حيرة الفتاة

الموضوع في ',, البُريمِي للِحِوار و النقَاشْ ,,' بواسطة one of my kind, بتاريخ ‏22 سبتمبر 2011.

حالة الموضوع:
مغلق
  1. one of my kind

    one of my kind ¬°•| عضو مبتدى |•°¬

    تحية طيبة وبعد،

    مشكلة باتت تواجه الفتيات في جميع الأقطار، إنها الحيرة والقلق بين حرص الفتاة على استكمال تعليمها وبين قبولها للزواج ممن يتقدم اليها، خصوصا اذا كان هذا الخاطب من ذوي الصلاح والايمان والتقوى ومن الصعب رده.
    قد ترغب الفتاة في ان تكمل تعليمها حتى تنال شهادة علمية تأخذ بها مكانتها في المجتمع، ويتقدم بها الواقع من حولها، وتحميها من ازمات الحياة، وربما تهدف من ورائها إلى الحصول على وظيفة ، وهي في نفس الوقت تسعى إلى تحقيق حلمها في بناء بيتها السعيد، وتربية الأولاد والاستقلال عن الأسرة الكبيرة لذلك تستبد الحيرة بالفتاة التي يسمح لها مجتمعها بحرية القرار في هذا الشأن.

    هل تكمل الفتاة تعليمها .....
    ام ترضى بالأمر الواقع وتتزوج.....
    ام هل تجمع بين التعليم والزواج.....

    في انتظار تعليقاتكم

    تحياتي
    one of my kind
     
  2. دموعي حروفي

    دموعي حروفي ¬°•| عضو مميز |•°¬

    من رايي تكمل تعليمها والطريق اما مها ان شاء الله اكيد بيتقدملها كثير من الناس الزينة او حتى انها اذا تقدر توافق بين امرين فلها ذلك يعني تدرس وتتزوج وتشترط لزوجها بمتابعة دراستها من غير تعليم...

    لمهم لا تخسر علمها وهو بين ايدها لان التعليم يفيدها ف اشياء كثيرة...
     
  3. غلا السعيدي

    غلا السعيدي ¬°•| عضو مثالي |•°¬

    الاثنين انا اتعلم ومتزوجه ما في شي مستحيل مع اني سني صغير بس الحياه صعبه والمشاكل وايد بس التعليم شي مهم واذا الزوج طيب ويشجع على الدراسه وفي اتفاق من البداااااايه انها تدرس وهي انسانه طموحه وتحب العلم وقويه للحياه مافي شي يمنع تتمتع بالاثنين بالزواج والتعليم



    وربي يوفق الكل عن تجربه


    وسلامتكم :banana:
     
  4. أمير

    أمير ¬°•| عضو مميز جدا |•°¬

    أنا اتفق مع الاخت غلا
    مافيه عائق بين الزواج وتكملت الدراسه
    أهم شي التفاهم بالحياة الزوجيه
    تقبلي مروري
     
  5. دمار الكروزر 311

    دمار الكروزر 311 ¬°•| عضو مميز جدا |•°¬

    عن نفسي مابيها تدرس ابركلها تييلس ف بيتها تربي عيالها :013:


    واذا تبي تحقق حلمها موو مشكله تتزوج وتكمل تعليمها


    لكن بعد ماتخلص من دراسه تنزرع ف بيتها لاتقولي اشتغل ولا تقعد تقول اكمل طموحي وابني مستقبلي ومن هالخراابيط :013:



    يسلمووووووووو ع الطرح :bye1:
     
  6. ساعديه طر

    ساعديه طر ¬°•| عضو مثالي |•°¬

    هل تكمل الفتاة تعليمها ..... ايوه تكمل تعليمها طبعا عقي محد هاينفعها غير شهادتتها
    ام ترضى بالأمر الواقع وتتزوج..... ع راحتها اذا تب تتزوج او تكمل تعليمها
    ام هل تجمع بين التعليم والزواج..... حلو تجمع بين الزواج وتعليم وع فكره اغلب المتزوجات متفوقات دراسيا


    مشكور اخوي ع طرخ الرائع

    لاهنت

    ونرتقب زود منك
     
  7. طموحي عالي

    طموحي عالي ¬°•| عضو مميز |•°¬

    والله احسن شي الوحدة تضمن مستقبلها وتكمل دراستها لاحقة على الزواج
    وخصوصا الظاهرة اللي منتشرة صايرة الحين يبون العروس تجارية سكنية
    يعني كملن دراستك احسلكن ترى ما يبونكن سكنيات بس .. الحين اول ما
    يروحون يسالون عن البنت موظفة والا لا ؟؟؟؟
     
  8. دمار الكروزر 311

    دمار الكروزر 311 ¬°•| عضو مميز جدا |•°¬

    اقتباس:
    المشاركة الأصلية كتبت بواسطة طموحي عالي [​IMG]
    والله احسن شي الوحدة تضمن مستقبلها وتكمل دراستها لاحقة على الزواج
    وخصوصا الظاهرة اللي منتشرة صايرة الحين يبون العروس تجارية سكنية
    يعني كملن دراستك احسلكن ترى ما يبونكن سكنيات بس .. الحين اول ما
    يروحون يسالون عن البنت موظفة والا لا ؟؟؟؟




    هههههههههههه ياخي ردج عجيب حلوه هااي تجاريه سكنيه :91:


    واذا تشتغل حق روحها وبعدين هل المعرس شو يبون فيها اذا تشتغل هم اللي يبونه انها تكون بنت ناس وخلاق وبسسسسس اما سالفة تجاريه وسكنيه هذه غريبه :91:



    وبخبرج بشغله ترا مب كل الريااييل يفضلون ان حريمهم يشتغلوون :bowtie-guy:


    وانا اعرف جم شخص يجربون لي لما ساروا يخطبون قبل لا يظهرون من بيت هل العروس كان شروطهم اول شي انها تقدم استقالتها وتقعد ف البيت تربي عيالها >> ماقالوا تجاريه سكنيه مثل انتي ماتقولين !!

     
  9. ريمّ تواقّ

    ريمّ تواقّ ¬°•| عضو مثالي |•°¬

    ان كانت الفتاه من رائي تبي تتكمل تعليمها اوك تتفق مع الزوج من انها راح توافق ع الزواج ولاكن بشرط انها تكمل تعليمها وان يكونون متفاهمين من البدايه

    وعدم اختلاف الوجهة النظر في المستقبل

    وتنظم وقتها لزوجها ولدراستها
     
  10. أمواج هادئة

    أمواج هادئة ¬°•| طالب مدرسي |•°¬

    من رأيي تكمل تعليمها .. وتتزوج بنفس الوقت ..

    كل وحدة ورغبتها ..

    يعطيج العافية ع الطرح ..
     
  11. غلاها

    غلاها ¬°•| عضو مميز جدا |•°¬

    ان رايي
    افصل البنت تكمل دراستها وتشتغل عقب تفكر فزواج عسيت تكون شايله عمرها بعمرها

    اعرف وايد بنات معرسات نفسهم ينفصلون والسبب اللى يمنعهم
    بترجع بيت اهلها ومنو بيصرف عليها وعلى عيالها
    كم بتطلب من اهلها ؟؟!! مهما كانوا اهلها كريمين
    افضل شي تشتغل وتكون مسؤلة عن نفسها
     
  12. العذراء

    العذراء ¬°•| عضو جديد |•°¬

    الأفضل انه البنت تكمل دراستها وبعدها تتزوج
    أشكرك على الطرح الرائع
     
  13. نسمآت روح

    نسمآت روح ¬°•| مبدعة في تواجدها |•°¬

    من رايي إذا كااانت قااادره توفق بين بيتها وتعليمهااا تكمل وتتزوج وطبعااا مع التفاااهم بينهم

    يسلمووو على الموضوع
     
  14. عسولة الجامعة

    عسولة الجامعة ¬°•| عضو مميز جدا |•°¬

    انا براي انها تكمل دراستها وتعرس فنفس الوقت اهم شي يكونون متفاهمين والدراسة ما اتعيق الزواج
     
  15. مياسين

    مياسين ¬°•| عضو مبتدى |•°¬

    أنا أفضل إن البنت تكمل تعليمها
    ..


    وبالنسبة للزواج ما يمنع .. أهم شي التفاهم بين الزوجين


    يعني أهم شي انها ما تترك تعليمها و تستعجل ،، وأكيد الله بيكتب لها اللي فيه خير
     
  16. بنت البريمي

    بنت البريمي ¬°•| استغفر الله |•°¬

    الأفضل البنت تكمل تعليمها وعقب تعرس عسب ما تشغلها الدراسة ,,
     
  17. سمو قلب

    سمو قلب ¬°•| عضو مثالي |•°¬

    تبين الصراحه أحسن لها تكمل دراستها لأنه هو الشي الوحيد
    إلي راح ينفعها
    وإذا تقدر توافق بين بيتها و الدراسه ترى كان بها.
    وتبون الصراحه الرياييل ما منهم أمان.
     
  18. مقدسيه

    مقدسيه ¬°•| عضو مبتدى |•°¬

    السلام عليكم

    في حال كان من الصالحين وتقي واستخارت ومرتاحه جدا فبرايي تتزوج وبنفس الوقت تتعلم ..ماتتنازل عن التعليم ابدا وبالتفاهم والتعاون كل شي بصير...التعليم مهم للفتاة مربية الاجيال ايام زمان كان التعليم لمرحله محدوده ماحد يقارن امهات زمان فينا الزمن تغير البنت الان لازم تتعلم وتخوض معترك الحياة لانو بتتغير شخصيتاه تماما وبكره بجيها اطفال لازم تعرف كيف تربي صح مع زوجها اكيد لازم التشارك بالتربيه .. لازم تكون الام متعلمه حتى تعرف كيف تربي اطفالها حسب هالزمن الجديد وتعرف مزبوط شو السلبيات والايجابيات الي في وهاد كلو يوم تخوض معترك الحياة من خلال تعليمها....الله يوفق الجميع للخير ..الموضوع رائع شكرا جزيلا :)
     
  19. أدوس ما أنداس

    أدوس ما أنداس ¬°•| عضو مميز جدا |•°¬

    طبعا الاثنين لان سلاح الفتاة في هذا الزمن هو الشهادة اللي راح تضمن المستقبل بها وطبعا الزوج بتحصل عليه حتى بعد الدراسة لان الحياة ماشية والامور طيبة واحنا بخير
    يسلمواااااااااااااااا
     
  20. أم حمودي

    أم حمودي ¬°•| مُشرفة Our Cafe |•°¬

    انا من رأي تكمل دراستها وبعدين تتزوج لان سلاح البنت شهادتها وبعدين شو يضمنلها ان زوجها بيسمحلها تكمل دراستها
     
حالة الموضوع:
مغلق

مشاركة هذه الصفحة