للصديق

الموضوع في ',, البُريمِي لِـلخَواطِر ,,' بواسطة درةالإسلام, بتاريخ ‏2 ماي 2012.

  1. درةالإسلام

    درةالإسلام ¬°•| عضو مبتدى |•°¬

    جالس في وسطهم
    قاعد ولاأسمع حكيهم
    لاتحسب اني عندهم
    انا معك بس جنبهم
    متحمسين بحكيهم
    ماغير أشوف عيونهم
    وأتخيلك وسطهم
    سألني واحد بينهم
    وش رايك بكلامهم
    احرجني والله قدامهم!!
    قلت الـــعفو ياقلبهم
    ناقص رفيع الشان بينهم
    .................................


    شخص إلا منه مضى لي معه
    يوم
    أندم على ايام مضت قبل
    ما القاه
    احتاج له لا صار في صدري
    هموم
    ولو ينكسر ساقي تسندني
    يمناه
    جعل المعزة بيننا دايم
    الدوم
    هذا الرفيق اللي من الصعب
    تنساه
    ....................................

    والله ماأنسى صاحب مانساني
    لو طالت الغيبه وضاعت نواحيه
    يبقى معي مابين قلبي وعيني
    والنفس من بد المخاليق تغليه
    وأنشد عن أحواله بعاصف سنيني
    وأرتاح لازانت وطابت لياليه

    ............................................

    من نسى في زحمة الدنيا رفيقة
    قلت له عندي رفيق مانساني
    لو يطول الوقت ويطول طريقه
    ادري انه لو يطول البعد جاني
    بيني وبينه على العشرة وثيقة
    ان بديته بالغلا والا بداني
    صرت عنده بالغلا حسبت شقيقه
    هو بعد غالي ومن حسبت اخواني

    ....................................

    تعبت ادور بين الاجواد صاحب
    وعندي مفاهيم الصداقة عظيمة
    وادري الصديق بكل الاحوال ساحب
    واحذر صديق السوء حكمة قديمة
    احب راعي الطيب والجود والواجب
    ناس مثلك تحشم وتستحق الحشيمة

    ..................................................

    قلبي اصيل وماضي الحب ماانساه
    والصاحب الغالي تشيله عيوني
    اشتاق له واشفق لصوته وطرياه
    واقول هو دنياي وشموع كوني
    رفيق دربي ماتناسيت ذكراه
    لو العرب في رفقته يعذلوني

    ......................................

    انا صديقك لا قسى الوقت واكفيك
    ولاني من اللي وقت المصالح يجونك
    اعزك يا صاحبي بكل مافيك
    ومن كثر مااعزك صرت اعز اللي يعزونك
    افتخر لاقالوا اني مخاويك
    يامنبع الطيب قلبك والصفا في عيونك

    ..............................................

    فديت وقتن حط في دربي رفيق
    واحدن يضحك معي واضحك معه
    واحدن لا صار وسط القلب ضيق
    بالسوالف والمزايح وسعه
    وان حكى باسلوبه العذب الرقيق
    يسرق من الجوف قلبن يسمعه

    ...............................................

    ابيك تعرف ان لك صاحب بكل مافيه
    يغليك .....
    بكل ماعطاه ربي من احاسيس
    يحتويك .....
    روحه حياته حتى جروحه
    تفتديك....
    لاتظن انه في يوم يقدر
    ينتسيك .....
    يبيك تذكره لاصارت الليالي
    تجتفيك .....
    وتدعيله:
    " عسى الله له يخليك "
     
  2. ŔξVẼήĜξ

    ŔξVẼήĜξ ¬°•| فنّانُ أسـطوري |•°¬

    مجموعة خواطر جميلة
    شكراً لج ~ وواصلي ابداعج
    تقديري
     
  3. أزهار الكرز

    أزهار الكرز ¬°•| مشرفة الخواطر |•°¬

    درة الاسلام

    وكلام ٌ جميل ويحلو معكِ الكلام

    لا فض فوك
    احاديثٌ رائعة

    وعباراتٌ ماتعة

    استمتعنا
    بل
    انسجمنا

    شكراً

    لروحك ولبوحك

    أمنياتي وتقديري وتقييمي

     

مشاركة هذه الصفحة