) ليست مظاهرة..)

الموضوع في 'جَامعة البُريمي | University of Buraimi' بواسطة ضيف البريمي, بتاريخ ‏27 جويليه 2011.

حالة الموضوع:
مغلق
  1. ضيف البريمي

    ضيف البريمي ¬°•| عضو فعّال |•°¬

    السلام عليكم ورحمة الله وبركاته
    رمضان مبارك
    شباب شابات الجامعة كيفكم؟

    عسااااكم بخير.......


    معظم الطلاب قدم ايلتس..

    ((الكل نجح))

    اللي 2.0 او 3.0 او 4.0 نجح

    بس المطلوب علينا 5.0

    هالمعدل الكل قاادر عليه

    ولا بعد ابشركم قاادرين طلاب جامعتنا ل6.0 واكثر



    ولكن....
    لم تتوفر اي عوامل مساعده للطلاب لتحقيق المعدل المرااد

    فلو كانت هناك بالجامعه عوااامل تساعدنا ااننا نييب 5.0

    كنا نيييب اكثر عنها..




    الدراسة>>>
    30% جيدة(ان لم تكن اقل)
    و
    70% سيئة جدا

    المعلمين>>>
    5% جيدين
    و
    95% سيئين (من ناحية التدريس)

    الادارة>>>
    95% ليست جيدة بل ممتازة
    و
    5% غير المنتظمين بنطاق العمل من نواحي اخرى

    مجلس الادارة>>اصحب الجامعه>>>
    90%(..........)
    و
    10% كفو عليهم



    المطلووووب الان::

    اجتماع طلاب الجامعة وخاااصى الشبااب لـ فعل شيء للتخفيف على الطلاب من الايلتس
    لا للالغاء لكن التعديل فـ المعدل ومراعاة الطلاب فيه..
     
  2. طهر

    طهر ¬°•| مشرفة سابقة |•°¬

    السّلآم عليكم ورحمَة الله وبركَـآته

    ف البدآية قبل لأ ابدى كلآمي [ عن تقولون اتفلسف ] اؤيد رايك
    وانهم يرآعونكم وينزلون المعدل وعقب سنة تمتحنون مرة 2

    بس هالشي تكلمنَـآ وتكلمتوآ فيه وآيد ..
    ومستحيل يصير هالشي ..

    ادرسوا وكثفوا جهودكم لان الدراسة الجآمعيه 80% تعتمد عليكم مب ع المحَـآضر
    جمعوآ ملفآت وتدربوا عليهن وصدقوني اموركم بتكون طيبه وف السليم
    لا تعتمدون كليا ع شرح المحآضر او ان هذا يشرح وهذا لا ..

    وطآري الإدآره مآخصها شي ف الموضوع [ شدخل الحآبل ب النآبل ]

    بداية الفصل اليـآي بيكون تسجيل لمقررات التخصص ومتطلبات الجآمعه
    طبعا ع حسب الخطه الدرآسية اللي بيحطونهَـآ العمدآء

    والسموحَه بس هذآ وآقع ولازم نرضى فيه :aza:


    [ تو بتنهَـآل علي dari dari da ]
     
  3. فرنكي مونكي

    فرنكي مونكي ¬°•| عضو مميز |•°¬

    انا وياك ف كل كلمه قلته وما بعارضك فشي

    نحن الا طلاب فونديشن وطالبين معدل فوق مستوانا

    يعني 5 وااايد علينا بصراحه ناس غيرنا دارسين م سنوات ولا يرومون يبون هالمعدل

    ما م حلات دراستهم عشان يطلبون هالمعدل

    رحمون الله يرحم حالكم

    بسني هذيك اليلسه الي يلسته ف الاختبار الين انكسر ظهري ما اريد اعيده :dead::dead:

    خفضو المعدل ع الاقل الين 4.5 والا 4 :banned:







     
  4. Heart-broken

    Heart-broken ¬°•| عضو مميز |•°¬



    :nocomennt::nocomennt::nocomennt:

     
  5. أحذر كل الحذر

    أحذر كل الحذر ¬°•| عضو مميز جدا |•°¬

    صبرو شوي باجر بمتحن ونسبه الي بيبها بنطالب الجامعه يخلونها النسبه المطلوبه عسب تدخل تخصص
     
  6. ŢħᴀᴙƂ ɅḽӎҘᴀηi

    ŢħᴀᴙƂ ɅḽӎҘᴀηi ¬°•| عضو مميز |•°¬

    ماظن هالشي بيصير خخخ نتمنى لكن ما ظن

    لن سمعت كلمه من واحد من مجلس ادارة الجامعه

    يقوول يوم طلبنا منه يخفض نسبة الايلس

    قااال الريال (( الي مب عايبتنه الجامعه وقوانينها يدور له جامعه ثانيه ))


    ههه فلا تحلمون بليز
     
  7. لون حياتك

    لون حياتك ¬°•| عضو مميز |•°¬

    صحيح نتمنى من الأشخاص المعنيين إنهم يقللو المعدل ع الأقل لين 4 ...
    لأنه نحنا طلاب فاونديشن يعني نعتبر طلاب متميزين لإنه |إلي جابوا 4 و 4.5 نسبتهم كبيره ...
    صدقها فرنكي تعبتنا هذيك الجلسه أنا شخصيا عورني ظهري ورقبتي من هذيك الجلسه وما أريد أجلسها مره ثانيه :facepalm:...
     
  8. توتة بغداد

    توتة بغداد ¬°•| عضو مميز جدا |•°¬

    السلام عليكم شخباركم يالطيبين الحين انا ابى اسالكم سؤال واحد نحن من الاصل ليش نمتحن الايلتس وليش طالبين منا هالمعدل ؟؟؟

    صدقوني صدقوني هذا كله لمصلحتنا تعرفوا متى نعرف هالشي الا يوم نتخرج نحس بس صدكوني هالشي سوه عشان يقونا اكثر واكثر ف اللغه الانكليزيه ونتم نعتمد ع حالنا وبعدين تخوي الاستاذ يجي يقول محاضرته وبيروح والاعتماد ع طالب اكثررر شي يعني ادرسوا عدل وان م جبتوا الدرجه عيدوا ما مشكله صح انه صعب مب سهل بس هاي الدراسه عيل شو نسوي ومطلوب منا هالشي عشان يم نتخرج نقدر نعتمد ع نفسنا بدون ما نحتاج ال احد
    اعتقد كلامي واضح والسموحه ع الاطاله
    اتمنى الموفقيه للجميييييع

    :imuae69:
     
  9. دموع الشوق

    دموع الشوق ¬°•| عضــو شرف |•°¬

    مرحبا ..

    تسلم أخونا ع الطرح ..

    أنا مع كلام أخوي بس مش كله طبعا في نقاط ما أيدهااا بالمره بس مش هذا موضوعنا >>


    يا جماعة لخير من طاقم أداري من مساتره من كل شخص يهمه امرنا في الجامعه نحن نطلب منكم تخفضون هذا المعدل الى 4 أو 4.5 مثل م قالوا الطلاب كونها أول سنه رحمووا حالنا والله م نبي نتغرب عن أهلنا أغلب الجامعات ياخذون IELTS في البكالوريس ونحن في التأسيسي عدونا و بنيب الدرجه المطلوبه أن شاء الله في التخصص وبعد أعلى عنها بأذن الله أما تقولون لنا عيدو انا م متقبله هاي شي الحين بعد الاحباط الي صابنا لكل ضغط علينا إنا نعيد لكن بدون لجواب الصمت هو جوابنا ..
    ويعني كل الطلاب الي عدوا ويابوا فايف هم هناك دنيا رح يبين في التخصص :dunno: ..

    م بزيد كلام لانه كثر الكلام ما منه فايده بس بقول ..

    أرجووووووووووكم من كل قلبي شوفوا لنا حل بهاي الموضوع يسر جميع الطلاب >>
    خصوصا الانسانه الي دايم تسهل أمورنا من أول م ينا الجامعه نشكرها من القلب ربي يحفظها رجيتج رجوه يا الغاليه ساعدونا ..
    ........

    :ashamed: :ashamed: :ashamed: :ashamed: :ashamed:
     
    آخر تعديل: ‏29 جويليه 2011
  10. دموع الشوق

    دموع الشوق ¬°•| عضــو شرف |•°¬




    السموحه أختي م شي مستحيل
    ما شي مستحيل
    ما شي مستحيل
    ما شي مستحيل
    ما شي مستحيل
     
  11. الأنين

    الأنين ¬°•| عضو مميز جدا |•°¬

    الله يكون بالعون,,,

    نحن نتمنى ينزلوا المعدل,,,

    و الله حراااااااااااااااااااااام

    إنزين سيروا وكلموا رئيس الجامعة,,,

    الله يعينكم,,
     
  12. عبدالرحمن الزيدي

    عبدالرحمن الزيدي ¬°•| عضو فعّال |•°¬

    مساء الخير

    ان شاء الله بيكون لي تعقيب على الموضوع
    بس حاليا انا داخل من الموبايل
    لي عوده والتعقيب على الموضوع
    والله يكتب اللي فيه خير للجميع باذن الله

    احتراماتي للجميع
     
  13. حتروووش

    حتروووش ¬°•| عضو مميز جدا |•°¬

    بسمـ الله الرحمن الرحيم

    السلامـ عليكم ورحمة الله وبركااااته


    تحيه وبعد ,,,,,





    موضوووع جميل ويهدف لمصلحة الجميع

    بس المفرووووض نحن ما نتدلع فهال الأموور

    مثلا " اللي يدور صلاه ما بتفوووته "


    نحن نبى نطلب الشي
    وإييبوولنا الطلبيه على صحن جاهز

    خفضوولنا درجة الاي لس

    خفضووولنا درجاات الامتحاانات

    الخ ,,,,,,,,


    وما تعرفو ان كل اللي يسوووه لمصلحتنا

    انا وياكـ ان طريقة تدريس المدرسين غير منتظمه وغير كفووءه

    والغلط هني

    ان معظمنا يعتمد ع طريقة شرح المدرس

    ليش ما نعتمد ع نفسنا

    مثلا

    نسير ونتعرف على ناس يتكلموو انجليزي ونتواصل وياهم

    نقرا كتب
    نحاول نفهم اللي مكتووب ولو كان شي بسيط

    محد يطلع من بطن امه وفاهم شي

    نتعلم حبه حبه

    لين ما نتقن الشي

    بس نحن فينا عياازه

    حتى ونحن فالكلاس نرمس بالعربي
    عيل كيف تبونا نتعلم انجلزي

    وسؤالي موجه للجميع !!!

    بعض الطلبه نجحوو فالامتحان

    ليش هم نجحو ونتو لا

    الجواب واااضح

    هم كان عندهم اراده بالنجااح
    بس غيرنا لا

    يبو الشي جاهز

    ومشكلة تخفيض الاي لس

    انتو اطلبوو شي صعب


    هاي مب قوانين الجامعه

    هاي قوانين يايه من الوزاره

    الجامعه ما تقدر تخفض الدرجه الا بأمر من جهه اعلى منها


    والاداره من بعد المظاهرات اللي استوت
    اظن انهم ما قصرو ويانا وشافو شغلم ومسؤولياتهم اللي تترتب فالجامعه
    وساعدوونا ووقفو ويانا

    ويزاهم الله 1000 خير
    بدوون ذكر اسامي

    مع انه في بعض التسيبات
    بس مع مروور الوقت كل شي بيتعدل


    واتمنالكم التوفيق في دراستكم وحيااتكم المستقبليه


    وسامحووني اذا كلامي أزعجكم

    بس هذا هوا الواااقع ,,,,




    تحيااااتي واحتراااامي ,,,
     
    آخر تعديل: ‏30 جويليه 2011
  14. أبيض وأسود$

    أبيض وأسود$ :: تـاجر معتمد::

    :nocomennt:

    وأخيرا حد بيتحرك...:aa_france2:


    :birthday:

    :026:

    :590:
     
  15. دموع الشوق

    دموع الشوق ¬°•| عضــو شرف |•°¬



    محاضره ليه
    مع احترامي لك أخوي اذا الموضوع مو عاجبك لا تدش عرض لاتخرب علينا خطوه كنا نحن نبيه اذا أنت م تريدها أمانه الانانيه م رح تنفعك ...

    ف خاطري وايد بس قابل رمضان خلنا ساكتين و لا نغلط ع أي عضو ...
    استغفر الله
    بس>>>:cry: :cry:
     
  16. دموع الشوق

    دموع الشوق ¬°•| عضــو شرف |•°¬

    صح ما انتبهت >>

    عــــــــــــاد نحن ندلع من حقنا ترى لجامعه مدلعتناا :gd:
     
  17. :banned::banned::banned:
     
  18. راعي الستيشن البني

    راعي الستيشن البني ¬°•| عضو مبتدى |•°¬

    سلام عليكم وانا معاك في كل كلمة قلتيها

    تحياتي راعي الستيشن
     
  19. قرصانة الجامعة

    قرصانة الجامعة ¬°•| عضو مبتدى |•°¬

    ايش ممكن نسوي اكثر من اللي سويناه.

    انا بروحي رحت للعميد وتكلمت وياه ع شان الآيلتس ف البدايه سمعني وتناقشنا وبعدها تم يتمصخر.

    ايش ممكن نقول غير الشكوي لغير الله مذلة.

    سووينا اللي علينا و الباقي ع الله.
     
  20. عسولة الجامعة

    عسولة الجامعة ¬°•| عضو مميز جدا |•°¬

    انا معاكم بس اختلف معاكم فشي واحد وهو الغاء الايلس لان الايلس من مصلحتة الطالب فنهاية لكن المطلوب من الجامعة تكتسب خبرة من الجامعات الثانية الي طلابهم ما يمتحنون الايلس الافتخصص لان عارفين رح يكون الامتحان بنسبالهم سهل وبوابة عبور للمجال الوظيفي لكن نحن لادرسنا شراتهم ولا اكتسبنا خبرة ولا شي انا معاكم مب ضدكم
     
حالة الموضوع:
مغلق

مشاركة هذه الصفحة