مهم : لصاحب كلية البريمي الجامعية ...!.....!....!

[شيخهم كلهم]

بصراحه ادارة كلها ما تنفع شي .....!!!!



راح اذكر اسباب :::::
1- اتصل في استقبال ... ترد علي باسلوب ما حلو بصراحه .. اقولها اريد تحولي حق القبول والتسجيل تقولي شو تريد .. كل مره تقولي مشغولين ... يعني انا في بوظبي ظروفي صعب تريدني ايي كلية بس اسال اسائل بسيطه ... ويوم حولتني ع القبول والتسجيل اتم انتظر بساعات واخر شي يرد علي واحد ويقولي انا مشغول انتظر وبعدين يسكر الفون في ويهي شو هذا اسلوب .. ليش مسوني فوووف في كليات .. ع فكره هذي اكثر عن مره ...



2- الدرجات فيها ظلم في ظلم حطني لي كل 55 كل المواد والنسبة 55 وربيعي نفس شي والثاني نفس الشي ... امتحان منتصف كانت درجاتي كامله وينهم وين راحت ....... كل ما اقول شي حق رئيس القسم يقولي اهم شي النجاح ... انا اهم شي عندي درجاتي ... شو اسوي وين اروح وين اوصل ... يعني كل همكم فلووووووووووووووووووووس ... والله وسخ دنيا اخر شي بتروحون تحت التراب ولا تنسون انكم من تراب ...





3/ المقهى اللي في كلية ::: ارجع من دوام وما ف وقت اكل شي وخاطري شي اكل اروح مقهى كلية واطلب لي شي .. كل ما اطلب اشوف في اكل شعررررررررررررررر ..... والشاي في قطرات من الزيت ..... وينك يا صاحب كلية تعال شوف شو مسوتي في كلية ... شوف حل حق هذي اشياء ...




4/ ما راح اتكلم اكثر تعال شوف بنفسك واسال طلابك .....شنو مسوتي ..........................................













واعنذر من الجميع




وانتظر الرد لحل هذي مشاكل

 

[ح ــــميد . . !]

خليها على الله

مش بس انتي
في ناس وايد انظلمت
الحمدالله على كل حال

اكيد صاحب الكليه يعرف
قالها ريال
يسون قرعه ويعطونهم الدرجات​

 

[الضيف]

صراحه وبدون مجامل والكل متفق معاك ..الكافتيريا ما تصلح ابدا..
متى بيتم تطوير عدة مقاهي تتنافس في تقديم وجبات للطلبة
لازم يدرسون هذي النقطه بجدية تامه...

 

[{ العمده }]

الصراحه على كلامك الله يعينكم :61:



:imua35:

 

[DarkFireSlash]

انا اظن من رأي الفريق الاعلامي للمنتدى لازم يغطي هالشي

 

[بوح القصيد]

لازم يسمعون راي الطلبة والطالبات ويعدلون في مقترحاتهم مع التنفيذ

وشكرا

 

[طويل العمر]

ملاحظاتكم اكيد حد من ادارة الكلية رايح يشوفها واذا فيه خطا وليس ظلم متعمد رايح يتعدل بعون الله

 

[DarkFireSlash]

تم حفظ الموضوع في ملف لتوثيقه كقضية

وشكرا

 

[المزن]

مع احتراامي :~
يمكن معك حق
بس لا تلقي اللوم كله ع الرئيس

 

[فيتامين الغرام]

للرفع
++++++

 

[DarkFireSlash]

اخوي اذا عندك شي زيادة هاته

وانا بدوري بحقق في هذا كله

 

[شواخ]

الله يعينكم ،،
أممممم من وجهة نظري انكم تحاولون تحلونهذي المشاكل البسيطه بروحكم ؛
مثال ، اذا الكفتيريآ محتاجة تصليحات حاولو انكم تجمعون من الطلاب المبلغ المناسب و.صلحو فيهآ ، صحيح هو شي لابد للكليه من انهآ تهتم فيه لكن انتو المضررين ؛
المشكله مالت الدرجات اعتقد انه في شي يسمونه رساله تظلم معمول فيهآ ف معظم الكليات و الجامعآت ، حاول تسأل عنهآ و لا تترد انك تسترد علاماتك ،
أمر أخير : لا تخلون الكليه شماعه ترمون فيهآ سلبياتك حتى لو.كانت هي السبب
موفقين

 

[طويل العمر]

شواخ احترامي الشديد لج ولرايج لكن ادارة الكلية بعون الله مب عايزه عن تصليح الكفتيريا عشان يجمعوا من الطلاب
ومن ناحية درجاتهم الي انا متاكد منه فيه رسالة تظلم ويقدر اي طالب يراجع امتحانه فاي وقت
وطبعا الشكر موصول للمكرم الشيخ / احمد بن ناصر النعيمي جزاه الله خير وطول الله عمره
:imuae56:

 

[محمد المخمري]

هي والله صدقت

اول شيء الدرجات مظلومين فيهاا حتى انا احس مظلووم

ويعني الموظفين فالكلية على الفاضي ما تحصلهم الا بالصدفة مدري وين يسيروون

خلها على الله اخووي

 

[al-matarafi moon]

ههههههههههههههههههههههههههههههههههههههههه
والله كلها لعبه ف شعبه
ع قولتم

 

[ح ــــميد . . !]

الاخت شواخ ؟آ

انتي قلتي رسالت التظلم صح

سيري سوي رسالة تظلم واذا رجعولج حقج لج مني الي تبينه

انا ظالميني 4 مواد مش بس مادة وعقولتج هالرساله سويتها اكثر من مرة ولكن طاااااف...!

تعرفين شو يعني طاف ...؟!

يعني زبدة الكلام اليي يعطونج اياه لا تسيري تبين زياده

لانه الادارة تضغط على الدكاتره يسوون جي
​

 

[طويل العمر]

ادارة الكلية تضغط ع الدكاتره red-crab7
كيف اداري يتدخل فشغل اكاديمي red-crab7
بالعقل يا اخواني حرام عليكم

 

[طويل العمر]

z911 ياخوي الدنيا بسعه واللهجة القويه تكره ما تحبب ( ولو كنت فظا غليض القلب لنفظوا من حولك ) امبين عليك من كلامك دارس لكن ما يعطيك الحق تهاجم اي احد اقل علم بس لانك دارس فيرحم والديك خف علينا وللعلم انا مب طالب وقلت مب طالب عشان اتقول غلط ولغه عربيه جدا زعيفه :ش2:

 

[طويل العمر]

onion head16 من وجهة نظري البسيطة والقريبة جدا من الكلية فاحس انه احسن الانتقاد حتى يتم تحسين العمل بالكلية وثاني شي سمعة الكلية ما بطيح لانه والله واحد او حتى عشرة قالوا انهم مظلومين ( فيه دليل ) ؟ طبعا لا لانه كلية البريمي الجامعية مب ظالمين
ويرحم والديك خف علينا ولا تطلع لي فيها خريج وباقي ع الذكرى

 

[أبو عبدالله]

اذكروا لله يا اخواني ،،

وما في مؤسسة علمية وتعليمية لا تخلوا من النواقص ،،

وكلية البريمي احس انها من يوم الى يوم تطور وطبعا لو تقارنون كلية البريمي بالكليات الاخرى نشوف انها افضل من غيرها .. من ناحية استخدام اساليب التدريس الحديثة ،،


من ناحية الاشياء الاخرى مثل الاكل ف الكافتريا هالشيء من يوم ما فتحوا الكلية والاكل مب شيء .. بس نتمنى انهم يوفرون الاكل الصحي والمناسب للطالب ..


وسلامتكم ،،