أسئله حساسه اتمنى مشاركتكم لنا في هذه الاسئله النقاشيه

الموضوع في ',, البُريمِي للِحِوار و النقَاشْ ,,' بواسطة الكعبية, بتاريخ ‏31 جويليه 2008.

  1. الكعبية

    الكعبية ¬°•| مراقبة سابقة |•°¬

    السلام عليكم ورحمة الله وبركـــــــــاته ..


    أعزائي أعضاء المنتدى .. المحترمين ..
    يالله قولوا بسم الله ..
    والشباب يجاوبون على أسئلة الشباب ..
    والبنات يجابون على أسئلة البنات ..
    نبدأ ..
    .
    .
    .
    .
    .
    .أولاً : الأسئلة الخاصة بالشباب ..
    س: مانظرتك للبنت ذات الملابس الخارجة عن الحشمة...؟؟؟؟

    س: هل تحكم على أي بنت بمجرد النظر إلى ملبسها وماهو حد الحشمة عندك...؟؟؟؟

    س: عندما تقف أمام بنت محتشمة الملابس وتحس أنها فرضت احترامها عليك شو يكون رأيك فيها...؟؟؟؟

    س: هل لحشمة الملابس دور في احترام الفتاة أم أنها قناع زائف لدى بعض البنات...؟؟؟؟

    س: هل تعتقد ان الغزو الفكري من أوصل أغلب الشباب إلى نشر فضايح البنات...؟؟؟؟
    .
    .
    .
    .
    .
    .ثانياً : الأسئلة الخاصة بالبنات ..

    س: ماسبب مضايقة الشاب للبنت في الأسواق...؟؟؟؟

    س: هل تعتقديين أن الشباب هو من يبدأ في معاكسة البنت...؟؟؟؟

    س: ماسبب عدم احتشام البنات أثناء خروجهم...؟؟؟؟

    س: هل تعتقدين أن التفتح هو سبب ظهور هذه الفتن مثل الكليبات والفضائيات الهابطة...؟؟؟؟


    س: هل تدخل أسرتك في انتقاء ملابسك يضايقك ويحسسك بعدم الرضا عن نفسك...؟؟؟؟

    $س: تعتقدين أن ملابس البنت تفرض احترامها عند الخروج من بيتك...؟؟؟؟

    س: مامدى تاثير صديقاتكِ على طباعك وشخصيتك...؟؟؟؟
    أتمنى من جميع الأعضاء التفاعل ..
     
  2. المشاعر

    المشاعر ¬°•| مراقبة سابقه |•°¬

    س: ماسبب مضايقة الشاب للبنت في الأسواق...؟؟؟؟
    لبسها (بنطلونات والعباه مفتوحه ) مثلا ترمس بتلفون وتضحك بصوت عالي
    س: هل تعتقديين أن الشباب هو من يبدأ في معاكسة البنت...؟؟؟؟
    مرات هو ومرات البنت السبب
    س: ماسبب عدم احتشام البنات أثناء خروجهم...؟؟؟؟
    والله مادري بس في بنات يبون يلفتون الشباب هعهعه مااعرف الله يهدي بناتنا
    س: هل تعتقدين أن التفتح هو سبب ظهور هذه الفتن مثل الكليبات والفضائيات الهابطة...؟؟؟؟

    هيه هو سبب ... هذا يسمونه تخلف مب فن
    س: هل تدخل أسرتك في انتقاء ملابسك يضايقك ويحسسك بعدم الرضا عن نفسك...؟؟؟؟
    وااايد منه هالكلام بس مرات يزودونها عاد انا عمري عشرين سنه وووو صغيره

    $س: تعتقدين أن ملابس البنت تفرض احترامها عند الخروج من بيتك...؟؟؟؟
    يمكن في بعض الاوقات بس يعني مايصير نطلع من البيت بعد متبهدلين
    س: مامدى تاثير صديقاتكِ على طباعك وشخصيتك...؟؟؟؟
    وايد متأثره فيهم بس مب كل شي



    تسلمين يالكعبيه ماقصرتي
     
  3. حشيمة القلب

    حشيمة القلب <font color="#DA0202"><b> ¬°•| إدارية سابقة |•°¬<

    س: ماسبب مضايقة الشاب للبنت في الأسواق...؟؟؟؟
    اعتقد ان السبب الرئيسي هو تبرج الفتيات وتظهر قصتها
    وشعرها عشان تبين انوثتها وطيش شباب

    س: هل تعتقديين أن الشباب هو من يبدأ في معاكسة البنت...؟؟؟؟
    احيانا و احيانا تكون البنت السبب و الله يهدي الشباب و البنات
    س: ماسبب عدم احتشام البنات أثناء خروجهم...؟؟؟
    تقليد الغرب و مجاراة الموضه و عسب محد يضحك عليها انها ما تعرف بالموضه شي
    ومحاوله لاغرء الشباب ولفت الانتباه

    س: هل تعتقدين أن التفتح هو سبب ظهور هذه الفتن مثل الكليبات والفضائيات الهابطة...؟؟؟؟
    اكيد له تاثير خصوصا انه انتشر بصوره غير طبيعيه هذي الاشياء لها عوامل وايد سلبيه عالشباب و البنات
    س: هل تدخل أسرتك في انتقاء ملابسك يضايقك ويحسسك بعدم الرضا عن نفسك...؟؟؟؟
    طبيعي يدخلون اهلي وانا من طبعي البس لبس اشاور الوالده ماعيبها امي ما البسه واغيره بس المهم تكون راضيه علي ومحد يرمس علينا
    س: تعتقدين أن ملابس البنت تفرض احترامها عند الخروج من بيتك...؟؟؟؟
    طبعا اكيد تفرض البنت الاحترام يوم تكون محتشمة وملتزمه في اللبس والمشي وطريقة الكلام طبعااا .. والله الواحد بيعرفني من لبسي والحشيمه ..ولو اني اظهر واصبغ ويهي بالمكياج واظهر هالشعر كله والبس عالرااص ..جني اقول تعالو رقموني وغازلووني بس بطريقه غير مباشره بالتالي محد بيحترمني وكل من هب ودب بيرقم وبيضايج بي بس اسوي مكياج بناتي عشان يبين اني بنوته مب وحده عوده
    س: مامدى تاثير صديقاتكِ على طباعك وشخصيتك...؟؟؟؟
    اتاثرفيهم خصوصا اذا كانو من المقربين لي بس طبعا في حدووود معينه مايصير اتجاوزها

    تسلمين اختي ويعطيج الف عافيه
     
  4. خافق احساس

    خافق احساس الفرَيق الإدِاري إداري

    س: ماسبب مضايقة الشاب للبنت في الأسواق...؟؟؟؟

    والله على حسب .. بس في أغلب الأحيان .. البنات بروحهن يسون لنفسهن سبب ..

    يعني انتي سايرة السوق .. تتكحين وتلبسين شيء يلمع ليش ؟؟

    لبسي فالبيت محد مسكج .. شوفي عمرج لازم يطالعونج الله وخلقه ..

    س: هل تعتقديين أن الشباب هو من يبدأ في معاكسة البنت...؟؟؟؟

    هههههههههههههه ،،كانــوا الشباب قبل يبدون ..

    لكنــ،، والله هالايام شكله العكس ..

    عقب بنشوب البنت تخطب الولد هع !!
    س: ماسبب عدم احتشام البنات أثناء خروجهم...؟؟؟؟

    ما عندها سالفة .. لانه تشوف غيرها وتقلد بدون وعي ..

    وتتبع الموضة .. مب دارية انه الموضوه فوضه !!

    صدق انكن ناقصات عقل <<< وانتي شوو !!

    س: هل تعتقدين أن التفتح هو سبب ظهور هذه الفتن مثل الكليبات والفضائيات الهابطة...؟؟؟؟

    هيه شيء أكيد وأساسي .. ولا هذيلا اللي يايين من البدو شدراهم بالدنيا ..

    يطالعون من التلفزيون ،، وصكووو مرة تقليد !!

    س: هل تدخل أسرتك في انتقاء ملابسك يضايقك ويحسسك بعدم الرضا عن نفسك...؟؟؟؟

    يوم كنت صغيرة هم يشترولي الملابس ..

    وبعدين أنا اعرف اختار ملابسي الحمدلله ..

    وبالعكس أهلي يمدحون ذوقي كح !!

    <<< وانتي شو تلبسين غير جلابياات !!

    $س: تعتقدين أن ملابس البنت تفرض احترامها عند الخروج من بيتك...؟؟؟؟

    نعم شيء أكيد .. بالنسبة لي البنت المحتشمة .. أحسها محترمة ..

    أما ( ... ) صرااحة ما احترمها .. فكيف تبون من الشاشب يحترمونها ..

    أو يغضون النظر عنها .. !!

    س: مامدى تاثير صديقاتكِ على طباعك وشخصيتك...؟؟؟؟

    يقولون القرين بالمقارن يقرن .. هع

    والله اذا الصديقة زينة تراها زينة

    بس اذا فاسدة .. غسلو ايديكم

    واشكرك على موووضعج الغاااوي ننتظر المزيد

    !
     
  5. احساس قلبي

    احساس قلبي ¬°•| عضــو مــهــم|•°¬

    س: ماسبب مضايقة الشاب للبنت في الأسواق...؟؟؟؟<
    اكيد تبرجها اللافت للنظر والحركات اللي تسويهن

    س: هل تعتقديين أن الشباب هو من يبدأ في معاكسة البنت...؟؟؟؟
    احيانا هيه بس اذا كانت البنت محتشمة وصالبة عمرها محد يقرب صوبها بس اللي اشوفه احينه تغير البنات يركضن ورى الشباب
    س: ماسبب عدم احتشام البنات أثناء خروجهم...؟؟؟؟
    من اللي اشوفه واسمعه يمشن ع الموضة واليديد بس موضة عن موضة تفرق وتقليد الغرب ما اقوووول غير الله يهديهن
    س: هل تعتقدين أن التفتح هو سبب ظهور هذه الفتن مثل الكليبات والفضائيات الهابطة...؟؟؟؟
    اكيييييييييد هو السبب الرئيسي في ظهور الفتن ودمار البنات ومطالع الغرب شويسون سوا شراتهم (تقليد اعمى

    س: هل تدخل أسرتك في انتقاء ملابسك يضايقك ويحسسك بعدم الرضا عن نفسك...؟؟؟؟
    لا. بالعكس ;احس بالاهتمام اكثر
    ولله الحمد اعرف شو اختارو شو يناسبني

    س: تعتقدين أن ملابس البنت تفرض احترامها عند الخروج من بيتك...؟؟؟؟
    اكيييييد هالشي يعكس احترامها وحشمتها ويكون مظهرها لائق يعني كاشخة بس بحدود المعقول وعلى حسب المكان اللي هي سايرتنه
    وانا كبنت اشوف بنت لابسة وكاشخة والحالة لله تقول سايرة عرس وهي فمكان عام اترمس واتطالعها شقايل ماتبوووون الشباب يطالعونها

    س: مامدى تاثير صديقاتكِ على طباعك وشخصيتك...؟؟؟؟
    بالآخير لكل واحد شخصيته وطباعه يعني
    هب لذاك الزوووود متأثرة فيهم .
    واذا تأترت اكيد بآخذ الاشياء السنعة هب الشينة


    تسلمين اختيه ع الطرح لاهنتي
     
  6. الكعبية

    الكعبية ¬°•| مراقبة سابقة |•°¬

    يسلمو ع المرور

    وين الباقين ما يشاركون ؟؟؟
     

مشاركة هذه الصفحة