(( ثــقــب أذن الــفــتــاة ))

الموضوع في ',, البُريمِي للتُراثِ والحَضارات ,,' بواسطة سعود الظاهري, بتاريخ ‏15 جويليه 2008.

  1. سعود الظاهري

    سعود الظاهري :: إداري سابق ومؤسس ::

    مرحبآآآ السآآآع..


    طبعا هالموضوع يتحدث عن عااده الكل يعرفها!!

    بس طريقة الطرح غاوية!!
    لعل من أبرز مظاهر الاحتفال بالمولودة الأنثى هو خرم أو ثقب أذنيها تعبيراً

    عن فرح الأم واهل البيت بها .. لأنها بنت .. والبنت سابقاً تعني المساعدة

    للأم في كل شيء .. وهي يدها اليمنى في البيت .. وفأل الخير .




    تقوم الأم بثقب أذني ابنتها لوضع الأقراط و ( الشغابات ) فيهما ..
    فهي أجمل ما يميز الطفلة الأنثى عن الذكر .. وخاصة وأن شعر الرأس يكون

    محلوقاً في الأسبوع الأول بعد الولادة .. حيث يصعب التفريق بين المولود

    الذكر والأنثى لدى من يزرن الام للمباركة .



    وسابقاً لم تكن هناك أدوات كهربائية خاصة بثقب الأذن .. كما هو عليه الحال

    الآن .. وانما كانت الأم مسؤولة عن القيام بكل العمليات المختلفة التي يمر

    بها طفلها في مراحل حياته كلها .



    وقد استخدمت في السابق الابرة والخيط ( الهدب ) والخيل والماء لاتمام عملية ثقب الأذن ..


    ينقع ( الخيل ) في الماء ليكون خليطاً

    متجانساً .. ثم ينقع الخيط في الخليط ليتشربه منعاً للالتهابات التي قد

    تصاحب عملية ثقب الأذن .. ثم يمرر الخيط في الأذن أو المكان المراد ثقبه

    بالابرة .. ويعقد الخيط بعد الاستغناء عن الابرة .. ويظل الخيط اسبوعاً مع

    تحريكه يومياً لمنع انسداد الثقب .. وتبليل يد الأم بالزيت الدافىء .. وبعد مرور
    الأسبوع ينزع الخيط ويوضع مكانه مباشرة الحلق أو ( الشغاب )
    الفضي أو الذهبي .. واذا شعرت الام بأن الثقب مازال قابلاً للالتحام تضع

    ( المسمار ) أي القرنفل .. مكان الخيط

    لمدة ( 5 ) أيام اضافيه .. وبعدها يكون الثقب

    قد تهيأ لوضع الشغاب فيه .



    منقول
     
  2. غازي

    غازي ¬°•| مصّور هآوي |•°¬

    الحمدالله هب بنت ولا راح تنثقب اذاني



    والله ونا قاعد اقرا الموضوع احس انه حد يبي يمسك اذني




    مشكور يخوي الظاهري على الموضوع


    تجبل مروري لووووووول
     
  3. بنت البريمي

    بنت البريمي ¬°•| استغفر الله |•°¬

    هههههههه .. تسلم اخوي الظاهري عادي ثقبونا وما نتذكر يوم كنا يهال ..


    الحمدلله ف زماني ما حطولي خيوط خخخخخخخ ...
     
  4. خافق احساس

    خافق احساس الفرَيق الإدِاري إداري

    أول وهله يا على بالي المسمار مال الخشب هع

    قلت يسونها قبل هع

    شكرا لك عالطرح الغاوي

    دمت عالطاعة

    !
     
  5. كيـِـآטּ

    كيـِـآטּ ¬°•| مشرفة سابقة|•°¬

    سلمت اناملك على الموضوع...... نترقب جديدك... فكن بخير
     
  6. قطوة البريمي

    قطوة البريمي ¬°•| مُشرِفَة سابقة |•°¬

    خيبه قبل عباله يوم يثقبون احسه تعب اكثر عن احينه

    اشكك ع المعلومات الظاهري
     
  7. شيخة المزايين

    شيخة المزايين ¬°•| مُشرفَة سابقة|•°¬

    تسلم يالظااهري الموضوع الكشخة
     
  8. (الكعبي)

    (الكعبي) ¬°•| مُِشْرٍفَ سابق|•°¬

    الحين يتم الثقب عن طريق مسدس
    صح يااااااااااااااابنااااااااااااااااااااااات

    مشكووور يالظاهري ع الموضوع الغااااااااااوي
     
  9. حشيمة القلب

    حشيمة القلب <font color="#DA0202"><b> ¬°•| إدارية سابقة |•°¬<

    صح يالكعبي شكلها شرات الدباسه اللي اذكرها

    من فتره طويييييييييييله ثقبوني مره ثانيه يعني صارن ثنتين اونه موضه خخخخخخخخخخخ

    وصحت صياح بس عاندت ومالبست الحلق عشان تسكر وسويتها والله والحين تميت ع الاوليه

    خخخخخخخخخ

    يسلموووو اخوي الظاهري ع طرحك الغاوي ويعطيك العافيه
     
  10. السَعيدي

    السَعيدي <font color="#ff0000">¬°•| إداري سابق|•°¬</span></

    احس يعورها يحليلها

    اما احين وايد ناس ودروها هالعاده


    مشكور اخوي على طرح الموضوع الغاوي
     

مشاركة هذه الصفحة