استفسار اتمنا من اللي يعرف يفيدنا

الموضوع في 'مركز أخبَار وقَضَايَا مُحـَافَظة البـُريمِي' بواسطة شيخ الشباب, بتاريخ ‏17 يناير 2012.

  1. شيخ الشباب

    شيخ الشباب ¬°•| عضو مميز |•°¬

    السلام عليكم اخواني خواتي اهل المنتدى
    اليوم وانا رايح صوب مصنع الادويه بالبريمي
    كانت هناك نقطة تفتيش ابي افهم شيء واحد
    هل المخالفات اهم من سلامات المواطن او العكس؟؟
    على فكره السياراه اروح ابها كل مكان دبي العين ما يخالفوني عسب المخفي
    وانا جدامي في سياراه شرات المخفي الي حاطنه خلوه يروح بدون مخالفه
    اتمنا من اللي يعرف يفيدني ولكم جزيل الشكر والتقدير اخوكم شيخ الشباب معا لرقي السلطنه :00100:
     
  2. ŔξVẼήĜξ

    ŔξVẼήĜξ ¬°•| فنّانُ أسـطوري |•°¬

    أهلآ أخي العزيز
    والله شو أقولك المخفي المسموح في عُمان 30 %
    في الدول الثانية غير
    يعني يمكن يكون معاهم حق
    اذا انت حاط أكثر < يعني عامنها :50399aa2a5b1e0dda15
    \
    واللي أعرفه انه قطعة المخفي اللي تتركب جدام ممنوع
    فكيف ما خالفوه ؟؟
    \
    الله يعوضك يا شيخ الشباب
    الدنيا هيك
    هونها وتهون
     
  3. DarkFireSlash

    DarkFireSlash ¬°•|مٌفكِر وُمبِدع تطوِري |•°¬

    تستاهل

    هههههههههههههههههههههههه
     
  4. لمسة إحتراف

    لمسة إحتراف ¬°•| عٌضوٍ شَرًفِ|•°¬

    :4f7c50bc2e7eee3c450

    بالنسبة لنقاط التفتيش
    شوف الله يسلمك

    احنا اهل البريمي صرنا نعرف مواقع نقاط التفتيش
    لازم تاخذ فكرة عن هالامور

    وبالنسبة لقانون المخالفات انت والمخالفة اللي مسونها
    يعني يمكن حزام او مخفي

    والمضحك فالامر

    لو كنت تشرب شي فالسيارة بيحطلك مخالفة المشروبات خخخخ

    وهالمخالفات تصرف ع حسب الشرطي

    في شرطين صرنا نعرف انهم اصحاب مخالفات ويدورون المخالفه من تحت الارض

    وفي شرطين حالهم حالنا :hehe2: طيبين
     
  5. talal-badi83

    talal-badi83 ¬°•| عضو فعّال |•°¬

    يعطيك العافيه الشيخ ع الموضوع انا الصراحه عانيت وايد ويا الشرطه لما كان عندي تكسي و الله العظيم اتلعوزت ع الطالعه والنازله مخالفات بس خليها على الله من ودرت التكسي قمت ما اشوف الدوريات الى فالشارع .
    اما بخصوص موضوعك نحن مشكلتنا مش فالمخالفه وبس لكن المشكله فالاسلوب الي تنعطا فيه المخالفه انا وياك نحن نروح العين وابوظبي و دبي والشارقه و عجمان وما نخلي مكان ما نسيرله بس عمره محد وقفنا وقال هاك مخالفه ع المخفي بعدين انا من وجهة نضري لو يلتفتو حق تخطيط الشوارع و المطبات الي ما االها داعي في بعض الاماكن و التخطيط العشوائي بيكون ابرك وبيحسسونا انهم فعلا قاعدين يطبقو القانون صح انا من خذت الليسن ما توقفني الشرطه الا على المخفي و الله احياناا اكون ما لابس احزام واحياناا يكون عندي مخالفات ثانيه بس اول ما ييك بيقولك( كم نسبة المخفي الطيب ) وعاد خذ الكلام ،،،، خليها على الله و ادفع المخالفه و ربك يعوضك
     
  6. روح السواعد

    روح السواعد ¬°•| عضو فعّال |•°¬

    صديقي الحين الشرطى ف ازدياد وهذيلا يدربوا الجماعه واذا بغيت مكان المخالفات الصدج روح صوب اسواق الهدايا راعي الدراج متبرض لكم هناك ومع احترامي اكثر حد مايطبق القانون هم رجال الشرطه بالنفس انا رابعتهم وشفتهم واعرف امورهم (مادام لابس الدريس فهو يطبق القنون بحذافيره ومن ينزل من الدوام فالقنون نساه)
    من زمان كنت انا واخوي مارين وانا منبه على اخوي انه يلبس الحزام لكن مالبسه شو استوى خالفوني بسب انه اخوي مالابس وطاحت علي المخالفه ويوم روحت اكلم الشرطي المسوول (عريف ) قال ما اقدر اكسل ف كلامه مع انه يقدر مايخالف لكن الله كريم

    هذا رايي الشخصي ولكل شخص وجهه نظره
    وشكرآ
     
  7. اللهب المتجمد777

    اللهب المتجمد777 ¬°•| عضو مبتدى |•°¬

    انا مرة لفيت بتهور صوب الصناعية من عند مركز المها والا بالشرطي يوقفني وطبعا اتقبلت انه وقفني لاني لفيت بتهور وشوي عن انقلب لكن يوم نزلت قالي الليسن والملكية وعطيته قالي الطيب ما لابس الحزام .... والله استغربت والتزمت الصمت قالي مخالفة والله افكره يتمسخر ... والا اشوفه يكتب وقالي تعال وقع...
    شو هالمصخرة....... ياخي خططوا الشوارع صح وحالفوا الناس اللي يزعجونا فالليل ....
    والله سياسىة غريبة في بلدنا الحبيب والغالي عمان ...
    الله يحفظج يا بلادي ويحميكي من الناس المخربين ....
     

مشاركة هذه الصفحة