الطريقة / على النار صخني الحليب وضيفي عليه الشوكولاتة والحليب البودرة والفلفل وخليهم ينخلطون زييين ثمن خليهم يغلون دقيقه وحده بس مو اكثر وحطي معهم عود القرفة عشان تنزل نكهته وصبيه بالاكواب وتمتعي بألذ هوت تشوكلت في الحياة مع المارشميلو
صح هي لذيذه ماختلفنا بس ابيها تروح كل ماسويته علطول عرفوا انه بيتي كروكر منها
جبت خليط اللي مكتوب عليه ( أبيض ) هو مكتوب عليه تضيفين زيت وبياض بيض انا سويت تغيير وبدلت الزيت بالزبدة والبياض بالصفار وانا اخلطه حطيت عليه فانيلا سائله وربي بنات اختفت النكهة وصار دسسم بعد واكيد طلع الذ
زينته بالنوتيلا بس اكيد تقدرون تبدّعون بالآيسنق
*
حلآ الجوزآء ~
هالحلآ سهههل واتعب وانا اقولها
وسريع بعد والاهم لذيييذ مره يبي لك / بسكوت جوزاء على قد صينيتك 4 حبات جالكسي علبة قشطة وعلى الوجه 4 حبات جبن مثلثات و ثلث علبة حليب نستله
صفي البسكوت وذوبي الجالكسي والقسطة وصبي نص كميته على البسكوت ثمن صفي طبقة ثانيه بسكوت وصبي عليها باقي الجالكسي الذايب وآخر شيء صفي طبقه ثالثه بسكوت اخلطي الجبن والحليب وصبيه على الوجه ودخلي الصينية للفرن وحمريها من فوق بس شوي وخليها تبرد
تقدرون تزينونه بالهيرشي وبيطلع
*
بف بآستري بالمكسرآت ~
فكرته بسيييطه مره وتوآجه
جيبي البف باستري وقطعيها مربعات وحطيها بصينية الكب كيك الحجم الصغير حطي عليها مكسرات ودخليها الفرن عادي
جيبي / 5 حبات مارس كبير اصبع زبدة بسكوت شاهي مكسر قد مفصل الاصبع
علبة حليب + 6 حبات جبن كيري
وعلى الوجه 3 شرايح بف باستري زينيها وكسريها
اول شيء ذوبي الزبدة والمارس مع بعض وحطي معهم البسكوت واخلطيهم في هالخطوة تقدرين تحطين الخليط في صواني الكب كيك او في صينية بايركس وسط بس لازم تصيرين سريعه لانه يتكتل بسرعه اخلطي الكيري والنستله وصبيها عليه وحطي البف باستري عليهم دخليها الفرن عشر دقايق من تحت وخليها تتحمر شوي واستمتعي
احبه مره مع القهوة
*
مآفن الجوز والشوفآن ~
هو كآن مشروع مآفن بس بقدره قآدر غيرت رأيي وصار كذا
مقآدير المافن / كوبين دقيق نص كوب سكر بيضتين كوب حليب ربع كوب زيت ملعقة كبيرة باكنغ باودر ملعقة صغيرة فانيلا
الطريقه سهله مره / آخلطي المكونات السائله مع بعض والجافة مع بعض بعدين اخلطيهم بس لا تتحمسين
مجرد ماتمتزج خلاص يعني لو صار فيه كتل صغيرة عادي صبيها في صينية الكب كيك وسوي هالخليط / ربع كوب جوز ربع كوب شوفان ربع اصبع زبدة نص كوب سكر بني
اخلطيهم بالخلاط على خفيف عشان مايتكسر الجوز مره
حطيها على الوجه ودخليها الفرن لحد ماتستوي , يعتمد الوقت على فرنك ماقدر احدد
*
كب بسبوسة النوتيلآ ~
هالبسبوسة احبها كثيير تغيير عن الحشوات المعتادة حتى بالشكل تغيير ممكن تسوين اي بسبوسة تضبط معك
صبي نص كمية خليط البسبوسة في اوراق الكب كيك ودخليها الفرن شوي بس عشان تتماسك طلعيها وحطي على كل وحده نص ملعقة نوتيلا وكملي باقي خليط البسبوسة دخليها الفرن تكمل استواءها وحمريها واستمتعي بالبسبوسة
مميزته بينهم عشان بنت خالتي ماتحب الثوم مكوناته / زبادي , ملعقة جبن كرفت , ملعقة مايونيز , عصرة ليمون , ملح وفلفل اسود , بودرة فلفل حااار اخلطيهم مع بعض وبس
الثاني اللي جنبه هذا صوص الخردل لذيييذ مكوناته / زبادي , ملعقة كبيرة خردل ديجون , نص ملعقة صويا صوص مالحه , ثووم , ملعقتين ليمون , ملح وفلفل اسود , مايونيز >> ماله كمية حسب القوام اللي تبينه اخلطي المكونات واستمتعي بالطعم
* ملآحظه هالصوص ماكتفي فيه بس للشبسات
ممكن يكون صوص للسالاد جد جد لذيييذ او تدهنينه في ساندوتش بس تستغنين عن الزبادي وتخلينه بالمايونيز
آخر واحد اللي فوقهم هذا مافيه شيء جديد زي ابو بقدونس بس فيه ثوم ودقوس على الطاري بعطيكم طريقة دقوسنا
في الخلاط / نص كيلو فلفل احمر منزوع البذور حبة طماطه كبيره وحبة بصل صغيرة مكعب ماجي , ملعقة سكر , ملح , ثوم ومعهم ماجي ابيض ولو عندك بهارات اندومي حطيها ترا تنكه كثييير اخلطيهم واحمسي بصل مع ثوم في كمية كبيرة شوي من الزيت تقريبا 3 ملاعق صبي الخليط عليه وخليه لما يتسبك , خليه لما يبرد بعدين حطيه في برطمان ودخليه الثلاجة تقدرون تستخدمونه في كلش
انا احطه مع الرز والساندوتشات والصوصات وكل مايخطر على البال
بليلة ~
>> اشتهيتها الحين
طريقتها يبي لها وقت بس في النهاية بتطلع معكم اطلق بليله في الدنيا اول شيء نجيب الحمص الحب اللي يجي في اكياس
نشوف اذا فيه حصى والا شيء خربان ونلقطه زين ننقعه في مويه وملعقة كبيرة باكنغ صودا ونخليه ليلة كاملة في الثلاجة من بكره نطلعه ونخليه برا الثلاجة 8 ساعات تقريبا وقتها بتلاحظون ان البليله كبر حجمها
نغسلها وتحملو ريحتها هاك الوقت نحطها في قدر الضغط ونصب عليها مويه مغليه ونخليها تطبخ بيتجمع على الوجه شيء ابيض مثل الزبد شيلوه لا تخلونه
بعدها نحط عليه ملعقة كبيرة ملح ونسكر القدر ونخليها تطبخ تقريبا ساعه بعدها نحط عليها كمون وخل اسود وبكذآ نكون خلصنا من البليلة
بعدين كل واحد يضيف عليها اللي يحبه انا مليتها شطه
*
بطآطس مشويه بالذرة ~
هذي تنفع لطلعة بنات وكذا
سويناها مع بنات خالاتي في الاستراحة وكانت جميلة
يبي لها بطاطس مغسول ومغلف بالقصدير احنا شويناه عالفحم لو بتصلحونها في البيت عادي حطوها بالفرن
اول ما يستوي البطاطس وهو حار آخلطي معه جبن موازريلا وتشيدر وفلفل اسود الجبنه علطول بتذوب مع الحرارة
حطي عليها الاضافات اللي تحبينها , ذرة , زيتون , مايونيز وكاتشب وهكذا
هذآ مره كنت جالسه اقلي بطاطس وكنت ابي اغيّر عن العاده بعد ماقليته حطيته بهالصحن وزينت دجاج , اية طريقه تحبينها عادي بعدين على الوجه جبت مكعبات جبن تشيدر وحطيتها عليه ثمن حطيت الدجاج آخر شيء الصوص اللي فوق / قشطة , جبن كرفت , مايونيز , ثوم وفلفل اسود وملح صبيته عليه وحطيت على الوجه جبن موازريلا
>> مشروع تسمين الله يصلحني خخخخ وبس دخلته الفرن يتحمر
بطآطس مقلي مقرررمش ~
هذا فيه شغلآنه شوي بس يستآهل ترآ
قطعي البطآطس وآسلقيه بمويه وخل نص سلقه نشفي البطآطس وخليه على جنب , جيبي / 1 - نشآء وتبليه بملح وفلفل اسود 2 - بيض وخففيه بمويه واخلطي معه ملح وفلفل اسود بعد 3 - آخر شيء بقسماط اخلطي معه بابريكا وملح وفلفل اسود وريحان مجفف وبودرة ثوم واوريقانو واي بهار تحبينه
آبدي تبلي البطاطس اول شيء بالنشاء بعدين البيض بعدين البقسماط واقليه
بما انه مسلوق قبل ماراح يطول بس يتحمر طلعيه وبيطلع معك طري من جوآ ومقرررمش من برآ
* تقدرون تستخدمون خلطة كنور ترآ مررره لذيذ معه
*
بطآطس مشوي ~
هذآ البطآطس القريب
طريقته / قطعي البطآطس وتبليه بـ زيت وملح وفلفل اسود وبابريكا وريحان مجفف وفلفل حار وبودرة ثوم التتبيلة مفروض تكون ثقيلة شوي مثل صوصات السلطات جيبي صينية وغطيها بقصدير وصفي البطاطس فيها وغطيه ودخليه الفرن الوقت يعتمد على حجم البطاطس وحرارة فرنك بس ما ياخذ اقل من نص ساعه اذا تبينه طري خليه كذآ , واذا تبين يصير فيه شوي قرمشة لامرّ نص الوقت شيلي القصدير عن الوجه
مرره لذيذ ومعتمدته دايم
*
سآندوتش دجآج مسلوق ~
هذآ يصلح للدآيت
طريقته تسلقين صدور الدجاج لما تستوي بعدين قطعيها صغار وجيبي صاجه وحطي عليها بصل وليمون وشوي طماط مطحون وكاري وملح وفلفل اسود اخلطيهم مع بعض وحطيهم بالرغيف الصحي مع جرجير وجبنة موازريلا قليلة دسم
*
سآندوتش بانيني بالبآذنجان ~
لذيذ وسهل ! اساسي فيه الدقوس اللي كتبت طريقته فوق
الخبز من ايدين اميمتي جعل ايديها تحرم من النار جيبي آي عجينة تضبط معك وقطعيها مستطلات بسمك نص سم وخليها تنتفش شوي بعدين ادهني الوجه بحليب وحطي حبة البركة وسمسم ودخليها الفرن الباذنجان تقدرين تقلينه بس لو تبينه صحي شوحيه على الصاج بزيت زيتون وتبليه بفلفل اسود وملح جيبي البانيني وادهنيه بالدقوس وحطي عليه الباذنجان والجرجير وجبن موازريلا وحمصيه في الشواية
زينته مع بطاطسي المشوي كلهم قصادير × قصادير ماكثرت مواعين
*
مكرونة بالدجاج سبآيسي ~
هذي بنفس الدجاج اللي فوق
شوحي بصل على النار وخليه لما يصير ذهبي وحطي عليه الدجاج السبايسي واسلقي مكرونة وحطيها عليهم مع بقدونس مفروم
*
مكرونة بشآميل بالبنك صوص ~
لا يغركم الشكل ترآها ادمآآآن
فيها شغلانه شوي بس والله تستآهل
آول شيء جيبي خضآر / بصل , جزر , كوسه , بطاطس , بازيلاء شوحيها البصل والجزر والكوسه على النار شوي لما يذبلون بعدين ضيفي عليهم الكوسه والبطاطس وصبي عليهم كاسين مويه ومكعبين ماجي وخليهم يطبخون شوي لما يستوون * تقدرين تضيفين معهم دجاج بعدها ضيفي عليهم 3 ملاعق كبيرة صلصة طماط وعلبة كريمة صغيرة اسلقي المكرونة واخلطيها معهم وحطيها بصينية , زيني بشآميل بطريقتك المعتمدة وحطيه على الوجه وحطي جبنة بارميزان وبقسماط وشوي بابريكا
دخليها الفرن نص ساعه تقريباً وخليها تتحمر وبالعافية
طريقتها , تشوحين دجاج مقطع مكعبات مع شوية زيت وملح وبهارات بعدين تضيفين بصل ابيض مقطع نصف حلقات وفلفل بآرد ضيفي عليهم صويآ صوص المالحه وصلصة المحار وخليهم يطبخون لما يستوي الدجاج آسلقي المكرونة مع ماجي وملح وبعدين اخلطيه مع الدجاج لو صارت ناشفه زيديها من الصويا صوص
وبالعافية
*
ملفوف محشي طبقآت ~
اخذته من بنت خالي الله يسعدها
طريقته سهله وآدمان وتغيير عن الملفوف العادي
آول شيء جيبي ملفوف واسلقيه نص سلقه وقطعي العروق العريضه منه , خذي من موية الملفوف كاسين وخليها على جنب بنحتاجها بعدين
سوي حشوة الرز ومقاديرها هي / كاسين رز مصري نص كاس دبس رمان ربع كاس زيت زيتون ربع كاس بقدونس مفروم ثلاث ارباع كاس كزبرة مفرومه بصله صغيرة مفرومه 6 فصوص ثوم عصير ليمونه واذا تبونه حامض زيدوا ملح دقوس >> بنات ترا يطعم كثيير في الاكل
ماقلت لكم ينحط في كلش
الحين جيبي قدر وصفي فيه بطاطس مقطع حلقات بعدين ابدي الطبقات طبقتين ملفوف نص كمية الحشوة طبقة ملفوف باقي كمية الحشوة بعدين آخر شيء طبقة ملفوف
الحين جيبي كاسين المويه اللي تركناها في البداية وحطي عليها مكعبين ماجي وعصير ليمونه واغليها على النار شوي صبيها على الملفوف وخليها تغطيه قوس قوس جيبي صحن صين ثقيل وغطي الملفوف وخليه يغلي شوي بعدين قصرّي على النار وخليه يطبخ على نآر هااااديه تقريبا ساعه الا ربع وبعدين اقلبيه على صحن التقديم وقدميه مع بصل مقلي
