1. فيصل محمد البادي

    فيصل محمد البادي ¬°•| عضــو مــهــم|•°¬

    السلام عليكم ورحمة الله وبركاته


    أبعثر في هذه الردهه أبيات حره أرجو ان ترضي ذائقتكم


    المصدر: جريدة الوطن (ملحق أشرعة الوطن) بتاريخ 2-4-2012

    بعنوان



    أنا دونك


    تعال وشوف لو كانك تقدر ذكريات الأمس
    تعال وحس بإحساسٍ تغمّس بالأماني غمس
    تِبَعْتك
    وأَغْمَضْت العيون وطار بي حبك
    تِبَعْتك
    رغم شوكٍ وضعته لي على دربك
    وأنا أتحمل
    لأنك من سكن قلبي
    وأنا أتأمل
    متى ترجع على دربي
    ترى دونك
    صحيح إني أجر أنفاس
    ولكني..
    أحس بضيقه فصدري
    وترى دونك
    صحيح إني أخط أطراس
    ولكني..
    أبعثرها على شعري
    أنا دونك
    كما مركب بلا بحار
    يِلَفّته الهوى لِيمِين ومره ياخِذه يساره
    وأنا دونك
    كما عودٍ حوته النار
    يبي مخرج ولكن المصير يرجعه ناره
    تعبت أشكي
    تعبت أبكي
    تعبت أتبع أحاسيسك وامِدّلك حبال وصال
    ولكنك تِعَجّزني وتِظْهَر لي شرات اللآل
    دخيلك
    لا تزودها ترى ضامي على بابك
    دخيلك
    لا تعقدها ترى في شَبْكِتِكْ شابك
    أنا اللي لو يِعَذْلوني العواذل تدري وش ردي؟
    أناظر هالسما واتخيلك وآقول أنا الولهان
    وأنا اللي لو أشوف الفاتنات فلبسها الوردي
    عيوني غير لونك ماتبي لونٍ من الألوان
    كذا حالي
    إذا همّك تشوف وتنظر فحالي
    وكذا بالي
    إذا تدرك بأنك لي سكن بالي
    وهذي آخر أوراقي
    وليعاتي مع أشواقي
    أغلفها
    بأحزان الليالي والدموع كثار
    وأغلفها
    بباقات الورود وخلها تذكار
    وأنا دونك
    هي المغزى من أبياتي
    أعنونها وأنا أكتب نهاياتي
     
  2. يكفي وجودك

    يكفي وجودك ¬°•| عضو مميز |•°¬

    إبداااااااااااااااااااااااااااع
    بالتوفيق لك
     
  3. بن الريان @

    بن الريان @ ¬°•| عضــو شرف |•°¬

    تعبت أشكي
    تعبت أبكي
    تعبت أتبع أحاسيسك وامِدّلك حبال وصال
    -----------------------------------------------
    تعبت الهجر
    تعب حسي وأنا أقسي
    زماني قصر وألا طال
    -------------------
    سامحني صعبت علي الشاعر الله لا هانك وأعتلى شأنك البادي لكني حريص دائما بتواجدي بين ما تكن لك الود وما عليك زود وأفحمت مشاعري
     
  4. بنت المقابيل

    بنت المقابيل ¬°•| مشرفة سابقة |•°¬

    كلمات جدااااا جميلة

    ومعاني أجمل

    تسلم البادي

    لا هنت
     
  5. ســــحـــايـــب شــــوق

    ســــحـــايـــب شــــوق ¬°•| قيادية متميزة |•°¬

    صح لسانك اخوي

    كلمات رائعه ربي يعطيك العافية

    وبانتظاار جديدك

    خالص احترامي
     
  6. نسايم ريف

    نسايم ريف ¬°•| شاعرة |•°¬

    عيوني غير لونك ماتبي لونٍ من الألوان
    كذا حالي
    إذا همّك تشوف وتنظر فحالي



    ماشاء الله عليك ياخوي ...
    صح لسانك ولا هنت يالشاعر ..
    كلمات في قمة الروعه وتعبير متميز وهالشي هب يديد عليك ..
    من جميل لأجمل ان شالله وربي يوفجك
     
  7. حلا الدنيا

    حلا الدنيا ¬°•| عضو فعّال |•°¬

    تعبت أتبع أحاسيسك وامِدّلك حبال وصال
    ولكنك تِعَجّزني وتِظْهَر لي شرات اللآل


    مبدع .. ذائقه قمة الابداع والتميز
     
  8. بو جسيمـ

    بو جسيمـ ¬°•| شاعر |•°¬

    يـآ مرحبـآ يالشاعر .. صح الله لسانك قصيده يات ع الوزن الحر

    تعال وشوف لو كانك

    احسهـآ مب راكبه يالخوي كلمة لو وكانك مع بعض

    بالنسبه للوزن كله مضبوط يالخوي لكن كلمة دخيلك يات منفرده وتقطيعهـآ ب _ _ مب ب _ _ _ ك باقي وزن القصيده

    اتمناك تستبدلهـآ بكلمه أطول عشان تضبط ويا وزن التفعيله

    ومنك السموحه يالخوي وباقي المقاطع ما عليهـ حكي .. يزاك الله خير ع المشاركه الطيبه

    ونحن نتريـآ الزود من صوبك .. تستاهل التقييم

    ربي حافظك
     
  9. يوسف الكعبي

    يوسف الكعبي ¬°•| شـــاعر|•°¬

    جميلا جدا ياشاعرنا الجميل
     
  10. [ود]

    [ود] ¬| رُوحٌ مُحلِّقَة بَين أسْرآبِ الأمَل ✿ ،

    فيصل محمد البادي
    تمتلك ذائقة شعرية فريدة من نوعها
    أحييك يا مبدع ، واستمر في نشر كتاباتك
    الله يوفقك
     

مشاركة هذه الصفحة