كيك مع العصير الملكي

[cute]

السلام عليكم


شحالكم .. اليوم يربت هالكيكه هههه هي مدموجه من فكرة كيكتين .. وطلعت جي :66: بس طلعت اوكي خلصو الصحن هه .. تخبيصنا مرات اوكي ومرات محد يتقبله ههه المهم نبدا فكيكة اليوم ..

اول شي مكونات الكيكه وطريقة تحضيرها :

المكونات :

[aldl]http://www.3roos.com/files/ups/2011/374548/41295370912.jpg[/aldl]

* بياض 7 بيضات



[aldl]http://www.andalusiaexpress.com/images/AlMaraiButterUnsalted1kg.jpg[/aldl]

* زبده 180 جرام يفضل استخدام زبده مب سايله وقطعيها مكعبات حسب المقدار ( ودايم فسالفة الكيك والبسكويت يفضل استخدام الزبده المب سايله والغير مملحه )



* كوب سكر ناعم

* طحين كوب ونص


(ملاحظه : استخدمي نفس الكوب عشان اتي المقادير اوكي .. وانا استخدمت كوب الزجاج مال الماي )


الطريقه :


[aldl]http://www.yabdoo.com/gallery/oldWatch.php?url=5862/gallery/2668_p69539.jpg[/aldl]


اول شي نخلط بالخلاط بياض البيض بروحه لين تتكون رغوه بيضه ومتماسكه شوي .. عقب نحط ويا البيض الزبده ونخلطهن ويا بعض لين تحسين الزبده ذابت ويا البيض وتغير اللون اصفر ..
وفطاسه بروحها خذي الطحين كوب ونص مع سكر ناعم كوب .. وخلطيهن ويا بعض ..
عقب حطي اللي خلطيه فالطاسه مع البيض والزبده .. فالبدايه خلطيهن بخاشوقه عشان يتماسك شوي وما يتناثر الطحين برا ..
وعقب خلطيهن بالخلاط لين تحسين كون عجينه مب سايله وايد جي قولي مدة خمس دقايق خلط بالخلاط ..

وخلال فترة خلط المكونات تكوني شغلتي الفرن من تحت اول وخليتينه يحر ..
حطي المكونات فصينية فرن مدهونه بزيت وذات قاع شوي عميق لان الكيكه بتنتفخ شوي ..

خلي الكيكه مدة 50 دقيقه والافضل عقب مضي مدة 30 دقيقه تشيكين عليها .. وغرزي سكين فداخل الكيكه وهي فالفرن اذا طلعت السكين نضيفه ما فيها عجين معناته الكيكه استوت .. واذا فيها عجين خليها بعدج وشيكي عليها عقب مره ثانيه ..

وعقب بندي الفرن من تحت وشغلي عليه من فوق .. ومب وايد يباله من فوق حدود عشر لربع ساعه ويمكن اقل بعد اهم شي تشوفين ان الكيكه استوت بني فاتح من فوق ..
وصكري على الفرن .. طلعي الكيكه وخليها تبرد شوي جي خمس دقايق ..
وخذي صحن كبير شوي حطيه فوق صينية الفرن وقلبيه .. اذا حسيتي الكيكه ما نزلت ضربي عليها شوي .. وخوزي صينية الفرن ..

الحين الكيكه استوت وجاهزه لتقطيع .. قطعيها طبقتين وعقب قطعيها مربعات ..

اني لمقادير تغطية الكيكه :


[aldl]http://www.3br.cc/forum/imgcache/1/27863br.jpeg[/aldl]

* نوتيلا ..





* مسحوق جوز الهند ( نارجيل )



فصحن حطي نوتيلا وعداله صحن فيه النارجيل .. غمسي قطعه من الكيكه فالنوتيلا وعقب فالنارجيل وحطينه فصحن التقديم وجي لين تخلص كل قطع الكيك .. وعقب دخلينه فالثلاجه فالفريزر جي ربع ساعه وعقب قدمينه ..

وصحتين :mh0033: طولنا عليكم بالشرح هههههه




الحين انييي للعصير الملكي الصراحه كشخه .. هالوصفه مصروقه للعلم بس ههه ..
بس يربناها وطلع صدق شرات العصير الملكي :

المقادير:


- علبة فراولة طازجة
- 1 كوب حليب طازج
- 1 علبة أيس كريم فانيليا
- 3 ملاعق سكر ناعم

الطريقة:

- تغسل الفراولة جيداً ثم تقطع وتوضع في الخلاط يوضع عليها الأيس كريم و الحليب و تمزج جيدا.
- يضاف السكر و يمزج الخليط جيداً إلي ان يمتزج ويصبح متجانس ويقدم مع قطع الفراولة الصغيرة.


وبالعافيه :imua36:​

للعلم ( الصور مب من تصويري مصروقات ههه ان شاء الله المره اليايه بنصور كل خطوه )

 

[لحن غجري]

كششششخه حبيت كل شي هآع

يعطيج الف عآفيه عالنقل

تسسسلمين ومآقصصرتي

لاحرم​

 

[[ود]]

شكرًا أختي العزيزة ، اختيار موفق

ينقل للقسم المناسب

 

[«|شمُوخْ|»]

طريقة حلوه للكيك
حبيتها اوي اوي


تسلميين خيتو ع النقل الرائع

احترامي وتقديري​

 

[ŔξVẼήĜξ]

جزيل الشكـــــر
لطرح هذا الموضوع الجميل
بارك الله الجهـــــــود
أجمل تحيــــــــة