على مر السنين ابقى وفي قلبي كتاباتي **أنا ألحين أبي أشكي ومهما تكون حالاتي

الموضوع في ',, البُريمِي لـ/ يوميات الأعضاء' بواسطة ريحانة الصبى, بتاريخ ‏14 أوت 2011.

  1. ريحانة الصبى

    ريحانة الصبى ¬°•| عضــو مــهــم|•°¬

    مدونتي جاهزه وأنا جاهزه وألحين ببدأ بالمدفع افتتاحيه



    [​IMG]


    في البدايه أعرف مدونتي علي خخخخخ المهم

    الاسم: ريحانة الصبى
    تاريخ الميلاد:25 يناير
    الهواية:الرسم والمطالعه والتصميم --لو أني مافالحه فيه
    عملي:طالبه جامعيه
    طموحي: كبير وعالي
    طبعي:مزاجيه

    [​IMG]

    ونبدأ على بركة الله​
     
  2. ريحانة الصبى

    ريحانة الصبى ¬°•| عضــو مــهــم|•°¬

    اليوم

    الساعه 1:25 مساءا

    بتاريخ:14-8-2011

    مدونتي العزيزه ماأعرف ليش اليوم حر كثير
    وبموت من العطش ومن عجزي ماقادره أروح أشرب
    ملزجه عيوني باللابتوب ​


    بصراحه اليوم زحمه كثير بالبيت وفيه لكثير من المشاجرات
    أوب أسمع سياره داشه البيت أظن أخوي وصل عسى جايب معاه
    بيبسي
    المهم اليوم كنت الصباح متضايجه كثير ولحد العصر
    نضارب أنا وأختي ياخي تنرفزني كلما أطرشها تخلي عمرها كبيره
    وماتطيع تروح تجيب شئ وشمرت عن سواعدي وصرنا نتنازع ماسكتنا
    لحد ماوصل أبوي من الدوام ولما وصل كأنه ماصاير شئ بيننا ونضحك
    ونسولف مع بعض بسببها ضاعت اليوم الطبخه


    يومي بالليل يعني ألحين جالسه ومرتاحه ع اللابتوب
    ومشغله المكيف جات أمي وصكته وطفست م الحر وليش أونه مشغل مكيفين مصرف أه يالقهر بموت حر وأمي عندها ممنوع تشغيل أكثر
    من مكيف واحد وما أريد أروح هناك لأنه ازعاج وصغيرين وأنا أحب الهدوء​


    وأخيرا بعد الغرق بالحراره جاء أخوي يفتح النت وجالس يرغي يحسب نفسه شاطر بالميدان وكله تخريف- أحسلك تنطب
    الغرفه أنا سابقه لها اذا تريد تجي تسكت وتشوف المهم سكت بس شغل
    ميدان بالنت-أخ أذيتنا طلع برع-شو عندك سكتنا ألحين أرتحت وجلست أكمل شغلي


    مدونتي العزيزه اليوم خلص وألحين بروح أتسحر مجيوب مالمطعم أونه
     
    آخر تعديل: ‏14 أوت 2011
  3. مبرووووك على الافتتاح ريحانة الصبى
     
  4. نفسي عافت الدنيا

    نفسي عافت الدنيا ¬°•| عضو مبتدى |•°¬

    مبروووووووووووووووووووووووك افتتاح المونه
    متابعه لج
     
  5. ريحانة الصبى

    ريحانة الصبى ¬°•| عضــو مــهــم|•°¬

    اليوم بتاريخ 15-8
    يوم الأحد
    الساعه 12:19 مساءا


    مدونتي العزيزه أول شئ أحب أقول الله يبارك فيك القلب الولهان ومرورك أسعدني حضرته ياي يزورني بالمدونه وتبعته نفسي عافت الدنيا ويبارك فيك
    يالغاليه تشكراتي لك ع المتابعه أتمنى تكون مدونتي خفيفه على قلوبكم


    يحليلهم يزورون على كثرة أشغالهم

    اليوم يوم عادي وهادي هدوء البحر
    نشيت الظهر وقمت أصلي ورجعت
    أنام ويلي يشوفني بالصلاه يقول خلاص بتنسدح عليها
    ولما رجعت أنام ماأسمع الا أمي مسويه اعلانات
    ومكبرات صوت علشان تسمعني الأكلات يلي
    لازم أطبخهن اليوم علشان حضرة الوالد مشتهنهن
    تقول سفرة الملك مب فطور:182fd25f9b06446ba41​


    بالليل قرروا الأهل يروحوا يزوروا خواتي ولزقت معهم:81:
    ولما رحت أصلي العشاء طاروا ع غفله :lll-_-: أهي أهي
    شردوا عني المره الثانيه بيحصلوني بالسياره قبلهم​


    وهذه أنا ألف وأدور بالمنتدى أشم ريحة سمك مقلي الظاهر الوالده تتفنن بالمطبخ وأكيد السلطه علي بعدين أسويها

    تذكرت اليوم أكلت عنب مال فرطه ماخليت شئ وجلست نص ساعه وريحت
    العنب أشمها بكل مكان لاعت كبدي خخخخخخ ​


    وألحين مدونتي العزيزه أخليك وأروح ألف يمين يسار على بريدي
    وأشيك على أخبار المنتدى يلا:break:
     
  6. ريحانة الصبى

    ريحانة الصبى ¬°•| عضــو مــهــم|•°¬

    اليوم
    الساعه 12:23 صباحا
    بتاريخ 16-8


    مدونتي العزيزه اليوم يوم عجيب ويوم مملؤ بالذكريات

    العصر دشينا المطبخ متأخرين نسوي الفطور وجالسين نبدع بطبخاتنا
    كل شئ تمام لكن فجأة الطبخه مالتي عكرت مزاجي كلهن صح الا العجينه
    صراحه من سويت الكرواسون والبيتزا ومدحوهن صارت كل العجائن تضيع
    علي عين ماصلت ع النبي تقول العجينه يلي مسويتها اليوم طابوقه
    مب عجينه وأمي تتنازع علي تقول أنتي تلعبي مو تطبخي :blahblah1: وعطتني كم شوط نزايع


    وبعدها بدت تخبرنا بذكرياتها زمان أول صراحه ذكريات مؤلمه
    حزن وجلسنا لحد المغرب تحكي لنا زمانها وحكاياتها ونحن نطبخ
    وبعد الفطور مر ببالي ذكرياتي السابقه لما كنت أطمح أكون معلمه
    وأتخيل نفسي ياسلام وايد مصدقه عمري أخرتها طلعت حاسوب وعلته
    وأنا أتمنى تعليم الأحياء كل شئ وحظه بالدنيا ماعليه


    بالليل صارت القرنقشوه والجو حلو مره والقنابل والفتاك عدال بيتنا
    تقول عيد الأضحى مب قرنقشوه وصراخ اليهال معبي الحاره قرنقشوه
    يوناس عطونا شوية حلوى دوس دوس ع المندوس حاره حاره بالسحاره
    والأولاد جيش والبنات جيش صراحه أجواء حلوه وأول مره تستوي القرنقشوه
    معنا


    أخيرا جلست ع المنتدى أمشي يمين شمال وأحاوط من قسم لقسم
    وأطيح حرتي بقسم الشكاوي ومن خلصت أروح أشوف مواضيعي
    حسيت بلحظه بأن المنتدى فيه الأعضاء يميزون ويفضلون يمكن
    مواضيعي ماتعجبهم أو مادري شو بس أنا أعرف باني أتعب بكتابة المواضيع
    وترتيبها وتنسيقها لكن الردود يلي أحصلهم يادوب توصل 5 الحمدلله والشكر
    يمكن مواضيعي ماتستحق التقييم لكن في ناس مقيمين وعلى
    مواضيع ماتستاهل مايهمني التقييم يهمني الردود ومشاركة الأخرين
    لمواضيعي بس مانقدر نجبر أحد والمهم الأمل موجود يمكن يجي يوم
    أحصل الكثير من الردود في موضوعي من يعلم


    تذكرت اليوم دهن العود عطتني كم نصيحه:blahblah1: بل بل بل
    شوي وحسيت عمري مسويه غلط بالمنتدى عثريته كنت راده على
    موضوع دبلوماسي المحافظه وهو مار عليه 24 ساعه حسب القانون
    ممنوع رفع مواضيع الأخبار بعد 24 ساعه والله ماعندي خبر هونها وتهون:65:
    شوي شوي علينا:364370309157ae42e12


    ويلا مدونتي العزيزه أحصلك باكر ويوم جديد ورانا ربي يفتحه بالخير
     
  7. ريحانة الصبى

    ريحانة الصبى ¬°•| عضــو مــهــم|•°¬

    اليوم
    بتاريخ 16-8
    الساعه 11:51 مساءا


    مدونتي العزيزه اليوم يوم تخريف في الصباح حضرة الوالد ضاربات فيوزاته
    وجاعد يسوي رسائل حق برنامج طارق وهيونه مابقى رصيد راحن عليه
    5 ريال رصيد وعلى شو سؤال وجواب وياليته اشترك يقسو عليهم ومن خلص
    الرصيد ضرب الفيوز على شئ ثاني ويقول شو رايكم نشترك ببرنامج
    أماسي اذا طارق وهيونه مانفع نجرب أماسي ولا هامه الرجال فاضي:333:
     
  8. ريحانة الصبى

    ريحانة الصبى ¬°•| عضــو مــهــم|•°¬

    بالظهر فيوزات الوالد الله يحفظه ضربن على شئ ثاني أونه يريد يتعلم على اللابتوب ويجرب يستخدمه ويدخل يجرب النت لاه أكيد الفيوزات ضاربات المشكله ماأقدر أعطيه يستخدم لابتوبي لأن الوالد يروح يمين يسار
    ويفتح كل شئ لو جلس م الظهر لليل ع اللاب عادي ماعنده مشكله وطبعا لابي مشحن بقصص وروايات وأفلام وصور رومنسيه والحب:imuae15::imuae15: وحضرة الوالدمايعجبه هاي الأشياء:a033: فخليته يأخذ راحته ع لاب أخوي كله مشحن
    حوادث وميدان ومزامط وسيارات أكيد نفسه بتفتح أكثر :eh_s(6):

    أخيرا بالليل أخوي الصغيرون صدعني يريد ملابس أبوي من فوق الحبل
    علشان الوالد يروح الدوام كلما أقوله انزين يايه يقول قومي الحبل ملصق
    فيه ثياب أبوي بالشباصه هههههههه قصده يلي بالصوره

    [​IMG]

    المهم عطيته وهذا يومي خلص

    أخيرا مدونتي العزيزه أخليك وأرجعلك بكره
    لأروي بقية قصص حياتي:Frshah1:
     
  9. ريحانة الصبى

    ريحانة الصبى ¬°•| عضــو مــهــم|•°¬

    اليوم
    بتاريخ 18-8
    الساعه 1:39 صباحا


    مدونتي العزيزه اليوم يوم متعب وحزين حسيت بالضيق
    تمنيت لو كان عندي سياره وليسن وأطلع أريح نفسي
    وأتمشى شوي
    [​IMG]


    . البيت فيه صكه وضيق بلحظه حسيت نفسي
    بختنق الرايح والجاي أهاوشه لو تكلم معي بكلمه--- محد قالهم يكلموني

    بالعصر أخوي يلي عمره 4 سنوات جالس يلعب بمكينة
    الخياطه وطاحت الابره على اصبعه دشت منا وطلعت مناك
    يستاهل محد قاله يلعب---شوف القسوه الرحمه معدومه

    وطبعا الحريم معروفات صار أكشن بالبيت من صراخ
    وارتجافات وبكي :bal::bal::bal: ع بالي انقطعت
    ايده من صراخ الوالده وخواني وخواتي الله يهديهم
    ويوم رحت أركض وروحوا طالعه برع وردت خخخخخ
    حصلت الابره داشه بيده خرعوني بس هم عندهم وايد
    أنا عندي شئ عادي وبسيط أكيد تعور:027:

    أخيرا بالليل جلست أبحث عن معلومات للتعلم على
    الفوتشوب وصراحه مواضيع تجنن وجلست أنقلها
    حقي وحق المنتدى وهي موجوده في قسم التصميم
    الجرافيكي حسيت روحي بتطلع بعد مانقلت كم درس
    وجاتني حمى وأعصابي حالتهم سيئه الناس كل يوم
    ينزلوا درس أنا جلست أنزل ولا 5 أكثر:azz::azz:


    بصراحه اليوم تعبت كثير وأتمنى لو كانوا الأعضاء
    يحسوا بالتعب --- لو يقيموني بدروس الفوتشوب
    لأني شمرت عن سواعدي وقدمت كل جهدي
    حتى المرض:aza::50399aa2a5b1e0dda15

    ألحين مدونتي العزيزه أخليك وأحصلك بيوم ثاني
    :0962b59e9642d670ff5

    وألحين بروح أنام بعد التعب والارهاق والضيق والشعور
    بصكة البيت منتظرة يوما مشرقا وجديد في حياتي

    [​IMG]
     
  10. ريحانة الصبى

    ريحانة الصبى ¬°•| عضــو مــهــم|•°¬

    [​IMG]
     
  11. عيـوز ستآآيل

    عيـوز ستآآيل ¬°•| عضو مثالي |•°¬

    سوالفج عفويه وغآآويه:laugh:

    وآآصلـﮯ ومتآآبعين لج ~
     
  12. ريحانة الصبى

    ريحانة الصبى ¬°•| عضــو مــهــم|•°¬

    مدونتي العزيزه حصلت عيوز ستايل داشه معانا
    يامرحبابك وزود تو مانورت المونه وتسلمين ع التعبير
    المشجع


    توني قايله بروح أنام ولا سرت :icon_smile_big:بس شوي لفيت على كم مدونه
    مال كم عضو عجبتني


    لكن ألحين صدق بروح أنام خلاص بغلق
     
  13. هتوف

    هتوف ¬°•| عضو مبتدى |•°¬

    احم احم

    والله عليش حركات يالدبة

    بصراحة مدونة خطيرة

    مشكورة ع الذوق الرفيع لاختيارك ارقى المواضيع
     
  14. ريحانة الصبى

    ريحانة الصبى ¬°•| عضــو مــهــم|•°¬

    اليوم
    الساعه 11:39
    بتاريخ 18-8

    مدونتي العزيزه اليوم يوم بسيط ومملؤ بالشوق
    بصراحه اشتقت أيام الكليه وأتمنى لو تجي اليوم
    قبل العيد بس ماباليد حيله خلنا ننتظر

    طبعا ألحين معصبه لاني مسجله دخول بالمنتدى وجلست أكتب
    مدونتي كانت مدونه جميله ومنسقه ولما سويت أضف الرد
    واعتمد المشاركه قالولي أنت لم تسجل دخولك وضاع التعب كله
    الحين معصبه وراسي منفجر ابي أحطم اللاب ورجعت أكتب مدونه
    جديده أوب راسي ماجدر:007::61:

    طبعا اليوم مافي شئ مميز الا هتوف الغاليه يلي داشه مدونتي
    ياهلا بيج دوم هنيه ومرحبات الله فيك هذي ربيعتي الروح بالروح
    قبل شوي نسولف ع المسنجر طرررر تطنيز وضحك وجديه
    يالدوبه يات هنيه تشوف مدونتي أونه وش مسويه فيها
    والله تسلمين هتوفي الغاليه أعز صديقه عندي بالسكن ماانزل
    البلد الا اذا نزلت ولا أجلس بالسكن بدونها غربلات الله بليسها
    مادري وش مالسحر ملزجه فيني هههههه وبالسوق ياحلاته
    وياها السوق يزهي حبوبه حيل وبالدنيا عندي كلها

    تذكرت لما مره من المرات راحت بلادها نزلت وانا ماجدرت
    وراي اجزام وبالصبح يوم الخميس من صباح الله خير صياح
    وبكي وحاله حاله والبنات يتلاحقون ع بالهم حد ميت من الاهل
    ربي يحفظهم ويخليهم لي كان يسألوني علامك أقولهم ربيعتي
    محد راحت بلادهم ههههههههههههه كل البنات يشوفني
    ويقولن بتيي باكر وش فيك عيل هاي لو خلصت وش بتسوي
    عاد هي باقي لها سنه وانا جدامي سنتين كان أزيد بكي ودموعي
    أربع أربع هههههه

    [​IMG]

    ربي لا يفرقنا عن بعض

    اليوم دجيت على عنواني ديني يحليلها اطفرت مني بالمسنجر
    قلتلها تعالي برمسك بالمسنجر ضروري كان تيي طيران
    ومن هناك مسويتلها طاف ويالسه أرمس هتوف وهي تدج
    وتنادي وليس من مجيب ولما شبعت من الرمسه وي هتوف
    رحت اشوف عنواني ديني ولا حصلتها اطفرت ههههههههه
    يحليلها كسرت خاطري مطنشتها ومسويتلي لما تشبعي
    من الرمسه سويلي رنتين ويايتك ماتتوب خخخخخخخخخ:91:

    وألحين مدونتي العزيزه أخليك واييك مره ثانيه بالرمسات
     
  15. ريحانة الصبى

    ريحانة الصبى ¬°•| عضــو مــهــم|•°¬

    هذي أنا أبكي أريد ربيعتي هههههه

    [​IMG]

    [​IMG]

    ههههههههههههههه
     
  16. هتوف

    هتوف ¬°•| عضو مبتدى |•°¬

    فديتش واللة يالغلا

    تسلمي والله ما تقصري

    وانا بعد نزلت دمعتي

    مشتاقتلش حيل
     
  17. قبس من نور

    قبس من نور ¬°•| عضو مبتدى |•°¬

    مبروك افتتاح المدونه ورمساتك عفويه
    وحلوه كثيره واصلي ومتابعين لك
     
  18. ريحانة الصبى

    ريحانة الصبى ¬°•| عضــو مــهــم|•°¬

    مدونتي العزيزه
    تغيرت كثير أشياء
    تركت كتابة التواريخ
    تركت كتابة الأيام
    تركت كتابة الساعات

    كل شئ تغير والأيام تمضي احيانا موجوده وأحيانا لا
    بس الحياه لا تنتظرنا مهما حاولنا كتابة الذكريات لا بد
    أن يأتي يوم لن تستطيع فيه الكتابه لذا سنبدأ بكتابة أيامنا
    ومقتطفات حياتنا بدون مواعيد ولا حسابات

    خلال الأيام الماضيه مرت أيام صعيبه
    في يوم مرضت حسيت نفسي حالتي صعبه
    ماقدرت أجلس البيت ع العياده مررررررررررره
    ومر هاليوم الصعب جطيعه

    وفي يوم من الأيام أعز صديقاتي كنت أرمسها بالمسنجر
    وع أساس الصداقه تبنى بالثقه فأنا واثقه بصديقتي أفكورس
    بس من خلال ماصار معنا من رمسات أكتشفت أن أعز صديقه
    ماتوثق فيني أنجرحت مشاعري وحسيت بضيق

    [​IMG]

    [​IMG]


    الحياه صعبه وضيقه عليك لما تكتشف بأن أعز أصحابك
    ماعاد يوثق فيك

    أنا خبله وغبيه وثقت بأحد ماتأكدت بصداقته
    هذه لقطات من حياتي

    وألحين أخليك مدونتي العزيزه
     
  19. ريحانة الصبى

    ريحانة الصبى ¬°•| عضــو مــهــم|•°¬

    مدونتي العزيزه
    اليوم جالسه ومرتاحه ع اللاب ويجي أخوي مستمدح
    وشال معاه مكنسه كهربائيه وجالس يشاوح فيها
    وأنا أقوله حاسب حاسب ماعرف شو مبطرنه مالت

    كان تجي المكنسه بعيني وااااااااااااااااي والله اليوم أدبك
    والله اليوم بتموت والله اذا ماعجنتك عجان وأخبزك خبز
    ويطير أخوي ركض ميت خوف وأنا أركض وراه لين الصاله
    وعاد وقفت اذا جيت اليوم البيت بتحصل عمرك ميت خخخخ
    يستاهل:mad:

    بس رجع وماسويتله شئ لأنه رجع بعد 3 ساعات عاد أنا
    خلاص راحت الحره مني وبردت سامحته لو أنه يباله تأديب
    الحظ مانشلعت عيني عدال العين مره صايره بنفسجي مع أخضر

    [​IMG]

    وخلص اليوم ياجماعه
    سلامو مدونتي العزيزه
     
  20. ريحانة الصبى

    ريحانة الصبى ¬°•| عضــو مــهــم|•°¬

    يادنيا حر وعطش حمى ومسخنه يبى ياب ياب ياب ياب يباه كككككككككككككككككككه
    صراحه خرفنا

    اليوم أخوي مستمدح نرفزني وأعطيه كم سطار يخليه يمشي عدل
    أدب

    [​IMG]
     

مشاركة هذه الصفحة