ياجبل احفيت علمني الرحابه

الموضوع في ',, البُريمِي لِـ/ للشٌعرٍوالْقصِيْد,,' بواسطة فتاة الأمس, بتاريخ ‏2 نوفمبر 2011.

  1. فتاة الأمس

    فتاة الأمس °• شاعرة الماضي •°


    ;;
    [​IMG]




    الشتا قرب ويا لسعـــــــــــة برداه

    وكم وجدي ع الحطب وشب ضوه





    غير طبخ الشاي تحريكه وشرابه

    ع جمر هادي ويغـــــــريك برغوه





    القـــــــــرص اللي يوري التهابه

    تلفحه حــــرات من لاهب غضوه





    مع سمن ايطيب لك طعمه مذاقه

    والحليب الـــــــلي يزيده من حلوه





    لا جرى الدمع مـــــع حر انسيابه

    فيك تتعذر بدخانـــــــــــة جــــــذوه





    [​IMG]



    ياوجد من ضـــــاق ع حنة ركابه

    لا قسو النـــــاس ع العزبه غدوه





    لا نزل من موتـــــره وصك بابه

    تزاحمن ع سيامهــــــا قوه بقوه





    استبشـــرن بجيته حب اللقى به

    مثل ضامي تسابقن يروي ضموه





    عآيش الغروب معهن وغتايبه

    كنهن اهله ويسقنـــــــــــه ابوه





    [​IMG]

    يا جبل احفيت علمني الرحابه


    والجنوبي كيف ما يستاء جوه




    لا سألت العين عيت بالأجابه

    ولا سألتك أنت ما جاني نبوه





    آه يا الله ما ودي الذبـــــــابه

    تطيح ع جرحي وما فيها مروه





    النحل ايخاف ع خله وعذابه

    والذباب الرقص ع دمي جروه





    الشتـــــــا قرب ويا لسعة براده

    وكم وجدي ع الحطب وشب ضوه





    فتــــــــاة الأمس






     
    آخر تعديل: ‏4 نوفمبر 2011
    أعجب بهذه المشاركة [أ¦أڈ]
  2. بنت المقابيل

    بنت المقابيل ¬°•| مشرفة سابقة |•°¬

    فتاة الأمس صح لسانج الشاعرة مب عليج زووود أبيات ولا أروع تسلمين تقبلي خطوفي
     
  3. فيصل محمد البادي

    فيصل محمد البادي ¬°•| عضــو مــهــم|•°¬

    انا يوم قريت الأبيات ودي اقولج شي

    غيري أسمج من فتاة الأمس حق (فتاة البادية)

    بجد عيشتينى جو مايتحصل هالأيام

    الله يرحم زمان اول

    بس عندي شوي ملاحظات

    عاد ستحمليني شوي

    عندج حس شعري تقليدي جميل جدا

    ولكن

    الوزن ماضابط في مجمل القصيده

    احس انج تقدري تضبطيه بس يبيلج تتعبي شوي ع القصيده

    وحاولي تمزجي هالروعه بصور شعريه عشان تزيد روعه فوق روعه

    ويعطيج العافيه على هالقصيد السنع
     
  4. ماشاء الله عليج
    ابيات عجبيه بصراحه
    لفتت انتباهي وخلتني اعيش جو رهيب
    ما عليج زوود يالشاعره وصح لسانج ملايين
    ومرحبابج والله


    نتريا منج اليديد فلا تحرمينا
     
  5. دمي البريمي

    دمي البريمي ¬°•|الفُرْيقَ التطْوٍيِريً|•°¬

    قصيده رووعه صدج ماا افلهم بكتااابه الشعر بس قدرت اتذوووق المعااني واعيش جووو الشتاااء
    ووجو البدااوة العجيب
    مبدعه ااختي
    وواصلي هالابدااع والتميييز
     
  6. يوسف الكعبي

    يوسف الكعبي ¬°•| شـــاعر|•°¬

    صح الله لسانج

    القصيده كأفكار بصراااااااحه جو خيالي خذاني لأمطار التسعينات وذكريات الطفوله الجميله


    بيض الله ويهج وتستاهلين اللقب وشدي حيلج فالأمور الثانية
     
  7. sad heart

    sad heart ¬°•| عضو مميز |•°¬

    مرررررررررررررررره نااااااااااااااااااااااايس


    الى الامااااااااااااااااااااااااااااااااااام اختي


    تقبل مروري الحلوووووووووووووووو
     
  8. نسايم ريف

    نسايم ريف ¬°•| شاعرة |•°¬

    صح الله لسانج يالشاعره وتسلمين ع الأبيات الجميله

    ومرحبابج ملايين بعد غيبه
    ومثل ماقال اخوي محمد ضبطي الوزن وماعلها رمسه القصيده
    تسلمين وننتظر اليديد
     
  9. علي البراشدي

    علي البراشدي ٍٍ شــاعر المروّه ٍٍ

    تسلم على النص الجميل
     
  10. فتاة الأمس

    فتاة الأمس °• شاعرة الماضي •°

    اقتباس:
    المشاركة الأصلية كتبت بواسطة بنت المقابيل [​IMG]
    فتاة الأمس صح لسانج الشاعرة مب عليج زووود أبيات ولا أروع تسلمين تقبلي خطوفي


    بنت المقابيل...

    صح بدنج

    الأروع مرورج بارك الله فيج...
     
  11. فتاة الأمس

    فتاة الأمس °• شاعرة الماضي •°

    اقتباس:
    المشاركة الأصلية كتبت بواسطة فيصل محمد البادي [​IMG]
    انا يوم قريت الأبيات ودي اقولج شي

    غيري أسمج من فتاة الأمس حق (فتاة البادية)

    بجد عيشتينى جو مايتحصل هالأيام

    الله يرحم زمان اول

    بس عندي شوي ملاحظات

    عاد ستحمليني شوي

    عندج حس شعري تقليدي جميل جدا

    ولكن

    الوزن ماضابط في مجمل القصيده

    احس انج تقدري تضبطيه بس يبيلج تتعبي شوي ع القصيده

    وحاولي تمزجي هالروعه بصور شعريه عشان تزيد روعه فوق روعه

    ويعطيج العافيه على هالقصيد السنع

    فيصل محمد البادي

    بارك الله فيك

    ان شاء الله ينضبط الوزن عندي ف يوم من الأيام

    اشكرك على نصيحتك
     
    آخر تعديل: ‏12 نوفمبر 2011
  12. فتاة الأمس

    فتاة الأمس °• شاعرة الماضي •°

    اقتباس:
    المشاركة الأصلية كتبت بواسطة عتيج [​IMG]
    ماشاء الله عليج
    ابيات عجبيه بصراحه
    لفتت انتباهي وخلتني اعيش جو رهيب
    ما عليج زوود يالشاعره وصح لسانج ملايين
    ومرحبابج والله



    نتريا منج اليديد فلا تحرمينا

    عتيج

    اسعدني مرورك استاذي الفاضل

    واشكرك كثيرا على اللقب بارك الله فيك
    وجزاكم الله خير ع الترحيب
     
  13. روووضه

    روووضه ¬°•| عضو فعّال |•°¬

    بصراحة الابيات ولا اروع تسلم يدك أختى واتمنى لك المزيد من التقدم والازدهار تحياتى لك
     
  14. فـيـ الـكـعـبـي ـصـل

    فـيـ الـكـعـبـي ـصـل ¬°•|شاعر الشلّة |•°¬

    ماشاء الله عليج مبدعه ..

    صح الله لسانج على القصيده الرائعه..

    وننتظر الزوود منج.
     
  15. اقصى الشرق

    اقصى الشرق ¬°•| عضو مميز جدا |•°¬

    صــــــــــــــح لسانك
     
  16. [ود]

    [ود] ¬| رُوحٌ مُحلِّقَة بَين أسْرآبِ الأمَل ✿ ،

    يا فتاة الأمس
    أقف احترامًا لهذه المعاني الجميلة
    أخذتني كلماتج إلى هناك لــ " القمة "
    في شوق للجديد شاعرتنا

    تقييم متواضع
     

مشاركة هذه الصفحة