شو سالفة تقطيع الكهرب؟

الموضوع في 'مركز أخبَار وقَضَايَا مُحـَافَظة البـُريمِي' بواسطة DarkFireSlash, بتاريخ ‏28 فبراير 2012.

  1. DarkFireSlash

    DarkFireSlash ¬°•|مٌفكِر وُمبِدع تطوِري |•°¬

    الحين يومين الكهرب تنقطع على الساعة 4 ونص او 4 وترجع عند اذان الفجر او بعد صلاة الفجر بنص ساعة

    ممكن توضيح ؟
     
  2. سيدة أعمال

    سيدة أعمال ¬°•| عضو مميز جدا |•°¬

    هي والله

    من يومين أفتح عيوني أشوف الحجرة ظلمة

    ::s23::
     
  3. DarkFireSlash

    DarkFireSlash ¬°•|مٌفكِر وُمبِدع تطوِري |•°¬

    انا انش من الرقاد اسوي كوارث ~~~ الي ادوسه والي اكسره هع

    ::s11::
     
  4. همس العُطر

    همس العُطر ¬°•| روح مُنـاهآ الجنّة|•°¬

    صح .. حـتـى في الســكن تنقطع الكهربه .. واليوم تمت الكهربه مقطوعة لين بعد صلاة الفجر .. لكن في وقت صلاة الفجر قمت أبـى أصـلي كلــه ظلام ما ينشاف شيء:333:.. تعثرت وانكسر تلفوني إلى أبـى أشوف منه عشان أتـوظأ:imua18: ..
    عســى يحلّون هاذي المشكلة بسرعة :imua7:
     
  5. .." صموود "..

    .." صموود ".. ¬°•|مشرفة سابقة|•°¬

    سؤال يسدح نفسهـ

    ياخي صج شو المشكلهـ بضبط اللي عنده خلفيه يبلغنا بذالك


    امسس صقعت فاليداار ..~~


    رجعت ريووس ومدري على شو دست هع


    ,,, كح عالعموم اللي عنده فكره عن الموضوع يقولنا
     
    آخر تعديل: ‏28 فبراير 2012
  6. سيادة الوزير

    سيادة الوزير ¬°•| عضو شرف |•°¬

    الحمد لله احنا فعبري ما ادري شو الي يصير في البريمي ...

    ان شاء الله ارد باكر عند هلي و بخبركم شوالسبب ...
     
  7. مهمه رسميه

    مهمه رسميه ¬°•| مراسلة بلدية البريمي |•°¬

    خخخ بصراحه تعليقاتكم إبداع

    ليش مكبرين السالفه وايد يمكن فيه عطل بالمجمع الرئيسي للكهرباء ولا شي ؟؟؟

    عيل الحين إبشروا ف فصل الصيف بيقطعونها كل يوم والثاني

    الله يكون بعون الجميع
     
    آخر تعديل: ‏28 فبراير 2012
  8. DarkFireSlash

    DarkFireSlash ¬°•|مٌفكِر وُمبِدع تطوِري |•°¬

    زين لو عطل ليش ما يصلحونه الصبح ~~

    كل يوم مثل الوقت يبند
     
  9. DarkFireSlash

    DarkFireSlash ¬°•|مٌفكِر وُمبِدع تطوِري |•°¬

    ولليوم الثالث على التوالي ينقطع بنفس الوقت وبنفس الالسلوب



    المشكلة انه فيه ناس ما تقدر تعيش بدون كهرب مثال:الي مشغلين لهم الة تنفس
     
  10. UM-GHALOL

    UM-GHALOL ¬°•| عضو مميز جدا |•°¬

    بالفعل هذا اليوم الثالث تنقطع الكهربا الحمدلله انا الجو بارد وما نشغل مكيفات ولا عيالنا بينشو وبيضايقوا من الحر وطبعا كيف بنقوم حق الدوام
     
  11. شوق العـــامري

    شوق العـــامري ¬°•| عضو مميز |•°¬

    لا عاد كله بصوب وانا فصوب
    بما اني مريضه وايد اول ما فتحت عيني وشفت ظلام حسبالي مت


    وبعدين البريمي كلها نفس السالفه ونفس الوقت لا يكون يبون يخفون من صرفنا للكهرباء انا بصراحه شفت فالهند بعض المناطق اللي يستخدمون الكهرباء من الطاقة الشمسيه اللي خزنوها فالمولدات اللي فوق بيتهم طول النهار
     
  12. Queen Love

    Queen Love ✗ الفريق التطويري الأعلامي ✗

    لا عاد انا اليوم فلم رعب صارلي ... حتى طار الرقاد من عيوني
    نشيت الا ولاقي يني لاصق فيني::s26:: > ترى عادي مب اول مرة يصير عندي

    وعاد ساعتها بغيت امووت من الخوف وقسم حاط ريوله فوقي والمكان كله ظلام
    لدرجة اني نسيت وين راقده فاي صوب .. خفت اتحرك واطيح من الشبريه

    نشيت سرعه واشل الفون بعدني ادور اليني وطلعت من الغرفه الشرده
    ويلست اشوي وعقب رجعوا الكهربا



    ياخي حرام عليهم لايقطعون الكهربا عشنا فرعب .. يراعو العزابيه ::s22::

    ويعني اذا شي خربان .. مايعرفون يصلحونه الا فهالوقت .. انا اشك فالسالفه

    ان شاء الله مايكررون الموقف فالايام اليايه ​
     
  13. مهمه رسميه

    مهمه رسميه ¬°•| مراسلة بلدية البريمي |•°¬

    اقتباس:
    المشاركة الأصلية كتبت بواسطة Queen Love [​IMG]
    لا عاد انا اليوم فلم رعب صارلي ... حتى طار الرقاد من عيوني ​

    نشيت الا ولاقي يني لاصق فيني::s26:: > ترى عادي مب اول مرة يصير عندي

    وعاد ساعتها بغيت امووت من الخوف وقسم حاط ريوله فوقي والمكان كله ظلام
    لدرجة اني نسيت وين راقده فاي صوب .. خفت اتحرك واطيح من الشبريه

    نشيت سرعه واشل الفون بعدني ادور اليني وطلعت من الغرفه الشرده
    ويلست اشوي وعقب رجعوا الكهربا

    بصراحه إنتي قويه شفت يني مره وحده؟؟
    عيل لوانا شايفتنه بتيني سكته قلبيه وموته على طول خخخخ



    ياخي حرام عليهم لايقطعون الكهربا عشنا فرعب .. يراعو العزابيه ::s22::

    ويعني اذا شي خربان .. مايعرفون يصلحونه الا فهالوقت .. انا اشك فالسالفه

    ان شاء الله مايكررون الموقف فالايام اليايه
     
  14. مهمه رسميه

    مهمه رسميه ¬°•| مراسلة بلدية البريمي |•°¬

    تصدقون ما حسيت إنه الكهرباء مقطوعه غير امس من كثر الحر نشيت
    الله يكون بعونكم زين إنه نومتي ثقيله وماأحس بشي
    يعني لو صار كوارث لا سمح الله ما بيكون عندي خبر خخخخ
     
    آخر تعديل: ‏29 فبراير 2012
  15. كلكجي

    كلكجي ¬°•| عضــو مــهــم|•°¬

    بصراحة البنات ما قصرن
    اخاف بس ينفجر المنتدى من كلامهن
    حسستوني فلم هندي
     
  16. الشاعر المحتد

    الشاعر المحتد ¬°•| عضو فعّال |•°¬

    ما عليه يا جماعة هونوها وتهون الحمدلله نحن نادر ما نشتكي من انقطاع الكهرباء اكيد في عطل و ان شاء الله بتنحل المشكلة
     
  17. 7lm wrdy

    7lm wrdy ¬°•| عضو مميز جدا |•°¬

    لا اللي قوم يقول شو صاير ولا شو السالفه
    هههههههه
    لا يمكن عطل في مجمع الكهرب
    :imua11:
     

مشاركة هذه الصفحة