محلات اطارت السيارت في البريمي

الموضوع في 'مركز أخبَار وقَضَايَا مُحـَافَظة البـُريمِي' بواسطة •¦{ آلبُريْمِے دَآرِيْ }¦•, بتاريخ ‏9 ديسمبر 2011.

  1. •¦{ آلبُريْمِے دَآرِيْ }¦•

    •¦{ آلبُريْمِے دَآرِيْ }¦• ¬°•| فَخْرِ الْبُريْمِي |•°¬

    الكيل بمكيالين من قبل محلات اطارت السيارت بالبريمي
    السلام عليكم ورحمة الله وبركاته,,,,

    عندما أردت استبدال اطارات السيارة الاربعة ... توجهت لمحل اطارات معروف في محافظة البريمي (مقابل وكالة المازدا بالتحديد) وسألت البائع (كان ايراني) عن اطارت من نوع برجستون تايلندية الصنع .. فقال انها يابانية وسعر الاطار 48 ريال (وما طاع ينقص حتى بيسه وحده)... بعد كمين يوم رحت صناعية العين (الامارات) وبعد جدال مع صاحب محل اطارات عن نفس النوعية من الاطارت (برجستون تايلندي_ نفس القياس والنقشة) بايعني كل اطار بــ 45 ريال عماني مع التركيب..
    المهم بعد اسبوع في البريمي وبالتحديد عند محل الاطارت السابق اللي يقول انه سعر الاطار 48 ريال إلتقيت بصديق بالصدفة جالس مع الايرانيين ويسولف فجلست معهم والايراني صاحب المحل ما عارفني طبعا ... وخلال الجلسه سألته عن نفس الاطار السابق.. قال نبيعه بــ 40 أو 45 وعشانك بــ 38 رياااااال!!!!! طبعا لأن صديقي يعرفهم وكان جالس معنا!! عاد استغليت الفرصه وسألته بكم تشروه مثل هذا الاطار من الوكيل ؟ قال بــ 35 ريال عماني!!
    شوفو الفارق كيف!! أول قالي 48 ريال بعد جدال ومكاسر واليوم يقول بــ 38 ريال (لأني صديق صديقه) يعني الفارق 10 ريالات لكل اطار يعني
    40 ريال لأربعة اطارات نصب واحتيال!!
    والاطارت تايلندية ما يابانية!!
    وطلع يعرفهم كلهم الايرانيين أصحاب محلات الاطارات في العين فردا فردا.. وكلهم اولاد عم من شيراز..
    ليش كل هذا الطمع !! من يوقف هذا الاستغلال؟؟
    الله المستعان’’’

    منقول..
     
  2. كلي حلا

    كلي حلا ¬°•| عضو مميز جدا |•°¬

    ياالله صدج نصابين,,ترا ماوراهم ظهر ولا جان
    بيعطووون القيمة السنعة

    مانقول إلا الله يعينكم ويعينا
     
  3. العا(هدوء)صفه

    العا(هدوء)صفه ¬°•|عضًوٍ شرفُ|•°¬

    ههه
    فضحت الريال تراك
    تعرف انه نفس المحل خالي كان ماخذ من عندهم تواير بس اصلية الصنع مع ختم الجودة ((صيني))هع
    المهم مدح التواير مداح حق خالي وقاله ان نوعيتهن زينه وان الصناعه الحين كلها تحولت للصين
    المهم الريال اشتراهن
    عقب مده كنت ساير اسأله عن نوعية تواير ((بس ما اذكر شو))
    المهم عطاني بسعر فوق فقلتله احسن اخذ تواير صينيه لانهن ارخص واحسن
    فقالي شو تريدهن ما منهن فايدة وهذيلا صينيات يعني اردى نوعية::s28::
    :590: ظهر الحق وزهق الباطل
    يوم يبي يمشي سلعته بيكذب عادي
     
  4. الشموع

    الشموع ¬°•| عضو مبتدى |•°¬

    ويقولون في لجنةحماية المستهلك
    وحاطين تلفوناتهم بعد على بعض المحلات
    أنا شخصيا ما حاسة بوجود هذه اللجنة أو الدائرة ماشي رقابة لا على راعي الإطارات ولا غيرة هي أصلا يات ع راعي الإطارت الي يمكن في السنة مرة الواحد يسيرله حسرة ع باقي السلع اليومية أو الشهرية .​
     
  5. طويل العمر

    طويل العمر ¬°•| عضو مميز |•°¬

    اذا بنتكلم عن هيئة حماية المستهلك العزيزة
    اتمنى حد يزور سوق الخضار والفواكه فالبريمي بتحصل لوحات اسعار واصحاب المحلات الهنود ما يطبقوهن ليش ؟!
    لانه قائمة اسعار الهيئة غالية تخيل والهندي يبايع الناس بارخص من القائمة وانا شخصيا لاحظت هذا الشي وسالت الهندي وقالي اذا انا بعت بنفس السعر الموضوع من قبل الحكومة ( نفرات ما يجي دكان مال انا ) تخيل !!!!!
    فما بالك بالفروق ما بين السفير والمزاحمي والهدايا والباقي
     
  6. فيصل محمد البادي

    فيصل محمد البادي ¬°•| عضــو مــهــم|•°¬

    سبحان الله

    انا توني صادفت مشكله شبيهه للمشكله هذي

    طولي فعمرك

    سرت وكالة التيوتا

    وشريت سفايف ب 18 ريال

    وعقب حصلت محل صغيييير يبيع قطع وكاله

    ب 10 ريال


    بصراحه شي يحير

    احسن الواحد يتحذر ويشوف قبل لا يشتري اي شي
     
  7. جاسم الهاشمي

    جاسم الهاشمي :: فريق النبراس ::

    التجاره شطاره والواحد لزم يزيد على سعر اشان يستفيد \ لكن يزيد بسعر معقول وشكرآ
     
  8. طاش

    طاش موقوف

    اشتري يوكوهاما احسن لك
     
  9. توته مطروبه

    توته مطروبه ¬°•| عضو مثالي |•°¬

    :mad: متى بيكون عندنا رقابه مثل العالم

    الله المستعان
     
  10. يدوم الغلا

    يدوم الغلا ¬°•| عضو مبتدى |•°¬

    مراقبة الأسعار مسؤولية هيئة حماية المستهلك التي أتمنى فعلاً أن تشكل فارقاً للمجتمع والمواطنين خصوصا في مسألة (الأسعار) و (مراقبة جودة الإنتاج والمنتج )

    أتمنى أن نرى هذه الجهود واقعاً ملموساً ..تعبنا من التلاعب بالأسعار والجودة

    ولا نختلف (التجارة شطارة) بس كل شيء بحدود المعقول ،، وبحدود الإمكانيات

    ربي يعطيك العافية أخوي طارح الموضوع
     
  11. alfares

    alfares ¬°•| عضو جديد |•°¬

    :gd:اذا كان الفارق في اسعار الاطارات كذا اريدك تشوف سعر اي سلعة في اي محل وتسأل عن نفس السلعة في محل آخر أأكدلك بأنك راح تلاحظ فرق. وشكرا لطرحك هذا الموضوع اخي العزيز
     
  12. دموع التماسيح

    دموع التماسيح ¬°•| عضو مبتدى |•°¬

    ههههههههه
    ضحكت بصراحة
    وين النصب والاحتيال ؟؟
    هذي تجارة ،، وإذا ما عجبك السعر .. دور محل ثاني ،،، وكل واحد بسعره
     

مشاركة هذه الصفحة