مِـفآهيم ﭐلوفِـآ●∑™
¬°•| مشرفة سابقة |°¬
المجتمع صاير حلاله حرامة..
وحنا نقول مثالي ومرموق.،
نحرص على أسباب الزعل والملامه
ونقول كيف نفارقالضيق ونروق
صرنا نفكر فالغطا واللثامه
ونكشخ ونقضي يومنا لف السوق
نتبع مفاتن.. قبل نتبع شهامه
كن الجسد شهوة ماهو دم وعروق
الشخص فينا كل همه.. غرامه
كنه عشان الحب والعشق مخلوق
نحكي بذوق مع العرب. .وابتسامةق
لكن مع أهلنا.. ولانعرف الذوق
ننسى ان كل انسان فكره: مقامه
ونصنف اهل المجتمع تحت أو فوق
صار الرجل حلمه ، وجل اهتمامه
يصبح غني لو كان من مال مسروق
نشرح سبل عيش الحياة بكرامة
وحنا اﻷوادم عندنا ارخص من النوق
قليل.. من فكر بيوم القيامة
تفكيرنا كلة فاﻻحساس. . والشوق
نبغى حقوق انسان. .لو هي علامه
وحنا مانعطي" ربنا" أية حقوق
نحكي عن الدين وعن اﻻستقامة
وبيوتنا اغلبها خيانات وعقوق
كل يبي "يملي"علينا كلامه
كن اﻷوادم عايشة وسط صندوق
وشلون يفرض مجتمع احترامة
وأكبر طموحاتة (متى الحرمه تسوق)
للشاعر-----
............محمد الوسمي.........
