..{ هذٱ حرفيـﮱ لگ أخطهۂ بٱلحبرۆهذيـﮱ حگٱيْٺيـﮱ مع قلۆب ٱلبشر~..}

حكاية حرف

¬°•| تَرْجَـِoـِةُ إحْـِωـِآسُ |•°¬
إنضم
22 مايو 2010
المشاركات
2,429
الإقامة
في قرية التوت
صباح الشوق

يوم السبت كان عرس أختي الأكبر مني بسنه

والحمدلله كان العرس حلوو أموره كلها طيبه

وأمس سافروا تايلند

وأختي طرشت أخوي عشان ياخذ الكاميرا من عندي لانه هو بيوديهم المطار

وعطيته الكاميرا ونسيت اعطيه شحن الكاميرا :icon_smile_big:

البطارية تكفيهم اسبوع يمكن هع

ربي يوفقهم إن شاء الله

والله يرجعهم بالسلامة ان شاء الله :imua56:
 

حكاية حرف

¬°•| تَرْجَـِoـِةُ إحْـِωـِآسُ |•°¬
إنضم
22 مايو 2010
المشاركات
2,429
الإقامة
في قرية التوت
صارن مواقف وااايد في العرس

أول موقف إنه أنا لما كنت بالصالون متفقين أني أخلص اول وحدة عشان أروح عند اختي العروس

ولما كنت جاهزة تقريبا اتصلت اختي وقالتلي خلصتي ؟؟

قلتلها هيه مخلصة

قالتلي بنطوف عليج أنا واخوي بعد شوي

قلتلها اوك

عقب خليتهم يحطولي اللمسات الاخيرة واتصلت اختي ونزلت ورحت وياهم الفندق

وأول ما نزلت من السيارة دقيت براسي في الباب واخترب تاجي

وعقب ما لبستها الفستان والاكسسوار وجيه ويوم خلصت قلت حق ريلها يوصلني لين الاصنصير لاني ما ادل

وصلني وفتحلي الاصنصير وركبت فيه ونزلني ع القاعة مباشرة

وكانت القاعة فاضيه ورحت من وين الاستقبال وحصلت امي وام المعرس واخته

وانصدموا قالولي من وين طلعتي ؟؟! :imua4:

ومن وين يايه من هالصوب ؟؟

وخبرتهم إني كنت فوق عند اختي وجيه وعقب خليت امي تلبسني الاكسسوار وهيك


ثاني موقف اني انا عازمة ربعاتي في الجروب مال الواتس اب وانا اصلا ما اعرف اشكالهن ولا هن يعرفني

ووحده منهن كانت يايه بروحها هي والخدامة ويالسة مقابلتني بالطاولة

لا أنا أعرفها ولا هي تعرفني ونسيت أساساً إنها هي بتيي العرس خخخخخ

وطبعاً في القاعة ماشي ارسال نورس وكانت لما تتصل علي يتعذر الاتصال وتمت قاعدة بروحها تقريبا ساعة كامله هع هع

المهم عقب طرشتلي وحدة من ربعاتها انها بتيي العرس وقلتلها بترياج ف الاستقبال

ولما يت ربيعتها وسلمت علي وجيه سألتني عنها قلتلها مادري والله لا اتصلت فيني ولا طرشتلي

ولما دخلنا القاعة شافتني عند ربيعتها ويات البنت معصبه يحليلها

قالتلي انتي مقابلتني من ساعة وأنا مب عارفتنج !!! :cm:

ويالسه ملانه وزهقانه وطفرانه واتصل فيج ويتعذر الاتصال وفي الاخير انتي مقابلتني خخخخخخ والله قهر هع هع

وعقب شلت ربيعتها وخلتها تيلس عندها وقالت خلاص عندي ربيبعتي ما يقعد بروحي هع هع

أما الموقف الثالث انه خالتي قالت تبا تطلع فوق عند العروس تسلم عليها لانها يمكن تروح قبل لا تدخل العروس لانها من العين

وقلتلها اوك بوديج فوق وعقب ما وديتها فوق ويلسنا عند اختي اتصلت ربيعتي وقالت انها يايه تحت قلتلها انا احين في الشقة فوق وبنزللج تحت بعد شوي ترييني ف الاستقبال

ولما ركبنا المصعد ضغطت أنا على G وقلت حق خالتي خلاص محد يشوفنا وفتح علينا المصعد عن الرياييل
:imua4:

وتمينا انا وخالتي نضغط 1 وعقب نضغط G وتم المصعد يفتح ويسكر عند الرياييل خخخخخ

وعقب خالتي ضغطت الزر اللي تحت G ما مكتوب فيه شي وقالتلي يمكن هذا هو الزر ويت نشوف وين بيفتح هع

وعقب فتح عند قاعة الحريم >> أنا ضبطلي المصعد ريل اختي عبالي ضغط G هع

وهاي الحركة صارت وياي عند خالتي الثانية ف عرس اختي الكبيرة وتكرر نفس الموقف عند خالتي الثانية هع

وهيك صارن وايد اشياء في العرس هع

وحتى وحدة من ربعاتي يات وما شفتها ولا سلمت عليها وقلتلها لو ييتي تسلمي علي قالتلي انتي شرات الذبابه رايحه راده هع ما تيلسي مكان واحد خخ

قلتلها لازم عرس اختي لازم نضبط الامور وجيه

والزفة أنا بروحي مسوتنها على اسم اختي هي الاغنية الاصلية مدتها 3 دقايق وحطيتلها اشياء ودمجتها وضبطتها وخليتها مدة الزفة 12 دقيقة

وتمت اختي طول الوقت تحاتي الزفة اذا بتشتغل ولا لأ وكانت كله تسانلي عنها قلتلها وطمنتها انه الزفة تشتغل والامور كلها طيبه والحمدلله

الحمدلله مر العرس والامور كلها كانت طيبة

عقبال العزابيه :imua21:
 

حكاية حرف

¬°•| تَرْجَـِoـِةُ إحْـِωـِآسُ |•°¬
إنضم
22 مايو 2010
المشاركات
2,429
الإقامة
في قرية التوت
مرحبااااااا

دخووووووووول بعد غيااااب طوييييل عن المدونة :aza:

اليوم أنا مستاااااااانسة لاني شفت الاحم احم :eh_s(6):

بس كانت بتصير مصيبه عشان جيه شردت بسرررعه :29:

بس أهم شي شوفة الاحم احم ::25
 

حكاية حرف

¬°•| تَرْجَـِoـِةُ إحْـِωـِآسُ |•°¬
إنضم
22 مايو 2010
المشاركات
2,429
الإقامة
في قرية التوت
صباااح الورد :ax:

الصباح جنة من بعد ليل طويل انطوت به الاماني وبك اصبحنا يا كريم ~"
 

حكاية حرف

¬°•| تَرْجَـِoـِةُ إحْـِωـِآسُ |•°¬
إنضم
22 مايو 2010
المشاركات
2,429
الإقامة
في قرية التوت
صباااح الخير

ياخي هالايام مادري شو صاير فيني

ما عندي سالفة غير اناقر واهازب ث22 >> مالي بارض طوول اسمع كلمة من حد

ثلاث بنات ناقرتهن ف اسبوع واااحد طبعاً من غير أهل بيتنا الي يومياً اهازبهم

ما اعرف شبلاني صايرة عود كبريت ع قولتهم هع

مع إني طيبة وااايد والله :biggrin:

وعند البنات الشطورات اكون عسل فديتني >> أقولكم طيوبه تراني ::108

الله يهديني ويهديهم بعد وياي لانهم كله يطفرووبي
 

حكاية حرف

¬°•| تَرْجَـِoـِةُ إحْـِωـِآسُ |•°¬
إنضم
22 مايو 2010
المشاركات
2,429
الإقامة
في قرية التوت
هههههههههه ادريبج ام العنااد انتي وأبوه ..
ياحبج حق المناقر ههه ::s27::
تحيد أول كيف كنا كل يوم نتضارب كنتي ترفعين الضغط وربي ..
زين احينه هدت النفوس وطابت :cupidarrow:


" قالت كنت قالت هع // لين أحين ارفع الضغط بس عند غيرج خخخخ "
 

حكاية حرف

¬°•| تَرْجَـِoـِةُ إحْـِωـِآسُ |•°¬
إنضم
22 مايو 2010
المشاركات
2,429
الإقامة
في قرية التوت
مساء الخير

تعرفون وت ؟؟

أنا صايرة انسانه مالها بارض حق شي

أدخل المنتدى وافتح مواضيع واسكرهن واسجل خروج من المنتدى

أفتح الواتساب اشوف الجروبات شو يقولون عقب امسح المحادثات واسكر الواتس

يوم حد يطرشلي مسج ع الواتس افتحه واذا شفت برودكاست طويل اسكره بدون لا اقراه وبعد كم يوم اسويله حذف

مالي خاطر اسولف ف الجروب
ومالي خاطر اكتب شي ف المنتدى

يوم اكون في البيت امسك مجله اقلب صفحاتها اقرا العناوين بس واسكرها
وإذا قريب موضوع بقراه بدون خاطر ومرات ما اقراه كامل واسكر المجله وافرها

اروح الدوام وارجع من الدوام وايلس في الغرفه وانسدح بروحي

حتى صار مالي خاطر آكل وأكلي قل مب شرات قبل

حتى الرقاد ما اييني بسهوله اتم اتقلب في الفراش بالساعات عقب اغفا

واغلب الاحيان يوم ارقد اييني ياثوم واتم اصارخ فليل واختنق

شو هالحالة ؟؟؟

شو الحل ؟؟
 
التعديل الأخير:

حكاية حرف

¬°•| تَرْجَـِoـِةُ إحْـِωـِآسُ |•°¬
إنضم
22 مايو 2010
المشاركات
2,429
الإقامة
في قرية التوت
احبش والذي سواش في قلبي بساط اخضر
احبش والدهر رباش يفتح باب ويسكر

احبش يوم انا القاش فوقش مفرق وشمبر
ويوم يغرد الخرخاش في رجلش ويتكركر

احبش والله ياجلاش يازبده وياسكر
حياتي لو بغيتي بلاش خذيها واطلبي اكثر

لاجلش دمعتي سبلاش حبي كستر وكندر
ااكدلش فوادي عاش على ذكراش وتعمر

وحبش في الحشا مرتاش ويسكن جنبي الايسر
تعرفي ؟؟؟ كل فكري طاش وعن لقياش مايقدر

جعلتش فوادي فراش لحافه العود والعنبر
وعيني دوم تترجاش كانش في الهوى دختر

عسى الله مايجيب كلاش ويبقى حبنا اكثر
يصير البيت دونش كاش اذا قفيتي يتكدر

سرقتها من مدونة ود هع هع :ijhu:

مطرشتلي اياها ربيعتي مره وتميت اضحك هههههه

 

حكاية حرف

¬°•| تَرْجَـِoـِةُ إحْـِωـِآسُ |•°¬
إنضم
22 مايو 2010
المشاركات
2,429
الإقامة
في قرية التوت
ربيعتي ربيعتها توفت قبل يومين الله يرحمها

وكل ما ترمسني في الواتس احاول اصبرها واصيح وياها بس هي ما تعرف اني اصيح

ذكرتني بربيعتي اللي توفت قبل سنة الله يرحمها

صح انه مرت سنة على وفاتها بس لين اليوم ودموعي ما جفن على فرقاها

رغم اني تواصلت وياها ست شهور بس

ولا مرة شفتها - ولا مرة سمعت صوتها

بس مادري ليش فراقها أثر فيني واايد

حتى أيام ما كنت متواصلة وياها كنت أتخيل شكلها وتصرفاتها

كنت أحس إني وياها ف نفس البيت واشوفها وهي تشاغب

الله يرحمها ان شاء الله ويسكنها فسيح جناته
 

حكاية حرف

¬°•| تَرْجَـِoـِةُ إحْـِωـِآسُ |•°¬
إنضم
22 مايو 2010
المشاركات
2,429
الإقامة
في قرية التوت
فوني اخترب مدري شو ياها

كل ما افتحة يبند علي

وديته محل امس وقال بيسويله برمجة وسواله بس نفس الشي ما تصلح

وعقب عطيته أخوي وقلتله اتصرف فيه

يعني أحين أنا رديت على فوني النوكيا >> ماااال أووووول

يعني انا احين بدون واتس اب قاعدة :crazy:
 

حكاية حرف

¬°•| تَرْجَـِoـِةُ إحْـِωـِآسُ |•°¬
إنضم
22 مايو 2010
المشاركات
2,429
الإقامة
في قرية التوت
تعرفون احين صار فيني همة ونشااااط

من امس وانا احس انه فيه شي تغير ورجع حماسي القبلي

بس حالياً ماشي كتابات حصريه ف بالي

نكتفي بالمنقول

شكراً للي كان السبب بعودة كشكوشه ::60
 

حكاية حرف

¬°•| تَرْجَـِoـِةُ إحْـِωـِآسُ |•°¬
إنضم
22 مايو 2010
المشاركات
2,429
الإقامة
في قرية التوت
اليوم نزلت 9 مواضيع في قسم اخبار التقنيات red-crab12

ردت كشكووووووشه النشيطه ففق22
 

حكاية حرف

¬°•| تَرْجَـِoـِةُ إحْـِωـِآسُ |•°¬
إنضم
22 مايو 2010
المشاركات
2,429
الإقامة
في قرية التوت
تعرفون أنه سنه ونص تقريبا نزلت فيها موضوع واحد بس هع >> كنت كسوووووووله

واحين ف يوم واحد نزلت 9 مواضيع >> ما شاء الله علي :29:

شفتوا الفرق الخطيييييييير ؟؟ قق12
 

حكاية حرف

¬°•| تَرْجَـِoـِةُ إحْـِωـِآسُ |•°¬
إنضم
22 مايو 2010
المشاركات
2,429
الإقامة
في قرية التوت
فوني الجلكسي صلحوه وخربوا شي ثاني فيه ::s1::

عطيته اخوي قلتله شو هااه خربوه حقي وفيه خشعة تحت شوفها

قاللي لا تيلسي تسويلي شرات الشيوبه هع هع

قلتله صدق شوف هااا

قال انزين بوديه حقهم

وامس قلتله وين فوني ؟؟

قال اووو وانا اقول شو ناسي هع

حضرته فارنه في الكبت من اسبوع ومخلني ع النوكيا الكحيان استعمل هع

قال ما تبيه باخذلج جلكسي جيه شكله حلوو برايه فونج

وعاد بشوف آخرتها عند اخوي العزيز

بس تعرفون مرتاحة من الصدعة بدون واتساب هع
 

حكاية حرف

¬°•| تَرْجَـِoـِةُ إحْـِωـِآسُ |•°¬
إنضم
22 مايو 2010
المشاركات
2,429
الإقامة
في قرية التوت
ياخي هالياثوم طفربي

دوم في الحلم تطلعلي ينيه وانش اصارخ

مادري شو مشكلتها هالينيه ما تخليني ارقد ::s1::
 

حكاية حرف

¬°•| تَرْجَـِoـِةُ إحْـِωـِآسُ |•°¬
إنضم
22 مايو 2010
المشاركات
2,429
الإقامة
في قرية التوت
أحين أنا اريد اشتري سيارة

واريد اركب تقويم حق اسناني

واريد اشتري فون يديد

والاهم من هاااه كله اني اريد اصبغ واشتري اثاث حق غرفة نومي اليديدة

واريد اشتري اغراض حق العيد

هل من مليونير يقرأ معاناتي ويتبرع لي ؟؟؟

احتاج جمع تبرعااات بصراحة هع

اذا حطيت صندوق تبرعات في المنتدى بتتبرعولي ؟؟ onion head4
 

حكاية حرف

¬°•| تَرْجَـِoـِةُ إحْـِωـِآسُ |•°¬
إنضم
22 مايو 2010
المشاركات
2,429
الإقامة
في قرية التوت
فيه زاائر مجهووول ف مدونتي صثب

فيني فضول اعرف منو هو هالزائر :icon_smile_big:

فضوليه لااه هع :biggrin:
 

حكاية حرف

¬°•| تَرْجَـِoـِةُ إحْـِωـِآسُ |•°¬
إنضم
22 مايو 2010
المشاركات
2,429
الإقامة
في قرية التوت
1) صِف لَنآ شَخصيّتُكـ عِندَمآ كُنت طفلًا ..

احم .. كنت مشاغبة وعنيدة وهادية وخجولة وحركية .. لين احين اناقز هع

2) هَل كُنتَ طِفلًا مُدَللًا ؟!

لا طبعاً .. بكف يدلعوني هع

3) اذكر لَنآ بعض الْكَلمآت التي كُنت تُرددهآ في طفولَتك مَع مَعَآنيهآ ؟!

كنت أقول خير ياطير في الطيارة هع .. هذا يوم ربعاتي يزقرني اطلع برا عندهن

واقول خلصت السالفة والعيوز ما طاعت تحلف .. هم يقولون هاي السالفة وعيوز حالفة بس انا احرف الجمل دوم واقول العيوز ما طاعت تحلف ههههه

وايد ألفاظ ووايد جمل كنت اقول

4) مَآ هو حلم طفولَتكـ ؟! هَل حققتَه ؟!

كنت احلم اصير شرطية .. للأسف لا لاني يابسه ما يبوني في الشرطه هع

5 ) صِف لَنآ مَوقِفُك في أول يَومـ دخولكـ للمَدرَسة ..

بصراحة كان يوم عادي ما صحت ولا شي حتى البنت اللي كانت عدالي تعرفت علي من اول يوم هع .. كانت بنت شطورة نفسي ما تصيح خخ

6) بِمَن كُنتَ تَقتَدي ؟!

محد وما اسمع كلام حد اللي في راسي اسويه بروحي هع

7) حَدثنا عن مَوقف رَسخ في ذهنكـ منذُ الطفولَة و لَمـ تَنسه ..

والله وايد مواقف ما انساها ضرابات ومشاكل ومشاغبات هع

بخبركم مرة كنت اشاغب وخالي يقولي يلسي لا تشاغبي بس انا ما سمعت الكلام وف الاخير مشيت ورا ظهره وطيحته في الزراعة هع وضربني خخ

8 ) أصدِقَآء الطفولَة .. هَل بَقيتَ معَهُمـ حَتى اليَوم أم بآعَدَتكُم الأقدآر ؟!

امم البعض باعدتهم الاقدار بس فيه بنت بعدها وياي لين اليوم اسميها بنت حارتي هع


9) مَآ هو أسم دَلَعكـ أو لَقبك أيَآم الطفولَة ..

مينوو فلفل .. أمونة المزيونه .. أولاد جيرانا يسموني ديانا حداد هع

10 ) أي كَرتُون كُنتَ تَحرص عَلى مُتآبَعته بإستمرآر ؟!

المحقق كونان .. قرية التوت .. اساسا لين ثاني ثانوي وانا اتابع رسومات هع

11) حَدِثنَآ عَن أكبَر مُغآمَرة قُمت بِهآ في طفولتك ..

والله مغامرات وااايد

كانوا فاتحين شي كانوا يسموه سفينة المرح فيها ألعاب وبعيدة شوي عن بيتنا واخوي دايماً كان يروحها واهلي ما يعيبهم انه يروح
ومره يات عندنا حرمة وعطتني فلوس امي شلتهم وقالت بتعطيني ربيه بس لازم اول شي احلف اني ما اروح سفينة المرح وحلفت وخذيت الربيه

وانا طالعة رايحة الدكان قص علي الشيطان ورحت سفينة المرح بروحي هع
وعقب المغرب رحت الحديقة اللي عدال بيتنا عند ولد عمتي كان اكبر مني ولعبت عندة شوي

وعقب سألني قالي انتي خبرتي امج وين سايرة ؟؟

قلتله لا ما خبرتها

قالي ردي البيت اكيد امج تدورج .. ويوم رديت البيت حصلتهم كلهم يدوروني وامي عصبت علي والحاله هع

وسفينة المرح اساسا كلها اولاد عدا انا بنت خخخخ

12 ) مَن هو أكثَر شَخص وَقَع في شر أذيتك ؟!

محد اشاغب بس ما أأذي حد .. مسالمة يحليلي خخخ

13 ) هل كُنت طِفل إجتمَآعي أم إنطوَآئي ؟!

انطوائي واجتماعي ع حسب المزاج بس يوم ازعل وجيه دوم اتم بروحي وارمس عمري وكان عندي خيال اسمه سامية هع ايلس اسولف وياها

14 ) مَآ هي لُعبَتكـ المُفَضلَة ؟! و هَل ما زلت تَحتَفظ بِهآ ؟!

كنت أحب المسدسات :ar15firing: والسيارات هع كنت ولد خخ

للاسف فروا اغراضي كلهن بس عندي سيارة صغيرة عطتني اياها ربيعتي يوم كنت صف اول ولين احين عندي السيارة .. يعني تقريبا من 17 سنة

15 ) هَل مَررت بِصعوبَآت خلآل فَترة طفولتك ؟!
اممم يمكن

حبيت طفولتي هع
 
أعلى