ملاحظة حول منفذ الهيلي

الموضوع في 'مركز أخبَار وقَضَايَا مُحـَافَظة البـُريمِي' بواسطة اليوبيل الماسي, بتاريخ ‏27 جويليه 2008.

  1. السلام عليكم ورحمة الله وبركاته

    اشحالكم شباب وبنات

    ياخي بس عندي سؤال بسيط احب اطرحه عليكم وآخذ رايكم فيه:
    أول شي كل ما أخطف منفذ الهيلي الموظف لي هناكي اييلس يجيك على البطاقة ويجيك في الكمبيوتر هذا على الدخول ، وعلى الخروج نفس السالفة ايلس بس يجيك في ذاك الكمبيوتر ،،، اللحينه اشوف الوافد جدامي يشوف جوازه ويشيك على فترة انتهاء تأشيرته ويرخصه لكن احينه انا رمست ويا واحد من الشباب وقالي لا ما فيه ،، احينه انا ابا افهم شي واحد يمكن شكلي ما يساعد او مشتبه فيي او شي من هالقبيل يعني لازم يعطلني دقيقتين ثلاث ، مع اني اداوم بدبي ووظيفتي مساعد مدير يعني اطلع بدري واوصل هناك في الوقت الضائع ومن غير الرادارات لي بعد الفقع فـ شو رايكم يا شباب ، ولا يعني مذلة يديده على العماني، واي واحد عنده ملاحظة يقولي او يناقشني .

    وتحياتي
    اخوكم / محمد
     
  2. الشامسي

    الشامسي ¬°•| عضــو شرف |•°¬

    انا اعرف شخص يداوم اهناك .. يشيك على اي حد .. سواء كان عماني او وافد ..

    يحط الاسم .. ويشوف اذا كان مطلوب ويلا لا ..

    وبعض المرات يكون تشييك عشوائي عندهم
     

  3. والله ياخوي اذا كان على التشييك انا بطاقتي منتهية من 8 شهور ومحد سألني عنها وانا كنت ناسي موضوعها بس في مركز وادي الجزي قالولي يالحبيب بطاقتك منتهية ، وانا بذيج الفترة اخطف يوميا دوامي تراه. فأنا لي اتكلم عنه هو

    كيف يخطف لي جدامي ويشيك علي مع اني اكون ناسي وارجع البريمي وايي ادش المنفذ ويشيك علي مرة ثانية يعني معقولة جي وهالشي اليوم صار معاي
     
  4. الشامسي

    الشامسي ¬°•| عضــو شرف |•°¬

    اخوي .. انته ممكن اطوف بليسنك .. او ببطاقة عمل .. المهم تحمل بيانات اسمك بالكامل ..

    وبعدين موب شرط .. هوو ما ياخذ برقم البطاقه..

    اهم شي عنده الاسم .. وتاريخ الميلاد .. في حالة اشتباه بالاسم ...
     

  5. ياخي شوف وافهمني ياخوي احينه المسألة اوكيه بيجيك على الاسم كم دقيقة بياخذ؟

    ياخي فيه واحد هناك ضعيف ولابس نظارات وحظي النحس اطيح عنده واللبس بدلة نفس الوافدين احينه الكندورة حتى ممنوعين نلبسها ياخوك بدبي، هذاك اول شي قبل لا يجيك يعدل عقاله بعدين يشوف تلفونه بعدين عاد بيحطي ايده على الكيبورد قسم بالله يعني احلف لك انه خذ 6 دقايق يعني بس جي موقفني وجنه مستهدفني يباني اقوله شي بس ساكت عنه
    فشوو الحل يعني
     
  6. بنت شيوخ

    بنت شيوخ ¬°•| بنٺ نآڛ مآ ٺندآڛ|•°¬

    مب كلهم واحد وبعدين هذه اجراءات اعتيادية للجميع وبتطبق على منفذ عود التوبة قريبا
     
  7. اسمحيلي مش للجميع ، انتي تقولي جي والكل يقولي جي لكن لي اشوفه بعيني غير

    عيل اليوم رجعني على نقطة تفتيش الجمارك وفتشو السيارة، يعني احينه سألت موظف الجمارك شو السالفة قالي اجراءات ، قلتله انزين هالسيارة خطفت ليش ، قالي ما اعرف،
    بس الظاهر انه حد معمم على سيارتي وهالسالفة تحصل تراها/// لأنه ماله تفسير ثاني
     
  8. وقباوي

    وقباوي ¬°•| عضو مميز |•°¬

    أنا واحد ما فهمت شي من الكلام إلللي يقولة الأخ اليوبيل الماسي
    وشو يبا يمكن نحله موضوعة
    وتقبل مروري
     
  9. تسلملي ياخوي وقباوي بطرش ايميلي على بريدك الخاص وتواصل معاي وبقولج السالفة من الالف إلى الياء
     

مشاركة هذه الصفحة