الفضايل

الموضوع في ',, البُريمِي لِـ/ للشٌعرٍوالْقصِيْد,,' بواسطة خاطر, بتاريخ ‏29 جويليه 2011.

  1. خاطر

    خاطر ¬°•| عضو مبتدى |•°¬

    أموت به وأحيا اذا ذعذع النود
    بنات فكري كل ابوهن اصايل
    """"""""""""""""""""""""""""""
    اذا دعيته هاجسي ينثر الجود
    نثر الهمايل في هجير القوايل

    يلين تحيا تربة النبت وتعود "
    ولين تشرب كل (مدني) و(حايل)

    أحب أهوجس بالشعر وين ما رود
    واحب أغطّي هامته بالجمايل

    واحب أصونه عن درب كل منقود
    واحب اوظّف فكرته للطوايل

    واشوف فيه الخل وعيونه السود !
    حبيبي اللي اعشقه وآتحايل

    بنيت له مرباع في شامخ الطود
    شرات شيخ في ذراه القبايل

    انا اشهد اني فيه ميّت ومحسود
    وانا اشهد انه فيّ سوّى عمايل !!!

    سلام يكفخ كفخ حر ومهدود
    يبوس موطا من يشل الفضايل

    المترف اللي بيني وبينه عهود
    ماهزّها صرف الزمن والعضايل


    أناظر الجوال وعيوني سهود
    أسج وشماغي من الهم مايل

    دخلت في النغمات أغيّر الكود
    عشان (اميّز) رنته في الرسايل

    خاطر
     
    آخر تعديل: ‏16 أوت 2011
  2. فـيـ الـكـعـبـي ـصـل

    فـيـ الـكـعـبـي ـصـل ¬°•|شاعر الشلّة |•°¬

    صح الله لسانك أخوي ع القصيده الجميييله .

    أبيات رائعه ..

    تقبل مروووري ..

    وننتظر الزوود ..
     
  3. عذب القوافي

    عذب القوافي ¬°•| مجموعة تفاعل لأجل البريمي|•°¬

    صح لسانك أخوي ع القصيده ولا هان قدرك
    ما شاء الله طلع شاعر يديد فبقعة الشعر
    كل التوفيق لك وربي يعافيك
    استمر يا شيخ والقلب داعيلك بالتوفيق
     
  4. نسايم ريف

    نسايم ريف ¬°•| شاعرة |•°¬

    الله الله ياخوي


    سلام يكفخ كفخ حر ومهدود
    يبوس موطا من يشل الفضايل



    صح الله لسانك وتسلم على القصيد القمه فالروعه

    ربي يعطيك العافيه وننتظر اليديد لاهنت
     
  5. المسماري

    المسماري ¬°•| شاعر|•°¬

    اذا دعيته هاجسي ينثر الجود
    نثر الهمايل في هجير القوايل

    يلين تحيا تربة النبت وتعود "
    ولين تشرب كل (مدني) و(حايل)


    صح لسانك اخوي

    قصيده جزله من شاعر جزل


    ومرحبابك اخوي ويانا ف قسم الشعر
     
  6. طلال الشامسي

    طلال الشامسي ¬°•| مُشْرِفْ سابق |•°¬

    يا راعي المعنى ويا راعي الجود

    ( بنات فكرك كل ابوهن اصايل )

    يا مرحبا من وين ما ينفح العود

    و من وين ما ترعي يذاع وحوايل




    ولا هنت يا النشمي على الفضايل ....

    انا اشهد انك جبتها من فوق ووجهك ابيض يا خاطر
     
  7. خاطر

    خاطر ¬°•| عضو مبتدى |•°¬

    لاهان من قال تسلم يا أخو شمّه
    ويسلم كل اعضاء المنتدى
     
  8. ضاوي

    ضاوي ¬°•| عضو فعّال |•°¬

    قصيدة جزلة لا أستطيع تقييمها لقوة صياغتها

    لا تعليق أكثر
     
  9. بو جسيمـ

    بو جسيمـ ¬°•| شاعر |•°¬

    ام العشارز حدهــــــــــآ حد معهود
    يشعق وادنق هـــامة سهيل طايل

    ما دامـ ضوه لابق الــــــيومـ مفرود
    حبج طويل ولا تعـــــــــــاني هوايل

    دوج اجرحي هالقلب من وين ماحود
    القلب صحرا ومــــــــــا تبين البزايل


    السموحه ع البيتين .. صح الله لسانك

    ف انتظار الزود شيخي ولا ترحمنـآ

    قصيد وافي .. فـ داعة الله

    تستاهل التقييم
     
  10. خاطر

    خاطر ¬°•| عضو مبتدى |•°¬

    أشكر الجميع وعسى نكون متواصلين دوم

    بوجسيم لاهنت على هالابيات

    مرحبا
     
  11. Queen Love

    Queen Love ✗ الفريق التطويري الأعلامي ✗

    صح الله منطووقك خيووو

    ابيات جميله تشكر عليها
    ونترقب الزوود منك
     
  12. خاطر

    خاطر ¬°•| عضو مبتدى |•°¬

    يسلم من قال ويسلم من رد

    ويعطيكم العافية
     

مشاركة هذه الصفحة