بسم الله الرحمن الرحيم
ـالسلام عليكم و رحمة الله و بركاتهـ،
؛
اليوم راح نقدم وجبتنا بـ طريقة مختلفة قليلاً . .
المقادير مع الطريقة و الشرح و الصور كله ويا بعض .،
التصوير كان ع السريع ^^" و لكن يمشي الحال !
:wa 9:
نبدأ على بركة الله . .
- نييب صدور دياي و تغسلها و عقب نقطعها شرائح طولية رفيعه شوي .
و عقب نخليها في وعاء على جنب . .
- نسوي الخلطة السحرية للشوارما //~
( ملح - فلفل - بزار - كركم - علبة روب - ملعقتين كبار مايونيز -
- ملعقتين كبار طحينيه - شوية زيت زيتون ) . .
- نخلطهم ويا الدياي ، لين يتغطن الصدور كامل ،
و عقب تخلونهن لمدة سااعة أو أكثر ( كل ما زادت المدة كان افضل ) .
- نييب بصل + ثوم و نقطعه شرائح صغيره . .
- نقليه شوي بالزيت لين يصير لونه أصفر . .
- عقب نييب الدياي و نبدا نقلبه في قدر تيفال . .
تضيفون عليه البصل المقلاي . .
و تتمون تقلبونه لين ينشف تقريباً . . بندوا عنه النار و خلوه ع ينب !
تيبون بطاطس ~
و تقلونه . . و تخلوه ع ينب . .
و عقب تجهزون الخلطة الثانية للحشوة ، المكونه من :
( 4 ملاعق كبار مايونيز - 3 ملاعق كبار طحينية - و قوطي روب قليل الدسم ) . .
بتلاحظون أني اخترت روب قليل الدسم هالمرة و السبب عشان يعطيها شوي حموضه!
تخلطونهن ويا بعض زين ما زين و تخلونهن ع ينب
و تيبون مخلل و قطعوه شرائح رفيعه . .
و بعدها نبدا بالحشوو . .
نييب خبز لبناني مال الشوارما . . و نفتح نصها بهالطريقة :
و عقب نحط الخلطة مالت الروب و المايونيز و الطحينية :
و عقب خلطة الدياي :
و عقب المخلل :
و عقب البطاطس :
و عقب اذا حبيتوا تزيدونه شوي من خلطة الروب و المايونيز و الطحينية !
و عقب تسكرون السندويج :
و العمل النهائي :"
و صحتين و عافية . .
أي سؤال أو استفسار . ،
نحن في الخدمة ان شاء الله
،
تم اعداد الوجبة من قبل أختكم : [mark=#ff0000]الهتن [/mark]
جميع الحقوق محفوظة لدى منتديات محافظة البريمي -2012م
