عيوز سآيره المول مـ‘ع خدآمتهآ

الموضوع في ',, البُريمِي لِـ الصُــور و الطّرائف ,,' بواسطة ساعديه طر, بتاريخ ‏22 سبتمبر 2011.

حالة الموضوع:
مغلق
  1. ساعديه طر

    ساعديه طر ¬°•| عضو مثالي |•°¬

    مره وحده من العيايز ساارت " المول " ويا شغالتها >>


    تتـخـيلووون عيوووز @_@ فـ المول !!!!




    خـلنا انشوف شو صار وياها ..
    حدرت العيوز المول..
    العيوز شافت الليتات الملونۃ " أحمر وأخضر و أصفر " العيوز اترمس شغالتها : أقووول اميه اشووو ها
    بعد " وهيه اتاشر عـ الليتات : سيري هاتيلي وحده منهن أجرب طعمها .. ظنتيه ها اللومي الاخـضر عيل
    الآحمر شووه؟؟
    الشغالۃ: لا ماما هازا مافي لومي .. هازابرميت( للي مايعرف البرميت:هو الحلاوة الملونة الجامدة المشكلة بأشكال مختلفة وهي صغيرة الحجم توضع في الفم فتذوب تدريجياً)واجد غالي << لوووول>>>
    العيوز: هييييه برميـــت .. لا لا عيل ماباه أنا روحي ضروسي اتعورني .. تعالي تعالي اشوف اشو اتبيع
    هاي..
    اللبنانيۃ راعية المحل : ياهلا.. لك تؤبريني حجيۃ شو بدڪ ؟؟هايدي بلوزه ڪـتير مهضومي وهاد البنطلون
    بيلبألڪ إزا بدڪ تاخـدي لبناتڪ ڪـمان بيلبألهم ..
    العيوز: ڪـارولينووووو " الشغاله " اشووو اتـخـرف هـااي ؟؟
    وصدت صوب اللبنانيۃ: اميه انتي شوقلتي .. وحق شو ميوده ها المنڪر بيدينج ؟؟؟؟؟
    الشغالۃ: ماما هيه في يقووول انتي يشتري هازا بنتلون حق أنا .. واجد حلووو ماما واجد حلووو..
    العيوز: ڪارولينوووو شووو بعد تلبسيلي شرات المرصرصات والمفصفصااات .. شرااات منو هاييج اللي
    اتغني " حبيبي ابعد ونص وآااااخ وأووووص" ؟؟
    الشغالۃ: هييييه ماما هازي نانسي عقرم .. واااجد حلووووو صح ماما ؟
    العيوز: غربلاااااتها .. أي حلا . لا.. لا .. ماتلبسين شراتها >
    واتصد صوب اللبنانيه: اخذيهن اميه فريهن فـ الزبالۃ .. لاتسمعين رمسۃ ڪـارولينووو .. مافيۃ بعد اشوفها متفيرزه حذال هاييج أم عيون القطاوه .. يلااا
    ڪارولينوووو .. طوفي يدامي اشوووف سود الله ويهج تبين اتلبسين ها المنڪر واتهزين قصووورج بعد ..

    """" وراعيۃ المحل شرات الاطرش فـ الزفۃ """"""""""
    >>>وهم ظاهرين من المحل دعمها واحد هندي ظخم <<<<
    العيوز: " وهيه تهمز ايدينها " : وععععععععععع.. اخ اخ اخ .. عنلااااتڪ زااااد ماتشوووف يدامـڪ يا الغوريلا؟؟؟
    أي .. أي .. ايدي .. ڪارولينووو هاتيلي نعالي إلي انفر .. يبالي أخبقلۃ عيوووناته يمكن خلاااف يشوووف عدل .. آااي .. آاااي .. اخ .. آاااخ ..
    الهندي: سوري ماما
    العيوز: لا هب سوريۃ.. انا اماراتيۃ والنعم فيۃ بعد يألفلي جنسيۃ ..
    الشغالۃ: شوي شوي ماما .. انتي يجلس إهنيۃ أنا في يروح يجيب نعال مال انتي ..
    " وعقب مايلست العيوووز عـ الكرسي "
    وحده: طيب.. حبيبي .. ڪم الرقم ؟؟
    واحد: --- 99
    وحده: طيب .. انا حجلس عـ الكرسي إلي هناك..
    واحد: خلاص عيل سيري حبيبي يلسي مناك وانا بلحقج خلاف ..
    .. ويت هاي البنيه ويلست حذال العيوز ..
    العيوز: يااااللــــــــــــــــه بالستر.. انتي ماتستحين عـ ويهج ..
    البنيه: ؟؟؟!!!!!!!!!...............................
    العيوووز: شو ها الي لابستنه " واتيود طرف قميصها من صوب الكم " لايڪووون ماسد الـخياط القطعۃ ..
    يلاااا يدامي أشوووف سيري لبسيلج مـخـور بدال ها المنڪر الي لابستنه .. لابارك الله فيج ولا فـ أهلج اللي مڪبريلج راسج وانتــــ ...............
    واحد: يلاااا حبيبي محد يشوفنا بسرعه حياتي .. بسرعۃ ..
    العيوز: حبتڪ ينيه زرقا قووول آااامين " ويودت الولد من أذونه " محد يشوفڪ هاه .. عيل نسيت ان الله فوقڪ يشوفڪ .. انت الي شڪلڪ توڪ طالع من البيضۃ معلمينڪ .. حبيبي وحياتي .. بطل أذونڪ ابوي سير
    المسيد واقرالڪ ڪلمتين قرآاان بدااال الهياتۃ فـ هاي الأماڪن ..
    >> واتصد صوب البنيۃ<< : وانتي روحي بيتڪم ورقدي عدل وبالباجر سيري المدرسۃ
    واذا بغيتي اتفصليلج ثياااب سيري عند خياااط ****عنده قطع وااايده تسترج ..
    * وبعد دقيقتين وصلت الشغالۃ *..
    العيوز: ڪارولينووو .. انتي وين سرتي .. تعالي خذيني مكان يبيعوون فيه ماي ريجي نشفت ..
    الشغاله: ماما.. هازا مطعم واااجد حلووو .. في واجد نااااس أڪيييد في حلووو ...
    العيوز: يلاااا عيل طوفي يدامي انسير نيلس مناك .. ريولاتي اتكسرت ..
    منو قدها العيوووز بتيلس فــــــ " Star Bucks "

    شلة شباب يالسين عـ الطاولۃ الي حذال طاولۃ العيوووز وشغالتها ..
    هزاع: آاااااخ .. قلبي لحقوا عـ قلبي وين يروووم يستحمل شوفۃ هاي الغرشوووب .. :
    سيف: لحظۃ.!!!!وييين ماشوووف غراشيب اهنيۃ...
    حمدان: ليكوووون تطري.......................
    هزاع: هيييۃ .. خلااااص أنا اول واحد فيڪم ريتها .. سيفووووه ظهر مبايلك بسرعه صورها ... ها أحلى بلوتوووث بيڪووون ..
    سيف: هههههههههههههههههههه... وبكتب تعلييق.. " غرشوووب رعبوووب "
    هزاع: يلااا تعالوا وياي .. فـ بالي فڪره عجيبۃ.
    * عند الشغالۃ بعد ماطرشتها العيوووز تطلب ماااي *
    الشغاله: يريد واحد ماي حق ماما ڪبييير واسنينۃ فرفرشينو<< فرابتشينو>> لوووووول
    " عند العيوووز"
    هزاع: مرحباااا ملاييـــــــــــن ولا يسدن بذمتيۃ اشحاااال غرااااشييييب بوظبي ؟؟
    العيوز: المرحب باجي .. حياااڪ ابوي اقرب .. انت وربعڪ قربوا قربوا ..
    سيف: خخخخخ شو تبا بعد استقبااال حاااار ...
    هزاع: شو ميلس الغراشيب رواحهم اهنيۃ .. بغيتي شي الغاليۃ يعني رقم ولاااا.. -_^
    العيوز: لا ابوي ماباه رقم الدڪان .. شسوي طرشت ڪارولينوووو اتيييب لي ماي وللحين ماظوت ..
    سيف: " بصوت واطي " : سمعتوا عندها بنيۃ .. خلااااص هاي أنا حاجزنها أڪيـــد غاويۃ ..
    هزاع: إلا ماخبرتينا شو الي ميلسنج فـــــ Star Bucks
    العيوز: لا لا ابوي ماعطييت حد طراااق وبڪــــــس .. أحينه الڪل مستقوي علينا ..
    حمدان: هههههههههههااااااااااااااااااي .. منوا ياب طاري الـ طراق والبڪس أحينۃ ...
    العيوز: شوفوا شوفوا الـخياس إن ماعلمتهم الادب ..
    " العيووز لمحت أجنبي ويا حبيبتۃ " وسارت صوبهم ..
    هزاع: شو بتسوي ؟؟!!!!!!!
    العيووز وهي ميوده نعالها : فِجْها ااا... فِجْهاااااااا.. أقووولڪ فِجْهاااا .. يلي ماتستحي عـ ويهڪ لاصق فـ الحرمۃ .. وانتي يالخايسۃ ماترومين اتصفعينۃ صفعتين اترقدينۃ فـ مڪانۃ ...
    هزاع + سيف + حمدان : ههههههههههههههههااااااااااااااااااااااااااااا ااااا ااااااااااااااااااااااااااااااااااااااااااااا ااااي
    الريال الاجنبي :
    What a crazy woman
    العيوز: هيه .. هيه.. اترادد بعد ×××××× ,,, ويودت نعالها الثاني عشان تفلعۃ .. لڪن الريال وحبيبتۃ شردوا " خخخخخ "
    هزاع: آاااي .. آاااي .. بطني ههههه والله ماروم هههههههههه بموووت
    سيف: هزاعووووه .. أڪيها العيوووز يايه انطم قبل لا اتڪفخڪ انت الثاني ..
    حمدان: ههههههه .. شو الغاليۃ فجيتيهم عن بعض ..
    العيوز: غربلاااااتهم .. مادريبهم وين شردوا عني ..
    " وأخيراً شرفت الشغااالۃ "
    الشغاله: ماما .. هازا ماي مال انتي وهازا فرفرشينو بعد
    سيف: ليڪون هاي ×××××××××××××××× خخخخخخخخخ
    هزاع: ههههههههههههههههههههاااااااااااااااااااااي شووو .. غرشوبتي أحلى عن غرشوبتڪ -_^
    حمدان: ماااااااالت.. عـ غراشيبڪم ڪل وحده اتقووول انا اخسف عنج ..
    العيووووووووز : يلاااا .. اميۃ ڪارولينوووووو بنرد البيت ريولاتي اتعورني .. مادري شلها الناس اتيۃ ها المڪان .. لافيه هوووووش ولا بوووووووووش ..
    الشغالۃ. : جين .. جين .. ماما
    خخخخخخخ


    صدْقَوا يوم قالوا ان عند العيايز ڪل شي يايز [​IMG]
     
  2. انسياب حرف

    انسياب حرف ¬°•| أمْيِرةُ الْحًرفِ |•°¬

    طرح ممتع أختي الغالية

    بارك الله فيك

    .
    .

    منا والدرب
     
  3. المرتبشه

    المرتبشه ¬°•| عضو مبتدى |•°¬

    هههههههههههه

    ابداااااااااع
    يسلموووووو الغلا
     
  4. اصعب أحساس

    اصعب أحساس ¬°•| طالب مدرسي |•°¬

    ههههههههههه :mh0033:
     
  5. الـكـاسـر

    الـكـاسـر ¬°•| مَشْرِفْ سابق |•°¬

    ههههههههههههههه

    آلله عـ آلعيآيـز هع هع آفـلآم

    يسـلمووو عـ آلـطـرح
     
  6. إحسآإسي غير

    إحسآإسي غير ¬°•|مشرفة طٌـلبـِة الْـمٌداِرًسَ |•°¬

    هههههههههههههههههه
    ادبتهم و ردت
    يسلمو ع الطرح
     
  7. awad baloosh

    awad baloosh ¬°•| بلوش صح الصح |•°¬

    ههههههه:3ash:ههههههههههههههههههه

    حمااااااااااااااااااااااس
     
  8. قمر السلطنة

    قمر السلطنة ¬°•| عضو جديد |•°¬

    هههههههههههههههه صدق عند العيايز كل شي جايز
    يسلمو اختي على هالموضوع الحلو:3ash:
     
  9. مسكين قلبي كم يعاني

    مسكين قلبي كم يعاني ¬°•| طالب مدرسي |•°¬

    هههههههههه تووحفه والخداامه مسااعده بعد
    يسلموو على الطرح المميز
    تقبلي مروري خيتوو
     
  10. نسمآت روح

    نسمآت روح ¬°•| مبدعة في تواجدها |•°¬

    هههههههههههههههه يسلمووو على الطرح
     
حالة الموضوع:
مغلق

مشاركة هذه الصفحة