[سوالف × سوالف] اذا عندك سالفة حياكـ قولها ..

الموضوع في ',, البريمي لـِ مساحة حرة ,,' بواسطة خافق احساس, بتاريخ ‏22 جويليه 2008.

حالة الموضوع:
مغلق
  1. خافق احساس

    خافق احساس الفرَيق الإدِاري إداري





    [​IMG]

    بسم الله الرحمن الرحيم

    السلام عليكم ورحمة الله وبركاته

    في البداية رسالتي .. لمن قام بالتسجيل معنا ..

    هنا في منتديات محافظة البريمي.. ولم يرى أن هذا المنتدى.. المكان المناسب له ..

    اقول له .. انتظر لحظة .. لحظة فقط ..

    وانظر الى كلام هذا العضو .. او العضوة ..

    قبل ان تبدا اخي الكريم .. أختي الكريمة ..

    وقبل ان تختار قسمك المفضل .. ادخل هنا .. وتعرف على بقية الاعضاء..

    تعرف على الادارة .. وتعرف على الجميع..

    فكلنا هنا مشاركين .. ولايوجد فرق بيننا ....

    منتدى محافظة البريمي مجتمع الكتروني .. ولاتحكمه قوانين غير قانون الاحترام

    وقانون المودة بين الاعضاء ...

    ليكون هذا الموضوع محطة التواصل بين جميع الأعضاء من ادارة الى آخر عضو مسجل ...

    مواضيع شته و سوالف ودردشه بسيطة بيننا ..

    فنحن جميعا في بيت واحد ..

    باختصار ..

    اذا عندك سالفة قولها

    وووو.. ياهلا باليديد .. ويامرحبا بالجديم ويانا ..

    في انتظار طلتكم... لاتشكروني بل شاركونا هنا ..

    كتبوا اي شي في خاطركم يعني وسولفوا ..

    ولاتنسون تسجيل الحضور هنا في ملتقانا الرائع..

    .:[ فكرة الموضوع من منتدى آخر ..( بتصرف ) ،، عيبتني ونقلته لكم ] :.

    والسموحة

    .
    .
    [​IMG]
     
  2. خافق احساس

    خافق احساس الفرَيق الإدِاري إداري



    اليوم يايبه لكم سالفه صارت لي فالجامعة أحب اسميها يوم [ النحس الخاص فـ خافق احساس ] ..

    الله يسلمكم كان عندي امتحان مجتمع الامارات .. عاد شو غلسة هالمادة ..

    تاااااريخ × تاااااريخ .. والدكتورة دقيقة وااايد ،، بتييب الأسئلة من بين السطور ..

    المهم درست عدل وسرت الامتحان وبعدها .. بديت امتحان من 8 لـ 9 .. وبعد الامتحان

    دقت ربيعتي علي تلفون وقالت : صباح الخير ،، رديت عليها : صباح الامتحانات ..

    المهم تواعدنا انا نلتقى .. في مكان محدد لين نوصل الكلاس ..

    عاد انا طالعة من الامتحان مدوخة .. صدج صعب ..

    المهم ،، مريت على المحل اللي عندنا وخذيت لي آيس كريم ..

    وكملت طريقي .. عاد وين الصالة الرياضية ووين مكان الكلاسات .. يباله ربع ساعة مشي ..

    المهم وصلت عند ربيعتي ورحنا نمشي لين الكلاس ..

    عاااد هذي انا مسميتنها في موبايلي بليس ..

    صح عليها حركات تقهر .. بس بنفس الوقت واايد حبوبة ..

    المهم .. ونحن ماشيين .. اوني مسوية عمري شاطرة قاعدة اقرا الاعلان عن معرض الكتاب

    في الجامعة
    .. قلت وينه هذا بعد ،، بعدين رحنا الكلاس .. وبعد الكلاس ..

    طلعنا نربع .. وبعدين لقيت المعرض ..

    قلت هيييييييه هذوووه المرعض .. عاااد مسكتها علي الحبيبة بليس .. تمت تعيد لي الكلمة عشرين الف مره ..

    وهي كله مرعض مرعض وشرااايج بالمرعض ..

    المهم طنشتها ومشينا .. بروحي تميت اضحك على عمري ..

    وبعدين .. رحت اتوضا علشان اصلي الظهر ..

    توضيت وصليت ،، وبعد الصلاة يات بنت وعطتني اوراق ..

    قالت لي خليهم ويااج ،، ووياهم مفتاح ..

    عاد انا يا على بالي انهم مالاتها خليتهم عندي اترياها تخلص صلاة ..

    وبعد شوي يتتي ربيعتي وحدة ثانية تاخذهم من عندي فجأة ..

    بعدين قمت انازعها ،، قلتلها هاتيهم هذي أمانة ..

    قالت الحين اروح افتح اللوكر[ مكان يحطون فيه الكتب ] بالمفتاح مالها

    وتمت تتظنز عليي .. المهم اكتشفت في النهاية انه الاغراض حقها ..

    والمفتاح مالها .. صدج فشلة ..

    وووووو بس عندي سوالف ثانية بس نفتح لكم المجال

    دووركم

    !

     
  3. قطوة البريمي

    قطوة البريمي ¬°•| مُشرِفَة سابقة |•°¬

    انا ما عندي سالفة بس احب اقرا سوالفكم
    ويا خافق الاحساس تعيشين وتاكلين غيرهاااااا
    يسلموووووووو
     
  4. خافق احساس

    خافق احساس الفرَيق الإدِاري إداري

    ^^

    نورتي صفحتنا قطوتنا

    دمتي عالخير .. نتريا منج السوالف الغاوية

    ربي يحفظج

    !
     
  5. سجين القلم

    سجين القلم ¬°•| مراقب سابق|•°¬

    خافق أحساس لكم كل الشكر والتقدير

    على الجهود المبذوله في المنتدى

    وهذا دليل حبكم للمنتدى ومحاولت الر قي به إلى

    الامام فلكم كل التحية والتقدير لكن أعتذر منك هناك موضوع مشابة

    لهذا الموضوع في قسم الالعاب وهو أخر صيحات السوالف

    لذلك أعتذر على أغلاق الموضوع دمتم لنا بكل ود
     
حالة الموضوع:
مغلق

مشاركة هذه الصفحة