{{شلتناٍٍٍ}

الموضوع في ',, البُريمِي لِلقِصَص والرِوَايات ,,' بواسطة الحور وبس, بتاريخ ‏26 أكتوبر 2011.

  1. الحور وبس

    الحور وبس ¬°•| عضو فعّال |•°¬

    بسم الله الرحمن الرحيم
    السلام عليكم ورحمة الله وبركاته
    عنوان القصه{شلتنا}
    أسماء الشلة:
    سارة التي تبلغ من العمر 11سنة
    ريم التي تبلغ من العمر 11سنة
    الحور التي تبلغ من العمر 11سنة
    وعد التي تبلغ من العمر 11سنة
    عبير والتي تبلغ من العمر 11سنة
    الأن تبداء قصتي الجميلة والمحزنة
    كنا في الصف السادس الأبتدائي كانن البنات يريدن أن ينضمن الى الشلة بس حن مانريد احد لانه خلاص تعودنا على بعض تبداء القصه عند {سارة} سارة هيه قائدة الشلة يعني بدونها الشلة مب حلوه ساروه كانت واااااايد جميلة ما شالله عليها.
    في يوم من الأيام كان الجو وااااايد روعة قررنا أنه بعد المدرسة نسير البحر بس بموافقة اهلنا المهم جلنا حج اهلنا انه نريد نطلع البحر وحن عارفين أنة اهلنا راح يوافقوا يلي صار انة سرنا البحر ولعبنا با الموية ووكل وحده فينا كتبت رحرف رفيجتها المفضلة ولعبنا كان صغار نركض و نضحك كان هذاك اليوم واااايد حلووو و الى اليوم أتذكره {ادري بتجولو هذي وش لها ف القصة أني الحور صديقتهم الثالثه} المهم خلصنا الصف السادس بتفوق الحمدالله
    يات الأجازة الصيفية جلنا نستغل هذا الشهر ونسجل ف معهد انجليزي...
    سجلنا ف المعهد كلنا و الشهرين بسرعة سارن حتى ما حسينا فيهن........
    بداءت المدرسة وكل عادة متجهزين حجها في الصف السابع كنا واااااااايد متحمسين لدراسة والمعلمات عرفنا من كثر الربشة و صداع لما نجول {أني أبلة} بصراحة أيام لأتنسى جاءت ألأختبارات النهائية حجت الصف السابع بس كانت وايد سهلة
    المهم خلصنا الصف السابع والحمدالله
    يات الأجازة الصيفية بداءت المواقف الحزينة والمؤلمة....
    كنا متعودين أنه نتواصل عبر المسن س يلي صار أنه سارة ما جامت تفتح كلنا مستغربين و فنفس الوجت خفنا... أني اتصلت با ريم وبداء الحديث ما بينا,,,,,,,,,,,
    الحور: جوه ريموه شحالج عساج بخير؟
    ريم : يا هـــــــلآ والله زين أنج أتصلتي ما بغينا نسمع ها الصوت الحلو أني تمـــآم الحمـــدالله,,,شحالج أنتي يبة وش ذيه الغيبة والجطعة؟؟
    الحور: يعلج دوووم ما تيوزين من سوالفج يا ريموه مثل ما أنتي .
    دامـ أنتي بخير عيل أنيـ بــــالف صحة وعـــأفية ريم ممكن سؤال؟؟
    ريم: بعد يبيلها ممكن جول فديتج؟
    الحور: سارة وش فيها ما تفتح المسن وجهازها مغلق؟
    ريم: أني ما بغيت أجولج لأنج انتي مب ف الديره عشان جذه خبيت عليج الموضوع!!
    الحور: وش موضوعة ريم يرحم والديج جولي وش يلي صاير ف سارة؟
    ريم: امممممممم سارة مريضه با مرض السرطان!!؟
    الحور: وش شلون وكيف أنزين الحين برجع الديرة لما أوصل راح تخبريني با السالفه اوكي ريموه.
    ريم: اي سالفة خو السالفه خلصت سارة خذوها أهلها للعلاج خارج الديره ......
    الحور: مــــــا احاتي هي صديقتي ما هجيتها منج يا ريم!!
    ريم: حور اصحي اذا انتي زعلانة على صار لسارة ف اني اشد منج لانه لما جالتي اختها ما صدجت جلت يمكن تمزح بس للاسف طلع صدج.
    الحور: المهم اني ف هل كم يوم برجع
    ريم :تمتوم ترجعي با السلامه فديتج لا تزعلين مني عاد؟
    الحور: لا افا أني أزعل منج مستحيل..
    وجعدنا نسولف وش يلي صار ف سفرتي بعد ما تسكرت من عند ريم سرت حج أبوي وفاتحته ف الموضوع أبوي لما جتله رفيجتي صايبها المرض جالي سيري زهبي أغراضج وجولي حج أخوانج أنه باجر راجعين أني لما جذية جال ما صدجت عمري أول شي سرت أزهب جنطتي بعدين سرت أخبر أمي وأخواني .... رجعنا وكنت خايفه أني ما أشوف سارة في اليوم الثاني من رجعتنا الصباح سرت بيت سارة شفت الكل حزين و متضايج حسيت أنة سارة توفت بس يلي صاير أنة سارة ف المستشفي
    جعدت عند أمها وخبرتني سبب مرضها وش كان... العصر سرت المستشفي على أمل أني أشوف ساروه بس كانت ف العناية
    في اليوم الثالث عــــــــــــــاد شفتها وكــــانت بصراحة تجطع الكبد
    بصراحها واااااااااااااااااااااااااااااااايد متغيرة وجعدت اسولف وياها...
    في يوم من الأيام سارة حاسة انها بتروح عند ربها ف جالتلي خلي الشلة تجي العصر أريد أجولهن شي
    أني خبرت الشلة و لعصر ما اشوف غير البنات هابات علينا المهم خلينا من هذا كله
    سارة جالت أني حاسة اني بروح عنكن ف اريد من كل وحدة ما تزعل من الثانية و كونن مثل ما انتن والبنات صرخن {لااااااااااااااااالا تجولي جذية انتي بتبجي ما راح تروحي لا تجولي هذا الكلام مره ثانية }
    سارة جعدت تبكي انها راح تخلي اعز صديقاتها وجعدنا نبكي وياها يات الممرضه وشافت الموقف وجعدت اتهدينا أم سارة يات و هدتنا شوي بس مشي فايده كل ما تهدينا كل نتذكر كلام سارة بس سارة خلتنا وراحت وصارت حيتنا فاضية من بعدها سارة راحت لرفيق الاعلى والشلة صارت مملة مب مثل أول يلي صار أنه ريم انتقلت{......} لأنه أبوها صار شغله هناك و عبير انتقلت من المدرسة وبجينا ف المدرسة أني و وعد بس وكرسي سارة يلي ما رضينا أي بنت تجعد فية بصراحة كل يوم لما أشوف صورنا ويا بعض يزيد حزني و جلبي يتجطع علي أيام قبل و على الشلة يلي كان الكل يتمنى يسير ويانا
    نهاية القصة حزينة و الحمدالله تفوقنا ف الدراسة
    والحين حن ف الصف العاشر

    {بصراحة القصة حقيقية و الأحداث صدج مستوية وياي }
    تحيات الحور وبس
     
  2. شيخه البدو

    شيخه البدو ¬°•| فريق التغطيات التطويري |•°¬

    قصه حزينه حيل::s23::

    جطعت جلبي ساروونه

    الله يرحمهااا


    وياارب يجمع شمل شلتكم

    مره ثاانيه
     
  3. الحور وبس

    الحور وبس ¬°•| عضو فعّال |•°¬

    :61::61:
    الحمدالله على كل حال
    لازم نواجه الحياة
    واذا على شمل الشله ف خلاص تفكك
    ونتواصل عبر البريد الالكتروني فقط
     

مشاركة هذه الصفحة