الـأسرأإر الدفينه. فهد المسأإعد ~ْ

الموضوع في ',, البُريمِي لـ القَصائد المنقولة' بواسطة رحآيل, بتاريخ ‏19 جويليه 2011.

  1. رحآيل

    رحآيل ¬°•| مُشْرِفة سابقة |•°¬

    [​IMG]



    يا رفيف الماء .. وفجر العيـد .. وأحـزان الموانـي
    يا أكثر أهل الأرض طيبـة قلـب .. وأسـرار دفينـه

    المكان اللـي هنـا .. مليـان ضحكـات ، وأغانـي
    والكلام اللـي بغيـت أقـول .. يحتـاج ل سكينـه !

    شوفي الركن البعيـد هنـاك .. كنـه صـدر حانـي
    هـذا هـو اللـي يليـق ب شاعـر وبنـت حزينـه!


    أنسـي الشـارع ، وعتمـات الزوايـا، والمبـانـي
    هاتـي يدينـك نلـف الغيـم ونشـكـل مديـنـه !!

    عنـدي الليلـة كـلام وصمـت .. وأخـاف الثوانـي
    تظلمه .. أو تظلم اللـي فيـه كـم ضاعـت سنينـه


    بـس لازم تسمعـيـن الـلـي أبــي والا تـرانـي
    لو ب أعيده لك .. نسيت .. ورحت أقول اللـي تبينـه

    شي واحد قبل ما أبـدأ .. مـا أبـي أي شـي ثانـي
    يخطر ف بالك .. وأنا أكشف لك شعـور تجهلينـه !



    إن أنا .. وبكـل مـا تحملـه "أحبـك" مـن معانـي
    كنت،وراح أبقى أحبك .. لين .. مدري وش هو لينه !!

    بـس والله ماقـدرت أنسـى .. ولا همـي نسـانـي
    لا ذكـرت إنسـان .. فيـه أسـرار مابينـك وبينـه


    كـل مـا تطـري علـي فكـرة هـواك الأولانــي
    أشعـر إنـي أنطعـن مليـون مـره مـن يديـنـه!

    أشعـر إن عيونـك.. الله مـا خلقهـا إلا عشـانـي
    كيف كانت تبتسم لـه؟!.. قولـي إنـك تخدعينـه !!


    صورة إنه كـان يمسـح دمعـك .. تزلـزل كيانـي
    وكيف كـان يلـم شعـرك .. ويتبعثـر فـي يمينـه

    حتى اسمـك يـوم رحـت أدلله .. حظـي رمانـي..
    بنفس الاسم اللي يقـول .. بذمتـك ماهـي غبينـه !؟


    وكنـي اللـي .. كـل مـا أناديـك بالاسـم الفلانـي
    أطلـب النسيـان .. يتـرك منـه شـي تذكرينـه !!

    لا تظنينـي أنانـي .. لا .. أنـا مانـيـب أنـانـي
    لو سلمت من الغرق . ب أموت فـي ظهـر السفينـه!


    يا إني ما أكمل وأعانـي .. أو أكمـل ثـم أعانـي..
    كل ما اسمع طاري اسمه .. أو تجي عيني في عينـه!

    أينا كان الضحيـه ؟.. وأينـا اللـي كـان جانـي ؟
    مـدري !.. ولكـن قـراري لازم إنــك تقبليـنـه:



    مثـل مـا أكـره فكـرة إنـه واحـدٍ ياخـذ مكانـي
    ما أقدر أجلس في مكـان إنسـان.. كنتـي تعشقينـه!




    [​IMG]
     
  2. فـيـ الـكـعـبـي ـصـل

    فـيـ الـكـعـبـي ـصـل ¬°•|شاعر الشلّة |•°¬

    صح الله لسان الشاعر على هذه القصيده ..

    وتسلمين أختي على النقل الجمييل.
    وربي يعطيج العافيه .
     
  3. قصيده رائعه
    شكرا رحايل على النقل
     
  4. رحآيل

    رحآيل ¬°•| مُشْرِفة سابقة |•°¬

    أخواني فيصل والقلب والولهان
    تسلمون عالمور الطيب ..
    ويعطيكم العوافي ..


    ^^
     

مشاركة هذه الصفحة