ولد الهاملية

الموضوع في ',, البُريمِي لِـ/ للشٌعرٍوالْقصِيْد,,' بواسطة بنت المقابيل, بتاريخ ‏27 سبتمبر 2011.

  1. بنت المقابيل

    بنت المقابيل ¬°•| مشرفة سابقة |•°¬

    ولد الهاملية


    ولد الهامليه لي على البحر جالس


    بنظراته الغريبه لا مريت يطالعني


    يمشي وراي ... كأنه علي حارس


    عسى خير دوم على هالحال تتبعني


    قال آسف ما قصدي عندك أمارس


    لعبات الهوى أبعدتها عني وأبعدتني


    بس تشبهين "بنت" بحبها كنت غارس


    أجمل بساتين الحب في قلبي وخلتني


    نفس الملامح لك نفس لهجه الرامس


    وكل ضحكاتك فيها بالحيل تذكرني


    همساتها أعذب من طيور النوارس


    ليا حكت أحس هالكون كله يفرحني


    جلس يوصفها وكأنه حافظ ودارس


    ودمعاته ذرايف على خده تقطعني


    قلت ليه أتركتك في الظلام الدامس


    قال القدر توفاها وسارت وخلتني


    يوم غابت عني لقيت بيتهم تارس


    بكاء وصياح وكل شئ فيه يوجعني


    قال أبوها البقاء في حياتك يا فارس


    مريم أعطتك عمرها دخيلك لا تألمني


    أقفيت من يومها عن الحب الدانس


    وحب بعد مريم لا والله ما يشرفني


    من ثلاث شهور وجاء بعدها مارس


    ودعت مريم خلاص ما عاد تسمعني


    الوقت قاسي ودقايقه عقبها شوارس


    تصارع نبض الخفوق حرب وتقتلني


    ولا سنينه من بعدها صارت عوانس


    ما بقى في أيامها شئ مفرح يونسني


    أحيان أموت ضيق بغيابها القارس


    وأحيان أفرح لأني رثيتها وما بكتني


    جدام القدر ضعاف لو كنا شوارس


    وكفكف دموعك دخيلك عاد وافهمني


    كسر خاطري حيل ألي دوم جالس


    على بحر الهامليه وبنظراته يطالعني


    وسوالــــــــــــــــــــــــم


    الهاملية:اسم منطقة بولاية شنـــــــــــــــاص
     
    أعجب بهذه المشاركة أ‡أ¤أ“أ­أ‡أˆ أچأ‘أ‌
  2. انا-انا

    انا-انا ¬°•| عضو مميز |•°¬

    :2ef0feb6691ddf055e6مافيج حيله تسلم ايمينج:imuae46:

    ابيات اقل مابقول عنها حلوه ومميزه

    ابدعتي بنت المقابيل

    ربي يعطيج العافيه

    ونترقب الزود والزود

    :2ef0feb6691ddf055e6:imuae46:
     
  3. بو جسيمـ

    بو جسيمـ ¬°•| شاعر |•°¬

    صح اللهـ لسانج بنت المقابيل ..

    فكره غاويهـ .. غير الوزن شوي عندج يبالهـ مراعاه

    القصيده كأنهـآ قصه .. يزاج الله خير

    نتريا الزود .. فالج التقييم .. مشكوره يالشاعره
     
  4. ◊ٌ κ ɪ α й

    ◊ٌ κ ɪ α й ¬°•| مشرفة سابقة |•°¬

    صح لسانج

    وننتظر جديدج
     
  5. جروحي خفايا روحي

    جروحي خفايا روحي ¬°•| عضو مميز جدا |•°¬

  6. فـيـ الـكـعـبـي ـصـل

    فـيـ الـكـعـبـي ـصـل ¬°•|شاعر الشلّة |•°¬

    حبتين ع القصيده ...

    صح الله لسانج أختي ..

    ننتظر الزوود منج .
     
  7. انسياب حرف

    انسياب حرف ¬°•| أمْيِرةُ الْحًرفِ |•°¬

    كلمـات رائعة أختي الغالية

    مـا شاء الله .. سُطر الإبداع في أبياتكِ هذه

    دمتِ على هذا التميز بإذن المولى

    .
    .

    منا والدرب
     
  8. awad baloosh

    awad baloosh ¬°•| بلوش صح الصح |•°¬

    صح الله لسانك..
     
  9. بـو هزاع

    بـو هزاع ¬°•| عضو مبتدى |•°¬

    أحيان أموت ضيق بغيابها القارس


    وأحيان أفرح لأني رثيتها وما بكتني​


    والله قمة الروعه والاحساس
    واعتبر هذا البيت بيت القصيد
    وقصه مؤثره حقا بارك الله فيكِ
    ونتمنى المزيد ولا تحرمينا من جديدج



    اخوج بو هزاع
     
  10. عسولة كيوت

    عسولة كيوت ¬°•| عضو مثالي |•°¬

    :imuae18::imuae18::imuae18: يثلموووووو وايد حلوة الكلمات
     
  11. الرمش الخجول

    الرمش الخجول ¬°•| عضو مميز |•°¬

    تسلمين خيتوووو القصيده كلماااتها روعه
    فالج الناموووس قصدي التقييم :clap:
    صح لسانج ما عليج زووود
     

مشاركة هذه الصفحة