{ البناتـــ، والليسن ..~

الموضوع في ',, البُريمِي للِحِوار و النقَاشْ ,,' بواسطة خافق احساس, بتاريخ ‏29 جويليه 2008.

  1. خافق احساس

    خافق احساس الفرَيق الإدِاري إداري

    السلام عليكم ورحمة الله وبركاته

    شحاالكمـــــــ،، عربنــــآآ ؟!! علــــــــــــوم داركم ؟؟

    ان شااء الله زينين .. :p

    اليوم صراحة حبيت اطرح موضوع يدور في بالي من كم يوم ..

    هو عن ..[ البنات & الليسن ]..

    ممممممم أحيانا البنت تطر انها تتعلم السواقة ،، لكن الاهل يرفضون ..

    بحجه انه عيب .. او ممنوع .. او اي شيء ثاني ..

    بس اللي يقهر الواحد يوم يكون الشيء ممنوع بدون اسباب تذكرر .. أو أسباب واهية ..

    مثل يوم يصير عليكن حادث .. <<< يفاولون بالشر .. مب جنه بروحهم يسون حوادث !!!

    بالنسبة لي أنا اواجه هالمشكلة ويا ابوي .. هع

    مب مخلني اتعلم السواقة .. ولا يعطيني اي سبب مقنع ..

    بس كلمة ممنوع ،، او يوم أموت << هذا يقهرني أكثر ..!!

    أخوي العود علمني شوي بالسيارة .. وسقت تقريبا 3 مرات هووع ..

    وكنت اضبط السواقة .. واخوي يقوللي ما شااء الله بتعلم بسرعة ..

    لكن ابوي عصب ،، وما يباني اركب السيارة .. خير شر ..

    لوووول

    بس أنا حاولت استخدم كل الطرق اللي عندي علشان يقتنع ..

    من نقاش أو غيره .. حتى بالمسجااات !!

    وكل الطرق تؤدي إلى التطنيش ..~

    والغريب فالامر أنه بنات عيلتنا أغلبيتهن يسوقن .. محد رافض .. غيره هو !!

    ونرجع لمحور حديثنا ..

    ليش الاهل يرفضون للبن انها تسوق ؟؟

    وشو هي الأسباب اللي تقنعهم !!

    ؟

    سمعت انه فيه شباب ما يتزوجون البنت اللي تسوق سيارة ..

    شو الغلط فالسالفة .. ؟؟

    أنتظر رايكم بكــــــــل صراحة ..

    وتـــقبلــوا منّي أرق التحية / خافق احساســ،، :patch_joi:

    الموضوع أنا كتبته مب منقول ..

    ربي يحفظكم

    !
     
  2. الخريشة

    الخريشة ¬°•| عضو فعّال |•°¬

    اشكرج وخيتي ع الموضوووع الرائع

    زين فتحتيه لانه الموضوع يستاهل النقاش
    وتسلمين

    انا ما بقول اكثر من اللي قلتيه لكن اريد اسمع رد الريايل


    تقبلي مروري

    خويتكم/ العين الذبوحه
     
  3. سعود الظاهري

    سعود الظاهري :: إداري سابق ومؤسس ::

    أول شي شكرا على قلمج المميز والبعد عن المنقول

    أختي أنا أقولج حاولي مع أبوج

    وكثر الدق بفج اللحام

    وحاولي تعاليله وهو رايق ويظحك مستانس

    وتفاهمي معاه

    أبوج صدقيني خايف عليج


    زمننا هذا الذي فشا فيه التسكع وانتهاك الحرمات وفقد فيه الرجال النخوة

    أنا بعطيج مثال حتى لو وحدة تمشي سيدة لازم بلاحقوها وحتى الشرطة في التفتيش

    توقف البنات بس يبون علثة

    أنا مرة بعيني كنت واقف على الاشاير في السوق وعدلي سيارة فيها بنت

    والسيد الثالث كان ستيشن فيه ولدج شباب والاشارة حمرة نزل وفتح باب السيارة مال البنت وفر عليها الرقم وركب سيارتة وشرد

    والمشكلة ممنوع في عمان وحدة تلبس نقاب وتمشي بالسيارة

    شوفي القوانين كيف


    وعن موضوع الشباب مايتزوجوا البنت ألي تسوق

    فكرة غلط غلط غلط

    ولي عودة للموضوع.
     
  4. خافق احساس

    خافق احساس الفرَيق الإدِاري إداري

    العين الذبوحة

    العفو ختيه ..

    وشكرا على ردج الغاوي

    والسموحة

    !
     
  5. قطوة البريمي

    قطوة البريمي ¬°•| مُشرِفَة سابقة |•°¬

    اشكرج ع طرحج للموضوع هذا
    لانه صدق نص الاهل ما يرضون
    بناتهم يسوقون ما ادريبهم ليش
    واتريا رد الشباب لانهم هم المعنيين؟؟؟
    يسلموووو
     
  6. شيخة المزايين

    شيخة المزايين ¬°•| مُشرفَة سابقة|•°¬

    موضوع رائع اختي

    انااااا ف خاااطري اتعلم السواقة بس لماا اشوف حوادث اجول بس خلاااص ما ابى


    يمكن ابوج يشوف انه انتي مب محتاجه حجهااااا

    المشكلة ان ربع المجتمع مب متقبل هالشي بس احيااانااا الحرمه تحتاجهااا
    ولكن من دون مااا تخرج عن عاااداتهااا وتقاليدهااااا
     
  7. خافق احساس

    خافق احساس الفرَيق الإدِاري إداري

    الظاهري

    العفو ،، وشكرا على رايك الصريح !!

    مممممممممم ان شااء الله ، بعدني ما يأست .. هو عنيد وانا اعند منه هع !!

    كل اسلوب استخدمه .. الحين مطنش ولا داز لي ويه ..

    جنى اكلم عمري .. بس بعدني اطن فراسة يوم يكون رايق ..

    بعدين ابوي من النوع البارد .. وانا احر ما احب حد يسفهني !!


    أنا فاهمة هالشيء .. بس انا ابا اسير الجامعة .. اذا بطلع بروحي ..

    واذا بطلع السوق تراني ويا امي ولا اخواني ..

    ومب من كثر ما اطلع انا ..!!


    البنت المحتشمة تراه محتشمة ،، حتى لو ساقت ولا ما ساقت ..

    وما سمعت شيء من هالقبيل صار من عيلتنا !!


    تشتكي عليه فالشرطة .. هذا يسمونه تحرش ؟؟!!

    أغلبية البنات ما يلبسن نقاب فالسيارة بس يوم ينزلن السوق او مكان عاام ؟؟!

    والله هذا اشوفه من الواقع انا !!

    ننتظر عودتك !!
     
  8. عالية متعالية

    عالية متعالية ¬°•| عضو مميز جدا |•°¬

    شكـــــــــــــــــــــــــــــــــــــــــرا ع الموضوع الرائع

    ما ادري ليش جيه الريايل بس لما يشوفو وحده تسوق يتمو وراها بس نحنا المحتاجين
    لما نريد نروح مكان ما نلاقيهم ومسوين عمارهم عناتره
    وانا عكسج ابوي عادي واخوي رافض :patch_pleur:


    تقبلو مروري
     
  9. خافق احساس

    خافق احساس الفرَيق الإدِاري إداري

    قطوة البريمي

    الله يسلمج غناتي ..

    وربي يحفظج

    !


    شيخة المزايين

    حبيبتي أنا بأمس الحاجة لها ..

    محد بيوديني الجامعة .. قالي بيفرني الصبح الساعة 7 وبيرجعني الساعة 6ونص .. البيت ..

    يعني أنا دوامي الساعة 10 اروح الجامعة الساعة 7 شو اسوي ؟؟

    وقولي ست الا عشر ..

    شو هو عقاب ولا شو ؟؟

    واشكرج على رايج الغاوي

    والسموحة

    !
     
  10. خافق احساس

    خافق احساس الفرَيق الإدِاري إداري

    عالية متعالية

    المشكلة اذا كانوا الشباب جيه

    نحن شو ذنبنا ..

    ترانا محتايين ..

    يقولون الحاجة أم .. الخ ..

    انا بالنسبة لي اشوفه ظلم ..

    البنت اللي مب محتاجة .. مب لازم تتعلم ..

    بس انا الحين جامعة .. وبعدها شغل ..

    بتم متبهدلة .. خصوصا ابوي يحرق لي اعصابي لين ما يوصلني ..

    ومرات يسجولني فالجامعة غياب لاني متأخرة ..

    مع اني واعية من الصبح .. واتريا حد يشلني

    وننتظر تفاعل اكثر

    !
     
  11. الحاتمي

    الحاتمي ¬°•| عضو فعّال |•°¬

    ي أعتقدي أن عاداتج وتقاليدج ما تسمح لج بقيادة السيارة ووالدج هو أدر بمصلحتج وما راح يقصر اذا بغيتي تسيري السوق أو زيارة لاهلج وزميلاتج وخاصة إحنا في زمن الفتنننننننة
     
  12. خافق احساس

    خافق احساس الفرَيق الإدِاري إداري

    الحاتمي

    الحمدلله ابوي مب مقصر فشيء ..

    وعلى هالزمن ،، الحمدلله أنا وااعية فيه ..

    لكن ،، فيه شيء انا مب فاهمتنه فأبوي ..

    مب بورحي كل عليتنا ..

    لانه ابوي عادي عنده اشياء واايد ..

    يعني ينزلي السوق ويروح .. عاادي

    ما بيي فباله اني مرابعه وااحد مثلاً !!!! << اعوذ بالله من هالشيء ..

    أنا ماخذه احتياطاتي فهالمجال .. يعني عندي عباه راس والحمدلله

    أشكرك على رايك الصريح

    وبعدين انا مطره مب ابا جيه عالفاضي !!

    والسموحة

    !


     
  13. سعود الظاهري

    سعود الظاهري :: إداري سابق ومؤسس ::


    عندي لج حل أختي

    أنتظري الفرصة ألي يكونأبوج فيها مستانس مرة

    وروحي وقولي لابوج

    أبوي ليش أنت رافظ فكرة السواقة أنا مابظهر من البيت ألا للحاية ولكن السيارة بتكون تحت تصرفك أنت ومابظهر بروحي .
    أكيد معاي أخواني

    وأبوي السيارة في البيت زينة لاسمح الله حد يمرض وألا شي تكون موجودة السيارة

    قوليله أنا مابظهر كل يوم عند ربيعاتي أو بروح الحدايق

    أنا أنسانة فاهمة أبوي وأدري أنك تخاف علي

    بس أبوي الحياة تغيرت

    السيارة أستوة مطلب أساسي

    قوليله أبوي صح أن للحرمة بيتها وأعرف من عاداتنا أن الحرمة ماتظهر من بيتها ألا للظرورة

    وحتى دينا يحثنا على هذا الشي
    ]وقرن في بيوتكن[.

    المهم تعاليله بالكلمة الطيبة صدقيني الشيوبة نفس الاطفال ينقص عليهم

    وكثر الدق يفج اللحام


    وبصراحة أنا ماشجع أن البنت تسوق بس يختلف من بنت ألى بنت

    يعني على حسب
     
  14. خافق احساس

    خافق احساس الفرَيق الإدِاري إداري

    انــــزين بس أبوي ما شيبه !!

    كل هالكلام قلته ..

    وشكرا عالمرور الطيب

    !
     
  15. الكعبية

    الكعبية ¬°•| مراقبة سابقة |•°¬

    امممممممممم

    لازم اسوي حمله ضد حقوق المرأه في السواقه
     
  16. (الكعبي)

    (الكعبي) ¬°•| مُِشْرٍفَ سابق|•°¬

    خافق أحساس :::
    موضوعك أكبر من رائع ويحتاج الي جلسة طويلة ...
    أنا أشوف السواقة ضرورية وخاصة للبنات الي يشتغلن لان مشاوير الشغل تححتاج لسياقة وسيارة


    ليش الاهل يرفضون للبن انها تسوق ؟؟
    بسبب الخوف ع البنات من جميع اللاشياء علي سبيل المثال من الشباب الطائش الذي ربما يلحق أي بنت لما أشوفها بروحة ف السيارة
    بس هذا ليس بسبب مقنع .... ولربما الاهل يرفضون لسبب العاداة والتقاليد .... وكل الاحالات واردة .

    وشو هي الأسباب اللي تقنعهم !!
    القناعة تعتمد ع أسلوبك ف الحوار مع الاهل ...


    نتمنالك التوفيج ...
     
  17. المشاعر

    المشاعر ¬°•| مراقبة سابقه |•°¬

    الكعبيه لازم نسوي كذي بضيع حقوقنا هدر ...

    وانا راااي من راااي الظاهري الشيوبه مايبالهم الا الكلام الطيب والهدوء برمسه
     
  18. خافق احساس

    خافق احساس الفرَيق الإدِاري إداري

    الكعبية

    هههههههه ،، يله عيل ..

    لازم نسوي مظاهراات ..

    <<< علشان تلقونا فالقبر !!

    مشكورة غلاي على ردج الكشوخية

    ربي يحفظج

    !
     
  19. خافق احساس

    خافق احساس الفرَيق الإدِاري إداري

    الكعبي2010


    صح كلامك 100%..


    بس لازم تسن قوانين تمنع مثل هالاشياء ..

    بعدين الشباب يبالكم ضرب بالعصى !!

    مب أسلوب الفرد بس .. بل نفسية الشخص المراد التفاهم معه ...

    وسلوكياته وانماط المعيــشة ..~

    شكراً على مرورك الطيب

    والسموحة

    !
     
  20. خافق احساس

    خافق احساس الفرَيق الإدِاري إداري

    المشاعر

    أحلا بنـــــآت والله .. أنا سويت لافته عوووده .. مظاهره اوني

    وعلقتها على البوابة .. يعني اللي يدخل يقراها ..

    أوني استخدم اسلوب البرمجة .. انه هالكلام المكتوب

    اذا ابوي قراه كل يوم بويهه .. بتتكون عنده الفكرة اني لازم اتعلم اسوق !!

    ههههههههه ،، واللي مب شيبه كيف نتفاهم عنده !!!

    وشكراً لج على رااايج الكشووخي

    نورتي الصفحة

    !
     

مشاركة هذه الصفحة