بس خلاص ازعجتوني باتصالاتكم

الموضوع في 'مركز أخبَار وقَضَايَا مُحـَافَظة البـُريمِي' بواسطة راعي الخضراء, بتاريخ ‏29 سبتمبر 2011.

  1. راعي الخضراء

    راعي الخضراء ¬°•| عضو مبتدى |•°¬

    السلام عليكم

    كيف حالكم و كيف و و و و و ( على حسب عاداتنا وتقاليدنا )

    انا زعلان واريد افضفض معاكم لانها مش مشكلتي هي مشكلة مجموعه من الشباب،

    ايجيك اتصال وترد عليه ويسئلك انت فلان طبعا بتقول نعم يسئلك بعد ديباجه طويله وعريضه عن مرشحهم وفي اخر الديباجه يقول لك

    ترشحه ( نعم او لا )

    اذا قلت نعم فانت نجحت

    اما اذا قلت لا ( بيتصلو بك لمدة اسبوع ويسئلونك غيرت رايك او لا ) طبعا قل لا ( بيحاولون يقنعونك )
    واذا قلت لا ( فانت ميئوس منك ) فما يتصلو بك

    طبعا انت وحظك يا يتصل بك شاب او بنت ، وتظن نفسك من فئة VIP من كثر مامهتمين بك ويتصلون بك ، وبعدين لما أجلس مع الشباب وأتفاجئ اني ما الوحيد المتصلين به .. غيري متصلين بهم ونفس الاسطوانه ..

    انا :007: قاعد افكر ليه الازعاج المستمر بالاتصالات ..

    يا جماعه بس كفايه ، ما تركتو عمود ليت ولا مواقف بالبريمي، ما علقتو صوركم

    يا مترشحين عندكم مسرح البريمي جلسو فيه وعرضو برامجكم الانتخابيه وعندكم منتدى البريمي موب مقصر معاكم يعرض لكم مواضيعكم

    فليش هالازعاج بالاتصالات المتكرره والممله

    الدعايه فن وذوق مش ازعاج
     
    آخر تعديل: ‏29 سبتمبر 2011
  2. الشامسية

    الشامسية ¬°•| شيف ملكي |•°¬

    أكيد يا اخوي المرشحين يعملون المستحيل للوصول للفوز في الانتخابات
    ما عليه يا اخوي استحملهم هذي الفترة ......... تراه عندهم فترة معينه وسوف يتوقفون

    السموحة منك اخوي على ردي المتواضع
    وجزاكم الله خير
    بالتوفيق لك ​
     
  3. جاسم الهاشمي

    جاسم الهاشمي :: فريق النبراس ::

    ههههههههههههههههههههههههه اجل خلهم يتصلوبي بقولهم ارسلولي رصيد بعدين بوافق خخخخخخخخخخخخخ
     
  4. إحسآإسي غير

    إحسآإسي غير ¬°•|مشرفة طٌـلبـِة الْـمٌداِرًسَ |•°¬

    كلامك عين العقل اخويه
    و اتمنى من المرشحين الالتزام و عدم الازعاج
     
  5. أمواج هادئة

    أمواج هادئة ¬°•| طالب مدرسي |•°¬

    الله يعين ..

    ترى عشان يفوزوا يسوا المستحيل ..
     
  6. نواف العبدلي

    نواف العبدلي ¬°•| عضو مميز جدا |•°¬

    ماشي باقي اسبوعين وبترتاح من صدعتهم :3ash:
     
  7. Emotions

    Emotions ¬°•| عضــو شرف |•°¬

    هههههههههههههههه
    يحليلك كسرت خااطري والله بس من وين ايبون الارقام ؟؟؟!!!!
    هو الترشيح بالغصب مثلا ؟؟!!!!
     
  8. «|شمُوخْ|»

    «|شمُوخْ|» ¬°•| مشرفة سآبقة |•°¬

    اتوقع ان هالشي هب زبن من المترشحين

    لازم الواحد يرشح اللي يرديه بارادته

    وربي يوفقهم كلهم
     
  9. awad baloosh

    awad baloosh ¬°•| بلوش صح الصح |•°¬

    هههههه الله يكون ف لعون
     
  10. rosereem

    rosereem ¬°•| عضــو مــهــم|•°¬

    عزيزي المترشح لمجلس الشورى:

    معلق صورتك بالشارع
    عشان نحتارك لشكلك مثلاً
     
  11. نسمآت روح

    نسمآت روح ¬°•| مبدعة في تواجدها |•°¬

    :ص4:::ص4:: :ص4:::ص4::

    الله يعين الجميع
     
  12. فصول

    فصول ¬°•| عضو مبتدى |•°¬

    عادي جدا

    وهذا أسلوب من الأساليب الجديدة في الانتخابات
    وتستخدم في كثير من الدول
    بس للأسف مجتمعنا غير متعود عليها


    تأكد في الفترة القادمة من الانتخابات لو انت تقدمت راح تستخدم نفس الأسلوب

    وما نعرفه أن الكثير من المترشحين حاولوا يطبقون نفس الأسلوب .. بس للأسف كانوا متأخرين وما عرفوا الآلية المتبعة

    أنا تم الاتصال بي .. وكنت معاهم في قمة الإيجابية والتفاعل .. وكانوا جدا محترمين ..
    أمنياتي للجميع بالتوفيق
     
  13. صقر الديرة

    صقر الديرة ¬°•| عضو مميز |•°¬

    إسلوب جديد للدعايات الإنتخابية
     
  14. راعي الخضراء

    راعي الخضراء ¬°•| عضو مبتدى |•°¬

    اقتباس:
    المشاركة الأصلية كتبت بواسطة فصول [​IMG]
    عادي جدا

    وهذا أسلوب من الأساليب الجديدة في الانتخابات
    وتستخدم في كثير من الدول
    بس للأسف مجتمعنا غير متعود عليها


    تأكد في الفترة القادمة من الانتخابات لو انت تقدمت راح تستخدم نفس الأسلوب

    وما نعرفه أن الكثير من المترشحين حاولوا يطبقون نفس الأسلوب .. بس للأسف كانوا متأخرين وما عرفوا الآلية المتبعة

    أنا تم الاتصال بي .. وكنت معاهم في قمة الإيجابية والتفاعل .. وكانوا جدا محترمين ..
    أمنياتي للجميع بالتوفيق




    هيه عادي اذا اتصلو بك مره وحده

    مش عشرين مره لين اردد واقول لهم خلاص انا معاكم .. وبعدين ما بيتصلو بي .

    انت تقول هذا اسلوب عالمي وانا اقولك هذا اسلوب يذكرني بمكنسة كيربي ، و الاشتراك بخدمات الفنادق ، يتصلوبك يعرضو منتجاتهم وينغصو عليك باتصالاتهم،

    واذا انا فكرت اني ادخل الانتخابات ما بزعج الناس بالاتصالات من باب الذوق العام والاحترام لمشاعر الاخرين،

    اما جميع المترشحين طبقو نفس هذا نظام الازعاج ما سمعنابه ، غير شخص واحد والكل يتكلم عنه
     
    آخر تعديل: ‏2 أكتوبر 2011
  15. ابو سنيده

    ابو سنيده ¬°•| عضو مبتدى |•°¬

  16. ابو سنيده

    ابو سنيده ¬°•| عضو مبتدى |•°¬

    انا محد اتصل فيني:cute:
     

مشاركة هذه الصفحة