فيني غم ...... عندي حق ولا أهدي؟؟؟

الموضوع في 'مركز أخبَار وقَضَايَا مُحـَافَظة البـُريمِي' بواسطة اللهب المتجمد777, بتاريخ ‏16 نوفمبر 2011.

  1. اللهب المتجمد777

    اللهب المتجمد777 ¬°•| عضو مبتدى |•°¬

    ياجماعة الخير ليش تخطيط شوارعنا وأسواقنا كلها عوجة ونفس مشية (الغول) ... البريمي المدينة مافيها جبال ومع ذالك الشوارع كلها لفات وحنيات ما لها داعي وبالتالي البنايات تكون مو بنفس الخط .
    امثلة:-
    من دوار الشريعة الى دوار الدفاع المدني
    من دوار السلام الى دوار الوالي
    من دوار السوق الى دوار هيلي
    هذه امثلة فقط وفالحقيقة كل الشوارع فالحواير والسوق
    اذا كان الخطأ على الاوليين ليش حتى المسؤولين الحين ما يحاولوا يغيروا أو انهم يقلدوا الجار اذا ما شي امكانية للتخطيط.
    مثال أخر :-
    ليش ما يتم عمل صناعية فالسيح ع طريق محظة ويكون تخطيطها نفس صناعية العين؟؟؟؟ الجماعة يوزعوا اراضي تجارية وصناعية على اي شارع والناس تبني كل واحد على هواه وتحصل شي فالشرق وشي فالغرب...


     
  2. فيصل محمد البادي

    فيصل محمد البادي ¬°•| عضــو مــهــم|•°¬

    اخي لعزيز

    اذا تتكلم عن تغيير كل هذي الشوارع فهذا صعب جدا

    لان في اراضي ودنيا تحاذي هالشوارع

    انا معك انه كله خطا فخطا

    بس اذا بنطالب

    بنطالب بتعديل مايمكن تعديله

    لان من المستحيل تعديل كل شي

    عشان كذا اتمنى منك تقترح شي معين ومحدد ومعقول لمناقشت تعديله


    وجهة نظري ولك جزيل الشكر
     
  3. جاسم الهاشمي

    جاسم الهاشمي :: فريق النبراس ::

    كله خير وعسى يسو شي نفتخر فيهمن شوارع ومباني الخ.........
     
  4. Queen Love

    Queen Love ✗ الفريق التطويري الأعلامي ✗

    صحيح انه الشوارع مب سيده وبعد ضيجة ..

    بس ان شاء الله الشوارع اليديده تكون أكثر منظمة ..

    البريمي في تطور .. كل شي حبه حبه ..




    اللهب المتجمد777
    شكرا ع الطرح الطيب
     
  5. العا(هدوء)صفه

    العا(هدوء)صفه ¬°•|عضًوٍ شرفُ|•°¬

    تشكر اخوي ع الموضوع
    بس هذا التخطيط قديم والجماعه ما كانوا حاسبين حسابهم لهذا التوسع
    (((بس تعرف معاهم حق
    لانك لو بتظل ماشي في طريق سيدا بتمل
    فاحسن يكون معوج عشان ما تمله لو بطوفه كل يوم
    هههههههههه))))
    اما لموضوع الصناعيه
    فانا اتفق معاك في هالشي
    لان صناعيتنا او شارع باورهوز ما فيه تنظيم
    وفي بعض الاماكن ما تحصل حتى باركن
    وما نقول غير يا الله السلامه
     
  6. مميز

    مميز ¬°•| عضو شرف |•°¬

    ليش تخطيط شوارعنا وأسواقنا كلها عوجة ونفس مشية (الغول)

    هههه عيبتني هالجمله...

    بس طلبك صعب شوي ...مب منا ودرب يغيرون

    لازم يسوون تخطيط ودراسه وسالفه طويله ماله أول ولا تالي

    يعني إنت إصبر ...وإن شالله ربك يفرجها

    تسلم أخوي اللهب على طرحك للموضوع




     
  7. UM-GHALOL

    UM-GHALOL ¬°•| عضو مميز جدا |•°¬

    الجمال ليس في الشوارع ولكن الأهم الشعب وطيبته واستواءه على طريق الحق هذا من وجهة نظري
     
  8. مغروره بس معذوره

    مغروره بس معذوره ¬°•| عضو مميز جدا |•°¬

    تسلم على الطرح
    و عسى خير

     

مشاركة هذه الصفحة