تكفووووووون ابي حل لمشكلتي

الموضوع في ',, البُريمِي للِحِوار و النقَاشْ ,,' بواسطة جروحي خفايا روحي, بتاريخ ‏17 جويليه 2011.

حالة الموضوع:
مغلق
  1. جروحي خفايا روحي

    جروحي خفايا روحي ¬°•| عضو مميز جدا |•°¬

    السلاام عليكم شباب وصبايا
    اليوم حبيت اقول جزء من الهم الي اعانيه فحياتي اليوميه
    اهو انه الواحد لما يكون يتيم لا ام ولا اب ولا اخوان
    ويكون المسيطر والناهي العم
    حتى من ابسط الحقوق محروووومه
    ومن الحريه هم بعد محرووووومه
    وتصير حالها حال البشكاره
    وتبي تتخلص من هالقيود
    شلوووون توصل لحل يرضي الطرفين يرضي العم والبنت
    وتتخلص من الهم الي اهي فيه انتظر ردودكم
    انا بامس الحاجه لردود
    والسموووووحه من الجميع
     
  2. صـادق الـود

    صـادق الـود ¬°•| عضو مثالي |•°¬

    لاحول ولا قوه الا باالله

    الله يهديه لج إن شاء الله

    كلمي حد من اهلج تحسين فيه العقلانية والوعي

    يكلموا عمج عشان يحسن معاملته معاج

    ادعي ربج الله يفرج حالج

    وإذا ما حد من أهلج تحسين يقدر يكلمه

    مافي الا انج ترفعين يدج وتدعين لعمك بالهدايه وتستغفرين في اليوم على الاقل الف وتصلين قيام الليل وشوفي النتيجه

    ربي يسهل عليج إن شاءالله

    اكيد فيه سبب عشان يعاملج كذيه

    الله يهديه ويصلحه إن شاءالله

    ويفرج عليج يا رب
     
  3. عسولة كيوت

    عسولة كيوت ¬°•| عضو مثالي |•°¬

    والله خيتو مادري ش قولج في وايد نفس هاي المشاكل ف الحياة واكثر شي لما تكوني بنيه يعني ماعليج غير الصبر وربي يفرجها لج يارب
     
  4. بنت الحد

    بنت الحد موقوف

    حبيتي مالج الا رب الكـــون
    وربي سبحااانه اذا أحب عبده ابتلاااه
    سبحااان الله
    أكثري من الاستغفار فديتج
    وان شاء الله ما بنساج بدعيلج ف صلاتي

    والله ع الظالم ان شاء الله
    وصبري الصبر مفتاح الفرج

    وخذي نصيحة من اختج"أكثري الاستغفار والله له افضال عظيمة ما يعلمها الا ربنا وانا جربتها""

    السموحه ع الاطاله

    اختج ف الله:بنت الحد
     
  5. جروحي خفايا روحي

    جروحي خفايا روحي ¬°•| عضو مميز جدا |•°¬


    تسلم خيو ع الرد وعسب الاهل اهو العم الوحيد الي عندي والباقي عماتي
    فما اقدر اقول حق احد ومابي هم اشوه صورته جدام الناس ربك كريم
     
  6. جروحي خفايا روحي

    جروحي خفايا روحي ¬°•| عضو مميز جدا |•°¬

    ان شاء الله خيتو تسلمين ع المرور الطيب وكلاااامج الي يثلج الصدر
     
  7. جروحي خفايا روحي

    جروحي خفايا روحي ¬°•| عضو مميز جدا |•°¬

    ان شاء الله اختي ومشكووووره ع الرد الطيب وكلاااامج الجميل
    والسموووحه
     
  8. وفيت بإحساسي

    وفيت بإحساسي ¬°•| عضو مثالي |•°¬

    دلع الله يعينج بصراحه

    فديتج مالج الا رب الكون اكثري من الاستغفار وادعي ف كل صلاه وربي يسرلج

    بعدين لازم ماتياسين يمكن يكون هذا ابتلاء من رب العالمين يختبر فيه صبرج

    وان شاء الله انا مابنساج بالدعاء
     
  9. ‏ṜŏΌ7ŷ ť7ḃЌ ♥

    ‏ṜŏΌ7ŷ ť7ḃЌ ♥ ¬°•| عضو مميز |•°¬

    اختي دلع

    اول شي يفضل انك تكلميه شخصيا وتعرفي شو الاسباب في تعامله بهالصورة معاك

    وتحاولي انك توجدي حل وسط يرضيكم .


    اذا ما نفع تدخلي شخص كبير وعاقل وفاهم من العائلة

    ولا تظني انه فيه تشويه للصورة لانه الموضوع بينكم وانتوا عائلة وحده


    وقبل كل هالاشياء اصبري عليه وادعيله وادعي لنفسك

    الله ييسر امورك

    تقبلي مروري
     
  10. جروحي خفايا روحي

    جروحي خفايا روحي ¬°•| عضو مميز جدا |•°¬

    17 سنه وانا صااااابره وادعي ربي وتخيلي الحين يبي يحرمني من الدرااسه بس الله كبير
     
  11. طموح بلا حدود

    طموح بلا حدود ¬°•| عضو مميز جدا |•°¬

    عزيزتي الانسان ما يعرف حكمة الله في هذه الظروف اللي تعيشينها فتأكدي أن الله سبحانه وتعالى دايما أعلم بحالج ، فله المرد ، أما بالنسبة لعمج فتأكدي انه يبالج الخير وصدقيني أنك غاليه عنده مهما شفتي من تصرفات ترى والله بليل ما يقدر ينام وهو مزعلنج ، تقبلي مروي وانصحك بالمثل الطيب عايا بالطبيب .
     
  12. المسماري

    المسماري ¬°•| شاعر|•°¬

    الله يعينج اختي

    الله اذا ابتلى الانسان يحب يشوف عبده وهو صابر

    عليج بالاستغفار الاستغفار يفرج كل ضيق

    وادعي ربج دعوه صادقه

    وانشاء الله يفرج الله عليج وترتاحين
     
  13. جروحي خفايا روحي

    جروحي خفايا روحي ¬°•| عضو مميز جدا |•°¬



    اخوي اول شي اشكرك ع المرور الطيب
    ثاني شي اهو يعاملني جذي عسب الورث مايبيني اخذ ورث ابوي
    وانا مافيني ع عوار الراس بس ابي الراحه اول شي لاختي وعقب برتاح انا
    واهو عمي الوحيد وخوالي فبلااد ثانيه فما اقدر اقول لاحد ربك كريم
    دعولتك لنا
     
  14. هيبة بدو

    هيبة بدو ¬°•| αѕєєян•εïз•αℓαмαℓ|•°¬

    اذا جي حال البنت في بيت عمها شرات البشكاره

    من حقها اطالب بحقوقها كامله ولو وصلت لشرطه هذا الي انا اشوفه

    والقرار الاول ولاخير لها
     
  15. جروحي خفايا روحي

    جروحي خفايا روحي ¬°•| عضو مميز جدا |•°¬

    الحمدالله ع كل حال اخوي
    وانا ادري انه عمي يبيلي الخير بس مب هالاسلوب الصح الي يعاملني فيه الحين
    بعد ما كملت دراستي فالجامعه ومابقيلي شي يبيني اخليها واخلي الدراسه
    صعبه بس الله كبير ومشكور اخوي ع المرور الطيب
     
  16. جروحي خفايا روحي

    جروحي خفايا روحي ¬°•| عضو مميز جدا |•°¬

    ان شاء الله اخوي وتسلم ع المرور الطيب لا هنت
     
  17. جروحي خفايا روحي

    جروحي خفايا روحي ¬°•| عضو مميز جدا |•°¬

    الشرطه عااد لا مهما يكون هذا عمي ومستحيل انزل راسه بالارض لو شنو يصير
    عالعمووووم خيتو مشكووووره ع المرور الطيب لا هنتي
     
  18. ‏ṜŏΌ7ŷ ť7ḃЌ ♥

    ‏ṜŏΌ7ŷ ť7ḃЌ ♥ ¬°•| عضو مميز |•°¬

    اذا كان بسبب الميراث فما عنده الحق في هذه الشي

    ولكن بما اتك انتي تريدي الراحة

    ممكن ومثل ما قلتلك فالبداية

    تتناقشي معاه وتوصلو لحل وسط يرضيكم

    مثلا انكم تعطوه نسبة من الميراث وبذلك تكوني ارضيتيه وارتحتي

    او انك تدخلي اخوالك فالموضوع

    فالساكت عن الحق شيطان اخرس

    وانتي ما تطلبي اكثر من حقك

    معاملة طيبه وميراث ابوك الله يرحمه

    وهذا الشي من حقك
     
  19. شناصيه عسوله

    شناصيه عسوله ¬°•| للتميـز عنـوان |•°¬

    عليج بالدعااااااااااااااااااء,,, كثري منه وبتشوفي النتيجه,,,

    والإستغفار من تصبحين لين تمسين,,,

    وعسى ربي يفرج كربتج....
     
  20. جروحي خفايا روحي

    جروحي خفايا روحي ¬°•| عضو مميز جدا |•°¬



    عاااااااادي اعطيه كل شي واشتري راحتي وراحت اختي
    بس مهما سويت ما باليد حيله
    وخوالي قلت لك فدوله ثانيه
    ماينفع اقول لهم
    المهم انا سمعت عن لجنه الصلح الي سوها
    فالبريمي شلون اوصل لهم اذا تعرف وشلون سمعتهم اوكي
     
حالة الموضوع:
مغلق

مشاركة هذه الصفحة