رد على موضوع واحة البريمي حقائق واسرار

[البوادي]

ياجماعه خلونا من الماضي وخلونا نشوف الحاضر والمستقبل هذا عيب البريمي وأهلها يالسين نشوف زمان أول وأمجادهم والناس ترقى وتتطور
صحيح قالوا(إلي ماله أول ماله تالي)...

بس فيه ناس مالها أول وصار لها حاضر ومستقبل

خلكم دوم فالعالي

 

[سكتون]

نحن الحاظر والمستقبل مايغيبن عن بالنا

بس لازم ماننسى الماضي اللي لولاه ماستوى الحاضر

 

[ذيــاب]

مرحبا يا خواني هذي اول مشاركه لي في هلموضوع اسمحولي الحين كل واحد يقول اصلي واصلي محتشرين على شوة في مثل يقولونه ( ماشي في البقر الا زعفرانه ) ويعدين انتو تقولون الشوامس والنعيم عنبوة وهل البريمي الباقين وينهم
عنبوة ما صارت كل واحد يا وقال انا وانا وفالن قال وسوى يا بوي صكو الدعنه وخلو عنكم هسوالف هلها معروفين
وسلمتوووووووووووووووا

 

[السَعيدي]

يغلق الموضوع الى حين النظر فيه

الاداره


​

الأرجنتيني البار​

 

[السَعيدي]

مهما استمر النقاش والجدال فلن نصل الى نتيجه
بل وقد تعدى الموضوع حد النقاش الهادف ليصل الى ردود لاتليق بنا في هذا المنتدى ان نتلفظ بها

لكل منا اصله ولكن منا فخر يفتخر به

ومن المعلوم ان للبريمي تاريخ عريق
كما لكل منطقة من مناطق السلطنه تاريخ عريق

ولم يعد اليوم لأي مكان كان خصوصيه
فلقد تغير الزمان وصار لكل مناطق الدولة حاكم واحد
وهو صاحب الجلالة السلطان

وكما يفتخر ابناء البريمي الاصليين بتاريخهم يفتخر ابناء المناطق الاخرى بتاريخهم

ولا ينكر أحد بان البريمي استقطبت اعداد كبيره من ابناء السلطنه للسكن والاستقرار بها
وقد تكون في المرتبه الثانيه بعد مسقط
وهذا كله بسبب سهوله المعيشه في البريمي وتوفر جميع ضروف المعيشة الكريمه
والسبب الاول هو قرب البريمي من دولة الامارات
وعمل عدد كبير من ابناء السلطنه في دولة الامارات

وقد تمركز في البريمي عدد كبير من القبائل وصار لكل قبيلة شيخ


اخواني انا اعرف ان الموضوع انطرح عن تاريخ البريمي وهذا شي طيب
لكن الموضوع تعدا النقاش
والمشكله ان كل شخص يتكلم بدون مصادر موثوقه وانما كله من عنده او يقول سألت او قرأت


الصراحه كنت اريد اغلق الموضوع نهائيا ولكن وبماء ان لكم احترام وتقدير قررت فتح الموضوع
ولكن اتمنى من كل شخص يضع رد ان يذكر المصدر ويكون مصدر موثوق
ولا يقبل اي رد خاج عن اطار الموضوع
كما لا يقبل اي رد غير موثق بمصدر

وفي النهايه نحن نجتمع تحت راية واحده

راية

لا اله الا الله محمد رسول الله

​

الأرجنتيني البار​

 

[السَعيدي]

يفتح الموضوع بشرط الالتزام

الاداره


​

الأرجنتيني البار​

 

[دانة غزر]

اخوي سكتون كلامك صح هالمعلومات كلهاااااااا سامعتنها


من عند اهلي وفيه اشياء ثانيه بعد اعرفهاااااااااااااااااااااااا


منو الشخص الى كان مسجون عند الشيخ صقر؟؟؟


انا عرفته سامعه ابوي يرمس عنه


ومنو الشخص الى كان ماسك الباب عشان الانجليز


ما يدخلون وضربوا برصاصه فريله؟؟؟ كل هالشي سامعه عنه


ومشكور اخوي سكتون

 

[سكتون]

تسلمين على مرورج الرائع

 

[الربيعي]

معلومات قيمة ^__^ .. عن البريمي الحبيبة العمانية الحرة

 

[السَعيدي]

انين الصمت اتمنى تكملين معلوماتج

اتمنى وضع الاسماء ان امكن

الف شكر للجميع على المتابعه ومشاركتنا الحوار


​

الأرجنتيني البار​

 

[نبض شارع البريمي]

اصل سكان البريمي الاوليين 3 النعيم والشوامس والبلوش

وايدين ينكرون دور البلوش اللي كانو في الحاره الاوليه

 

[بريمي_السعودية]

وآخرتها الفارق الوحيد ...التقوى

والله لو رآنا رسول الله لتفطر قلبه حزنا وألـمـــــاََ

قال صلى الله عليه وسلم (لا فرق بين عربي أو أعجمي إلا بالتقوى)

 

[BMW740]

والله عيب للي يقول العزازنة ومادري منو مش من البلاد ياخي قبل لاترمس حتا لو كانوا اصلهم مب من هني اسألك انت كد مرة شفت الي يوزعونة برمضان
وغيرة وغيرة من مساعدات ليش هذا الحقد انا من عيال الدار الاصلين وما ارمس مثل كلامك انتة اكيد ياهل وماتعرف شي وانا متأكد انك بس ياي تخبص وخلاص وبعدين احب اخبرك اسال اي حد من اهل الدار منو قوم العزاني وياليت لو تسأل حد مزاحمي قبل لاترمس

 

[سمو الامير]

ترا وايدين احتشرو في هالمنتدى وكلن يقول رمسه وكلها او معظمها روايات من هذا او ذاك القليل فقط اللي يابو ادله من كتب ووثائق تاريخيه ومثل ماقالو الشباب فووووق كلن يدري بأصله - الكلام المعقول تفضل به سكتون والشامسي كلامهم موثق ومعقول اما اللي يقول لبلوش من البريمي والفلانيين من البريمي - مع احترامي للجميع- كلام مغلوووووط ليس له اساس من الصحه خبروني بالله عليكم شو دور لبلوش في تاريخ البريمي ؟؟ اللي يبغي يقرا عن تاريخ البريمي في كذا كتاب منها تاريخ الايام الاول في عمان والامارات المتصالحه ل هندرسون - وفي كتاب لكاتبه المانية اسمه تاريخ الامارات المتصالحة - وموقع الكتروني اسمه موقع بني كعب مادري عن الوصله - سوري مفرمت الجهاز-
اللي ابغي اقوله ان الانسان هو من يصنع تاريخ نفسه - يعني ما يقول كان ابوي ويدي وخالي لا وعلى قولة شوابنا الميدان يا حميدان
اسمحولي اذا في كلامي غلط​

 

[الشامسي]

يا جماعة الخير الموضوع متعلق بواحة البريمي واسراره ... موب متعلق باشخاص وناس بالبريمي

وانا عندي ملاحظه ...

قبل الستينات ... كانت كل منطقه بعمان تحكمها قبائل معينه .. بمعنى .. ان المنطقه ما يحكمها عدة قبائل ...

بالتالي لكل منطقه قبيلة تحكمها ولها تاريخها ...

اما بعد الستينات او السبعينات ... اصبحت كل ولايه بعمان فيها من مختلف القبائل إلا ما ندر من الولايات ...

فاصبحت البريمي تستقطب الكثير من القبائل ...

حالها من حال العاصمه مسقط وصحار ... فــ في البريمي الكثير من القبائل من مختلف الولايات سكنت وعملت ...

فارجو من اي شخص اذا اراد ان يكتب عن تاريخ البريمي يكتب بما يرويه القدماء من اهل البلد فهم الشاهدون على ما مضى ..

والسموحه

واتمنى عدم ذكر و طعن اشخاص معينين بالولايه ... فاذا فيه قبيلة معينه لها دور بالبريمي فارجو ذكر واقعة دورها ... حتى يتسنى للجميع

البحث عن مدى مصداقيه الواقعه والدور ..

وشكرا

 

[الربيعي]

السلام عليكم جميعا ً أخوة الإسلام والوطن والدم ...! ^__^


بصراحة كنت أبي أعلق في موضوع تاريخ البريمي والمعلومات موجودة وموثقة تاريخيا ً ..

بس أنا حبيت أتجنب الكتابة في هذا الموضوع لأنه راح يثير مُشاحنات مثل اللي حاصل الآن ...!!

وأيضا ً تحدثت مع من عايش فترة حرب البريمي والوالد واحد منهم !

بس أنا بتجنب أكتب في هذا الموضوع لما له من عواقب سلبية أكثر منها إجابية ً لمستوى الثقافة التأريخة المتأخرة هُنا ...!!

وعندي طلب بسيط جدا ً من كل اللي يبي يكتب في هذا الموضوع إنه يتأكد من معلوماته ومصادرها التأريخية وبعد لا ينسى

أنه لا ينسى الشهداء اللي دافعوا عن البريمي كأرض عُمانية أصيلة وسقوا أرضها بدمائهم الطاهرة .. نسأل الله تعالى بأن يتقبلهم

جميعا ً في زمرة الشهداء .. اللهم آمين

 

[بن_مشاري]

ههههه هههههه هههههه ما تستاهلون والله الله يعينكم

 

[مشاغب]

والله حالة
كل واحد يفتي من عنده

 

[Sμilε]

صدقك يالمشاغب .. والله حاله
عفسوا تاريخ البلاد من الزين والخاطر
من زمان اشوف الموضوع بس ما دخلته عسب اعرف انه بيكون فيه ضرابه
ورمسه تعور الفواد ومهاترات مالها داعي..

معضم اللي انكتب فالموضوع لا يمت للواقع بصله .. واقولكم يا عيال الحلال
لا تردون للكتب لان معظم اللي فيها خرابيط .. اللي موثقنهن اجانب ما يعرفون اللي
صاير او كانوا يغطون الحقايق لاسباب سياسيه بحته ..

الله يهدي الجميع .. وكلن عارف اصله وما في داعي للعصبيه القبيله فانها ممتنه

اللهم ارحم موتانا وموتى المسلمين
اللهم اصلح حال هالبلاد وبلاد المسلمين
اللهم فرج كرب هالبلاد وبلاد المسلمين
اللهم آمين

قولوا آمين

 

[smart boy]

مشكور أخوي سكتون

على المعلومات

ويعطيك العافية