موضوع موجه للمعلمين

الموضوع في ',, البُريمِي للِحِوار و النقَاشْ ,,' بواسطة سر النجاح, بتاريخ ‏12 جويليه 2011.

حالة الموضوع:
مغلق
  1. سر النجاح

    سر النجاح ¬°•| عضو مبتدى |•°¬

    مراحب

    الاخوه المعلمين هل ترضو ان ينظلم احد من اخوتكم في درجاته فالثانويه العامه بسبب التصحيح او رصد الدرجات اتقواالله مب المهم تخلصو تصحيح الاوراق بسرعه عشان ترتاحو من تصحيح الاوراق بسرعه شو ذنب بعض الطلبه يذاكرو وماخذين فالدرجات اللي من المعلم الدرجات النهائيه وفي النهايه لما تطلع نتائج الثانويه العامه الطالب يتفاجا من الدرجات اللي ماخذ صفر فالماده واللي ماخذ 2 واللي ماخذ 3 واللي ماخذ 4 واللي مب يعقل انه مب طالب واحد او 2 او 3 مجموعه من الطلبه اللي ماخذين هالدرجات بسبب ان المعلم يريد يتخلص من تصحيح الاوراق بسرعه وفالنهايه يكون الضحيه الطلبه عيل معقوله حد ياخذ فالماده صفر او 2 عاد صفر مره وحده يعني هذا الطالب مب دخل الاختبار ولا درس نهائيا
     
  2. سيادة الوزير

    سيادة الوزير ¬°•| عضو شرف |•°¬

    والله كلامك صدق بس شو نسوي الحمد لله على كل حال
     
  3. دندونة البريمي

    دندونة البريمي ¬°•| مُشرفَة سابقة|•°¬

    مامعقولة المعلم بلا ضمير ويسووي جيــه

    الا اذا الطالب ما حل الاختبار شو يسوي المعلم؟


    يزيده من عنده؟
     
  4. سر النجاح

    سر النجاح ¬°•| عضو مبتدى |•°¬

    هلا اختي دندونه

    هم صح مب كل المعلمين ومب من حق المعلم يعطي الطالب درجات من عنده بدون لا يجتهد الطالب انا وياج بس معقوله اكثر من طالب ماخذ 2 /3/4 انزين هاي بنعديها بس معقوله الطالب ماخذ من عند المعلم فالماده 25/30 وفي النهايه لمن تطلع النتايج يحصل نفسه ماخذ فالماده صفر من 100 شو تفسري هذا؟!
    صفر معناته انه هالطالب ما درس نهائيا
     
  5. جروحي خفايا روحي

    جروحي خفايا روحي ¬°•| عضو مميز جدا |•°¬

    اول شي احب اشكرك ع الطرح الجميل
    ثاني شي لا تنسى ان الله فوق كل شي اذا في معلمين ظلموا بس طالب الله يجازيهم
    صدقني الله يمهل ولا يهمل
    وانما الاعمال بنيات
     
  6. بنت البريمي

    بنت البريمي ¬°•| استغفر الله |•°¬

    دام انه محطيله صفر وعند المعلم 25 من 30 ,, الغلط مب من المعلمين في التصحيح ,,

    الغلط من اللي مدخلين الدرجات ’’
     
  7. عسولة كيوت

    عسولة كيوت ¬°•| عضو مثالي |•°¬

    الله يسامحهم بس


    شنقول من كثر مادعيت عليهم عاد مابقى دعاء ف خاطري

    الله يجازيهم يارب
     
  8. دندونة البريمي

    دندونة البريمي ¬°•| مُشرفَة سابقة|•°¬


    هلا اخـتي


    الغلط مب من المعلم لان عطاه الدرجــه


    راجعوهم بالوزارة وشوفواا كيف؟

    بس مايصير نقول على المعلم بلا ضمير
     
  9. بنت البريمي

    بنت البريمي ¬°•| استغفر الله |•°¬


    صح كلامج اختي ,,

    صح أنا ذكرت قبل الغلط يمكن من الكنترول في تدخيل الدرجات ,,

    لأن المعلم تهمه مصلحة الطالب ومستحيل يظلمه ,,

    أصلا المعلمين الدرجة اللي عندهم يحاولون يعطون الطالب اياها ,,
     
  10. حصر الحلا

    حصر الحلا :: صالون أميرة الأحلام::

    أنا أختي مدرسة ثانوية عامة و صححت أوراق الامتحانات

    تخيلوا عقب ما خلصو من التصحيح ب يومين بس

    طرشولهم رسايل من وزارة التربية

    يقولون انهم يبون يعيدون تصحيح أوراق الامتحانات لأنه فيه ناس متظلمين

    كلنا استغربنا!!!!!!!!!!!

    كيف ناس متظلمين والنتايج بعدها ما طلعت؟!!!!

    شغل واسطات ومنحنيات ويخربطون من عندهم

    وعسب يغطون على فضايحهم يعقون كل شي ع المدرسين اللي صلحوا الأوراق..

    أنا أقول أسوأ مدرسات ثانوية هن معلمات البريمي على مستوى السلطنة

    ليش دايما درجات البريمي أضعف درجات في عمان؟؟

    منهن الظالمات

    ما يشرحن زين

    ويتكاسلن في الشرح ويتأخرن

    لين الدروس تتراكم ع الطالب..


    بس الله فوق وما يظلم حد

    ولكل مجتهد نصيب
     
  11. حصر الحلا

    حصر الحلا :: صالون أميرة الأحلام::

    طبعا اختي مدرسة في مسقط مب هنيه

    أحسنلها:biggrin:
     
  12. بنت البريمي

    بنت البريمي ¬°•| استغفر الله |•°¬


    عفوا اختي على أي أساس تحكمين على معلمات البريمي !! انتي شفتيهن والا شو ؟؟

    لا تبنين أحكام باطلة وتظلمين الناس ,,

    الحمدلله معلمات البريمي مب مقصرات فيهن الخير والبركة ,, ويزاهن الله ألف خير عالجهود اللي يسونها ,,


    رجاء : اللي يتكلم يعرف شو يالس يقول مب يعق كلام أي شيء ,,

    والسموحة ,,
     
  13. حصر الحلا

    حصر الحلا :: صالون أميرة الأحلام::

    أنا مب يالسة أتبلى على حد

    أنا طول عمري في البريمي ودرست فيها لين تخرجت من الثانوية

    ومب أنا الوحيدة اللي أقول هالكلام

    سألي وبتعرفين
     
  14. بنت البريمي

    بنت البريمي ¬°•| استغفر الله |•°¬

    ما يحتاي اسأل لاني خريجة مدرسة آمنة وما قصرن المعلمات ويانا بشيء والحمدلله يبت معدل حلو لكن الاستهتار من الطالب نفسه ,,

    تبين تعرفين ليش درجات المناطق الثانية مرتفعة أكثر من البريمي أنا بقولج السبب ::

    اخوي صف 12 هالسنة ,, ويعرف طلاب من الباطنة والشرقية تعرفين شو هناك يغششونهم عشان جي النسب مرتفعة
    وهني في البريمي المعلمين عندهم ضمير المراقبة مشددة ,,

    ليش دايما ترجعون السبب من المعلم فيه وايد أسباب ,,
     
  15. حصر الحلا

    حصر الحلا :: صالون أميرة الأحلام::

    انتي تخرجتي بنسبة أوكيه

    وأنا الحمد نسبتي عالية وماعليها كلا

    لا تشوفين على طالبة وطالبتين و10

    شوفي كل سنة البنات اللي يتخرجن وشو مشاكلهن ويا المدرسة


    وهذا الكلام طالم اللي أنا قلته أولا عن تجربة شخصية

    وفي المنطقة التعليمية يشهدون بهالكلام

    بنت عم أبوي في الوزارة وبنسبة 86 بالمية الشكاوي عل تعليمية البريمي..


    يعني أنا ما تبليت على أي حد الحمدلله
     
    آخر تعديل بواسطة المشرف: ‏18 جويليه 2011
  16. خافق احساس

    خافق احساس الفرَيق الإدِاري إداري

    بسم الله الرحمن الرحيم
    السلام عليكم و رحمة الله و بركاتهـ"

    " اختلاف الراي لا يفسد في الود قضية "

    اتمنى الالتزام بقوانين القسم

    الادارة
     
  17. ناصر الخميساني

    ناصر الخميساني ¬°•| مُخرج |•°¬

    يرجى عدم التلفظ بالألفاظ السيئة
    ومتابعة الحوار بطريقة سليمة
    //

    لأنكم أساساً خرجتوا عن الموضوع الأصلي

    أختي حصر الحلا
    أنا لدي أخوات درسن في مدرسة آمنة
    ولا وحدة ذكرت هذا الكلام ، ولم يذكرن أيضاً أن في طالبات كانت تشتكي من المدرسات

    ،

    أتمنى عدم تعميم الكلام
    لأن
    أنا عندي من اهلي ٣ مدرسات ف المدرسة
    ومن المدرسات المتميزات

    ومحد اشتكى عليهن

    ^^"
     
حالة الموضوع:
مغلق

مشاركة هذه الصفحة