( مجتمع + لغة عربيه + إسلاميه |+ جنرال أنجلش + ستدي سكلس )

بخصوص المدرسين اللي بيدرسوك ..

من الساعه 3-4 microeconomic principles --> بيدرسك مستر بابكر سوداني الجنسيه :wa 6:
عادي أموره طيبه وامتحاناته سهله ما يحتاج لها شي .. بس ركز معاه واحفظ أول بأول

من الساعه 4-5 Islamic cultur --> يدرسك مستر عتيق الفلاسي عماني:facepalm:
هذا أستاذ في في قسم القانون وجديد .. وللأسف ماعرف أسلوبه في الشرح عشان أفيدك , بس أسأل طلبه القانون أكيد بيفيدوك

من الساعة 5-6 introduction to financial acct ---> يدرسك مستر عمر فريد .. هندي ::v4::
اممممم كنت اتمناك تاخذها مع مستر فداغ بس للأسف ما طارحه المادة هالكورس
المادة دسمه تقريباً ويحتاج لها تركيز لأنها أول مادة تخص المحاسبة .. وهي مبادئ محاسبيه
تقريباً فيها حسابات وقيود وهـ الأشياء
بس أتوقع مستر عمر يسهل لكم لأنه يبسط الموضوع

من الساعه 6-7 introduction to management -- > يدرسك مستر ابراهيم الشامسي ::v4::
نفس الشي تمنيتك تاخذها مع مستر سامر لكن ما طارح المادة هالكورس
هذي ماده سهله وبتفهمها لأنها تعيشك جو العمل وشو اللي تشتغل فيه وشو هو الهيكل التنظيمي فالعمل وهـ الأشياء
بخصوص الدكتور ماعرف اسلوبه ما جالي جربته .. بس دامه عماني أن شاء الله يسهل عليكم


والأمور طيبه ومحتاجه شدة حيل بس ::v4::
وأي استفسار أنا هني
​

 

[الطير]

السلام عليكم ورحمة الله وبركاته
نظام التقنيه ف العين يختلف بشكل كبير عن كليت البريمي
بحيث انهم مايحاتون لاتوفل ولا آيلتس

بالنسبه لماة الانجلش ف كل تخصص عندهم
General english
يمكن عادلولك هالماده واذا لا فهي سهله ومايحتاي تحاتي
معانا بالجامعه يدروسنها طلاب اللفل 2 ف الفاونديشن
بس احين ركز ع المواد لي سجلتها وكلها مقدمات ف التخصص وبتكون سهله لك
دامك تخوض تجربة العمل
واختي تخصصها ادارة اعمال
ف ممكن نفيدك … واختي صمت الجروح ماقصرت كفت ووفت بياض ويه

عليكم السلام والرحمه
بالفعل هذا الواضح انه فيه اختلاف من كلية لكلية
لا ما عندي ولا مادة انجليزي ويمكن فعلاً انهم عادلولي مادة الانجليزي
ان شاء الله عسى الله يسمع منج والله يوفق الجميع يارب *_*​

 

[الطير]

هلا فيج أختي

مشكوره أختي صمت
الحمدلله على كل حال ان شاء الله تكون الامور طيبة ^^
عطيتيني معلومات قيمه فعلا فيه أشياء ماعرفت كيف بوصلهن وانتي وصلتيهن لي
السموحه منج تعبتج وياي ومشكورة على وقفتج وياي واكيد بدون لاتقولين ما يحتاي عزام لو احتجت شي ما قدامي غيرج هههههه استحملي اللي بييج *_^​

 

[صمت الجروح]

::x631::

أفا عليك .. نحن في الخدمه دائماً وأبداً