بنشدك عن نور القمر وشلون نوره .....

الموضوع في ',, البُريمِي لِلقِصَص والرِوَايات ,,' بواسطة .." صموود ".., بتاريخ ‏11 يناير 2012.

  1. .." صموود "..

    .." صموود ".. ¬°•|مشرفة سابقة|•°¬

    بنشدك عن نور القمر وشلون نوره .....

    ابنشدك عن نور القمر وشلون نوره...

    قصه حقيقه حصلت في قريه قريبة من مدينة

    الرياض في السعوديه

    قبل ان تسمى الرياض. كان هناك شاب اسمه عايش

    يعيش في هذه القريه وكان يحب بنت اسمها نوره في يوم

    من الايام ذهب عايش لكي يخطب

    نوره ولكن ابو نوره




    رفض لانه عايش كان على قد حاله وما عنده حلال

    ولا عنده فلوس كثيره فشاف عايش نوره عقب ما طلع

    من عند ابوها وقالها نوره انا راح يصير عندي فلوس

    وراح اشتغل وراح ارجع اخطبك واتزوجك ونوره كانت

    تحب عايش فوافقت انها تنتظره.

    سافر عايش الى منطقه


    مرموقه في السعوديه وصار يشتغل في التجاره

    ومرت الايام وصار عنده فلوس ورجع لقريته عشان

    يطلب يد نوره من جديد ويتزوجها ولكن لما رجع القريه

    تفاجى انه نوره تزوجت لانه ابوها

    اصر عليها انها تتزوج


    وكان عندهم البنيه لازم تتزوج اذا جاها شاب قادر

    على الزواج.وتفاجى ايضا انه ومو بس تزوجت

    بل هاجرت الا مكان ثاني مع رجلها ولا احد من القريه

    يعرف المكان.فقام صاحبنا عايش


    وقال بيت شعر ابنشدك عن نور القمر وشلون نوره وقرر يسافر

    ويدور على نوره. ومر على القريه الاوله وراح

    وسلم على امير القريه وقاله انا عندي لغز

    والي يجاوب عليه بعطيه كل

    حلالي فقاله الامير


    وشو اللغز قالابنشدك عن نور القمر وشلون نوره؟ احد الجالسين

    قال له ابيض واحد ثاني قاله اصفر وكل الاجوبه غلط

    محد عرف حل اللغز.فسافر الى قريه ثانيه

    وطرح عليهم نفس اللغز ومحد

    عرف الجواب


    راح للقريه الثاله وكان تعبان من السفر فقالهم

    انا عندي لغز والي يعرف

    يحله بعطيه كل حلالي .. قالهم


    ابنشدك عن نور القمر وشلون نوره

    محد عرف الجواب فقالهم انا اليوم بنام عندكم

    لاني تعبان والي يعرف الجواب يقوله لي الصبح

    ومن بين الحضور كان

    زوج نوره موجود



    فرجع للبيت وقالها نوره قالتله سم قال جانا اليوم

    واحد خبل يقول عندي لغز والي يحله بعطيه مالي

    وحلالي كله فقالتله قولي وشو اللغز




    يمكن احله قالهاابنشدك عن نور القمر وشلون نوره؟ فبتسمت

    نوره وقالتله عرفت الجواب


    قالها صدق قالتله قوله مثل السمك في البحر وشلون عايش؟ فقام الصبح

    رجل نوره وراح وقاله انا عرفت الجواب فقاله



    وشو الجواب قاله مثل السمك في البحر وشلون عايش؟ فبتسم عايش

    له هذا مالي وحلالي وسلملي على نوره
    :approved:
     
  2. أإبـقِـۓ غ ـِيـر

    أإبـقِـۓ غ ـِيـر ¬°•| عضو مبتدى |•°¬

    السلااام عليكم ورحمة الله وبركاتة..


    قصصهه حلوووه ..

    يسلموو حبوبه ع هالطرح الطيب ..

    تقبلي مروري
     
  3. انسياب حرف

    انسياب حرف ¬°•| أمْيِرةُ الْحًرفِ |•°¬

    أبنشدك عن نور القمر وشلون نورة
    مثل السمك في البحر وشلون عايش

    /

    رآئعة بحق !
    شكراً على هذا الطرح الطيب
     
  4. ŔξVẼήĜξ

    ŔξVẼήĜξ ¬°•| فنّانُ أسـطوري |•°¬

    شكراً على الرواية الجميلهـ
    دمتم بهذا الإبداع
    تحياتي وسلامي
    ريفانج
     
  5. Ms.Ḟosђi

    Ms.Ḟosђi ¬°•| عضو مميز جدا |•°¬

    يآ عيني ,,/

    أكثر من رائعة ,,,

    حب صآآدق بالفعل ,,
     

مشاركة هذه الصفحة