قصيدة قيلت للعروس جدام المعرس !!

الموضوع في ',, البُريمِي لِـ/ للشٌعرٍوالْقصِيْد,,' بواسطة المرداس, بتاريخ ‏3 أوت 2008.

  1. المرداس

    المرداس ¬°•| عضو مبتدى |•°¬

    الله يكون في عون المعرس !!
    تخيلووووووو في وسط الحضور ييي واحد ويقول قصيدة في العروسة للمعرس شو راح يكون رد فعله ؟؟؟؟


    أبد ما جيت أبــــارك لك ولكن جيت باوصيك

    على الله ناوي(ن) تدخــل بها اللـــيله ... معذبتي

    ترى لولا الظروف اللي عطّـتك وحدّت محاكيك

    قســـم بالله مـــا تدخل عليــــها لو على رقبتي

    ولكن النصيب أقوى ولاادري ويش اسوي فيك

    نعــم...صــارت معزبتك,, ولا صــارت معزبتي

    كذا شـاءت بنا الأقـــــدار تحرمني لجل تعطيك

    كذا لازم عشــــان تفوز انت,,أنا اخـسر بتجربتي

    تراها غاليــــة جدا..وتكفى.. والله يخلـــــيــــك

    تدللــــــــها..تدلعــــــــها ..تنسّــــيها مصاحبتي

    أنا من كثر مااغليها أحس اني بديت أغلـيك

    ولاتسـأل بأيـة حـق والا وش مناســــــبتي

    لأنك لو بتسألـني بتسمـع شي مـــــــا يرضيك

    لذا يا خــــــوي لا تسأل ولا تسمـع لأجوبتي

    أبيك تحطها في داخل عـيونك وبين ايـديـك

    وهي دلوعة إعتــــــــادت على كثرة مداعبتي

    فداعبـها شوي شوي حـتى تشتهي طاريك

    وشاغبها إلـــــــــيـن تقول: بـطّــل من مشاغبتي

    واذا هي مالها خلقك,,ولا تضحك ولا تسليك

    تحمّلــها وإسألـها :ياعمـــــري ليـــه عصّبـتي

    وبالك أسمع انك يوم تضربهــا وهي تشكيك

    ما يحتــاج أوري لك بفن الضـــرب موهبتي

    صحيح انك بتملكـــها ومعك العقــد بالتمليـــك

    وانا عــــارف حدود الله ومن حــقـــك معاقبتي

    ولكن قل لها : المجنون وصّـــاني وهو يعنيك

    يقــــــول انه بيــنــتظـرك لوشـيّـب وشـيّــــبتي

    وانا مجنونها اللي مـا نساهــــــا وانت مايمديك

    تغــطي ذكريـــــاتي.. في هواهــــا و ربع تجربتي

    أحس اني تماديت بكلامي,, والغضب حـــاديــك

    ولو انك في مــكاني ما تفكر في محــــــاسبتي

    كفاك اني تركت الليــــله أشغالي عشان أجيك

    دخلت القاعة برجلي ولا أدري ويش عاقبتي

    وانا ما جيت أخرّب عرسك الليله ولا أذّيـــك

    أنا جيتك عشــان أخاطـبك واسمع مخـــاطبتي

    توصّــــى ... وانتبه.. واحرص عليها والله يهنيك

    ترى كل الكلام اللي طلع من ضيقي وكبـــتـــي

    ولكن ما قدرت اني أقوله وانت مايخفـــــيك

    أخـــــاف اني اذا قلته تقوم وتقطـــع رقبــتي


    شو رايكم ؟؟
     
  2. (الكعبي)

    (الكعبي) ¬°•| مُِشْرٍفَ سابق|•°¬

    صح لسان الشاعر
    والله يعين المعرس
     
  3. الفلاحي صاحي

    الفلاحي صاحي ¬°•| عضو مثالي |•°¬

    في ولد في مطرح وكان يحب بنت وصار ان البنت بتتزوج وأصر الولد في الغناء في عرسها اغنية مشهورة كثير وحتى القصة وغنى الولد اغنية من تأليفه اغنية من محب الى محبوبته وبعد الغناء ذهب الولد الى داره ولم يقم مات ولاكن بعد ان غنى في عرس محبوبته.:patch_lov:
     
  4. قطوة البريمي

    قطوة البريمي ¬°•| مُشرِفَة سابقة |•°¬

    وانا ما جيت أخرّب عرسك الليله ولا أذّيـــك

    ههههه عيل ليش ياي الرياااال

    يسلمووو بصراحه جنان القصيدة
     
  5. prime rose

    prime rose ¬°•| عضو مبتدى |•°¬

    هههههه ... قوييييييييييييه
    خخخ زين طلع حرته ... ما ينلام
     
  6. كنوزالبلوش

    كنوزالبلوش ¬°•| عضو مميز جدا |•°¬

    الصراحة قوي هالريال

    لاوبعد ياي عرس محبوبته اوووووووف

    الله يكون فعونها وفعون ريلهاااااااا

    وصح لسانه
     

مشاركة هذه الصفحة