غريب الدار
¬°•| مشرف سابق|•°¬
السلام عليــــــــكم ورحمة الله وبركــــــاته....
طبعا اليوم حبيت اتفلسف شوي واشارك بموضوع في هالقسم الرائع بصراحه...مب شغلي التصوير وهذي اول تجربه ((شكله الاخيره خخخ))
atch_joi:طبعا من العنون امبين انه الموضوع عن استراليا...قبل فتره كنت في هالبلد الجميل لمدة اسبوعين تنقلت فيها بين ميلبورن وسيدني...لكل مدينه لها طابعها الخاص...
المسافه تقريبا 14 ساعه مباشره بدون توقف...الاجواء كانت جدا رايعه...درجات الحراره من 6 الى 8 فالنهار وتنخفض الى 5 واربع دراجات فالليـــل...الشعب جذا ودود وحبوب وفوضولي...اقرب الى الامريكان من الانجليز...وحسيت انه ثقافتهم محدوده ومحصوره فبلدهم والبلدان المجاوره فقط...طبعا كل الجنسيات موجوده وخليط من الاديان...احلى شي الاكل بصراحه...وخاصه سيدني معروفه ومشهوره بتنوع مطاعمها واكلاتها...طبعا الانسان يكون حذر من اللحوم فالمطاعم اللي ما يتوفر فيها الذبح الاسلامي والشي الثاني انهم يحطون بعض انواع الخمور ((الله يعزكم)) في اغلب وجباتهم ولكن بكل بساطه تسالهم ويجاوبونك ويطبخولك الاكل بدون الاضافات الثانيه....
بترككم مع الصور والسموحه على التصوير ...بعدنا مبتدئيــن
atch_joi:...منظر النهر اللي يتوسط مدينة ميلبورن وتحيط به المطاعم والكوفي شوبس...
...محطة القطار الرئيسيه على جانب النهر...
...منظر النهر وجزء من المدينه من اعلى بنايه في ملبورن ومن الطابق الـ88..نسيت بصراحه تصنيفها فالعالم بس فعلا المنظر رائع وتقدر تشوف المدينه كلها...طبعا في جزء من هالطابق بطلعك برع البنايه ويكون ملاصق فيها وكله من زجاج وتشوف تحت كأنك مب واقف على شي...بصراحه تجربه عجيبه بس للاسف ما يخلونك تصور يخافون انه شي يطيح عالزجاج وبكسره وتروح فستين داهيه خخخخ
atch_joi:...
...منظر ثاني من فوق...
...منظر عربة الخيل...طبعا يلتزمون بالسير مثل السيارات...
...ساعه مادري شقايل تشتغل
atch_punnch:...علم علم ...
...شرايكم في نخلهم...
...فالويكند الكل يسير الملعب يشاهد كرة القدم الاستراليه...ويعشقون هاللعبه بشكل فضيع...فكنت معزوم على مباراه من المباريات واليكم الصور...
...توهم الجماهير يوصلون...
...تسخين قبل المباراه...
...بدت الضرابه قصدي المباراه
atch_joi:...
...جانب من الملعب اللي يتسع حق 100,000 متفرج واللي حاظرين كانو 58,000 وباين فالصوره شعار طيران الامارات الراعي لفريق من الفرق اللي كانت تلعب...
...فرحة الجمهور بعد الهدف...
...جانب من المباراه...
...الساعه والشاشه الالكترونيه...
...مناطحه مب مباراه
...
...يوم الجمعه كنت معزوم في مزرعة احد الاسترالين فالريف...مرو عليي الصبح ورحنا السوق طبعا هو تقليدي شوي فيه كل شي من خضره وفواكه وعصائر وخبز و و و كل شي...هذا اللي يبيع مب انا خخخخ
...وصلنا الريف اللي يبعد ساعه عن المدينه...وبصراحه شي ولا اروع...
...وصوره ثانيه...
...احد اكبر ملاعب الجولف فالعالم...
...لقطه للفلا فالمزرعه اللي كنت ساكن فيهـــا صباحا..اجواء ولا اروع...
...شرايكم في قوس قوزح
atch_paint:...خوزو عني خخخ
...قبل الرجوع رفجت عليهم يودوني اشوف الكناغر ((الرفجه بالاسترالي غير بعد خخخ))...
كان قريب المغرب والصور ابدا ما طلعت واضحه...السموحه..نحنوو ممنووونون لكم
atch_joi: كح كح
اخر ثلاثة ايام كانت في سيدني...صراحه مدينه وايد حلوه...واليكم الصور
...شرايكم فالشاهين
atch_joi:...
...سكان استراليا الاصليـــن...طبعا بعزف عشان يجذب الناس ويبيع اسطواناته...
...وآخر عشان يجذب انتباه الناس...طريقه حلوه للشحاته خخخ...
...جســـر سيدني الشهير...
...ولقظه ثانيه...
...طبعا ممكن تتسلق الجسر وتشوف منظر سيدني...وهذيلا بعض المخابيل خخخخ...
...ركبنــــا الــفريي او العباره اللي تمشيك وتاخذك من نقطه لنقطه وتشوف منظر سيدني من البحر...تجربه وايد حلوه..
...منظر الاوبرا هاوس...
...وآخر...
...بعض المناظر...
...ونختمها بالعشاء...تفلضـــوا...
...شو تتوقعوووون!!! خمنووو خخخخ اللي بيخمن صح بعطيه جايـــزه
...بحط صورة الصحن وهو مكشوف عقب التخمينات
اتمنــــــــى انه الصور عجبتكم...والسموحه على التجربه الاولى فالتصــــــــوير...
دمتــــــــــــــم بـــــــــــــــود....
atch_joi:
التعديل الأخير بواسطة المشرف:
