اسال الله العظيم رب العرش الكريم ان يتغمدها وجميع اموات المسلمين برحمتة وان يطيل اعمار امهاتكم انة سميع مجيب كم ياالغالي أنا بذكر = كم قلبي كم بيعاني كم قلبي كم يتحسر = (ع) فراقج يأمي الحــانـي اه من صبر بدا يكبر = وهم وسط الجوف يكواني صارت الدنيا بلا منظر = و الحياه الها طعم ثانـي ويل حالي كم بتصبر = كم من فرقاج بعانـي كل ضيقة بالصدر تجبر = بس ضيقة فرقتج ثانـي دمع عيني سال وتحدر = فوق خدي وحرق اوجانـي بعد أمي صرت متكدر = راحت اللي قلبها حانـي راحت وعيني لها تنظر = ما قدرت اردها ثانـي ليت بيدي شي ن او اقدر = بس لا حيله بالامكانـي أااه قلبي كم يتفطر = و الحزن والهم يكوانـي وغصة(ع) قلبي تسيطر = ودمع عيني سيل هتانـي تعرفون بغصة المنظر = يوم أمي بين لـ اكفانـي لاتـحدثنـي ولاتنـظر = ولابـلاقيها و تلـقانــي يحملوها أخواني وتظهر = ومابعد باشوفها ثانـي يااله الكون لي تـغفر = كـان أنا زليت بلسـانـي ما قصدت لحكمك اتنكر = راضية بالموت لويانـي أنت تأخذ وأنت لي تقدر = تأخذ وتعطى بميزانـي أنت ربي حكمتك أكبر = بالحياه والموت تبلانـي ترحمة عبدك ولة تغفر = وتمهله لو كان متوانـي وتبتلية ان يصبر ويشكر = (ع) الحزن والفرح سيانـي وأنا ربي (ع) القضا بصبر = صابره (ع) كل ما يانـي واطلبه ربي لها يغفر = وتسكن أمي روض لـ جنانـي وانتجاور بعدما نحشر = ونقتطف خوخن ورمانـي وين كل مانشتهي يحظر = فاكهه من كل الالوانـي ونرتشف من بارد الكوثر = نهر جاري بين الاجنانــي والروايح طيبها يحير = فلن ونرجس وريحانـي جنتن فيها النبي يحظر = ربي تجمعها مع أخوانـي
صح الله لسانج أختي ع القصيده .. وربي يرحمها ويغمد روحها الجنه .وربي يصبرج.. قصيده جدا جمييييله وأثرت فيني .. تابعي أختي ولج مني كل الشكر والتقدير على هذا التألق .. تقبلي مروووري وتستاهلي التقيييييم .
آآآمييين الغاليه وربي يرحمها ويرحم اموات المسلمين يارب صح لسانج اختي وربي يصبركم ويبقي كل أم لــ عيالها ان شاء الله
اللهم يا رحمان الدنيا والآخر ورحيمهما ارحمنا وارحم أمة محمد رحمة كافة تغنينا عن رحمة من سواك اللهم اغفر لحيينا وميتنا وشاهدنا وغائبنا كبيرنا وصغيرنا اللهم من احييته منا فاحييه على الإسلام . ومن توفيته منا فتوفاه على الإيمان . اللهم ارحمها رحمة واسعة وتغمده برحمتك اللهم ارحمها فوق الارض وتحت الارض ويوم العرض عليك . اللهم قها عذابك يوم تبعث عبادك . فراق الام ماروم اقول عنه شي الله يصبرج اختي
اللهم اجعل قبرها روضه من رياض الجنه واغفر لها وارحمها يا ارحم الراحمين صح الله لسانج اختي الغاليه الله يصبركم دمتي بهذا التميز تقبلي مروري المتواضع
أعذريني على تأخري، الله يجمعنا وأحبابنا في دار لا يبلى شبابهم أهلها، ولا ينقطع أكلها، دائم أكلها وظلها
الله الله ياسلام عليج اختي ادخلتيناا ف جو حزين .... ابصراحه القصيده روعه مب عليهاا كلام وموثره ف نفس الوقت عشت الجو الله يرحمهاا يالغاليه ويرحم جميع موتى المسلين ان شاءالله تكون اخر الاحزااان وتقبلي مروري
