مقترح بسيط للنادي النهضه

الموضوع في 'مركز أخبَار وقَضَايَا مُحـَافَظة البـُريمِي' بواسطة Justin Bieber, بتاريخ ‏19 يناير 2012.

  1. Justin Bieber

    Justin Bieber ¬°•| عضو مبتدى |•°¬

    السلام عليكم اخواني اتمنا مقنرحي يفيد نادي النهضه
    انا بصراحه اشوف مواهب كرويه ممتازه افضل عن اللي يلعبون في النادي معه احترامي لهم..في الحواري وايد لاعبين بيفيدون المنتخب والنادي ليش محد يحب الانضمام للنادي نحن نحب نادينا ونبيه الافضل ودايما في المركز الاول
    هل السبب في الماديه رواتب اللعبين ...فيه مواهب حرام لها مستقبل بس وين يدشوون اي نادي انا عن نفسي اعرف واحد لعب بنادي في الامارات وودرهم
    ماشاء الله عليه لعيب شرات ميسي حرام مواهب مثل هذاي ما تخدم بلادها...السموحه شكلي طووولت عليكم وااايد السموحه اخواني واتمنا حد يرد علي.....:021:
     
  2. DarkFireSlash

    DarkFireSlash ¬°•|مٌفكِر وُمبِدع تطوِري |•°¬

    انا بخبرك ليش محد مهتم

    السبب اول شي مستوى الدوري سواء فنيا او اعلاميا او اداريا

    طبعا اللاعبين مساكين هم بس يبون يلعبون ويمثلون اهلهم في الدوري


    انت حتى لو تشوف نسبة كبيرة من اليهال يفضلون يروحوا اندية اماراتية

    السبب علمهم بها وبمستوى الاهتمام بالمراحل السنية وتاهيلها للفريق الاول

    والسبب الثاني طموح للمشاركة في دوري له اهتمام عالمي كعس الدوةري العماني

    طبعا الي يروح هناك ويبدع يتجنس ويصير اماراتي

    هالمشكلة سببها المجتمع سواء من المواطنين او من الاداريين في النادي يعني ما ولدوا الاهتمام الضروري واللازم الي يخلي ولد البلاد يتمسك بتمثيل بلاده

    ولو تمر على كل واحد بالبريمي وبالاخص الفئة الرياضية والمهتمة بالرياضة بيفضلون ينضمون لنادي العين اكثر من نادي النهضة


    انا ما اشجع نادي النهضة ولا نادي العين ولا اي شي

    اشجع الكورة بس

    ::s21::
     
  3. الحشيم430

    الحشيم430 ¬°•| عضو مهم |•°¬

    مرحبابك اخوي المشكله فيها عدت جوانب
    الدوري ضعيف واغلب الانديه عندنا بالواسطه واحيانا فيه مباراه مهمه للنادي اتفاجاء بالسيارات واعرف ان عندهم مباراه يعني الاعلام ضعيف فليش الواحد يرووووووح يضيع وقته ف النادي اهتمام بس ب الفريق الاول
    والمراحل الباقيه خبر خير
    سنوات فريق يصارع القمه وسنوات يصارع القاع وهذا واقع اغلب اندية السلطنه للاسف
    وإذا ركزو ف الدوري راح الكأس وإذا ركزو في الكاس راح الدوري
    وبعد يريدو يطبقو دوري المحترفين.. قبل جهزو الانديه وبعدين فكرو ف المحترفين
    والسموحه ع الإطاله
     
  4. زهرة الأوركيد

    زهرة الأوركيد ¬°•| عضــو مــهــم|•°¬

    السموحة منك أخوي بس بغيت أقولكم شيء عن نادي وتصدجون عاد كلفوا شخص يشتريلهم أجهزة وهالكلام من شهرين ولحد أحين مادفعوا المبلغ 2000 درهم يمكن البعض يشوف هالمبلغ شوي بس مهما كان هذا حق شخص ولازم يدفعون لا وبعد لما يتصل فيهم يقولون بعد يومين بنعطيك الشيك ولحد اليوم الريال ماشاف منهم شيء ......
     
  5. ديواني

    ديواني ¬°•| عضو مبتدى |•°¬

    مرحبا......

    في ناااس وااايدين مايعرفوا اصلا انه في ناادي بالبريمي والسبب مسمى النادي" النهظه" وهالشهي يفقد الشخص الانتماء والفخر بناديه لانه مايحمل مسمى ولايته او محافظته..في وااايدين لما أسالهم ليش ماتشجعوا النادي يقولوا نستحي نشجعه ويقوموا يطنزوا على المسمى...وفي وااايدين مايعرفوا اصلا انه نادي النهظه تابع لمحافظة البريمي (قبل يومين شخص يسألني انتوا ماعندكم نادي بالبريمي) ..مسمى النادي " النهضة" كان في فترة الدمج حل وسط مابين نادي محضة ونادي البريمي بس اعتقد الاشكاليه زالت بعد ماصارت المحافظة تحمل اسم البريمي.. طالبنا وااايد بتغييره الى نادي البريمي بس بدون فايدة.

    طبعا هذا سبب واحد من الاسباب والباقي الاخوان ماقصروا ..
     
  6. قيادة حرس الرئاسة

    قيادة حرس الرئاسة ¬°•| ђάсқεя~4έṽέя |•°¬

    يلعب بنادي في الامارات ولعبة شرات ميسي !!
     
  7. DarkFireSlash

    DarkFireSlash ¬°•|مٌفكِر وُمبِدع تطوِري |•°¬

    لاتستغرب بعد تلقى كريستيانو بينهم ^^
     
  8. همس الشوق

    همس الشوق :: الفريق التطويري الأخباري ::

    اتكلم بصراحة اخواني يلعبون فالناادي وفي اهتماام صحيح بس مب حرام ان هالاولاد يسيرون مباريات لاماكن بعيده وما في اشيااء مرفهه لهم حتى من الناحية المااديه ما في مكافئات يعني يودرون حصصهم الدراسية ولكن بدون مقابل >> هذيلا عيال ناس ويتعبون فليش ما يكون الهم رواتب شهرية او على الاقل مكافئات ماليه على تعبهم .. و الله حرام
    ولكن ربكم كريم..
     
  9. علي بن سيف الساعدي

    علي بن سيف الساعدي ¬°•| عضو مميز |•°¬

    اذا رجعنا الى اصل المشكله فهي الميزانيه الضعيفه للانديه العمانيه كلها

    مثلا الانديه في سلطنة عمان تصرف بالسنه كامله من 100 الى 200 الف ريال عماني فقط

    بينما نادي العين في الموسم الماضي صرف مبلغ 140 مليون درهم

    لاحظوا الميزانيه الضخمه وعقود الرعايه

    ولاننسى انه الاعبين في نادي العين عندهم عقود ورواتب شهريه صغار وكبار وعندهم مكافإت فوز وتعادل وهني الفرق

    وبعدين الامكانيات الماديه بتوجد ملاعب جديده اجهزه جديده وبعد مواصلات جيده للاعبين وتغذيه مناسبه لهم

    فلا يعقل ان نقارن نادي العين بنادي النهضه نادي النهضه عنده فرع رئيسي بالبريمي وفرع بمحضه ولكن نادي العين يمتلك 6 فروع في كل مناطق العين

    لكن السبب الاول والاخير الميزانيه القليله في الانديه العمانيه وقلة الدعم المادي
     
  10. همس الشوق

    همس الشوق :: الفريق التطويري الأخباري ::

    اللـــــه كريم .. بس نتمنى يحطون عيال النااس فعين الاعتباار .. ويفكروون شووي ..:dunno:
     
  11. شيخ الشباب

    شيخ الشباب ¬°•| عضو مميز |•°¬

    قراصنة البريمي الشخص اللي اقولك يلعب شرات ميسي من البريمي وهو الحين ما يلعب باي نادي يدرس حاليا :imua46:
     
  12. الشموع

    الشموع ¬°•| عضو مبتدى |•°¬

    ياريت يصير عندنا نادي مثل الناس بدون ما نضطر نقارنه بالأندية ثانية لان صدق صدق نحس بالفرق بغض النظر عن الإمكانيات لأنة هذا حق لكل طفل وشاب من البريمي
     
  13. روح السواعد

    روح السواعد ¬°•| عضو فعّال |•°¬

    هلا
    بس اغلب انديتنا وملاعبنا مايدخلون الا اللي هم يعرفونهم (او عندهم فيتامين واو)
    مع انه في مواهب كرويه لكن من يعرفهم او من يسال عنهم :h035:
     

مشاركة هذه الصفحة