1. كافي علي كلمة عماني

    كافي علي كلمة عماني ¬°•| عضو مبتدى |•°¬

    قصيدة عتاب

    انا زعلان منك حيل وشايل لك بقلبـي عتـاب
    واتمنـى تحملنـي مثـل مـا اتحمـل عتـابـك


    ترى بعض الصراحة جرح وثقل ونرفزه واعصاب
    ابي تسمع كلامي زين وتمسك زيـن اعصابـك


    تعاهدنا انا وانتـه علـى إنـا نكـون احبـاب
    واحبابك هم احبابـي واحبابـي هـم احبابـك


    وش الي غيرك فجأه تكلـم واذكـر الأسبـاب
    انا بسمع كلامك زين وبسمـع زيـن اسبابـك


    رغم كل الخطاء منك فوجهك ما قفلـت البـاب
    ويوم اخطيت في حقك قفلت فوجهـي ابوابـك


    رخصت الغالي لعيونك حنيت لخاطـرك ارقـاب
    رضيـت احنيهـا ارقابـي ولا تحنيهـا ارقابـك


    كفايه تمتحني هم وخل مـن ذم فينـي وعـاب
    ترى من عاب في غيرك ولو طال الزمـن عابـك


    ولا تفكر في يوم انساك او يشغلني عنك غيـاب
    انا اتنفسك اهـواك وفيـك امـوت واحيابـك


    انا ما شوف احد غيرك جميـل بفتنتـه جـذاب
    انا إعجابي فيك اعمى يفوق اعجـاب اعجابـك


    انا مهما قسى قلبي بكلمـه منـك احسـه ذاب
    انا من زود عشقي لك عشقت العطر في ثيابـك



    انا ياليت مغرم فيك انا كلـي فغرامـك شـاب
    احسك جزء مـن روحـي ولا اتحمـل غيابـك



    ولا قد طاب لي جرحك ولو جرحي لذاتك طاب
    عجزت اقدر اشوف الدمع بل اطـراف اهدابـك



    ولكن كل شـي إلا جـزاة الصـد بالترحـاب
    إذا صديـت ترحابـي تـرى باصـد ترحابـك



    ولاني مرتضي ذلي ولـو كـان الهـواء غـلاب
    إذا ماكان ترضا بي حشاء لا يمكـن ارضـا بـك



    ولاني قادر اتحمل عشانـك غرسـت الأنيـاب
    انا كلي غدى مجـروح مـن غرسـات انيابـك



    تجافيني ولا همك ولا تحسـب لـي أي حسـاب
    وانا من زود عشقي لك اصونك واحسب حسابك



    ألآ يا قسوة الصدمـه تجينـي منـك الأصـواب
    وانا الي كنت اقول الجرح إذا ما صابنـي صابـك



    أمانـه قـول وش بقيّـت للعـذال والأغـراب
    اذا هذا معي طبعك اجـل وش حـال اغرابـك



    تمرد كان يحلى لـك تعيـب فطيبتـي وتغتـاب
    ولكني تـراي اكبـر مـن انـي يـوم اغتابـك



    حقيقه اكتشفت انك سخيف بطبعـك الكـذاب
    واني كنت لك لعبـة سخيفـه تشبـه العابـك



    انا عيبي غبي طيب وضنـي فيـك والله خـاب
    ولا قد كنـت اتوقـع تجافـي يـوم اصحابـك



    انا جيتك بطيب الطيب وفيك الطيب ابد ما جاب
    ابي تعذرني ها القسوة لأن الطيـب مـا جابـك
    اتمنى انها تنال اعجابكم منقوله
     
  2. اقصى الشرق

    اقصى الشرق ¬°•| عضو مميز جدا |•°¬

    الله لا يجيب الزعل
     
  3. حامله جروحها بروحها

    حامله جروحها بروحها ¬°•| عضو فعّال |•°¬

    :61:الله لايجيب الزعل بينك وبيني
     
  4. نسمآت روح

    نسمآت روح ¬°•| مبدعة في تواجدها |•°¬

    كلمااات رااائعه بحق العتاااب
    الله يبعد العتب في حياااتنااا إن شاء الله
    تسلمين أختي
     
  5. بنت المقابيل

    بنت المقابيل ¬°•| مشرفة سابقة |•°¬

    صح لسان كاتب الأبيات تسلمين ع النقل الطيب
     
  6. مس سارة

    مس سارة ¬°•| عضو مثالي |•°¬

    صح لسان قايلها
     
  7. كافي علي كلمة عماني

    كافي علي كلمة عماني ¬°•| عضو مبتدى |•°¬

    اشكر الجميع على مروره الطيب:7btain:
     
  8. ريح الحزن

    ريح الحزن ¬°•| عضو مثالي |•°¬

    انا مهما قسى قلبي بكلمـه منـك احسـه ذاب
    انا من زود عشقي لك عشقت العطر في ثيابـك


    تسلمين ع الطرح الرائع
    تقبلي مروري
    [​IMG]
     
  9. كافي علي كلمة عماني

    كافي علي كلمة عماني ¬°•| عضو مبتدى |•°¬

    شكرا لك ريح الحزن على مرورك الطيب
     
  10. ســــحـــايـــب شــــوق

    ســــحـــايـــب شــــوق ¬°•| قيادية متميزة |•°¬

    تسلمين ع النقل اختي الغاليه

    صح لسان قايلها

    وسلمت يمين ناقلها
     
  11. إحسآإسي غير

    إحسآإسي غير ¬°•|مشرفة طٌـلبـِة الْـمٌداِرًسَ |•°¬

    كلمات جميله و تترك اثر ف القلب
    صح لسان قايلها
     

مشاركة هذه الصفحة