يبهبر العين ويفجع القلب !!!

[بو مترف]

[OVERLINE]
السلام عليكم ورحمة الله وبركاته ..

الخميس .. 20 /10 /2011

المكان / مكتب تحصيل الفواتير ( من وين يسددوا فواتير الماي والكهربه)

اليوم رحت اسدد فواتير الماي والكهربه مثل كل مرة .. وانا واقف ف الدور اتريا ..!!
شفت موقف الصراحه يكسر القلب ..

كان هناك ريال كبير ف السن ياي يسدد الفواتير ومقطوع عنه الماي والكهربه يقوللهم عندي هذي الـ 10 ريال والباقي مخلنه حق عيالي قابل علينا عيد !!!

طبعا ولا كأنهم سمعوا شو قال وخلوه يروح مكسور الخاطر وبينتظر بدون ماي ولا كهربه الى ان يفرجها ربه ..

وين نحن عايشين ؟؟ كيف الانسان يقدر يعيش بدون ماي ولا كهربه
يحطوا هذيلا المسئولين نفسهم ف هالموقف .. اكيد مايتحملوا ساعه بدون ماي ولا كهربه ف مابالكم بأيام واسابيع !!

الله يفرجها على ها الريال واللي ف نفس ظروفه .. ويحنن المسئوولين ويخليهم يفكروا ف طريقه ثانية عشان يحصلوا فلوسهم بدون ما يعاقبوا الناس لهذي الدرجه .. لان هذي الطريقه خالية من الإنسانية ..:298b5a831e8a667c2ba



تحياتي / بو مترف
[/OVERLINE]​

 

[طهر]

يَـآ الله

لاحَولَ ولآقوة الا بالله من قلوب متحجره

ي ليت لو أخذت عنوآنه .. علّ من في قلوبهم رحمَه
تقدم له يد العَون
الله يكون ف عونهم

 

[أ“أ‡أ،أ£ أ‡أ،أˆأ‡أڈأ­]

مثل ما قالت الاخت نزف
لو خذيت تفاصيل ومعلومات عنه
ونفتح موضوع لعمل التكاتف والتعاون ..
لأنه نحن في مجتمعنا نتعاون وهذا يقربنا من بعضا اكثر.



وإن شاء الله المسؤولين يقرأون هذي الاحداث
ويدرسون هذه الاوضاع وطرحها للجهات المعنيه لخفض التكلفه على المقتدرين..

 

[أمواج هادئة]

لا حوول ولا قووة إلا بالله ..

صدج يكسر الخاطر .. الله يفرجها عليه ..​

 

[مفاهيم الحلا]

زمن بلا رحمة

 

[•¦{ آلبُريْمِے دَآرِيْ }¦•]

بسم الله الرحمن الرحيم

لاحول ولاقوة إلا بالله

الماء والكهرباء أصبحت من الضروريات التي يصعب الإستغناء عنها..

كان الله في عون ذلك الرجل وياحبذا لو أخذت رقم هاتفه ليتنسنى لمن أراد

الأجر والثواب وتخليص مسلم من ضيق ومعسرة ..

وكان من الواجب على شركة تحصيل الفواتير دراسة حالة مثل هذه الأسر

المعسرة قبل قطع الخدمات الضرورية عنهم..

شكراً لك أخي الكريم للتطرق لمثل هذه المواضيع الموجودة في مجتمعنا

والمهمشة في الوقت نفسه..

 

[فيصل محمد البادي]

اخواني الأعزاء

هذي الحاله ليست كل شي وليست اقصى مانجد من فقر في البريمي

ومن يريد النظر والسماع لأكثر من هذا فليأتي لسؤال احد المسؤولين في لجنة زكاة البريمي لقربهم من اصحاب هذه الحالات

فـ والله الذي جل في علاه اني رأيت وسمعت اكثر من هذا بكثير وتعجبت لوجود أمثال هؤولاء بيننا

السؤال الذي يدور ماهو دورنا كمجتمع متكاتف؟؟

وهل سعى كل واحد منا ولو بأقل القليل لمساعدت محتاج؟

أكان بالمعونه الماديه او بالمعونه المعنويه كأقل القليل

ومن يقول اين الحكومه وأين وأين وأين هذا انما يحاول ان يبعد المسؤوليه عن نفسه لا غير

فالإسلام اخواني الأعزاء دين تعاون

والمسلم لا يختلق الأعذار للإبتعاد عن مساعدت اخوانه المسلمين ورميها على عاتق المجتمع

فلو انتبه كل منا على حال جاره فقط لما وجدنا مانرى هذه الأيام

وحسبنى الله ونعم الوكيل

 

[«|شمُوخْ|»]

لابد من النظر في امور هذه العوائل بخصوص الماء والكهرباء

ربي يكون فعونهم



​

 

[ود البريمي]

لاحو ولاقوة الا بالله العلي العظيم ..
عسى الله يساعده ويساعد كل مسلم محتاج ..
وعسى الله يحنن قلوب المسؤلين في كل الأقسام الحكومي والخاص .. .

 

[بو مترف]

الف شكر لكم ع ردودكم وآراءكم في هذا الموضوع ..

بالفعل انا انصدم من قسوة قلوب هذه الفئة من المجتمع ..

الله يكون ف عون الجميع ..

عاد مسكوا مناصب ووضايف خلاص نسوا حتى الرحمه على ريال كبير ف السن

 

[علي بن سيف الساعدي]

الموظفين مساكين عندهم تعليمات وقوانيين واضحه

ولكن الدور والباقي على الجمعيات الخيريه وعلى اهل الخير ولا ننسى الجيران

كثير من الجيران نسوا انه عندهم جيران محتاجين

 

[الهاجس]

الله يكون فعونه وعون الجميع
إن شاءالله
تعجز الكلمات عن كتابة ما يدور
في الوجدان
ربنا يسهل عليهم
إحترامي لطارح الموضوع​

 

[الـكـاسـر]

لآ حول ولآ قوه آلآ بآلله

آلله يصبر هآلـريـآل ويعين عيـآله.

مـآ نجول غيـر حسبي آلله ونعم آلـوكيـل.

نـآس ميته يوع ومحتـآجه ونـآس تلعب بآلـفلوس وتبذر بآلـآموآل.

آذآ هـم نسو آللى فـي آلـآرض آلله تعـآلى فوق مـآ ينسئ عبـده آلله عـ آللى كـآن آلـسبب​

 

[reemo_909]

ياليت لو يبت لناا رقم شي عنوانه
بعدهاا قلوبنا حيه ما مات شرات باقي الناس:182fd25f9b06446ba41

 

[شمؤوخي]

لاحول ولاقوة لا بالله:nope:
الله يعين كل محتاج

 

[UM-GHALOL]

حسبي الله ونعم الوكيل الله يفرجها على كل محتاج

 

[سفيرهـ للعلاقـات العامة والإعلامـ]

:cry:

حرآآآآآآم مسكين .. عورني قلبي عليه ولو خذيت عنوانه ع الأقل نساعده لو بمبلغ بسيط .. الله يكون في عونــه وعون جميع الأسر المحتاجة والحمدلله لجنة الزكاة مب مقصرة فالبريمي بيض الله ويوهم ...​

 

[سيدة أعمال]

عاد خصه موظفين التحصيل للماي والكهربا

لا يحترموا لا صغير ولا كبير

يارتنا كانوا يقطعون عنها الماي شهريآ مع إنه فاتورتهم

ما توصل 60 ريال عشان تقطع عنهم الخدمة

بس ما اقول غير الله لا يحكم أصحاب القلوب الميتة

بالمسلمين يا رب

بس بيترد في عيالهم

الأيام دول يوم لك ويوم عليك

إذا حصلتوا عنوان الريال أنا حاضرة أتكفل المبلغ كامل

بس عطوني العنوان

 

[!! أتعــبــني غــروري !!]

,,,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,


إن لم تسااعدوهم فلاآآ تحتقرووهم



,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,,,,,,,,,,
​

 

[شيخ الشباب]

اخوي بو مترف انته منو ترمس هذيله ما فيهم لا رحمه ولا يخافون من ربهم همهم نفسهم بس الله يفرجها عليه يارب وويفرجها على كل محتاج