قصيده كتبها شاعر فبنت ما تستحي .. اخر زمن !!

الموضوع في ',, البُريمِي لـ القَصائد المنقولة' بواسطة ذابحهم شموخي, بتاريخ ‏8 أوت 2011.

  1. ذابحهم شموخي

    ذابحهم شموخي ¬°•| عضو مثالي |•°¬

    قصة بنت كانت تنآظر واحد بعين قويـّـه
    المهم الرجال طلع شاعر وما قصر فيها كم بيت عشان تتأدب لكن المفاجأه هي ؟؟ . ؟؟

    كل شبر بهالوسعيـه ملـك ربـي تعلميـن

    وأعلم إن اللي خلقني هو خلق لـك هالعيـون

    لكن انتي من جلستي وانتـي فينـي تحدقيـن

    كن ما به ناس غيري بهالكراسـي يجلسـون

    لو سمحتي عاد أسمعي وحتى لو ما تسمحيـن

    المهـم اللـي بقولـه تسمعينـه و يسمعـون

    ع الأقل ليا نظرتك سـوي روحـك تستحيـن

    غضي طرفك مثل غيرك خوف ربعي يلمحون

    الركادة عاد زينة والحياء فـي البنـت زيـن

    وفيـك جآزم لا ركـادة ولا حيـاءٍ يـذكـرون

    تعرفينـي ؟! أعرفـك ؟! ماأذكـر إنــا ملتقـيـن

    لا أعرفك من تكوني و لا تعرفي مـن أكـون

    وإطمأني إن كان قصدك بس فينـي تشبهيـن

    ما هـو أنـا إلي تعرفيـنه والبشـر يتشابهـون

    مـا دريتـي من التشابـه يخلـق الله أربعيـن

    وأعرف أربع يشبهنك بـس والله يستحـون

    وإن كان قصدك شي ثاني عاد قولي وش تبين

    خايف إنا نصير فرجة وإللي ماشتروا يتفرجـون

    وإذا ببالك عاجبتنـي لا يحوشـك تحلميـن

    صح ربعي من جمالك فيـك صـار يمدحـون

    بس وش لي في حلاتك دام فيهـا ترخصيـن

    حشمة البنـت وحياهـا والكرامـة يلفتـون

    ولو توفر فيك هـذا مـع حلاتـك تبشريـن

    ما هو أنا ألف غيري بـاب بيتـك يطرقـون

    وش علامك رغم كل اللي أقولـه وتسكتيـن

    مو طبيعي هالسكوت وهالبـرود وهالسكـون

    إنتـي خرسـا أسألـك ولا منتي تسمعيـن ؟؟

    قالوا ربعي ذي كفيفـة قلـت لا لا تمزحـون
    لين شفتك يوم رحتـي يمسكونـك باليديـن

    ما دريت إلا عيونـي أربـع أربـع يذرفـون

    آه ياني منه مشهـد يـوم شفتـك ترحليـن

    جيت اشوف عيون ربعي لقيت الكـل يدمعـون

    قلت سنّـة هالحيـاة وحـن ترانـا مؤمنيـن

    الله اللـي مسيّرنّـا بيـن كافـ وبيـن نــون

    وكل أبونا نختلف مع إننا مـن أصـل طيـن

    سبحان يلي مصورنا ولله في خلقـه شـؤون

    يعني حنا كل أبونـا عـاد إسمنـا بنادميـن

    وليا قضى ربك أمر وقـال لـه كـن فيكـون

    فينـا يلـي رازقه خيـر رب العالمـيـن

    وفينا يلي هو لعطفه بحاجة القلـب الحنـون

    وفينا يلي مـا شكـى مـن علـةٍ كالآخريـن

    صـمٌ و بكـمٌ و عمـيٌ فـهـم لا يفقـهـون

    بس قليل عـاد فينـا للنعـم هـم شاكريـن

    والله يرزق هالخلايق من حيث هم لا يعلمون

    وتدرين عاد يالكفيفة حنا ترا متشابهيـن

    وإن ماانعمت أبصارنا قلوبنا هـم إللي يعتمـون

    يالكفيفة يالعفيفـة إن قلـت آسـف تقبليـن ؟؟

    يغفر الله ذنوب عبده ليا خطا وهـل تغفـرون ؟؟ . ؟؟
     
    آخر تعديل: ‏8 أوت 2011
  2. عمر الشقا

    عمر الشقا ¬°•| عضو مبتدى |•°¬

    قصيده سنعه .. تسلم الايادي ع النقل الطيب..

    وفلا ما لازم نتسرع فالحكم عالناس ..

    موقف صعب لو كنت مجانه ..

    تقبلي مروري .. عمر الشقا ..
     
  3. ذابحهم شموخي

    ذابحهم شموخي ¬°•| عضو مثالي |•°¬

    تسلم اخي ع المرور الطيب ..

    وفالنهايه القصيده من اختياري لاه ..:0962b59e9642d670ff5:0962b59e9642d670ff5
     
  4. أدوس ما أنداس

    أدوس ما أنداس ¬°•| عضو مميز جدا |•°¬

    قصيده ماثره تسلمين خيتي ..

    الله يهدينا احيانا فعلا نتسرع فالحكم ع الناس وندفع الثمن غالي ..

    ابدعت نقل مميز ..
     
  5. بنت المقابيل

    بنت المقابيل ¬°•| مشرفة سابقة |•°¬

    أممممممممم القصيدة مكررة

    يسلمووووووووووووا
     
  6. الحراصي

    الحراصي ¬°•| فخر المنتدى |•°¬

    ههههههههههههه
    صح لسانه
    تستاهل اللي جاها
     
  7. ذابحهم شموخي

    ذابحهم شموخي ¬°•| عضو مثالي |•°¬




    يا اخي الطاهر انت ما فاهم السالفه .. هيه كانت تطالعه لانها عمياء ..

    وهو ندم واعتذر .. يعني تسرع فالحكم ..
     
  8. ذابحهم شموخي

    ذابحهم شموخي ¬°•| عضو مثالي |•°¬


    تسلمين ع الطله الحلوه ..
     
  9. ذابحهم شموخي

    ذابحهم شموخي ¬°•| عضو مثالي |•°¬




    ما ادري والله عجبتني ونقلتها ..

    سانكيو ع الطله ..والكارت الاحمر ..ههه
     
  10. وفيت بإحساسي

    وفيت بإحساسي ¬°•| عضو مثالي |•°¬

    قصيده حلوه

    تسلمين الغلا ع الطرح

    ربي يعطيج العافيه :imuae71:
     
  11. ذابحهم شموخي

    ذابحهم شموخي ¬°•| عضو مثالي |•°¬



    ربي يسلمج ..

    تسلمين ع الطله النايس
     
  12. فـيـ الـكـعـبـي ـصـل

    فـيـ الـكـعـبـي ـصـل ¬°•|شاعر الشلّة |•°¬

    صح الله لسان الشاعر .

    وربي يعطيج العافيه أختي ع النقل
     
  13. أمير

    أمير ¬°•| عضو مميز جدا |•°¬

    ربي يعطيك العافيه ع القصيده الرائعه

    تقبلي مروري
     
  14. ذابحهم شموخي

    ذابحهم شموخي ¬°•| عضو مثالي |•°¬



    وتسلم اخي ع المرور ..
     
  15. ذابحهم شموخي

    ذابحهم شموخي ¬°•| عضو مثالي |•°¬




    ثانكس خيو ع التواجد الطيب ..
     
  16. عسولة كيوت

    عسولة كيوت ¬°•| عضو مثالي |•°¬

    يسلمووو خيتو الغاليه بالتوفيج لج:243e747ad5d97ead8f1
     
  17. Queen Love

    Queen Love ✗ الفريق التطويري الأعلامي ✗

    قصيدة جدا ماثرة

    يسلمو ع النقل الطيب
     
  18. ذابحهم شموخي

    ذابحهم شموخي ¬°•| عضو مثالي |•°¬



    وتسلمي عسوله ع الطله النايس ..
     
  19. ذابحهم شموخي

    ذابحهم شموخي ¬°•| عضو مثالي |•°¬



    وتسلمين ع التواجد الحلو ..
     
  20. الهاجس

    الهاجس ¬°•| حكاية تميز |•°¬

    صحيح والله الواحد ما يتسرع فالحكم على غيره
    سبحان الله
    قصيدة فيها معاني طيبة

    ذابحهم شموخي

    تسلمي على الذوق الجميل
     

مشاركة هذه الصفحة