انا اجيبلكم شي مو حلوّّ!!احلامي الحلوة

الموضوع في ',, البُريمِي لِلقِصَص والرِوَايات ,,' بواسطة محمد خررررررررباش, بتاريخ ‏22 سبتمبر 2011.

  1. محمد خررررررررباش

    محمد خررررررررباش ¬°•| عضو مميز جدا |•°¬

    اذ كنت فاضي نص ساعه
    اقراه بس لاتضحك
    ↓↓↓↓↓↓↓↓↓↓↓↓↓↓↓↓↓↓↓↓
    في الساعة 10:00م في _الليل طبعآ ، شفت نفسي فاضي والبيت ما فيه غيري أنا
    وأبوي ..
    ... وباقي العائله رايحين يعتمرون !
    وحاولت أدور أي شيء أشغل
    نفسي فيه بدل هالفضاوه إللي أنا عايشها .. بديت أفكر
    وأفكر وأفكر ، حتى جتني فكره
    جهنمية ""
    والفكره أني أسرق سيارة أبوي ، بس كيف أسرقها ومفاتيح السيارة معه ؟
    قلت : ما فيه غير أني أخذ المفاتيح من ثوب أبوي وهو نائم ، بس متى يجي من برا ؟

    وفجأه يدخل أبوي البيت ويشوفني قاعد على الأرض .!
    قال : وشفيك منبطح على الأرض كنك مضيع ضربة جزاء؟
    قلت : لا سلامتك ؟ بس أحاول
    أعرف كم طول السجادة هذي!
    قال : والله ماشفت أكذب منك !
    قلت : تربيتك ..
    قال : يا مال الوجع وش قصدك ؟
    قلت : يا مال ولا يا فلوس مايهمني ، أهم شي وين
    العشاء ورى ماشوف معك شي ؟
    قال : المطاعم كلها مسكره !
    قلت : والله ماشفت أكذب منك !
    قال : وجع أنا أبوك ."
    قلت : بوك ولا كرفت مايهمني
    أهم شي ليه ماجبت العشاء ؟
    قال : مامعي فلوس !..
    قلت : كثر منها مامعك فلوس كب الكذب عنك وعطني بسرعة
    وخلني أروح أجيب عشاء!
    قال : أنت قليل أدب ! كيف تكلمني بهذي الطريقة ؟
    قلت : أدب ولا جغرافياء مايهمني أهم شي تعطيني فلوس أروح أشتري ..
    قال : ياخي أنا ماأبغى عشاء!
    قلت : ماتبغى عشاء ماتبغى غداء مايهمني وهذا شي راجع لك المهم أني أتعشاء أنا!
    بسرعة يدك على 200 ريال !
    قال : ماني معطيك واللي تبي
    تسوي سوه ..

    ( عاد أنا وما ودي أخربها أكثر من كذا عشان يعطيني
    مفاتيح السيارة )

    قلت : طيب يايبه لا تعطيني فلوس ، أنا معي وراح أشتري لك عشاء واتعشاء أنا وياك بس عطني السيارة عشان أجيب العشاء .!.
    قال : أما هذي أفقش رجلي
    أن عطيتك ، تذكر أخر مره عطيتك السيارة وش سويت ؟
    قلت : أيه أذكر بس والله
    ما كان قصدي ..
    قال : تخسى ، كيف ما كان
    قصدك وأنت داعس عجوز ضعيفة ؟
    قلت : يايبه أنا دعست العجوز
    أحسب انها زبالة ..
    قال : كذاب ، طيب وش ذنب
    الورع أللي بجنبها ؟
    قلت : أحسب انه قطو بجنب الزبالة
    لفيت علية أبدعسة ، مادريت
    إلا وأنا داعس عجوز وحفيدها
    بس وش دخل السالفه هذي ؟
    أنا بروح للمطعم أللي بجنبنا !
    قال : مافيه يعني مافيه ، وقفل الموضوع هذا ، وشغل التلفزيون المزيون وخلنا نشوف الأخبار .. بسرعة ..

    شغلت التلفزيون وقعد أبوي
    يتفرج على الأخبار ، قلت : يايبه رح نزل ثوبك وارجع هنا
    مره ثانية علشان مايزعجك !
    قال : لا أنا مرتاح كذا ..
    قلت : طيب متى تنام ؟
    قال : حلوة .. ليه بترضعني ؟
    قلت : أصلآ الحليب خلص ..
    قال : تستهبل أنت ؟
    قلت : لا والله بس علشان عندك
    دوام بكره ، وبعدين ترى الساعة 11:30 وأنت ما نمت !
    قال : وش دخلك ؟ أللي بيداوم
    أنا ولا أنت ؟
    قلت : كيفك ، بس إذا تأخرت ووداك الوكيل لعند المدير وفصلوك !
    لا تجيني وتقول رح أخذ ورقة
    من المستشفى وأكتب فيها أنك أنت أللي موديني ..
    قال : الشرهه مو عليك الشرهه علي يومني قاعد معك
    قلت : يعني بتروح تنام ؟
    قال : أجل ويش ؟ تبيني أقابل وجهك أللي تقول وجه
    هندي يتيم .!

    دخل أبوي غرفته ، وقلت : كيف أجيب مفاتيح السيارة من
    ثوب أبوي ؟ أنتظرت خمس دقائق ، قلت يمكن يكون نائم !
    فتحت باب غرفت أبوي وكانت
    ظلمى وماشوف شي ..
    قال أبوي : من هذا ؟
    قلت وأنا أسوي فيها أبكي :
    يايبه أنا ولدك !
    قال : وش جابك ؟
    قلت : خايف أنام لحالي ..
    قال : طيب وش تبغى ؟
    قلت : يعني واحد جايك خايف
    ينام لحاله ، وش يبغى ؟ يعني جايك ياخذ مفاتيح سيارتك ، أكيد جايك يبغى ينام
    عندك ؟
    قال : طيب خلاص أنثبر ؟

    سويت نفسي نائم وقاعد أشخر ، وبعد حوالي عشر دقائق ، قمت وأدور على المعلاق أللي أبوي معلق ثوبه
    فيه ، وأنا أدور في الظلمى لين لقيت ، مسكت ثوبه ودخلت
    يدي في جيبه وطلعت المفتاح
    بكل هداوه ، وبعدين رجعت "
    بس المشكله وطيت رجل أبوي
    قال : وجع وش تسوي عندك؟
    قلت : سلامتك ، بس أنا أبغى
    أروح للحمام !!
    قال : أذلف ، جعلك تدخل يدك
    في بيارة السيفون ، على بالك
    الغسالة !
    قلت : ليه شايفني غبي مثلك
    الناس تاخذ سارتك وهو
    مايدري !!
    قال : وش قصدك ؟
    قلت : لا مقصد شي ، بس أنا أنعس وبروح الحمام وأرجع !
    قال : طيب أنتبه لاترقد في الحمام ؟
    قلت : لا ماني راقد أبروح بسيارة ..
    قال : سيارة ! سيارة ويش ؟
    قلت : سيارة من قال سيارة ؟
    أقصد الحمام ..
    قال : والله مدري عنك ، بس
    بسرعة ..

    طلعت من الغرفة حوال الساعة
    12:00 وأنا بتشقق من الفرحة ، وطوالي على الشارع
    لين وصلت [ الددسن ] !
    فتحت[ الددسن ] وأنا أقول :
    عزالله لقطع كفرك اليوم يالددسن !"
    شغلت الموتر وعشقت في واحد وأنا أمشي بشويش
    عشان مايسمع أبوي صوتها لين وصلت أخر الحارة ، وعشقتها بالثاني وبعدين بالرابع وبعدين رديتها بالثالث
    وبعدين عطيتها الخامس !
    وقمت أنطل وعقد وأنطل لين طاح أللي في راسي ..
    وشفت شباب يقولون لي : هز
    الحديد وخلك شديد ..
    قلت : أهز أم أبو أبو الحديد
    ليه ما أهزه ..
    وأنا أخذلهم شوط بالوقت البدل الضايع .. ! قالوا : شوط
    ثاني يابو هاني ..
    قلت : من عيوني يا جيراني !!

    المهم وأنا أقوم أعقد ونطل
    [ الددسن ] لين هجت وتناوشت الماصوره ، وحاول أكسر الطاره ، لكن لأسف كمختها ونقلب الموتر ..

    ونحاشوا الجماهير وأنا أنادي
    عليهم ، واطلع من السيارة ومالقيت غير أثنين من الشباب
    وقلت : تكفون تعالوا عدلوا معي [ الددسن ] !

    جو الشباب وعدلوا معي الموتر وقالوا : سلامات سلامات ؟؟
    قلت : الحمد لله سليمه بس أنتم تعرفون [ الددسن ] سيحوص وينقلب بسرعة ."

    بعد ما عدلوا الموتر وأنا أركبه
    وأحط [ الددسن ] في الدي وأمشي والموتر مازال متأثر
    بالأنقلاب ..
    مشيت علية 140كم في الساعة ، وفجأه أشارة قدامي
    خضراء ، حاولت أسرع عشان
    ألحق عليها ، بس صارت الأشارة صفراء ، أسرعت زيادة ، ويوم وصلت الأشارة
    وتطلع حمراء وأنا أقطعها .. !!

    مادريت ألا والحكومة وراي وتقول : وقف يا راعي
    [ الددسن ] !
    قلت : عند باب بيتنا أوقف !

    ..........( الشرطة ورطة )

    وأرد القير في الرابع وأدخل
    الحواري عشان بضيع الدورية!
    ومع كل لفه أخذها بنطلة ، لين
    خانت ولحمت في جدار مدرسة!

    جاء راعي الدورية وقال لي :
    مسوي فيها ذيب أنت ووجهك ؟
    قلت : ذيب ولا قناص مايهمني
    أهم شي وشفيك تطاردني
    كني سارق أستبنت موترك ؟
    قال : طيب ليه تقطع الأشارة؟
    قلت : وش دخلك أشارة أبوك؟
    قال : تستهبل أنت ؟
    قلت : لا أدرس رابع أبتدائي !
    قال : شكلك سكران أنت ؟
    قلت : سكران محشش وش دخلك ؟
    قال : طيب أنا أسف ، بس عطني الرخصة والأستمارة ..
    قلت : مامعي .!
    قال : ليه وين أستمارة السيارة ، ورخصتك ؟
    قلت : والله مخليها في البيت
    عشان ماتنسرق من السيارة "
    قال : شكلك بتاخذها مؤبد ، لا رخصة ولا أستمارة وصادم جدار مدرسة بعد .!
    قلت : يارجل سامحني ، وماتوصل للأمور هذي ..
    قال : أنا ماني مجنون أسامحك ، أنا لازم أسلمك لشرطة عشان يعطوني أجازة أسبوع .. ..!
    قلت : بس مو على حسابي تاخذ الأجازة ..
    قال : أقول أركب بالطيب ، لركبك بالغصب ..
    قلت : طيب ولا عطر مايهمني
    أهم شي تخليني أروح للبيت !
    قال : أركب خل عنك حركتات
    نص كم ، وعطني يدك ؟
    قلت : ليه ، بتحب عليها .؟
    قال : تخسي ، عطنياها خلني
    أكلبشها ، بسرعة .!

    ركبت الجيب من ورا والجندي
    قدام ، يسوق وقال : يا ورع
    وش أسمك ؟
    قلت : أول شي ورع في بطنك
    وأنا أبوه ! ثاني شي وش حشر أمك وش دخلك بسمي ؟
    قال : أحسن كنت أبغى أجيبلك
    محامي ..
    قلت : المحامي أنت أللي بتحتاجة !
    قال : وش قصدك ؟
    قلت : لأن أبوي رئيس الشرطة
    كلها₪..₪..₪..₪..>(أفلقني)
    قال : صدق ؟
    قلت : أجل المصافي ..
    قال : حتى لو كان صدق أنا
    ما أخطيت ، عشان كذا موديك
    يعني موديك ..
    قلت : طيب ما فيه أمل واحد ؟
    قال : ولا نوال أثنين !!
    قلت : أصلآ هي خربانة خربانة ، أجل ودني ياملعون الصلايب!

    وقفنا عند القسم ..
    وقلت للجندي : خلاص كفيت ووفيت ، وما نبغى نتعبك أكثر
    من كذا ، أنت رح وأنا بروح للقسم لحالي .!
    قال : شايفني سبيكة .؟
    قلت : لا عسكري ، ليه ؟
    قال : شكلك فاضي من جد ..
    قلت : فاضي ولا باقي شوي
    ويمتلي مايهمني أهم شي ترجعني البيت !

    مسكني مع رقبتي ودخلني على الضابط !
    وقال الجندي لضابط : شوف
    هذا الورع لقيته يفحط لين
    صدم ، وما معه رخصة ولا أستمارة للموتر !
    قال الضابط : صحيح هالكلام
    يا ورع ؟
    قلت : أول شي الورع أنت وياه ، ثاني شي ماني متكلم
    لين أقابل المحامي !
    قال الضابط : محامي أيش ؟ تراك في قسم مو محكمة !
    قلت : طيب ليش الجندي هذا بيقول لازملك محامي ..
    قال الجندي : ياويلي ، والله
    ماقلته .!
    قلت : تخسى يا جندي يا منتف!
    قال الضابط : أسكت أنت وياه
    للعن شكلك ..
    قلت : تخسى أنت الثاني والله
    للعن شكلك أنا !
    قال الضابط : طيب ، يا جندي
    أطلع من الغرفة ، وخلني أنا
    والورع لوحدنا ..
    قلت : معليش يا ضابط ، أبوي
    يقول لا تمشي مع ناس أكبر
    منك !
    قال الضابط : لا تخاف بناخذك
    على قد عقلك !
    قلت : ليه أنا مجنون ؟ طيب أنا
    ما أمشي مع صاحين !
    قال الضابط : ياجندي أقلب وجهك وسكر الباب ..
    قلت : ياجندي عدل وجهك وملح
    الباب !!
    قال الضابط : تستهبل أنت ؟
    قلت : لا متخرج من الجامعة !

    _طلع الجندي وسكر الباب وراه!
    وقال الضابط : وش أسمك يا
    حيوان ؟
    قلت : حصان بن فيل الحوت ..
    قال : ما أمزح معك أنا .!
    قلت : طيب ليه تقولي حيوان؟
    قال : على كيفي !
    قلت : أجل ماني قايل أسمي يا حيوان ..
    قال : أنا حيوان ، طيب راح أحطك في ستين داهية .!
    قلت : ستين ولا ثلاث مية وعشرين مايهمني أهم شي أطلع من هنا "
    قال : صكني كف إذا طلعت !
    قلت : ماني موسخ يدي ..
    قال : لا ترفع ضغطي ، وقلي
    شسمك بسرعة ؟
    قلت : أنا ما علمت الجندي تبغاني أعلمك ! يا شيخ ضف وجهك "

    قام الضابط يصايح ويقول :
    يا عسكري تعال أخذ المهستر
    هذا وحطه في التوقيف ..
    قلت : وش أللي حطه شايفني
    كيس رز ..
    قال العسكري : أمش .. أمش
    وتعرف في التوقيف !

    حذفني العسكري في التوقيف
    وسكر الباب ! قمت أناظر في الموقوفين ، هذا هندي مفلوق راسه وهذا عربجي يدخن وهذا
    ورع قاعد يبكي .. قلت في نفسي :لازم أهجدهم ولا ترى
    بهجدوني !! وبعدين قلت لهم :
    السلام عليكم ..
    قالوا : وش تبغى ؟
    (عرفت أنهم يبغون المضاربة)
    قلت : وش حشر أهلك أنت وياه ، داخل بيتكم أنا ؟
    قال العربجي : أجلس هنا
    والكب الهياط عنك !
    قلت : أجلس ولا أوقف مايهمني أهم شي تاكل تراب
    أنت وياه !
    قال العربجي : وش تقول ؟
    قلت : كلام الأقوياء ماينعاد ..
    قال العربجي : وش قصدك ؟
    قلت : قصدي أني أبرتكب جريمة قتل ثانية غير أللي جابتني هنا !
    قال العربجي : معليش بس
    تعال أقعد جنبي "

    رحت وقعدت جنب العربجي وأنا ميت من الخوف !
    قال العربجي : أقول ليش موقفينك ؟
    قلت : يارجال سالفة ماتستاهل !
    قال العربجي : ليه وش هالسالفة ؟
    قلت : عشاني بس قتل سبعة
    ريجيل !! قلتلك سالفة ماتستاهل يوقفوني عشانها !

    عاد العربجي بلع العافية وقام
    يعاملني وكني أكبر سفاح .!
    _قال العربجي : تبغى موية ؟
    قلت : معليش مادخن ؟
    ضحك وقال :يعني تبي دخان؟
    قلت : لا خلاص شربت موية !!

    سكت العربجي شوي وبعدين
    قال : أنت صدق قوي ؟
    قلت : تبغاني أضربك عشان
    تصدق ؟
    قال : لا تفكى ، بس جسمك نحيف !
    قلت : أهم شي القلب ، شف
    وش كبر جسمك ! وأنت أكبر رخمة .. طيب خلني أقولك قصة عن قوتي ..
    قال العربجي : أيه تكفى قلي
    خلني أتعلم منك "
    قلت : أجل أسمع ، مره يوم كنت في ثاني أبتدائي ضربت
    ورع مسوي كنق في المدرسة
    ويوم جات الطلعة ، طلعت أنا رايح البيت ، وفجأه إلا هذا هو
    الورع إللي ضربته في المدرسة ومعه أربعة من خوياه
    (فزعة) ، واحد معه سكين
    واحد معه رشاش كلاشنكوف واحد معه بازوكه وأثنين مامعهم شي !!

    قلت في نفسي وشلون أتصرف مع المشكلجية وأنا مامعي حتى نبيطه !!
    قال العربجي : وش صار
    فيك ؟ أكيد أضربوك لن قلت للعنز خاله صح!
    قلت : تخسى ، إلا عطيتهم حقهم ؟
    قال العربجي : طيب وش سويت فيهم وهم مسلحين ؟
    قلت : طيب خلني أكمل ، أنا قعدت أفكر وش بسوي ؟
    قال الورع إللي ضربته : وش
    فيك اليوم في المدرسة قاعد
    فيني ضرب ؟
    قلت : أضرب على كيفي أنا ..

    وبعدين هجمت على أللي معه
    سكين وأخذتها منه ، وقطعت
    رقبته بسكينه ، ثم رماني راعي الرشاش ، وصوب خوية
    أللي معي ، ثم أخذت أللي ذبحته وحذفته على راعي الرشاش ، ثم أخذت الرشاش
    ورميت طلقتين في السماء ، ونحاشو كلهم حتى راعي البازوكة ، خلى سلاحه ونحاش
    وقمت أطرد فيهم وتصيدهم
    لين ذبحتهم كلهم !!
    شفت يالعربجي كيف ذبحة خمسة وأنا عمري ثمان سنين
    فمابالك اللحين ، أقتل خمسة
    وعشرين رجال ( قوام ) !!
    قال العربجي : والله أنك قوي
    خلاص أنت صديقي .!
    قلت : أيه كذا الكلام ولا شلون!

    وناظرت في الهندي وقلت : يا
    أبو ريحة حلوة ..
    قال الهندي : أس فيه ، أس أبقى ؟
    قلت : سلامتك ، بس وش فيك
    مفلوق ؟
    قال الهندي : هدا بزوره مسكلة
    فيه أمسك أنا أبقى فلوس ، أنا
    مابيه فلوس ، بعدين هوا أفلق
    أنا ، بس همد لله صليمه !
    قلت : أمحق سليمه ، شف دمك
    كيف ينزل من راسك ، تقول بير زمزم !
    قال الهندي : أس مسكلة أنتا
    مابي قول أنا زمزم راسي !
    قلت : أقول أقطع وخس ، ما لازم أهجدك مثل العربجي "

    وأنت ياورع وش فيك تبكي تراك فجرت راسي من صياحك
    وش فيك ؟
    قال الورع : أنا مظلوم !وجابوني هنا وعشان كذا أنا
    أبكي !
    قلت : ليه وش مسوي بعد ؟
    قال : حبيت أمزح واستهبل مع صديقي فقعت عينه .. بس ..
    قلت : تمزح وفقعت عين ، أجل
    لو جد وش بتسوي ؟
    قال : يمكن أقطع خشمة !
    قلت : خلاص ، أقلب وجهك
    لتلاقط أنا وياك ونشوف من يفقع عين الثاني ..

    وفجأه يناديني العسكري !
    ويقول : أطلع ..
    قلت : برائه ..
    قال : وينك أنت وين البرائه ؟
    ياله أطلع عشان تقابل الضابط!
    قلت : لا يكون نفس الضابط .؟
    قال : أجل ويش نجيبلك ضابط
    خصوصي ..؟
    قلت : لا نقل .!
    قال : لايكثر ياله أدخل ......>

    دخلت على الضابط ، ويوم شافني ! قال : من اللحين وقبل ماتدخل أقولك كب الأستهبال تفهم ؟ لأنه مو في صالحك ، عرفت وشلون ، ياله
    أدخل ، وجلس على الكرسي "
    قلت : لا أبجلس على الطاوله !
    أكيد بجلس على الكرسي !!
    قال الضابط : وش قلت أنا ؟ أحسلك كب عنك خفة الدم ..
    قلت : وش المطلوب طيب ؟
    قال : تجاوب على اسألتي
    عشان نقدر نطلق سراحك ..
    قلت : حلوه نطلق سراحك ! أللي يسمعك اللحين يقول
    أني في التوقيف .. والله حاله
    خلاص خلاص اسأل .!
    قال : أنت تعرف سبب وجودك هنا ؟
    قلت : مايهم أهم شي أطلع !
    قال : أنت تبغى ترفع ضعطي
    يا ورع ؟
    قلت : ليه ؟ شايفني عفريته ..
    قال : يا حيوان جاوب على قد
    السؤال ، تفهم أنت ؟
    قلت : وشلون تبغاني أفهم ؟ وأنت تقول أني حيوان ؟
    شكلك راسب في الرياضيات !
    قال : " أللهم طولك ياروح "
    أسمع لو تقول كلمة من غير ما اسألك والله تندم .. .
    قلت : حاضر يا ... ممكن أسم الولد ؟
    قال : أنا أللي اسأل هنا وبس
    تفهم ؟
    قلت : طيب وسع صدرك وركب
    سدرك ..
    قال : كيف عرفت سيارتي ؟
    قلت : سر المهنة يا مخفة !
    قال : أحترم نفسك ياكلب ..
    قلت : الكلب جابته أمك وأم أمك يا أبن الكلب ؟
    قال : قد كلام أللي قلته ؟
    قلت : تبي الصراحه ؟مدري كم
    وزني ؟
    قال : طيب طيب والله لتاخذها
    مؤبد ..
    قلت : مؤبد بس برا السجن .!

    قام يصارخ وينادي الجندي :
    تعال أخذ الورع هذا ورجعة
    بالتوقيف ، لين يلين راسه ..
    قلت : ليش مثل راسك أللي
    تقول قوطي صلصة !

    أخذني الجندي وهو يقول :
    وش فيك على الضابط ؟ تراه
    عصبي وممكن يوديك في ثلاثة وأربعين داهية ؟
    قلت : عصبي ولا عظمي مايهمني أهم شي أطلع من هنا !!
    قال الجندي : أقول أقطع ودخل التوقيف ..

    دخلني الجندي ، يوم دخلت ..
    قال العربجي : بشر بتطلع ؟
    قلت : أقطع وأخس وسكت ساكت !
    قال : ليه وش قالك الضابط ؟
    قلت : يا ثور أقولك أقطع ..
    قال : تكفى علمني ، أكيد بينادوني بعد شوي ..
    قلت : مثل العادة !
    قال : وشلون ؟
    قلت : الضابط يحاول يخليني
    أعترف أن قتلت الريجيل ، بس
    أنا مستحيل أعترف !!
    قال : ياخي أنت قوي ..
    قلت : ماشفت شي ، هذا مجرد
    كلام ، بس لاجا وقت الضرب
    شف عاد وش يصير ؟ تصير كارثة .!
    قال : طيب وش تنصحني إذا نادوني وحققوا معي ؟
    قلت : وش مشكلتك عشان أعرف أنصحك زين ..؟
    قال : أنا قاتل مثلك ، بس أنت
    قاتل سبعة وأنا قاتل أربعة !!!

    قلت في نفسي : والله أللي رحنا طحينية ، الحمد لله أني
    قلت أني ذابح أكثر من أللي
    ذبحهم ، ولا كان حطني معهم !

    قال : هاه وش فيك ساكت ؟
    قلت : لا سلامتك ، بس تعجبني
    لأنك رجال ، بس لا تخاف من
    الضابط ، تراه مايسوى أخر شي من الغنم ، وأنصحك لا تعترف بشي مرررره ..!
    قال : المشكلة أني صاحب سوابق ، يعني بيسجنوني ظالم ولا مظلوم .!
    قلت : طيب يلعن أختك ، دامك
    تعرف أنهم بيسجنونك ليه تقولي أنصحني ؟
    قال : يمكن ألقى حل عندك "
    عشانك نفس قضيتي !
    قلت : أنت صاحب سوابق ، وأنا
    طازة فررش ، يعني ممكن يسامحوني "
    قال : يسامحونك ! أفقش خشمي إذا طلعوك ..
    قلت : أفقش خشمك ولا أفقش
    أذنك مايهمني أهم شي يسامحوني .! وبعدين قلوا أللي في السجن ، عشان أسولف معك خلاص أقلب وجهك وخلني أسولف مع أبو ريحة حلوة !!
    أقول يا أبو ريحة حلوة وش
    أخبارك ، ماجاء كفيلك الأقشر؟
    قال الهندي : أنا همد لله كويس ، بس كفيل ما فيه كويس هوا قول أنا خمسة دقيقة بعدين أجي ، وهوا فيه
    أللحين خمسة ساعة ما فيه أجي ، والله مسكلة كفيل هدا !
    قلت : لا عادي دام السالفة سالفة وقت ، أللحين تتصل على أبوك ولا أخوك تقول وينك ؟ يقول قريب ! وهو بينك وبينه ست مية كيلو !! !!
    قال الهندي : مسكلة والله ..
    قلت : طيب أنت بتتنازل عن الورعان القشران أللي فلقوك!
    قال : ما فيه معلوم أنا ، بس
    أبو بزوره قشران فيه أعطي بكشيش ، أنا ما فيه مسكلة
    طوالي تنازل !!
    قلت : يا فرقا حتى الهنود يعرفون حركات نص كم ..
    قال الهندي : يا فرقا ولا شرقا
    ما فيه مهم هدا أهم سي يجي
    كفيل "
    قلت : أهيب يالهندي المستعرب
    وبعدين أنت يا ورع للحين تبكي ، خلاص شوي وتيبس !
    ما بقى فيك ماء .. خلاااص ..
    قال الورع : خلني عشان يعرفون أني مظلوم ..
    قلت : لعنبوك فاقع عين خويك
    وتقول مظلوم ، أجل لو أنك
    ذابحة كان تبكي دم .!
    قال الهندي : كل بزوره كدا أنت فيه أضرب هوا أبكي ، هو
    في أضرب أنتا هوا كمان أبكي ، والله مسكلة بزوره .. '
    قلت : هييه أنت يا أبو ريحة تراني عطيتك وجهة ، وقمت
    تخش عرض ، كنك هندي مفلوق وموقف في التوقيف ..

    وفجأة يناديني الجندي ويقول:
    تعال ، أطلع بسرعة ، يبغاك
    الضابط ، بس تراه مرفوع
    ضغطه ..
    قلت : لا تخاف نخليه حرف جر
    بالكسرة ."
    قال الجندي : كيفك بس أنا حبيت أنذرك .'
    قلت : بيت ولا صندقة مايهمني
    أهم شي أهبل بالضابط هذا ، إللي مسوي فيها ذيب !!
    قال الجندي : طيب أدخل ..

    دخلني الجندي على الضابط !
    وقال الضابط : شوف أنا اللحين فاضي ، وقاعدلك وبحقق معك للفجر ..
    قلت : طيب أسحب الجلنط عشان ما تدحدر ..!
    قال : يعني مو راضي تصفي
    النية معاي "
    قلت : ومن أنت عشان أصفي
    النيه معك ؟
    قال : أيش قلت ؟ عيد كلامك؟
    قلت : وش فيك ما تسمع ؟
    قال : لا ما أسمع ( أصم ) !
    قلت : طيب ألبس نظاره ........ههههههههههههه الخ
    قال : تستهبل أنت ؟
    قلت : لا والله باقي سنتين وتخرج .!!
    قال : شوف بتكلم معاك بجد
    وتفاهم عشان نطلعك ..
    قلت : جد ولا عم ولا حتى ولد خالة مايهمني أهم شي أني
    أرجع للبيت قبل أبوي ما يدري!
    قال : عن أيش ما تبغى أبوك
    يدري ؟
    قلت : وش دخلك أنت ، أللي يشوفك يقول ضابط وتحقق
    معي '
    قال : ليه من أنا ؟
    قلت : وش يدريني ؟ مخلفك
    وناسيك أنا !
    قال : شوف تراك لحسة مخي
    لي ثلاث جلسات ، ما أخذت منك أجابة على أي سؤال واحد
    قلت : بلاك سبيكة مرهم ضابط'
    قال : طيب ممكن أعرف أسمك ؟
    قلت : ليه بتناسبني ؟
    قال : أرجوك جاوب ؟
    قلت : معليش أمور خاصة ؟
    قال : يرحم أمك جاوب ؟
    قلت : بس أمي ما ماتت !
    قال : يرحم جدك جاوب ؟
    قلت : كيف عرفت أن جدي
    مات ؟
    قال : يا حيوان جاوب ؟
    قلت : لا..لا..لا على كذا ما أتفقنا يا حشرة ؟
    قال : لا تسب أنا ضابط ياكلب!
    قلت : ضابط زلابة وش عاد !.!
    قال : طيب والله لحولك إلى
    قسم الشرطة الرئيسي وسط
    المدينة ..
    قلت : تحولني ولا تنزلني مايهمني أهم شي أطلع من هنا للبيت طوالي "
    قال : أفلقني ؟
    قلت : معليش تعلمت في المدرسة أني أرفق على الحيوان وما أفلقه ..!
    قال : وش تقصد ؟ أنا حيوان؟
    قلت : والله أللي تحته بطحا
    يتحسس عليها .. .!

    قام الضابط ينادي الجندي ..
    ودخل الجندي وقال : نعم حضره الضابط ؟
    قال الضابط : دخل الورع هذا
    لتوقيف ، وبكره الصباح توديه
    على القسم الرئيسي ، فهمت يا جندي ؟
    قلت : ليه شايفه الجندي حيوان
    مثلك ما يفهم ؟
    قال الضابط : أسكت يا كلب ..
    قلت : ما راح أرد عليك لأن الرد على الضابط مذله .. !!
    قال الضابط للجندي : بسرعة
    شيلة من قدامي ..
    قلت : علبة أوسكي قدام أنا !
    قال الجندي : حاضر سيدي ..
    قلت : هذا الضابط ما يستاهل
    سيدتي ومو عاد سيدي !.
    قال الجندي : وش فيك خبل ؟
    قلت للجندي : بتسكت ولا أحطك فوقه ؟

    أخذني الجندي وهو معصب وحذفني في التوقيف "
    قال الهندي : أس فيه أنتا مسكلة ، أنتا روه أيجي بعدين
    أيجي وروه ، أس مشكلة هدا؟
    قلت : خلك يا أبو ريحة حلوة على جنب لين يجيك لموزين ،
    ولا تدخل فيني !..!
    -........................
    قال الورع وهو يبكي : وش
    فيك زعلان أنت وخشتك ؟
    قلت : بتاكل تراب وتسكت ولا
    بضرب فيك لين تضيع البكاء أنت الثاني ..
    قال العربجي : عسى ما شر!
    قلت : لا سلامتك ، ما يجيك الشر "
    قال : وينك من اليوم ؟
    قلت : والله حاضر مبارة الحزم
    وبرشلونة ! ويني طبعآ ؟ أكيد عند الضابط أبن الكلب ..
    قال : أجل أكيد حولوك للقسم
    الرئيسي !
    قلت : وشلون دريت ؟
    قال : ماتدري أني صاحب سوابق ؟ وبعدين تراهم حولوني للقسم أكثر من مره!
    قلت : والله ؟ طيب وش يقولون لك في القسم ؟
    قال : أنواع التعذيب إذا رفضت
    تعترف .، بس تبي نصيحتي ؟
    أعترف بسرعة أحسلك ."
    قلت : على وش أعترف ؟
    قال : أعترف أنك قتلت سبعة
    ريجيل !!
    قلت : يلعن أصلك وفصلك وغرفة المدرسين بعد ! ، بالله أنت مصدق أن ذابح سبعة .؟
    قال : يعني كنت تستهبل علي
    أنت ووجهك ..
    قلت : أسمع ، خلنا نتفاهم !
    قال : أنا أوريك التفاهم ..

    وقام العربجي في ضرب وتشويت على أصوله لين تمنيت أني ذبحت سبعة ريجيل
    من جد ..'
    قال الهندي : أس مسكلة أنتا
    وياه ، أس كلام ، أنا فيه نادي
    زندي أللهين .. يا زندي تعال
    شوف مسكلة كبير هوا هنا !!
    قال الجندي : يا حيوان أنت وياه وش فيكم ؟ ترا كل واحد منكم نسجنه بزنزانة
    لوحدة يعني فردي !
    قلت : فردي ولا جملة مايهمني أهم شي تفكني من هالثور الهايج ..

    دخل الجندي ، وكمخ العربجي
    بالعصا وراح العربجي فيها "
    وسحبني الجندي وطلعني برا
    ودخلني على غرفة الضابط !
    وقال الجندي لضابط : تشوف
    هذا الورع ، تراه متضارب في
    التوقيف ..
    قال الضابط : ليس على المجنون حرج .!
    قلت : مجنون يكسر رجلك ويخليك عرج ! يا أبن الكلب ..
    قال الضابط : مجنون أنت يوم
    تتمشكل في التوقيف ؟
    قلت : مجنون ولا مرهم صاحي
    مايهمني أهم شي أطلع من هنا ، تفهمون أنتم ؟؟
    قال الضابط : وين تطلع ؟ بكره بنوديك للقسم الرئيسي
    وهناك يورونك الشغل يا كلب!
    قلت : أنت وش فيك تناديني بأسماء أبوك وأخوانك يا أبن الكلب ..
    قال الضابط للجندي : طلع الورع هذا لسجن الأنفرادي لين الصبح وبعدين توديه القسم .. خلاص فهمت ؟
    قلت : خلاص ولا سكري مايهمني أهم شي أطلع من غرفتك يا أبن أبن جد الكلب !!

    مسكني الجندي مع رقبتي وودان لسجن الأنفرادي ، ودخلني ، وقلت له : تكفى ودني التوقيف ..
    قال : لا أنت بتنقع هنا لحالك!
    قلت : تكفى والله محد يدري "
    قال : خلاص..خلاص بوديك
    بس بدون مشاكل .؟

    وداني الجندي للتوقيف ودخلت
    فيه .. وقال العربجي : والله
    ولك وحشة ، وين الناس ؟
    قلت : مدري بس توني جاي .!
    قال : طيب أجلس وخلنا نتفاهم ..
    قلت : على وش نتفاهم ؟
    قال : من أنت عشان تكذب علي يا ورع ؟
    قلت : شوف بتضرب ، بقول للجندي يخليك بسجن أنفرادي !
    قال : طيب تعال أنت ..

    جلست جنبة وأنا شبه فاقد الوعي .. .. وقلت : تبغى الحقيقة ولا بنت جارتهم ؟
    قال : طبعآ الحقيقة ، شكلها حلووة موت !!
    قلت : صح أن كذبت عليك وقلت
    أني قتلت سبعة ، بس الصراحة
    أنا قتلت بس مو سبعة .. ..
    قال : أجل كم ؟
    قلت : هو واحد أللي قتلته "
    قال : منهو ؟
    قلت : مدري بس هو ضابط !
    قال : ياويلك ، بتروح فيها من
    جد ، بس ليه ذبحته ؟
    قلت : ياخي قصة طويلة بعدين
    أقولها لك ..'
    قال : تبي الصراحة ؟ من أول
    ماشفتك وأنا حاس أنك قوي !
    قلت : طبعآ ، سيماهم على وجيههم ..
    قال : طيب وش كنت تسوي
    عند الضابط في الغرفة ؟
    قلت : أدور سروال كبك ساده!!
    وش رايك كنت أسوي ، أكيد
    كان يحقق معي "
    قال : عن ويش ؟
    قلت : ممكن تاكل تراب وتخليني أنام ؟
    قال : بس ما فيه تراب هنا ؟
    قلت : طيب سولف مع أبو ريحة حلوة ، وفكني !
    قال : ما تشوفه نايم ؟
    قلت : يلعن أمك وأم أمك وكمان أم أبوك يا أبن الكلب
    خلني أنام ..

    نمت بعد مشاكل ، وطلع الصباح
    وقال الجندي : بسرعة قوم
    يا حيوان أنت وياه عشان تصلون !
    قلت : فيه حيوان يصلي ، غير
    الضابط أبن الكلب ؟
    قال الجندي : يعني ماراح تقوم تصلي ؟
    قلت : طيب وش فيك أنت ؟

    طلعنا وصلينا ، ورجعوا كلهم
    ما عدا أنا قالي الجندي : أنت
    بذات لا تدخل التوقف ..
    قلت : كنت حاس أني بطلع برائه !
    قال الجندي : ما فيه أمل تاخذ
    برائه ، بس خلني أوديك القسم
    الرئيسي ..
    قلت : أمل ولا خديجة الوعل مايهمني أهم شي توديني البيت وألحين .!
    قال : شكلك مطول معانا "
    قلت : جعلك تموت ألحين !
    قال : مو في صالحك ، راح يتهمونك بموتي ويسجنونك ..
    قلت : عايدي يتهموني بصدق
    مو ، مثل ألحين مظلوم ."
    قال : شايفني العربجي تضحك عليه ؟
    قلت : العربجي ولا الضابط أبن
    الكلب مايهمني أهم شي تفكني من شرك '
    قال : أيه أبشر .. أمش معي
    بس وخلني أوديك لضابط عشان نستاذن منه وبعدين أوديك للقسم ..

    دخلت أنا والجندي على الضابط
    وقلت لضابط : شوف أي سبه
    راح أتوطى في شواك !
    قال الضابط للجندي : أنت للحين ماوديت الحيوان هذا ؟
    قلت : والله ودي أتوطى في
    شواك بس المشكلة ، الرفق
    على الحيوان مثلك واجب على
    كل مسلم بالغ عاقل غير متزوج حاصل على شهادة الثانوية !!
    قال الضابط : تستهل مع الصباح أنت ؟
    قلت : صباح ولا رولا مايهمني أهم شي تاكل تراب على الريق يا أبن الكلب ..
    قال الجندي : لو سمحت أحترم الضابط أللي قدامك "
    قال الضابط : خله يسب على كيفه ، بس المهم توديه
    الأن للقسم وتقولهم أن هذا الورع ، ما أعترف بشي ولا قدرنا نأخذ أي معلومات منه ..
    قلت : من جد أنك كلب أبن كلب!
    ( الكلاب على أشكالها تقع )

    قال الجندي : أمش يا ورع معي ،. بسرعة .،
    قلت : طيب بس أبغى أقول
    لضابط كلمتين قبل ما أروح !
    قال الضابط : تفضل ؟
    قلت : قل أمين ؟
    قال : أمين !
    قلت : قل مرة ثانية أمين ؟
    قال : أمين !
    قلت : جعلك تروح البيت وتلقى
    أبوك ميت وأمك متوفيه وخوانك مذبوحين "
    قال الضابط : ليه حرام ؟
    قلت : عايدي ، كلكم حيونات
    أنت كلب أبن كلب !!
    قال الضابط : أطلع برا ، برا ..
    قلت : ليه عصبت ؟ شكلك كلب
    مغلوث .. ها ها ها هاي ..
    قال الجندي : خلاص مشينا ..
    قلت : تسكت أنت ولا أخلي الكلب هذا يقرط فيك !
    قال الضابط للجندي : أطلع أنت
    وياه .. بسرعة ..
    قال الجندي : خلاص يا ورع
    مشينا ."
    قلت : أللي يشوفك يقول بنروح للسنما ، أهجد وش فيك
    مستعجل ، ترا راس ماله قسم
    شرطة !!
    قال الجندي : أمش يا كلب '
    قلت : طيب ، بس تراني ماني
    من فصيلة الضابط هذا "

    طلعت أنا والجندي وركبنا في
    الدورية ، وقلت للجندي : بالله
    فك الكلبشات من يدي ..
    قال : أفقشني مثل الهندي إذا
    فكيتها !
    قلت : جعلني كلب مثل الضابط
    إذا نحشت ،،!
    قال : لا تحاول ، لو حتى تبكي مثل الورع أللي بالتوقيف ..
    قلت : صدقني ، لو جسمي مثل جسم العربجي ، والله
    ما أنحاش ، ترا بينا عشرت عمر ، [ تكفى تخلي الريجيل يهزون مكسيكي ]
    قال : خلاص ، خلاص بفكها بس ، خلك عاقل ، وإذا مرينا من جنب دورية حط يدك ورى
    ظهرك .. أوكي ..
    قلت : أوكيات كثار ، بس فكها

    فك الجندي الكلبشات ، وقال :
    ليه أنت مخربها ، أعترف أنك
    كنت تفحط وما معك رخصه
    ولا أستمارة للسيارة ، وفك نفسك من كل هذي المشاكل !
    قلت : أول شي مال أم أهلك
    صلاح ، وبعدين هذا شي راجعلي !!
    قال : أنا الوحيد أللي فاهمك'
    ليش ما تفتحلي قلبك ؟
    قلت : وش رايك تضغط بوري عشان يفتح لك ..
    قال : أنا أتكلم جد ؟
    قلت : تبي الصراحة ؟ مضيع مفاتيح البوابة "
    قال : أنا الغلطان يوم حبيت
    أساعدك ..
    قلت : يوم حبيت ولا يوم السبت
    مايهمني أهم شي تشوف شغلك !!

    سكت الجندي ومشى لين وصلنا قسم الشرطة الرئيسي
    ووقف الدورية ، وقال : ياله
    أنزل خلني أدخلك القسم ..
    قلت : تتكلم جد ؟
    قال : بتنزل ولا أسحبك مثل
    الكلب ؟
    قلت : ليه شايفني ضابط ؟
    قال : أنزل ، بسرعة أحسلك ..
    قلت : طيب بس خلنا نتفاهم
    ولو تبغاني أفتح كبدي وقلبي
    وأثنا عشر فتحتها .. .!
    قال : بعد ويش ، خلاص أنا
    أنتهت مهمتي بتوصيلك هنا "
    قلت : خلك ذكي ، أطلق صراحي ورح لضابط أبن الكلب
    وقله أنك وصلتني ودخلتني القسم ، وطبعآ هو بصدقك لأنه
    كلب أبن كلب !!
    قال : بس يا ذكي ، الضابط
    أكيد قال للقسم الرئيسي عنك
    وعطاهم معلومات ، وقال أنك
    بتوصل لهم اليوم ؟
    قلت : يعني ما فيه أمل ؟
    قال : ولا خديجة الوعل !
    قلت : أخس يا الجندي تعرف
    تستهبل ..
    قال : ها ها ها تربيتك ..
    قلت : خلاص ، خلاص ، أقطع وخس شكلي عطيتك وجهة زيادة على الزوم !!
    قال : وجهة زيادة ولا وجهة
    باندا ؟
    قلت : يا شين الدلع على الجنود ! أقول أذلف يا شيخ "
    قال : طيب ، بس خلني ألبسك
    الكلبشات ودخلك للقسم وتنتهي
    مهمتي ، وأرجع لضابط الكلب أبن الكلب ..

    دخلت أنا والجندي بعد ما كلبش
    يديني ، وقابلنا داخل القسم
    جندي بس شكلة زلابة من جد ..
    قال الجندي الزلابة : وين يا شباب رايحين ؟
    قلت : داخلين نشوف مبارة
    السعودية والبرازيل على نهائي كأس العالم ، وش رايك ؟ ماتشوف الكلبشات ؟
    قال الجندي صديقي للجندي
    الزلابة : ممكن تاخذ هذا الورع
    لضابط ؟ وتخليه يتفاهم معه .!
    قال الجندي الزلابة : أجل هذا
    الورع أللي هبل أبكم وعيا يعترف بشي ؟
    قلت : أعقب كيف عرفت ؟
    قال الجندي الزلابة : وصلت
    معلوماتك بالفاكس ، وشكلك
    بتعترف عندنا بالغصب ..
    قال الجندي صديقي : أجل خلاص أنتهت مهمتي !
    قال الجندي الزلابة : خلاص
    رح أنت وخلني أخذ الورع هذا
    لضابط ..
    قلت الجندي صديقي : سلملي على الضابط الكلب ، وقله :
    [إذا لم تكن كلب فأكلت الكلاب]
    قال الجندي : يبلغ ، تامر شي
    ثاني ؟
    قلت : أقلب وجهك .. .!

    أخذني الجندي الزلابة ووداني
    لضابط ، وحنا نمشي ، قال :
    أنت من أي قسم جيت ؟
    قلت : مدري ، بس هو في السعودية !
    قال : أكيد في السعودية !
    قلت : طيب وين ؟
    قال : مدري بس هو في السعودية !
    قلت : أكل تراب وخلنا نروح
    لضابط ..

    دخلت على الضابط ، وللأسف
    الضابط (تكروني) ..
    قال الضابط : شوفي هركات
    نص كم ، خليها عنكي تراني
    ضابط شديد بالمرره !!
    قلت : أول شي تراك تكلم
    رجال مو حرمة ، وبعدين إذا كنت شديد ، ألينك .!.
    قال : مجنونه أنتي ؟ تكلميني
    كذا ؟
    قلت : ياخي تكلم زين تراك
    شككتني في نفسي ، تراني
    رجال "
    قال : تراني بنادي الجندي مهمد يدخلكي التوقيف !
    قلت : خلاص خلاص أنا ماني
    ناقص توقيف ، بالضبط وش تبغى ؟
    قال : قولي أسمكي ؟

    { بسوي فيها ذكي } قلت :
    أسمي نوال ..
    قال : تستهبلين أنتي ؟ قولي
    أسمكي الهقيقي ؟

    {بسوي ذكي مرة ثانية} قلت :
    تبي الصراحه أسمي حصة ..
    قال : تستهبلين أنتي ؟ أنتي
    رجال !
    قلت : حلوة ( أنتي رجال ) ..
    قال : قولي أسمكي بسرعة ؟
    قلت : والله لو تروح أبيض ما قلت أسمي !
    قال : قولينه يعني قولينه .
    قال : طيب ، طيب أنا أناديلكي
    الجندي مهمد يدخلكي التوقيف!

    قام ينادي ، مهمد يامهمد تعالي
    أخذيها وحطيها بالتوقيف .. ..
    قلت : حتى الجندي محمد صار
    حرمة ، المشكلة ودي أبادلك نفس الشعور بس بويتك ولونك ما يساعد !!

    دخل الجندي محمد وأخذني ودخلني في التوقيف ، ويوم
    ناظرت باللي في التوقيف :
    هذا عود جالس بالزاوية وهذا
    مصري منسدح وهذولا شلة حول الأربعة جالسين يلعبون
    بلوت .. دخلت وقلت :
    السلام عليكم ؟
    قال العود بالحاله : وعليكم
    السلام !
    قلت : والباقين يهود ؟
    قال واحد من الأربعة : وش
    دخلك يهود ولا كلاب سود ؟
    قلت : أجل تعرف الضابط الكلب أبن الكلب ؟
    قال : أيش ؟ من هذا ؟
    قلت : الضابط أللي حاول يضربني وأنا ذبحته ..
    قال : ذبحته ! يعني قتلته ..
    قلت : أجل رقصت معه ؟
    قال : شكلك قوي ؟
    قلت : ما شفت شي ..
    قال : تكفى تعال أجلس سولف معنا .!

    { عرفت أنهم سبايك }
    قلت : أللي يبغاني يجيني
    أنا بجلس هنا !!

    قاموا كلهم وجلسو حولي وقالوا : من وين جاي أنت ؟
    قلت : من بطن أمي !
    قالوا : لا لا ما نقصد كذا ، نقصد من وين جاي ، يعني
    من أي قسم ؟
    قلت : صدقوني مدري ، بس اللي فيه كلهم شرطة ..
    قالوا : أجل فيه قسم شرطة ما فيه شرطة ؟
    قلت : أيه ، القسم أللي جيت منه ، رئيسه كلب ؟
    قالوا : كلب ، كلب !
    قلت : أجل فيه كلب بسه ؟

    وفجأه يناديني الجندي الزلابة
    ويقول : تعال الضابط يبغاك !
    قلت : الكلب على طاريه ..

    دخلت على الضابط ، وقلت له :
    وش تشوف قدامك ؟
    قال الضابط : رجال ، ليش ؟
    قلت : طيب ، لا تخربها مثل قبل شوي !!
    قال : ما أعرف قصدكي ! بس
    المهم تقولي أسمكي ..
    قلت : الحمار بالأشارة يفهم !
    قلتلك لا تخربها "
    قال : شفيكي أنتي ؟ أهسلكي جاوبي على الأسئله !
    قلت : طيب ، بس ما فيه مترجم في هذا القسم ؟
    قال : لا ما فيه مترجمة بس
    أهنا ما نهتاجها أصلآ ..
    قلت : طيب ممكن أطلب منك طلب ؟
    قال : تفضلي ..
    قلت : ممكن أغير الضابط أللي
    يحقق معي ؟
    قال : يعني أبغين غيريني ؟
    قلت : بالضبط ، هذا المطلوب ..
    قال : أهسن ، أصلآ أنا ماني
    فاضية لكي ..

    قام ينادي الجندي محمد
    ويقول :
    يا جندي مهمد تعالي أخذي هذي ووديها لضابط هاتم
    وقولي لضابط هاتم : يهقق مع هذي !!
    قلت : مشكور ، الله يبيض وجهك ..
    قال : الله يسمع منكي .!

    رحت أنا والجندي مهمد"عفوآ"
    الجندي محمد لضابط حاتم ، ودخلنا عليه ، وقال الجندي :
    يا ضابط حاتم ، يقول الضابط
    حمدان التكروني حقق مع الورع هذا ..
    قال الضابط : حسنآ أذهب أنت
    ودع الشاب اللطيف عندي !

    قلت في نفسي : شكل هذا
    الضابط محترم "

    راح الجندي ، وقال الضابط :
    كيف حالك أيها الشاب ؟
    قلت : بخير وشلونك أنت ؟
    قال : له الحمد ..
    قلت : داخليني مسلسل تاريخي على غفله ؟
    قال : دعك من هذا الهراء
    وقل لي ما سبب وجودك هنا ؟
    قلت : خلها على ربك ..
    قال : تكلم ، وأعدك أني سأساعدك حتمآ ..
    قلت : حقآ أنك زاحف يا أيها
    الضابط المصخن !!
    قال : إذآ لن أساعدك "
    قلت : خلاص بقولك ، بس سالفة سامجة ما تستاهل أني
    أدخل التوقيف ..
    قال : قل القصة ، فأنا كلي أذانآ صاغية !
    قلت : السالفة كل ما فيها أني
    العسكري وقفني وما لقى معي أستمارة لسيارة ولا رخصة : .. بس ..
    قال : حسنآ ، حسنآ الأمر بسيط !
    قلت : أمحق بسيط ، ملطع في
    التوقيف لي يومين وتقول الأمر بسيط .؟
    قال : وما رأيك بمن سيكتب
    لك البرائه ، وتخرج من هنا !!
    قلت : والله أني كنت حاس أنك
    ذيب وراعي فزعات "
    قال : أنا حيوان ..
    قلت : أبك لا ، يعني أنت رجال
    وتحب الفزعات .!
    قال : لقد فهمت ، إذآ هيا أكتب على الورقة أسمك وتعهد
    بحمل الرخصة والأستمارة مرة
    أخرى .. هيا أكتب ..

    طبعآ ، ما صدقت خبر وكتبت أسمي وأسامي أخواني وجميع الأخوان والأحبة ما عدا
    الضابط أبن الكلب !! وقلت :
    تفضل هذي الورقة ، طيب ممكن أروح للبيت ؟
    قال : بأمكانك الذهاب ، ولكن
    لا تنسانى ، عليك زيارتنا !!
    قلت : تبي الصراحة ، والله لو
    تشوتني لين بكرة ، ما زرتكم
    من زينكم ، واحد ضابط كلب أبن كلب والثاني ضابط يقول
    { أنتي رجال } والثالث حالته
    صعبة مع المسلسلات التاريخية
    أقصد سعادتكم !!
    قال : ها ها هاي يالك من فتآ أحمق !"
    قلت : أحمق أم سافل لا يهموني هذا الأمر ، الذي يهمني الذهاب إلى المنزل !!
    قال : أذلف في حريقة ..
    قلت : أووف وش فيك خربتها؟

    طلعت من القسم ومريت من جنب الضابط التكروني ، وقال:
    وين رايهه ؟
    قلت : وش دخلكي ؟
    قال : أرجعي ولا ناديت الجندي مهمد !!
    قلت : أقلبي وجهكي أنتي والجندي مهمد ، وخليني على كيفي ..

    وطلعت من القسم وهو باقي
    يناديني يقول : تعالي تعالي
    أرجعي ، أهسلكي ...... إلخ !!

    أخذت لومزين ورحت للبيت بس
    ما أكذب عليكم ، نحشت مادفعت فلوس ، المهم دخلت
    البيت ، وفجأة أبوي قدامي !!
    قال أبوي : والله ولك وحشة ؟
    وين الناس ؟ توك جاي ؟
    قلت : الله يسلمك ، والناس والله مدري وينهم !! بس توي جاي من المطعم ..
    قال : والله ماشفت أكذب منك !
    قلت : ليه ؟ أنا ما أكذب ..
    قال : لك يومين في المطعم ؟
    قلت : أيه ، وش أسوي مدير
    المطعم حلف علي أقعد عندهم!
    قال : وش المناسبة يا كذاب ؟
    قلت : مرور سنة على أستفتاح
    مطعمهم "
    قال : تخسى ، المطعم له خمس سنين مستفتحينه !!
    قلت : شكلي ما سمعت المدير
    زين ..
    قال : طيب وين سيارتي ؟
    قلت : ورشة عندك أنا .!
    قال : وين وديتها يا كلب ..
    قلت : أحسن شي أتهمني أني
    سرقتها وقبعت فيها وودوني
    لضابط أبن الكلب !!
    قال : مدري عنك ..
    قلت : مدري عنك أنت ، كل شي في هالبيت أنا أنا أنا ..
    قال : ما فيه أحد في البيت غيري أنا وياك ، وأهلك الله يستر عليهم أخذين عمرة في
    الدمام !!
    قلت : والزبدة ؟
    قال : في الثلاجة ..
    قلت : شكلك فاضي ، أنا بروح
    أنام ، ما قدرت أنام بالمطعم !
    قال : تعال يا كلب ؟
    قلت : كلب ولا ضابط مايهمني
    أهم شي أروح أنام ..
    قال : أنا ما خلصت كلامي ؟
    قلت : أنتظرك تحط نقطة عشان أعرف أنك خلصة كلامك!

    وفجأة ينقض علي أبوي ويصكني كف ، وفجأة قمت من
    الحلم ..!!"'
    يعني كل اللي قلته لك :

    ................↓................
    حـلـم فـي حـلـم لا تـصـدق
    ................↑................



    بن خرررررررررربأإأِشّّ!!:47:
     
  2. مسكين قلبي كم يعاني

    مسكين قلبي كم يعاني ¬°•| طالب مدرسي |•°¬

    هههههههه
    الله يرجك وش ذا وش مسوي بابووك
    حتى لو حلم معقوووله كذاا
    ومنجد حرام عليك انا عشت الجووو والخيال شغاال
    الله يرجك ههههههههه :bounce:​
     
  3. مس سارة

    مس سارة ¬°•| عضو مثالي |•°¬

  4. محمد خررررررررباش

    محمد خررررررررباش ¬°•| عضو مميز جدا |•°¬

    الله يعافيكم ويسلمكمّّ!!

    كلكم ذووووووق الله لا حرمني من ردوكم الحلوهّّ.....

    صدق انتو ذهبّّ:chek:
     
  5. محمد خررررررررباش

    محمد خررررررررباش ¬°•| عضو مميز جدا |•°¬

    انشاء الله اعجبتكمّّ!!

    اهم شيّّ..........:364370309157ae42e12
     
  6. ريمّ تواقّ

    ريمّ تواقّ ¬°•| عضو مثالي |•°¬

    يعطيك ربي العافيه ع الطرح الغاوي
     
  7. محمد خررررررررباش

    محمد خررررررررباش ¬°•| عضو مميز جدا |•°¬

    ايه اكيد تعبتكم هع هع هعّّ!!

    السموحه عنصر الاكشن موجود معي بقوةّّ!!

    اشكركم كلكم ذوقّّ....

    :0-10.jpg:
     
  8. يعطيك العافية
    يسلموووووووووووووووووووووو:aa_france2:
     
  9. محمد خررررررررباش

    محمد خررررررررباش ¬°•| عضو مميز جدا |•°¬

    اللخ يسلم السموحهّّ!!

    ادري القصه طويله هع هع هعّّ:a033:
     

مشاركة هذه الصفحة