قصيدة حامد زيد

الموضوع في ',, البُريمِي لـ القَصائد المنقولة' بواسطة احاسيس الكون, بتاريخ ‏6 أوت 2011.

  1. احاسيس الكون

    احاسيس الكون ¬°•| عضو مثالي |•°¬


    السلام عليكم ...شحالكم شخباركم

    يبت لكم اليوم قصيدة حامد زيد
    oOoOصـح الـنـوم OoOo


    تعودنا على حمل الجمايل والزعل واللوم
    ولا نرفض عتب غالي ولا نزعل من جداله
    تمنينا نحوز اغلى مكانه في وجيه القوم
    ونعيش الخوه بوقت يضد رجاله .. رجاله
    تعلمنا من الدنيا وزدنا للعلوم علوم
    وسقنا للدروب قلوب رجليه وخياله
    وقفنا للزمن وقفة شجاعه والقروم قروم
    الين صار واحدنا بديل اقواله افعاله
    اليما انه خذا ياخذ مثل ما ياخذ المحروم
    واليما انه عطا يعطي ولو من لقمة عياله
    ولا بتنا ولو باتت رحايلنا بدون عزوم
    نساوم للفخر بأرضه ولو بأي من اشكاله
    ولا عفنا ولو شفنا على باب النهار سموم
    ولا خفنا ولو طفنا بمخراجه ومدخاله
    واذا شفنا العنب بأقسى عناقيد الشجر ملموم
    نهز غصون عنقوده واذا ما طاح نرقى له
    نصبر بعضنا بالجذب الابيض والهدف معدوم
    ونقول انا وصلنا له ولو انا ما وصلنا له
    وانا واحد من اصغرهم طموح وللطموح رسوم
    على وجهي مثل قولة بغى شي ولا ناله
    عطيت وما رضيت آخذ من سلوم البخيل سلوم
    ولا عمري رضيت اقعد على قلب العرب عاله
    ولا ارضى بالفخر فزعة جواسيس وكلام رخوم
    ولا عمري حنيت الوجه بعد المجد لحثاله
    غناي الله وانا رجلا عزيز مقدر محشوم
    قنوع بالقدر وان قلت فال الله ولا فاله
    بسيط يرمي حموله على متن الجبال هموم
    بوقت للأسف عيت تطيق همومه جباله
    بوقت نزل خشوم ورفع من رداه خشوم
    وخلا قيمة الرجال بين الناس برياله
    صحيت وقلت للنايم بعد ما قام صح النوم
    زمانك ما عطاك الا صور وحطام تمثاله
    سنين اطالع البارق واقول ان المطر محتوم
    وهو ما مد لي كفه وانا ما طلت هماله
    ارد اجذب على نفسي واقول ان النخل مفطوم
    وهو ما بالنخل عدق عطش ما ذاق شلاله
    وانا ما بي من البارق هماليل ومطر وغيوم
    ولو ذقت العطش بعيون برقيه ورحاله
    تعلمت الصبر من كنت طفلا بالمهد مزموم
    الين صرت رجلا لانتخو به طوح عقاله
    وانا ما احلف بعد عمر طويل بدفنة المرحوم
    اقول الله ولا غير الله الرحمن نلجا له
    ومثل ما بالمطر خوه ليما هل كوم وكوم
    انا قلبي بعد يقدر يدك البيد بلحاله
    واذا اسمي وصل للدنيا قبل لا القى الحياه بيوم
    ابتركها وانا اسمي يضرب التاريخ بأمثاله
    واذا ربعي وهم ربعي تناسوا حقي المهضوم
    بعيش اشره على قلبي قبل لا ارثي على حاله
    واذا كفي طعن كفي براس الخنجر المسموم
    بعرف ان النصيب اقرب من الرجال لظلاله
    مدام ان الزمن خلا الشجاع بوقتنا مهزوم
    اجل خلوا ضعيف النفس يكسر شره اشوا له
     
  2. أمير

    أمير ¬°•| عضو مميز جدا |•°¬

    يسلمووو ع القصيده الحلوه
    تقبلي مروري
     
  3. فـيـ الـكـعـبـي ـصـل

    فـيـ الـكـعـبـي ـصـل ¬°•|شاعر الشلّة |•°¬

    صح الله لسان ألشاعر ..
    قصيده جميله ..

    واشكرج أختي ع النقل الجميييل وربي يعطيج العافيه ..
     
  4. راعي الستيشن البني

    راعي الستيشن البني ¬°•| عضو مبتدى |•°¬

    صح السانك فيصل
    وتسلم علي القصيدة
     
  5. رايقه والناس طفشانه،،،،،

    رايقه والناس طفشانه،،،،، ¬°•| عضو مبتدى |•°¬

    مب جديد هالابدااااع على حامد زيد دومه مبدع ومتألق،،،:001::001:
    مشكوره اختي على الطرح الرائع....
    تقبلي مروري...:ijhu::ijhu:
     
  6. احاسيس الكون

    احاسيس الكون ¬°•| عضو مثالي |•°¬

    مشكورين ع المرور النايس
     
  7. مِـفآهيم ﭐلوفِـآ●∑™

    مِـفآهيم ﭐلوفِـآ●∑™ ¬°•| مشرفة سابقة |°¬

    صح لسان الشاعر حامد زيد

    يسلمو خيو على النقل :315921608f80a798bcc
     
  8. Queen Love

    Queen Love ✗ الفريق التطويري الأعلامي ✗

    صح لساانه حامد دائما متألق بقصائده

    شكرا ع الطرح الطيب
     
  9. الحراصي

    الحراصي ¬°•| فخر المنتدى |•°¬

    تسلمي اختي ع النقل
     

  10. صح لسانه حامد زيد

    يسلمو على الطرح المذهل
     
  11. الهاجس

    الهاجس ¬°•| حكاية تميز |•°¬

    تعودنا على حمل الجمايل والزعل واللوم
    ولا نرفض عتب غالي ولا نزعل من جداله



    ماشاءالله عليه هالشاعر
    دائما متألق بقصايده

    تسلمي على النقل الرائع
     
  12. احاسيس الكون

    احاسيس الكون ¬°•| عضو مثالي |•°¬

    تسسسسسلمووون على المروووَ رالغااويَ

    ^^
     

مشاركة هذه الصفحة