البخشيش..

الموضوع في ',, البُريمِي للِحِوار و النقَاشْ ,,' بواسطة أبو سليمان, بتاريخ ‏10 نوفمبر 2011.

حالة الموضوع:
مغلق
  1. أبو سليمان

    أبو سليمان ¬°•| One of a kind |•°¬

    سلام عليكم جميعا..


    عسى استمتعو بأيام العيد (أكل لحم.. يعني لازم تكونو مستمتعين :50399aa2a5b1e0dda15)


    ندخل في المهم.. موضوعي عن البخشيش..


    تروحو المطعم.. تخلّو بخشيش..


    في الفندق.. الشخص اللي يطلعلكم الشنط.. تعطوه بخشيش..


    في الحلاق.. لما يخلص حالق بيطلب ريالين.. بيحصل نص ريال بخشيش..


    لما تروحو مكان تخليص معاملات أو غيره.. وتكون ماعارف كيف تتصرف.. بيجي شخص يساعدك.. تسأل نفسك: أعطيه بخشيش ولا لا؟


    الخ الخ الخ من مثل هذي المواقف..


    ماهي نظرتكم للبخشيش؟؟



    لاحظو شي..


    الحين في بعض الأماكن صار البقشيش ضروره علشان تقضي امورك..


    مثال (زميل لي يحكيلي)..


    مكان لتخليص المعاملات.. العامل يطلّع الأغراض للزباين (الزبون يكون دافع ثمن الخدمه مسبقا).. الزبون تقديراً لهذا الشخص يعطيه بخشيش..


    تطور الأمر.. الحين علشان معاملتك تمشي لازم تكون مجهز البخشيش..


    تطور الأمر أكثر.. الحين صار مثل التعاقد بين الزباين (الدائمين) وبين العمّال..



    نرجع للسؤال..


    ماهي نظرتكم للبخشيش؟؟
     
  2. سوسو العبيدانى

    سوسو العبيدانى ¬°•| مشرفة سابقة |•°¬

    ::s29:: لي عووده:banned:
     
  3. Queen Love

    Queen Love ✗ الفريق التطويري الأعلامي ✗

    من وجهة نظري .. اشوف البخشيش صارت عادة أعتادوا عليها الناس ..

    بس اتوقع انها عادة خاطئة .. لانهم مايقدمون الناس خدمة الا بمقابل والمفروض يقدمون خدمة لوجهة الله ..


    محد يساعد حد الا يعطيه بخشيش ..! احسها مب حلوة .. ابدا فحقنا كمسلمين
    ..




    مابكثر واهذرب وايد .. ( خير الكلام ماقل ودل )


    شكرا ع الطرح خيوو

    ونترقب الزوود منك ..
     
  4. بنت الصحاري

    بنت الصحاري ¬°•| عضو مميز |•°¬

    حررررررررررررررام
    قال رسول الله صلى الله عليه وسلم
    (لعن الله الراشي والمرتشي)
     
  5. أبو سليمان

    أبو سليمان ¬°•| One of a kind |•°¬

    يا هلا بالجميع..

    سوسو العبيداني.. بانتظارك :)

    موزاني.. الشكر لك اختي.. ومثل ما قلتي: صارت عاده.. ف صعب الناس يخلّوها.. الشي الثاني انّه بعضهم صارو يطالبو بالبخشيش.. يعني حتى ماينتظرو الشخص يعطيهم ولا ما يعطيهم.. تسلمي ع المرور موزاني..

    بنت الصحاري.. بعض الأحيان الناس تسمّي الأشياء بغير مسمياتها.. أتفق معك.. بس هذا في بعض الأحيان.. يعني مثلا اذا في المطعم خليتي بخشيش هل يعتبر رشوه؟؟ قد تنطبق الرشوه على المثال اللي طرحته في الموضوع.. نقطه جميله أضفتيها.. شكراً بنت الصحاري..
     
  6. سوسو العبيدانى

    سوسو العبيدانى ¬°•| مشرفة سابقة |•°¬

    عـــــــــــــــــــــــــــدنــــــــــــا


    انا شخصياا ااشوف هالحركه غلط
    يعنى ووين الاخلاص في العمل
    ولو الاخلاص في العمل موجود لما ظهرت هذه
    الرشووه لداافع ان الشخص يخلص اعماله بسرعه
    وكان بالممكن اانجاازها

    من جانب ااخر
    ترى مرات مثلا العمال اللي ينظفون السيارات
    تشفق عليهم وقد تزيدهم في اجرهم بداافع صدقه
    ورحمه على حال هذا العامل
    وهذا شي جميل
    اما من بااب انا ااعطي مبلغ مقاابل تخليص
    معاملتى بسرعه ولكى لا تتعطل اموري يسمحولي عاد
    انا مو طاايحه على كنز

    هذا اللي عندى
    وتسلم ودمت بحفظ الله ورعايته
     
    آخر تعديل: ‏11 نوفمبر 2011
  7. أبو سليمان

    أبو سليمان ¬°•| One of a kind |•°¬

    مرحبا سوسو العبيداني..

    كلامك عين العقل..

    بالفعل.. لو كان اخلاص في العمل.. لما كانت هذه القضيّه موجوده..

    تحياتيي لك..
     
    آخر تعديل بواسطة المشرف: ‏11 نوفمبر 2011
  8. انسياب حرف

    انسياب حرف ¬°•| أمْيِرةُ الْحًرفِ |•°¬

    وعليكم السلام ورحمة الله وبركاته
    أهلًا أخي الفاضل /
    ومثلما تم الذكر أخي الكريم .. لربما يكون هذا الفعل نابعًا من الرحمة المكنونة في القلب
    فإناء الرحمة الموجودة في قلب ذاك الشخص ينضح على من رآه يتكبد العناء فقد لتقديم الخدمة للأفراد
    بعضهم تكون خدمة للآخرين .. من نفسه
    والبعض الآخر من يطلب هذه الخدمة في حال إنجازها يكون قد وفّاه حقه بـ "البخشيش"
    وغير هذا وذاك .. قد يكون هناك من لا يقبل خدمة هؤلاء الأشخاص ؛ لأنه قد وضع في رأسه أنهم يقومون بتقديم الخدمة فقط بهدف التسول !
    هذا طبعًا لمن جعل فكره سلبيًا ..
    والأمر كامنًا في الرحمة والعمل بالأمر أيضًا مبني على النية
    فتختلف النيات من فرد لآخر في هذا العمل !
    /
    شكرًا لك على هذا الطرح الطيب
    انسياب حرف
     
  9. أبو سليمان

    أبو سليمان ¬°•| One of a kind |•°¬

    انسياب حرف..

    ما اقدر اضيف على كلامك.. بارك الله فيكِ..

    صحيح.. قد يكون شفقه ورحمة ومساعده لهم..

    تسلمي مشرفتنا..
     
  10. هع هع

    حبيت اسم ( بخشيش ) :approved:

    صار لي ساعة ما عارفه أقراهااا :bal:


    والله يا أخوي هذي أمور تصير عندنا احنا بعد في الصالونات

    وأنا أستغرب

    ياااااخي ما عدل كذاااا

    يضربني قهر

    بس لا حيله

    شوووف واسكت
     
  11. أبو سليمان

    أبو سليمان ¬°•| One of a kind |•°¬

    اقتباس:
    المشاركة الأصلية كتبت بواسطة حلا الشيعة [​IMG]
    هع هع

    حبيت اسم ( بخشيش ) :approved:

    صار لي ساعة ما عارفه أقراهااا :bal:


    والله يا أخوي هذي أمور تصير عندنا احنا بعد في الصالونات

    وأنا أستغرب

    ياااااخي ما عدل كذاااا

    يضربني قهر

    بس لا حيله

    شوووف واسكت



    خخخ.. بعضهم يقولو بقشيش وبعضهم بخشيش وبعضهم اكراميّه..

    واللي ذكرتيه هوّه بالضبط اللي اتكلّم عنّه.. الله يعين..

    شكراً ع المرور..
     
حالة الموضوع:
مغلق

مشاركة هذه الصفحة