روووح

الموضوع في ',, البُريمِي لِـ/ للشٌعرٍوالْقصِيْد,,' بواسطة prime rose, بتاريخ ‏7 أوت 2008.

  1. prime rose

    prime rose ¬°•| عضو مبتدى |•°¬

    كتبت هالقصيده .. من تجربه شخصيه .. ومن تجارب الناس لي اعرفها ..
    يعني دمجت عده مواضيع .. واتمنى ان كل شخص يلقى شي يخصه فهالقصيد
    لاني احاول اكتب .. اللي الاغلب عايشنه ..
    وابي اوجد فقصيدي .. مواضيع .. ممكن اي شخص يقؤاها .. يلقى شغله .. يحسها مناسبه لموقف معين
    او .. تذكر قصه .. من جمله فالقصيد
    وعسى تعجبكم هالقصيد ..
    انطر ردودكم على احر من الجمر


    رووووووح


    عانى قلبي بما فيه الكفاية
    لا تعاتب منهو مب قد العتاب
    الله عطالك احباب محدن حصاهم
    لا تم على صاحب مهو بنشاد
    مايدريبك زعلان او كنت مضايج
    همه يخلص مصلحته فهالدنيا العثرانه
    انا ادري انه كان كلام يهال
    وان الكلمه ماتطلع بالسهاله

    وكنت اجاري وادري انه غباء
    لين جا اليوم لي نثبت فيه الواقع

    مابقول محدن بهالدنيا مب قد الحب ولا بقد الامانه
    ومب قد الستر وحفظ الكرامه ..
    كثير ناس غيره وقفولي فالشدايد
    وينه هو من احتاجه ؟؟ ما احس عاد في شي بيني وبينه
    وليه كل مابكيت اصير اذكره وخاطري يدري بالي فخاطري
    بس
    من اليوم صرت افكر بنفس تفكيره
    لا بعيره اهتمام ولا بنشد عن احواله
    وبخلي نفسي مب عارفه لي شفت ملامح عيونه
    زعلان .. مضايج .. فخاطره شي .. بخليه لحاله
    وما اضن عرف الشوق لجل اشوف الشوق فعيونه
    ايه كنت احبه ... بس وعدت قلبي ما اهينه
    ماسره بحب واحد ماسال عن شعوره
    كله يتكلم عن نفسه
    ويشرح لي ظروفه
    راعيت وخليت ميت عذر وانا ادري مب من ثقل المعاذير
    بس اساير . بشوف اهباله لوين بيودونه
    ابي اعرف نهايتنا بتكون بكلمه ايش ؟؟
    بس انا تعبت وقلب تعب يصونه
    وهذا انا بكيت من ضيج وكتمه
    حتى فيوم كان يخصه ما نسيته
    لي جا اليوم لي يخصني ومالقيت منه حضوره
    مااضن بنطر منه شي .. ولا بحاتي غيابه
    يبي يسجل الدخول .. هو حر حتى يسجل خروجه
    وانا ماعاد بهتم .. وبعتبره أي واحد
    سولفت معه في يوم وحتى نسيت اسمه وكيف شعوره
    واوعده .. وعد شرف
    لو دار هالدنيا يدور مثيلي او حتى شبيهي
    انا بريحه وبقول : ماجات الام اللي خلفه واحد شبيهي
    لاتتعب تدور ولا تفكر فيني
    انا خلاص رحت .. ودع من كان صورتك فقلبه محفوظه
    حتى النظره منك بخليها غريبه
    ابي يتعرف شقد انتضرت وشقد انتضرت منك الخيره

    لا تقولي : خيبه انا شسويت
    انت ماتدري شكثر ضاق صدري
    وما تدري هالليله كيف بكيت وكيف تعالت شهقاتي
    مادريت عن مريض كان ينتظر منك تشوفه
    ولا تدري عن مشتاق جرحه سيف جفاك
    ولا تدري عن عين غرقت من دموعها
    كيفك .. انا بعد هالليله مابتقيد وادخل اشوفك
    ولما كنت ما ارد كان احسن لك من اللي بقوله
    كنت منقهره .. ومحتره .. واحسن كتم الغيضه
    ماا بي اقول أي كلام وتقول هاذي وحده مجنونه
    وانت حتى ماصدقت .. قلت : ابي اراويها اهبالها
    من تظن نفسها .. انا عزت نفسي ما ادوسها
    ولو قلت : ماقلت ولا كنت بقوله
    هذا انت الواقعي وهذا انت الحقيقي
    كنت ادافع عنك واقول : هذا غير اطباعه
    لا والله الزمن قالي : اصحى يا نايم على كفوفه
    وعلمني صج كيف انت وكيف كلامك مالقى مفعوله
    هذا انتوا
    فالحين فالكلام والوعود والفعل ماقربتوا صوبه
    لي بغيتوا تسووه سويتوه
    واللي ما جا ع بالكم .. من اللسته شلتوه
    ولي ضطريتوا .. قلتوا بنتناسى وبنجيبله اعذار مقبوله
    روح انت واعذارك
    عذرت منك ومن وعودك
    صج لي قالوا الرجال افعال
    بس حسره هالزمن قلوا ريايله
    روح .. تهنى .. دروبك خضر ومن صوبه
    وانا بكون فوق مابتشوفني بسهوله
    خلي كلامك ينفعك مثل ما نفعك فغيرها
    بنسى كل لي صار
    مافي شي يستحق اصونه
    لا ذكريات .. ولا عشره .. ولا كلام مات فاوراقه
    بقولها فوجهك
    خلاص انا تعبت منك ومن اعذارك
    انا ما العب على الحبلين .. ماني مضطر امسك دوره
    انا رزه زكلامي سيده لاينثني ولا ينهان
    ولا بقول كلمه بكون عليها فيوم ندمان
    ا بفكر عدل .. واوزن كلامي
    هذا اهلي علموني اياه من لما م افهم لي يقولونه
    ودام اهلي معاي وهم لي سند
    انا عذرت منك ومن حبك ومن كل لي تقوله
    روح شوف نصيبك
    يمكن تلاقي حب .. وانت توك فالعالم تدوره
    إلعب على هاذي وعلى هاذيج
    بس
    بذكرك بشغله وللامانه
    قالوا قبلنا:
    الدنيا دواره وكما تدين تدان
    فكر فخوان لك بجدار يفصلونك
    وافتكر في عيال يوم بتكون مسؤولهم
    احكم نفسك عدل
    ولا تخل الدنيا تدوربك
    بسبب افعال فزمن الطيش ودهوره
    وما بطول فالقصيد
    ولا بتطربني شجونك
    دمع عيني مسحته
    وهذا قلبي ارتاح
    وكل التنهيد لي قبل راح
    ببقى اذكرك بالخير .. انت مجرد انسان
    واشكرك علة كل كلمه طيبه .. ووقفه . واتصال منك ومداراه
    مابنكر كل حلو صار ولا يمكن اخونه
    وعلاقتنا انتهت
    والله يعوض معبوده
    عسى الله يهديني ويثبت خطاي
    واكون النجاح بذاته
    واحقق طموح الكل فيه معاي طماح




    وبسلامتكم​
     
  2. رفيق العمر

    رفيق العمر ¬°•| شــاعر و كاتب |•°¬




    مميزه
    حيث خط حرفك التميز..
    رائعه
    حيث احاسيسك الرائعه...
    كلمات تنبع من قلب نصوح صادق..
    يتغلفها الإبداع والرونق.

    ..

    لي عوده كي أقرأها على مهل..


    ...



    رفيق العمر
     
  3. prime rose

    prime rose ¬°•| عضو مبتدى |•°¬

    تسلم من ذزقك .. واله يعطيك العافيه ع هالمرور الحلو
    سلملي
     
  4. روح السعيدي

    روح السعيدي ¬°•| عضو فعّال |•°¬

    واللله فنتك
    تسلم
    تقبل مروري
    روووووووووووووووووووووووووووووووووح السعيدي
     
  5. prime rose

    prime rose ¬°•| عضو مبتدى |•°¬

    الله يخليج
    مرورج احلى واروع
     
  6. شايب وسيم

    شايب وسيم ¬°•| عضو مبتدى |•°¬

    مساء الخير ..
    كلمات عذبة إنما خانها التركيز في الوزن والقافية
    كأنها أشبه بـ خاطرة
    أتمنى لك مزيدا من التوفيق
     

مشاركة هذه الصفحة