من واقع حياتنا ||

الموضوع في ',, البُريمِي لِـ/ الهَمسَات الإسلَامية ,,' بواسطة J.O.2, بتاريخ ‏7 ديسمبر 2011.

  1. J.O.2

    J.O.2 ¬°•| عضو |•°¬

    السلام عليكم ورحمة الله وبركاته

    من واقع حياتنا ..
    أحيانا نشوف مواقف فحياتنا هي من واقع حياتنا أو بالأحرى شئ طبيعي لازم يكون فينا ، لكن لما نشوف أحينه هالمواقف يشعرنا هالشئ بالطمأنينه وان الخير الحمد لله موجود ،، بقولكم لثلاث مواقف استوت جدامي أو عندي ف يوم واحد /

    أول موقف / الصبح ظاهر من الجيمي ، جان أشوف شاب عمره تقريبا 26 سنه ، والدته واقفه عند الباب وبعد شوي يي وقبلها على راسها ، عيبني هالموقف بصراحه ، ما قال أستحي عن حد يشوفني ولا شئ (وبالوالدين إحسانا)

    ثاني موقف / عقب صلاة العصر ، حصلت باكستاني يعلم عياله برع المسيد الصلاة وكيف السجود ، الريال ما خلى عياله يدخلون المسيد وقت الصلاة عشان ما يزعجونا بس يابهم المسيد من باب تهيئتهم النفسية (علموا أولادكم الصلاة لسبع ..)

    ثالث موقف / كنت ساير كارفور ، وكنت شاري مصحف لواحد هندي ، الخط هم يفهمونه وفيه شرح ، لما وصلت الكاشير ، جان تريد تاخذه الكاشيره عشان تشوف السعر (هي هندية ) جان أقولها بالإنجليزي آسف أختي هذا قرآن كريم ، البنت ما فهمت ، حسبته كتابي ، قلتلها سوي بالليزر على السعر ، البنت مستغربه ، قلتلها هذا مصحف وما يستوي أي واحد يصكه ، بعد ثواني فهمت مسكينه وتمت تعتذر لي ، لكن لاحظت عليها إنها مستغربه كل هالإهتمام بالمصحف ، عقب شفتها ترمس ربيعتها ، عاد الله وأعلم شو قالتلها ، لكن قلت على الأقل بتحس اهتمامنا الكبير بكتابنا المقدس وإن مب أي واحد يقدر يصكه ، البنت عقب ما غادرت نادتني وقالتل "سوري سير آند ثانكيو فيري متش" يعني آسفة سيدي وشكرا جزيلا لك .

    الحمد لله الخير موجود فالناس ، عشان جيه لازم ما نيأس من الحياة وبمرارتها ، وناخذها بسهوله ، ونشوف الخير حوالينا ونقول دايما "الحمد لله"

    والسموحه طولت عليكم .

    خويكم J.O.2
     
    أعجب بهذه المشاركة أ“أ£أ¦ أ‍أ،أˆ
  2. نسمآت روح

    نسمآت روح ¬°•| مبدعة في تواجدها |•°¬

    الحمدلله الخير موجود في كل مكااان وفي كل إنسااان

    رااائع هو موقف الشاااب بتقبيل وااالدته في زمن أصبح الكثير منااا يخجل من ذلك

    جميل أن نعلم أبنااائنااا الصلاه ونهيأهم له

    رااائع موقفكَ أخي العزيز فهذا القرآن معجزة خاااتم الأنبياااء والرسل
    كلااام الله هذااا موقف بسيط يمكنناا الدفاااع به عن مااا يخص إسلامنااا

    شكرااا لكَ أخي العزيز
     
  3. زهرة الأوركيد

    زهرة الأوركيد ¬°•| عضــو مــهــم|•°¬

    أشكرك أخوي على هالكلام الجميل بصراحة شيء طيب إن نشوف ناس يتصفوا بهالصفات بس للأسف في هالزمن صار نادر ........وطبعا في ناس ربي يسامحهم لما يشوفوا هالشيء يقولوا عن الشخص متخلف وبعده على حاله ماتغير ........الله يهدي الجميع ويارب نشوف كل الناس يتصفون بهالصفات الحلوه ........... لان الدنيا بعدها بخييييييييييييييييييييير........
     
  4. سمو قلب

    سمو قلب ¬°•| عضو مثالي |•°¬

    بالفعل الناس فيها خير بس لازم يتم تحريكه...

    تستاهل التقييم.
     

مشاركة هذه الصفحة