السكنات الداخليه للطالبات بجامعة البريمي

الموضوع في 'جَامعة البُريمي | University of Buraimi' بواسطة لسعة شقاوة, بتاريخ ‏24 يناير 2012.

  1. لسعة شقاوة

    لسعة شقاوة ¬°•| عضو جديد |•°¬

    بسم الله الرحمن الرحيم

    حبيت اشوف راي الطالبات في السكنات التابعة للجامعة وكيف نسبة توفيرها للراحة والسعي لتقديم خدمات نموذجيه وعاليه فما رأيكم فيها عفوا هذا خاص بالطالبات القانطات بسكنات الجامعة فالبريمي::s17::
     
  2. همس العُطر

    همس العُطر ¬°•| روح مُنـاهآ الجنّة|•°¬

    السلام عليكم ورحمة الله وبركاته ..
    أنا طـالبة في السكن الداخلي للجامعة ... أول شي الجامعة لها 3 سكنات .. السكن الأول مثل ما سمعت من إلي يسكنون فيه واااايد يمدحونه من حيث الغرف الكبيرة وإنه فيه دكان وصالة تلفزيون وصالة للألعاب الرياضية وفيه أسنصيل.. يعني راحة تامة .. أما السكن الثاني وإلا أنا فيه بعض الغرف كبيرة مع صالة ومطبخ كبير .. وبعض الغرف صغيرة ومطبخها وصالتها صغار والبنات إلي يسكنون في هالغرف مب عايبنهم .. بس أنا حظي في الغرفة والمطبخ والصالة الكبار... والشي إلي مب عايبنا في هالسكن إنه ما فيه أسنصيل وأنا وإلي يسكنون في الطابق الثالث وااايد نعاني وواااايد نتعب من الركوب والنزول من الدرج ... بس السكن فيه دكان وصالة تلفزيون وفيه كراسي في الحوش أو نقدر نقول مكان حق القعدة في الجو البرع .. وبالنسبة للسكن الثالث فالي أسمعه من البنات إلي يسكنون فيه وايد يذمونه ومب مرتاحين فيه ويقولون إنه مب نظيف .. وفي بداية الدراسة إلي اسكنوا في هالسكن واايدات منهم كانوا يبون يبادلون السكن .. لأنهم ما استحملوا القعدة فيه ...
    وبالنسبة للخدمات فكل سكن له يوم محدد للتسوق ويكون اسبوعيا .. وفيه رحلة مرة وحدة في الشهر .. وفيه يوم محدد للي يبون يسحبون فلوس من البنك .. وبالنسبة للمستشفى فالصبح يودون الطالبات المريضات .. بس إذا الحالة اضطرارية فيودونها في نفس اللحظة .. وبس .. وأتمنى إني قلت كل إلي تبين تعرفينه عن السكنات الداخلية للجامعة ..
    وبالتوووفيق:gd:
     
  3. ANGELOO

    ANGELOO ¬°•| مُشْرِفَ سابق |•°¬

    موضوع جميل ومهم

    اتمنى من العضوات اللي ساكنات ف السكنات التابعة للجامعة
    طرح آرائهن ومقترحاتهن

    لكي تسعى الاداره لحل مثل هاي المشكلات

    احتراماتي للكل
     
  4. اسْتثنَآأإآئيَـہ

    اسْتثنَآأإآئيَـہ ¬°•| مشرفة سآبقة |•°¬

    الف شكر ع طرح هالموضوع

    كان خاطري ينطرح من فتره

    الموهيم

    انا من السكن الاول للجامعه

    السكن ما عليه كلام وزياده ع كلام اختي همس بطول ايام الاسبوع شي طلعه للمكتبه عشان السحب والنسخ وغيره

    لـكـــن

    احنا نريد وايرلس ف السكن

    اغلب بنات السكن من السنه الاولى ويدرسن التخصص

    ونحتاج للانترنت فـ اوقات كثيره

    معانا مشاريع واعمال لازم نخلصها وما تكتمل بدون الانترنت

    وياريت يتحقق لنا هالطلب
     
  5. الأنين

    الأنين ¬°•| عضو مميز جدا |•°¬

    السلام عليكم و رحمه الله و بركاته...

    أولا...أشكرا طارحه الموضوع...

    و آتمنى من إدارة الجامعة بتسليط الضوء عليه و أخذه بعين الإعتبار,,,

    مثل ما تكلمتوا... الحمد لله السكن (الدفعه الأولى)(بنات التخصص)

    ما عليه كلام...جهود تشكر عليها الجامعه...

    بس مثل ما سبقت أحد العضوات إنه ينقصنا(ويرلس),,,

    نحن تكلمنا فيه من قبل و هو موصل أساسا بس بعده ما تم فتحه,,,

    و إلا سمعته من مشرفاتنا إنه سيفتح قريبا...((نتمنى ذلك)),,,


    اما السكنات الباقيه ما أعرف شو اللي صاير فيهن بس اللي أعرفه أن سكن من السكنات البنات و ايد متبهذلات فيه الله يعينهن...موقع السكن أصلا غلطأ,,,


    بالتوفيق للجميع...
     
  6. محروم ..!

    محروم ..! ¬°•| عضو مميز |•°¬

    ان شاء الله الجامعه ما بتقصر وياكم و بتحل كل المشاكل اللي تتعلق بالسكنات لهن .. يعطييكم العااافيه ..~
     
  7. هردلك يا قلبي

    هردلك يا قلبي ¬°•| عضو فعّال |•°¬

    بصراحة الله يعين طالبات السكن الثالث
    و ان شاء الله الجامعة توفر لهن إللي
    يحتاجونه :35:


    . تقبلي مروري .
     
  8. الأمل إحسآسي

    الأمل إحسآسي ¬°•| عضو مبتدى |•°¬

    الحمدلله..

    الله مريحنـــــآآآ وبعآد عن السكنات وعذأبهن..
     
  9. So-CutOo

    So-CutOo ¬°•| عضو مبتدى |•°¬

    السلام عليكم ..

    مشكوورة ع آالطرح آالرائع آالغلا

    من منطلق اني طآالبة سآاكنة بآالسكنآات آالتآابعة للجآامعة

    آاالسكن داووووووووووووووووون وقليله بحقه بعد

    مآااهوو كره ولا تعصب من آاالسكن بس هذه آالحقيقة ولازم يتقبلهآا آالكل

    و ع كلام االاخ ANGELOO تعبنآا من آالكلام وآالشكووى بدوون فآاايدة ..


    وآالحل مرتكز ع طآااقم الإشراف لانه بصراحة آالحين و آالحق يقآال "مب ف مكآانهم ىالصحيح " ولا يصلحووا من أسآاسه وتقصير دايمآاا اتجآاه أي شكووى تووصلهم من قبل آالطآالبآات ووجوود فيتآامين "د" مخصص لبعض آالطآالبآات إاللي يرضى بآالخطأ يصير آالعزيز آالغآالي والا يفرد إفراد آالبعير آالمعبد /:


    تقبلووا مرووري مجرد ووجهة نظر ..
     
    آخر تعديل: ‏14 مارس 2012
  10. بنووته لعيوون باباتهآآ

    بنووته لعيوون باباتهآآ ¬°•| عضو فعّال |•°¬

    هعع لسه ادرس بس أختي تقول :
    انهم ف السكن مافي اصنصير وهم في الطابق الرابع......
    تخيلوا ومافي عمال يوصلون أغراضهم للغرف لحالهم ياخذووون أغراضهم ويطلعون للدور الرابع هاذه الجمعه والاربعاء لحالهم كمان ينزلون أغراضهم ..... وداااااايم مشاكل مع المشرفه عسب يغيرووون الغرفه ..
     

مشاركة هذه الصفحة